Muôz siêz tsôngv box li siêz xar por vêv truôx tul ntus đriv têz qơưk

Xã Krông Na, huyện Buôn Đôn, tỉnh Đăk Lăk muôx cêr ntus đriv zuôr xar 47 cei cêr đros tỉnh Mondulkiri ( têz qơưk Campuchia). Xã muôx 13 mênhx cxưx sik đros nhoz uô nênhx, hâur co phênhv ntâu zos mênhx cxưx ntơưv qơư. Ntâu chuôz zis muôx cưr tix nênhx tsa mul nhoz saz ntus đriv Campuchia viv li hâux lưv yax six mul lol seiz cưr tix nênhx tsa yax six muôx. Seiz car jông thax tsav, lưx lươngv Pênhz phax đros chinhr quyênx tiv phaz tưz mul txos têx jêx jos yax mông, heik kriê cêr chei, paz pox nhuôs muôz siêz siêz xar por vêv tsưr qênhx têz qơưk. Viv li, thâuv mul seiz cưr tix nênhx tsa saz đrâuv ntus đriv pox nhuôs tưz chuv tôngv mul heik canr bộ, chiến sĩ Zênhx pênhz phax. Zơưv Y Sao Me- Bí thư Đảng ủy xã Krông Na, huyện Buôn Đôn puz pâuz, uô Chei ntus đriv têz qơưk, pháp lệnh Bộ đội pênhz phax, tsôgnv box hâur xã li têx uô cxâuv lok cui chế ntus đriv tưz txu grês tsênhz mênhx. Thâuv pov muôx lênhx nênhs uô cxâuv txos txiv ngaz ntus đriv, tsôngv box tưz pov ciês trâu Bộ đội pênhz phax thiêz chinhr quyênx xã chiê yưr lir.

          “ Six hơưv zuôr txos pêz zuôr tror uô jông hâux lưv coar lik thiêz por vêv ntus đriv, ndêx đriv têz cux xưk li yax mông chiê tsôngv box ziv hnuz ziv pâuz tsênhz zuk li txơưx jênhv hâur hâux lưv por vêv tsưr qênhx ntus đriv têz qơưk”.

          Ntơưv huyện ntus đriv Ea Súp, đros hâux lưv paz huôv tsar kinh têr xã hội, têx cấp ủy Đảng, chinhr quyênx huyện thâuv tưs cux tsov cưv txos côngz xưv cxiv tsa thiêz por vêv tsưr qênhx txiv ngaz ntus đriv. Txos nhiv no têx xã ntus đriv huyện Ea Súp tưz yênhx lix têx tuêv chiv chir coar lik txiv ngaz jêx jos đros yênhx puôk lênhx nênhs cxaz chuôz tơưv txênhz phax tar nênhs phamv cxâuv thiêz tiv nanv xã hội. Cxôngx têx xor mông mak tsôngv box heik kriê trâu chinhr quyênx tiv phaz đros lưx lươngv pênhz phax tưz seiz car tâu qênhx shênhx nhiês mul đhâu ntus đriv tsi trơưk cêr, pov thiêz ntês têx lênhx nênhs ntor luôx jôngr, muôv muôs têx tsơưr zax zênhz sâuv thax tsav ntus đriv. Zơưv Nguyễn Văn Đông- Chủ tịch UB huyện Ea Súp heik:

          “ Hâur têx shôngk đhâu, tsôngv box mul đhâu ntus đriv phênhv ntâu zos ntor luôx jôngr thiêz ntês tuô tsiêx kuk. Pêz tưz đros pênhz phax xav tênhv iz cxiê lênhx nênhs uô cxâuv. Chiê txu grês qênhx shênhx tsôngv box uô cxâuv cui chế ntus đriv, pêz tưz tsưr tsix yax kriê đhâu loa nta suôz nhoz têx xã. Yuôr têx xã ntus đriv, pêz tsưr tsix têx jiês sik thav yax mông txos tsôngv box. Iz cxiê xã, pêz tsênhv krêz uô trâur nuv Tuêv pox niêv tsi uô cxâuv cui chế ntus đriv. Chênhr têx lênhx pox niêv no zuôr vênhv tôngv pox nhuôs, zuk tul txir thiêz mê nhuôs tsi nhiês mul đhâu ntus đriv, tsi uô cxâuv cui chế ntus đriv”.

