Jax sâu thưr 4 hnuz xiêz 9/12/2015

Gia Lai: Tiv li chak cêr muk lok hâur jêx jok nhiv kruôr uô tâu tưz tsik jông tas

Jok Phu Ama Miêng, Ia Rtô li txox cêr hâur jok txuôk txox cêr 25 txos trâu 100 ntâu chuôz zis hâur jok li thax tsav uô xênhz yar. Nhiv kruôr tâu uô tiêr 4 shông lok no, taz sik plas cêr chuôs li tưz puôk tsuôx xar tas, uô muôx pa ar pâus trâu chor hnuz yar ntux thiêz bluô thâuv txos ntux nas. Niêv tix Rah Lan Chuýt, pêx xênhv hâur jok Phu Ama Miêng puz pâuz:

Băng: “Cur chuôz zis muk uô liêx têz tsik so, hnuz tưs cux muk, thâux blêx, poz cưk mak tos cux ntâu. Cêr lơưr uô tâu tsik taz por hlo, tsik muôx poz jêz, zos suôz jêz xưz, muk lok mak phiv liv, yar ntux mak pâus pa ar, lok nas mak gok bluô”.

Cêr nhiv kruôr uô tâu tưz tsik jông tas, muôx nhoz tas nro trâu jêx jok hâur xã Ia Rtô, thị xã A Yun Pa, đros kror piêv cxuô zos plas cêr trâus tơưs poz, uô phiv liv txos muk lok. Kror tsuv hêik zos, thâuv thav txos vênhv thix no, iz hâur chor nênhs hlôngr njêx muôs tsưr yưv pênhr, zơưv Phan Tấn Sỹ, phưv chủ tịch UBND xã Ia Rtô ho tsik jênhv kror tsênhv tsênhz, hêik tiêk, cêr piêv cux tsik ntâu luôx tưs. Txos thâuv phóng viên muôz têx đuôz cxêik tâu lok sêiz, mak zơưv Sỹ hêik tiêk, kror no zos tiv pêx xênhv nhoz tiv phaz:

Băng: “Qir tiv cêr tsik jông zos tiv pêx xênhv zôngv yêz công nông muk lok uô trâu chor cêr poz tơưs tas. Co zos tiv pêx xênhv sêiz shuôk tsik tâu. Zos huv ploz tsênhr mak li co cux uô cêr tsik jông. Shông no đhâu shông tor cêr cux zuôr puôk tas xưz”.

Chor côngz trinhx zos chính quyền xã cê uô tsưr yưv pênhr, cê uô tsưr yưv pênhr cê sêiz shuôk uô ho uô trâu têx jêx jok hax zav tsik jông đuô. Hok pêx xênhv mak tsik so muôx luk nus lok chor cêr tsik taz por no. Tix lâus A Thon, lênhx pêx xênhv muôx tsêr nhoz jê txox cêr muk hâur jok Phu Ma Nher hêik:

Băng: “Trâus piêv zos tiv lơưr uo lơưr tsik cxuz ar trâu oz saz, thâuv ntux nas lok cuổ ar oz saz to toz uô trâu chor bê tông trâus poz. Zos têx yêz zâu mak muk tâu, yêz công nông thâux mê njik đra xưz cux piêv. Kror co mak zos tiv nênhs uô thiêz tsơưr lươngv uô tsik jông”.

Tsuv tok txos thâuv cơ quan txơưx jênhv thị xã Ayun Pa lok sik tỉnh Gia Lai cêir chêx, thiêx têz tâu tsênhz tiêk, cêr muk lok nhoz xa Ia Rtô trâus puôk piêv sêi, puôk zos tiv tsơưr lươngv uô tsik jông. Taz sik, tiv coangr lik, kriz uô muôx ntâu phiv liv zos kror tsênhv tsênhz. Hâur lênhx  tov xã li siêz xar, cêr puôk mak kho. Cêr zos pêx xênhv muk lok trâus puôk piêv mak pêx xênhv tror gôngr côngv nhiêx txiêx. Zơưv Phan Tấ Sỹ, phưv chủ tịch UBND xã Ia Rtô khav tênhv:

Băng: “Tsưr ziv zos pêz tsuv tror kho đuô zir. Pênhr mak tror vênhv tôngx pêx xênhv xưz. Phênhv pênhr no zos têz qơưk thiêz pêx xênhv sik đros uô, cux zos pêx xênhv gôngr côngv chiê uô. Têz qơưk yưv pênhr iz jiês, têz qơưk tsik yưv pênhr lơưv mak vênhv tôngv pêx xênhv chiê khưx phưx. Muôz sik phêiz hâur jok muôx pêk tsơưs ziv chuôz zis, pêk tsơưs lênhx nênhs chiê sik đros cxiv kho đuô txo cêr. Pêx xênhv uô piêv mak cov pêx xênhv muôx txơưx jêhv kho đuô txox cêr chiê muk lok”.

