Zav nox kaz grêix buô ndu, cxiêz hâur tos trax shôngz

  Cê sêiz đrơưv muôz chor grêix buô tor shơư đros cxuô zav txux lov tưz tâu bax uô ntêx, pos Trần Thị Kim Liên, nênhs uô jâuz mor nox ntơưv qơư du lịch Ko Tam (thành phố Buôn Ma Thuột, tỉnh Đắk Lắk) puz pâuz, zav nox no muôx têx kror uô chênhr zos grêix buô têz txuôv thiêz cxuô zav txuz lov txơưr. Hâur co, tsuv muôx cuô txoz, hưx txoz njuôz… Lơưr pos Liên, zav nox no mak tsik tas uô ntâu kror taz sik tsuv uô jông uô mak thiêz kaz: “Grêix mak tsuv yiêz jông, muôx grêix tros, grêix njir, tơưr siz shơư đros hur si mak thiêx kaz. Thiêz trax shôngz lok cux tsuv zos chor shông nhôngk nhiv kruôr txiêr lok, zos muôx nênhs xar nox mak thâuv têis cik sơưr nzor zuk mav muk txiêr shôngz thâuv co shông thiêx tsư kaz thiêz thâuv muôz cxiêz mak chor grêix thiêx tsư kaz thiêz kaz jông”.

          Đhâu thâuv muôz txux lov đo shơư trâu chor grêix tsês muôx 15 phênhz, chor grêix buô co tâu muôz ntiv trâu hâur tos trax shôngz, thiêz muôx blôngx tsơưs njơư pêv hâu trax thiêz muôz cxiêx sâuv chuz tơưl muôx nhos iz six hơưv.

Zos cxiêz sâuv têx kror chuz mak thâuv cxiêz, nênhs cxiêz tsuv muôz tos trax shôngz tis tsik so cov chor grêix siêr jông tas hur si taz sik tsik trâus cuz hnhiêz. Thâuv luz trax shôngz tưz đax tas thiêz muôx njil cuz hniêz, hnor grêix tsư kaz chuôs tsi mak zos chor grêix tưz siêr lơưv. Niêv tix Nguyễn Thị Hòa Bão, nhoz thị trấn Quảng Phú, huyện Cư Mgar, tỉnh Đắk Lắk, thâuv nox tâu zav nox no hêik pâuz: “Zav nox no muôx iz kror kaz txơưr nhoz Tây Nguyên, nox mak lok six kaz. Cxuô zav txux lov thơưv trâu chor grêix tas hur si, viv li thâuv nox tâu mak kaz lơưv iz zav cux tsik pâuz hêik li chak hlo”.

          Lơưr pos Nguyễn Thị Ngọc Anh, Chủ tịch Hội đồng quản trị Công ty Du lịch sinh thái, vênhx huôv côngv thôngx Ko Tam, zav nox grêix buô ndu, cxiêz hâur tos trax shông no tâu uô lơưr nênhs Ê Đê ntơưv Đắk Lắk li tsưr ziv uô cxôngx nzor thiêz tâu đo shơư cxuô zav zênhx muôx ntơưv qơư, viv li nưk kaz lơưv nưk iz zav mak tsuôk nhoz ntơưv no thiêx muôx xưz. “Tỉnh cux tưz hêik pâuz Đắk Lắk têx zav nox kaz thiêz Viện Kỷ lục tưz chiê nênhs tuôx qênhz yuôx, nriêr pâuz lok six ntâu jiês thiêz đhâu co muôx hêik pâuz thiêz cuêz tênhv lok zav nox grêix buô ndu, cxiêz hâur tos trax shông. Ciês zav nox no mak cur lok six shir phaz thiêz jông siêz thiêz pêz xar tiêk thâuv uô du lịch mak tsuv muôx iz zav nox kaz ntơưv zuk thax tsav qơư thiêz tsuv tuôr chiê jông têx kror zênhx muôx ntơưv zuk qơư nho no”.

          Đros trâu zav nox mor trax shôngz grêix kêiz cxiêz tâu xav zos Việt Nam li têx zav nox kaz hâur 100 zav nox kaz (ntu 2011-2016), txos nhiv no tỉnh Đắk Lắk tưz muôx 2 zav nox kaz hâur Việt Nam li 100 zav nox kaz. Đros co, hâur têx shông jê lok no, cxuô zav nox tâu uô txix cxuô mênhx cxưx li têx zênhx muôx ntơưv qơư xưk li cuô kêiz iêz, cxuô zav nox txix krưr têx blôngx cxiêz, ndu…tâu uô nox ziv hnuz ziv ntâu hâur chor qơư uô jâuz mor nox thiêz tâu tsôngv kruô lok six nhiêv. Txix têx zênhx muôx thiêz tsưr ziv uô nox txix cxôngx nzor lok, chôngz lênhx nênhs tưz txơưx uô cov huv đros trâu tsôngv kruô li siêz nhiêv nox, paz muôx tâu ntâu zav nox sik txơưr taz sik cux tsik uô pôngz plox cxuô mênhx cxưx ntơưv thax tsav qơư li chor zav nox co têx kror kaz zênhx muôx txix ntêr lok./