          Chiê muôz siêz tsôngv box li siêz xar por vêv ntus đriv têz qơưk cov truôx tul, tỉnh Đăk Lăk tưz huiz tôngv yưv pênhr cxiv tsa 28 côngz tsinhx huôv tsar kinh têr xã hội, đros taz por côx phax txiv ngaz nhoz thax tsav ntus đriv, tas nro pênhr yưv uô zos 369 tỷ đeiv. Bộ đội pênhz phax sik côngv đros têx chiz coaz, taz viv cxiv tsa zuôr xar 200 luz tsêr jông siêz, “ Tsêr sor chiến sĩ nhoz ntus đriv”, “ Tsêr sor trâu nênhs pluôs nhoz ntus đriv”. Thôngx cxix huiz tôngv 12 cxênhz hnuz côngz uô lox tôngv xênhz yar, seiz njuôs moz, muôz yuôx tsi zuôr nhiêx txiêx trâu 14 cxênhz jiês tsôngv box. Canr bộ, chiến sĩ têx zênhx pênhz phax tưz vênhv tôngv yênhx puôk lênhx shux xênhz tso ntơưr tsês tror mul cơưv ntơưr, hâur co jênhv paz txưv 42 lênhx shux xênhz pluôs đros phênhv paz txưv zos iz lênhx shux xênhz 500 cxênhz iz luz hlik.

          Bộ đội pênhz phax tỉnh Đăk Lắk tưz paz txưv kôngz krâur, yuôx, chaz tênhv tênhz, cxiv tsêr uô côngz xưv trâu têx zênhx pênhz phax, Công an tỉnh Mondulkiri têz qơưk Campuchia đros tas nro pênhr zos zuôr xar 13 tỷ đeiv. Đại tá Phạm Quang Hùng- Chỉ huiz tsar Bộ đội pênhz phax Đăk Lăk puz pâuz, phuôx huiz tsôngv box li pưs txux hâur têx phongz yaox, huôx tôngv por vêv tsưr qênhx, txiv ngaz ntus đriv mak côngz xưv tơưv tsênhz phax tar têx zav nênhs phamv cxâuv, muôv muôs ntông, mul đhâu ntus đriv tsi trơưk cêr chei tưz tâu seiz car tir tar jông:

          “ Côx phax nhoz thax tsav ntus đriv truôx vênhs đuô, jông đuô, tsôngv box luz nênhx tâu muôz siêz, canr bộ, tsôngv box nhoz thax tsav ntus đriv li jênhv pâuz lok Đảng li têx chủ trương, cêr chei tâu muôz siêz. Tiv zix, lưx lươngv bộ đội pênhz phax tưz tâu yưv pênhr lok cxuô zav chiê ruôr por tsês têx nênhs fêv li têx tsưr ziv uô ruôr hiêv txos txiv ngaz ntus đriv têz qơưk, por vêv ntus đriv ngaz tul, truôx vênhs”.

          Đros chinhz yênhx sik đros nox, sik đros nhoz uô cê, sik đros uô cxuô luôk hâux lưv por vêv ntus đriv têz qơưk, bộ đội pênhz phax Đăk Lăk tưz gôngr phênhv đros thiêz tsôngv box thax tsav ntus đriv cxiv tsa, hlôngr yiêz, por vêv truôx vênhs đuô tsưr qênhx ntus đriv têz qơưk./.

                                        (VOVTN- Txâur Vax cxeik nhênhv)

KRUÔZ KRIÊ SÂU TSÊS TÊX HNAZ, HƯX TRÂU YUÔX POR VÊV ĐROX TSUÔS ĐHÂU SIR ZÔNGV TAS

Hlôngr suôz: Chi cục Chos kôngz lôngk thiêz Por vêv drox tsuôs tỉnh Sơn La pâur têx hnaz, hưx trâu yuôx por vêv đrox tsuôs chiê zuôr hax huv zav nox.

Chiê por vêv tênhv qơư, gra siêz pêx xênhv li jênhv pâuz hâur sir zôngv yuôx por vêv đrox tsuôs, Chi cục Chos kôngz lôngk thiêz Por vêv đrox tsuôs tỉnh Sơn La tưz tsưr tsix yax kriê lok pêx xênhv li txơưx jênhv hâur por vêv tênhv qơư, sâu têx têx hnaz, hưx trâu yuôx por vêv đrox tsuôs cov huv tsưr ziv, huv qơư tâu cuiz tênhv. Chi cục tsênhv kruôz kriê tsưr ziv sir zôngv yuôx por vêv đrox tsuôs cov huv yuôx, huv six hơưv thiêz huv tsưr ziv chiê phuôx huiz tâu chêx cur por vêv trâu tsoz chos, prr vêv tênhv qơư thiêz ngaz tuk têx kôngz nuv.

