Ntâu shông muk lok tus qox đêi, pêx xênhv Bó Sinh tok njôngr muôx iz tus qox khor truôx muk lok đhâu đêx sông Mã

Tuk qox đêi lav uô txuôk txix txos cêr 12 muk đhâu tuk đêx sông Mã trâu 3 luz jok: Pá Khoang, Hin Hụ thiêz jok Ngày, xar Bó Sinh, huyện Sông Mã (Sơn La) tưz tâu uô txix ntâu shông lok no. Tuk qox tâu uô txix têx shôngz ntông ntêr xar muôx 120 thiêr. Chiê paz tuôr tâu khor truôx iz cxiê ntu trâu tuk qox, pêx xênhv tưz cxiv uô ndêx oz saz ntus đêx thiêz zôngv chor xor hlâu chaz đhâu đêx paz khi tuôr tuk qox cov truôx. Njiê mak chuôs li khor kho, taz sik muk lok đhâu tuk qox no cux lok six phiv liv thiêz riêz nênhs. tsênhz tiês, cux muôx yưv chor txuz txiêz nanv trâus pôngz đêx ntơưv têx qox no. Zơưv Lò Văn Nguyên, Bí thư chi bộ, uô tsar jok Ngày, xar Bó Sinh, huyện Sông Mã, tỉnh Sơn La puz pâuz:

“Jê lok no mak cux tưz muôx iz lênhx nênhs nhoz jok Pá Khoang trâus pôngz qox thiêz trâus tuôs, hok lênhx nênhs tiv oz mak zos iz lênhx nhuôs nxêik muôx 5 shông trâus pôngz qox cux trâus tuôs thiêz. Đhâu muôx  yưv oz txuz txiêz nanv li co, chi ủy, chi bộ cux cơưv thôngx ziv ban sêiz car jêx jok hêik pox nhuôs sơưr đơưk đros uô qox, tas nro chor nhiêx txiêx chiê uô tus qox đêi muk lok no tas muôx 230 triệu đêiv ntâu zos pêx xênhv sơưr đơưk sik côngv paz, tuk qox no mak lav uô chiê pox nhuôs muk lok đhâu đêx xưz, hok thâux xa hax huv thiêz muk lok đhâu đêx li no mak cux tsênhv yuôr ntâu kror phiv liv riêz nênhs”.

Kror yênhx hnuz tsuv muk lok đhâu sâuv chor qox lav uô li no, tiv zix zos tưz muôx chor nênhs trâus pôngz qox trâu hâur đêx thiêz trâus tuôs, uô trâu chôngz lênhx nênhs lok six cxơưx. Niêv tix Lèo Thị Lượng nhoz jok Ngày, xar Bó Sinh, huyện Sông Mã hêik:

“Pêz nhoz ntơưv no mak txov nhêv thiêz phiv liv hênhr, lok six vav tiêk têz qơưk zuôr paz cxiv uô iz tuk qox khor truôx jông chiê sơưr đơưk muk lok zôngx ziv thiêz ngaz tuk đuô”.

Zơưv Lò Văn Nguyên, Bí thư Chi bộ uô tsar jok Ngày, xar Bó Sinh puz pâuz nzir:

“Chi ủy, Chi bộ cux tưz hêik cov paz uô qox kuôk no muôx 5 shông mak Đảng, têz qơưk cux hêik paz uô iz tuk qox hlâu muk đhâu ntơưv jok Ngày, xar Bó Sinh đros trâu jok Huổi Púng, xar Chiềng En. Taz sik doanh nghiệp uô ho njiz trâus phiv liv nhoz tos tơư qox saz đêx ar jok Huổi Púng, xar Chiềng En, viv li dự án tsuv tso tsês thiêz yêv muk uô trâu kror qơư txơưr lơưv”.