                             (TTTN-Lik Thox cxêik nhênhv)

Quảng Ninh:Uô truôx luôs hâux lưv tir thêir caz

moz gênhk-tror huôv tsar du lix

Hâur oz ciêz đhâu lok no, tâu tso chêi tror kriz kror trôngx chiê tok tsôngv kruô du lix, ntơưv qơư tsar yêz gox đêx hiêr ntiêx têz Tuần Châu, tsuôk muôx kruô tuôx ndis uô si sêiz shuôk têz qơưs hâur têx hnuz kaz ciêz muôx nhos 150 lênhx iz hnuz. Tix lâus Nguyễn Thanh Tùng, nhoz phường Bạch Đằng, thành phố Hạ Long đros 20 lênhx fôngx zưs xêir tsov qơư vịnh Hạ Long  tuôx ndis uô si sêiz shuôk têz qơưs đhâu ntâu hnuz nhoz hâur tsêr tir thêir caz moz gênhk: "Chiê cxơưz cxiz huôv tsar du lix, hnuz no pêz xar muk sêiz shuôk Vịnh Hạ Long, viv pêz cơư kror trôngx tâu iz ntu ntêr, tok njôngr cov caz moz gênhk đhâu muk sêi chiê cxuô lênhx sđ tâu  muk uô si, sêiz shuôk têz qơưs. Pêz chor kruô  tuôx sêiz shuôk têz qơưs hnuz no, iz đraz tưz cxax tas côngz yuôx vác xin tir thêir caz moz thiêz sđ puôr lênhx uô trơưk cxuô faz tsưr ziv tir thêir caz moz gênhk. Hâur ntu zuôr txos, pêz tsênhv zuôr muk uô si trâu poz hiêr Cô Tô thiêz."

          Chiê tror huôv tsar du lix hâur têx luz hli kaz shông no, tỉnh Quảng Ninh zuôr kriz 50 jiês cơưv cxơưz cxiz huôv tsar du lix. Đhâu ciês tỉnh tso tơưv luôs hâux lưv hâur hnuz xiêz 2/10, Hiệp hội du lix tỉnh Quảng Ninh tưz muk sêiz shuôk cxuô qơư ndis uô si hâur thax tsav Vịnh Hạ Long, cxiv kho đuô cxuô qơư ndis uô si chiê tok tsôngv kruô. Zơưv Nguyễn Thế Huệ, Phó Chủ tịch Hiệp hội du lix Quảng Ninh shir phaz lul heeik:" Pêz tsưr tsix trâu cxuô đơn vị, cxuô doanh nghiệp cxiv kho đuô têx tsêr tok kruô, qơư zuôr muôs cxuô zav nox chiê tok tsôngv kruô hâur pêz têz qơưs thiêz kruô oz chas têz qơưs tuôx ndis uô si"

           Tror kriz huôv tsar du lix hâur ntu caz moz Covid-19 txo grêk tsơưs jux juk, ngênhx du lix Quảng Ninh cxơưz cxiz cxuô đơn vị chox tsôngv kruô ndis uô si hâur têx poz hiêr jông jav thiêz choz hâux lưv txuôk đros hâu nov cxuô tsênhv qơư hâur thax tsav ndis shuôk têz qơưs. Chiê tok cov tâu 1,2 triệu lênhx kruô tuôx sêiz shuôk têz qơưs trâu kaz shông no, Quảng Ninh tsênhv zuôr kriz đar cxuô qơư tok kruô, qênhz njuôk shuôk caz moz. Zơưv Phạm Ngọc Thủy, Giám đốc Sở du lix tỉnh Quảng Ninh hêik pâuz nzir: "Pêz tsênhv zuôr đros thành phố Hải phòng cxiv tsa cxuô luôs hâux lưv uô cov tsênhz mênhx, thôngx ziv sêiz car chêx chôngk trâu oz tsênhv qơư chiê tsôngv kruô muk lok đhâu. Uô ntêx tsuv tâu cxax yuôx vắc xin thiêz siv caz moz Covid-19”

          Đhâu 3 jiês tror kriz kror trôngx huôv tsar du lix trâu tsôngv kruô ndis uô si sêiz shuôk têz qơưs, đhâu tov kaz caz moz Covid-19 huôv xênhz phiv liv; hâur jiês tror kriz kror trôngx no, tỉnh Quảng Ninh, tưz tso tơưv cxuô luôs hâux lưv uô truôx huv đros huôv tsar du lix-cê qênhz yuôx, tir thêir cov tâu caz moz gênhk. Ntơư zos Bí thư tỉnh ủy Quảng Ninh Nguyễn Xuân Ký têx luk hêik hâur jiês cơưv tror huôv tsar du lix hâur ntu yiêz tsik chiê cxuô thax tsav qơư jông jav ndis uô si sêiz shuôk têz qơưs trâus cơư kror trôngx./.

                               Tsu cxêik nhênhv- Vũ Thị Miền-CQTT Đông Bắc