Tiv chôngz lênhx pêx xênhv li cor cav thâuv sir zôngv yuôx por vêv đrox tsuôs, têx hnaz, hưx zôngv tas muôz por tsês chuôs tsi trâu cxiê qơư ntơưv têx têz, kror noz tưz uô phiv liv ntâu txos tênhv qơư cux xưk li pêx xênhv đas jos. Đros qênhx shênhx co, Chi cục chos kôngz lôngk thiêz por vêv đrox tsuôs tưz tsưr tsix uô tsaz yênhx pâur têx hnaz, hưx trâu yuôx por vêv đrox tsuôs đhâu sir zôngv tas zuôr hax huv zav nox. Thôngx cxix, pâur mì chính, trox nox thiêz thax njêr trâu pêx xênhv chiê zuôr têx vuôz tsuôz zos têx hnaz, hưx trâu yuôx por vêv đrox tsuôs đhâu sir zôngv tas chiê sâu tsês, xưv lik huv tsưr ziv. Đhâu 1 hli kriz uô, txos hnuz 15/9, Chu cục Chos kôngz lôngk thiêz Por vêv đrox tsuôs tỉnh Sơn La tưz sâu tâu 8 tấn hnaz, hưx trâu yuôx por vêv đrox tsuôs chiê muôz phâuk, hlơưr por tsês./.

Nhạc cắt

Hlôngr suôz: “Đề án Sêiz car, sâu tsês, phâuk hlơưr por tsês têx hnaz, hưx trâu yuôx por vêv đrox tsuôs đhâu sir zôngv tas tỉnh Sơn La ntu 2018-2020” hâur shông 2019, 2020 zuôr tsêx trung uô têx tsênhv njiêz li đrav kaz:

Shông 2019:

- Yax kriê sâuv têx chuôz zênhx thôngz xor mông, cxiv uô fiêx, ntâuz ntơưr; tsưr tsix kruôz kriê sâu tsês têx hazn, hưx trâu yuôx por vêv đrox tsuôs đhâu sir zôngv tas ntơưv têx qơưk tưz cxiv tsa uô qơư trâu têx hnaz hưx co.

- Cxiv uô qơư sâu tsês, thax tsav ntơưv têx huyện: Sông Mã, Phù Yên, Mai Sơn, Thuận Châu, Yên Châu; têx Hợp tác xã tưz tâu cungz mã số thax tsav chos, têx Hợp tác xã tưz uô lơưr tsưr ziv VietGAP thiêz têx xã njuôk xav tax ploz tsênhr jêx jok yiêz shông 2019.

- Tsưr tsix sâu tsês têx hnaz, hưx trâu yuôx por vêv đrox tsuôs ntơưv têx qơư tsês tsik so 2 jiês iz shông, tsưr tsix xưv lik hlơưr, phâuk por tsês 1 jiês iz shông.

- Ntâuk gri uô siv sâu tsês têx hnaz, hưx trâu yuôx por vêv đrox tsuôs trâu hâur têx chêix jêx jok, tiểu khu, têx qơư nhoz thax tsav pêv hâur đêx.

Shông 2020:

- Tror sir jos yax kriê sâuv têx chuôz zênhx thôngz xor mông, cxiv uô fiêx, ntâuz ntơưr hêik pâuz; tsưr tsix kruôz kriê sâu tsês têx hnaz, hưx trâu yuôx por vêv đrox tsuôs đhâu sir zôngv tas ntơưv têx qơư tưz cxiv uô qơư trâu tsês chiê.

- Cxiv uô qơư tsês chiê ntơưv têx huyện tsênhv yuôr: Mường La, Sốp Cộp, Vân Hồ, Bắc Yên, Quỳnh Nhai têx Hợp tác xã tưz tâu cungz mã số thax tsav chos, têx Hợp tác xã tưz uô lơưr ploz tsênhr VietGAP thiêz têx xã njuôk xav tax ploz tsênhr jêx jok yiêz shông 2020.

- Tsưr tsix sâu tsês, xưv lik, phâuk hlơưr por tsês têx hnaz hưx trâu yuôx por vêv đrox tsuôs ntơưv têx qơư sâu tsês tsik so 2 jiês iz shông, tsưr tsix phâuk, hlơưr por tsês 1 jiês iz shông.

- Tsưr tsix ntâuk gri hâux lưv kriz uô đề án, Hêik trâu UBND tỉnh pâuz./.

                                                        (Bích Thủy-Lik Thox cxêik nhênhv)