Xar Bó Sinh muôx 16 jêx jok mak muôx txos 12 jêx jok nhoz trơưk ntux đêx sông Mã. Chiê muk lok zôngx ziv đuô, pêx xênhv ntâu jêx jok tưz lav uô têx tuk qox sâuv blêiv đêx chiê lav muk lok đhâu đêx. Zơưv Lò Văn Hạnh, Chủ tịch Ủy ban xar Bó Sinh puz pâuz, xar tưz cxiv tsa tsưr ziv thiêz tsik so hêik trâu cấp muôx vax huôv pâuz sêiz shuôk, yưv pênhr uô qox ntơưv jok Ngày chiê paz trâu pêx xênhv muk lok thiêz thâux xa hax huv tâu zôngx ziv đuô, taz sik txos nhiv no cux tsik tâu pov kriz uô hlo:

“Ủy ban xar tưz côngv đros chor jêx jok kho đuô têx qox, taz sik yênhx hnuz pox nhuôs muk lok đhâu mak cux njiz ntâu kror phiv liv, cêr mak zos cêr ar xưz lok six txov thâuv txos chêix ntux nas chuô, chuôs li têx hax huv uz no mak zuôr thâux xa tsik tâu muk đhâu đêx”.

Xar Bó Sinh hêik taz, huyện ntus đriv Sông Mã hêik cxuô, kinh têr-xar hôiv tsênhv yuôr ntâu phiv liv. Iz chas sir jos chiê cov huôv tsar, cấp ủy, chính quyền thiêz pêx xênhv nhoz ntơưv no cux tok njôngr cov muôx tâu iz tus qox khor truôx chiê pêx xênhv zôngx ziv huôv tsar cêr uô nox, thâux xa hax huv muk lok đhâu  đêx sông Mã, txix co paz trâu kinh têr-xar hôiv ntơưv thax tsav qơư huôv tsar đuô./.

(TTTB-Lik Thox cxêik nhênhv)

PHÊNHV POR VÊV THIÊZ HUÔV TSAR JÔNGR

Grê 63: Lênhx nênhs, tsưr ziv thêv thiêz coar lik sir zôngv nhiêx txiêx jix vuv tênhx qơư jôngr

          1. Lênhx nênhs tâu thêv nhiêx txiêx jix vuv tênhx qơư jôngr zos:

          a) Tsưr jôngr tâu cui  tênhv ntơưv Grê 8 Chei no;

          b) Tsưr tsix, ziv chuôz zis, lênhx nênhs, côngv thôngx tsôngv box muôx hôx thôngx jênhv por vêv thiêz huôv tsar jôngr đros tsưr jôngr zos tsưr tsix tâu têz qơưk yênhx lix;

          c) UB cấp xã thiêz tsưr tsix txơưr tâu têz qơưk choz txơưx jênhv coar lik jôngr lơưr pháp luật li cui tênhv

          2. Lênhx nênhs tsuv thêv nhiêx txiêx jix vuv tênhx qơư jôngr tâu cui tênhv li đrav kaz:

          a) Qơư uô đêx tênhv tsuv thêv nhiêx txiêx jix vuv por vêv ar, txu grês ar poz...hâur pas đêx, tul đêx chiê tuôr truôx hâux lưv tsiv uô tênhv tênhz;

          b) Qơư cungz đêx hur tsiv thêv nhiêx txiêx jix vuv lok hâux lưv sir zôngv hâur đêx chiê uô yênhx đêx hur;

          c) Qơư uô công nghiệp tsuv thêv nhiêx txiêx jix vuv sir zôngv hâur đêx uô công nghiệp;

          d) Tsưr tsix, lênhx nênhs uô jix vuv ndis shuôk uô si, nhoz so tsuv thêv nhiêx txiêx jix vuv por vêv trôngz jôngr ntông;

          đ) Tsưr tsix, lênhx nênhs huôx tôngv tsiv uô, muôv muôs uô muôx yưv têx kiês nênhs tênhx qơư tsuv thêv nhiêx txiêx jix vuv por vêv jôngr;

          e) Qơư tu zus shuôz njês tsuv thêv nhiêx txiêx jix vuv cungz qơư, nôngz shuôz njês, hâur đêx thiêz têx txix tênhx qơư, jôngr ntông chiê tu zus shuôz njês;

          g) Têx lênhx nênhs txơưr lơưr pháp luật li cui tênhv./.

(Tuyết Lan-Txâur Vax cxeik nhênhv)