Chiê kho đuô cêr trâu têx jêx jok, uô tiêr chor luôs hâux lưv cêr mul lok hâur tsaz yênhx tsưr ziv têz qơưk cxiv tsa jêx jok yiêz, txis shông 2005 txos nhiv no, txix têz qơưk li pênhr thiêz pêx xênhv li gôngr côngv, xã Ia Rtô tưz uô yênhx châuv cêik cêr bê tông muk lok hâur têx jêx jok, đros nhiêx txiêx tas ntâu châuv tỷ đêiv. Txos nhiv no, xã tưz uô tiêr 11/19 luôs hâux lưv lok jêx jok yiêz, hâur co muôx luôs hâux lưv lok cêr muk lok. Taz sik, uô cêr tâu lơưv mak xix pênhv pêx xênhv, tsik muôx tsưr ziv sêiz shuôk, sir zôngv muôx chêx cur, xưk li nhoz xã Ia Rtô, thị xã Ayun Pa, tỉnh Gia Lai mak zuôr tsik muôx txox cêr tưs muk lok tâu ntêr. Thiêz đros siêz xar six pênhv pêx xênhv li co, mak tsik pâuz txos thâuv tưs thiêx muôx iz jêx jok yiêz tâu cxiv tsa uô truôx jông nhoz luz xã no./.

(TTTN-Lyk Thox cxêik thav)

Phênhv Tuôr jông đas jos chiê uô nênhx” thưr 4, hnuz 9/12/2015

Đêx hur thiêz vêv xênhz tênhx qơư

Cxiv tsa jêx jok jông đros tênhx qơư zos iz hâur 19 tsưr ziv cxiv tsa jêx jok yiêz, uô hiêv tsi tsơưs txos tsôngv box luz nênhx nox nhoz. Hâur 19 tsưr ziv cui tinhv lơưr têz qơưs qơư tsov txos lok cxiv tsa jêx jok yiêz, tênhx qơư zos tsưr ziv tiv 17, hâur ntơư, heik txos 5 tsênhv njiêz, co zos: têx lênhx nênhs tâu sir zôngv đêx hur huv vêv xênhz lơưr têz qơưs cui tinhv; Têx qơư tsiv uô xiv huv, lax luôv tsi uô vuôz tsuôz, kiês nênhs tênhx qơư trơưk cui tinhv; Tsi muôx tuk tsi uô ruôr hiêv txos tênhx qơư thiêz uô tuôr thênhv txos hâux lưv huôv tsar tênhx qơư hur jông; têx qơư nza tâu cxiv uô lơưr tsưr ziv, cui tinhv; têx kiês nênhs, vuôz tsuôz  muôx qơư trâu thiêz xưv lik trơưk chei, cui tinhv. Taz sik, đros thiêz qênhx shênhx tênhx qơư tsi hur li nhiv no nhoz thax tsav tox siêz, ntơư zos luôs hâux lưv lax uô tâu hâur tsưr ziv cxiv tsa jêx jok. Viv, co zos hâux lưv lox hâur hur si têz qơưs, lar heik zos đros iz têz qơưs kôngz nuv, xar uô tâu li ntơư tsuv muôx tsôngv box txux chi tsưr ziv jênhv pâuz thiêz hâu nov sơưr đơưk cêr moz siêz txos sik côngv tês uô, nhiêx txiêx yưv uô têx nuv  ntơư tas ntâu, thiêz ho tsi tâu muôx txâuk têx chei, cui tinhv xưv bluô têx li heik sâuv….

Nhoz ntâu suôv qơư, thax tsav, tsôngv box tox siêz cux cor cav khênhr muôz têx vuôz tsuôz, kiês nênhs por tsês chuôs tsi ntơưv têx, tsi khơưk, tsi suô tsês trâu iz qơư. Têx qir tsiêx cxu, đros trâu têx đêx kiês nênhs, qơư tơưv trôngx lok cux tso ntưk trơưk têx cưx đês….tsi muôx qơư trâu, uô vuôz tsuôz têx pak đêx, jux juk xâu, cxênhv uô tsi hur trâu têx hâur đêx.

Têx khâuz nhaz kiês nênhs đhâu thâuv suô tsês trâu iz qơư tsi tâu xưv lik trơưk cui tinhv, uô vuôz tsuôz tênhx qơư nox nhoz. Iz chas ntơư, têx hưx trâu yuôx por vêv đrox tsuôs…zôngv tas lok cux por tsês chuôs tsi ntơưv têx, tsi tâu muôx tsưr ziv xưv lik li chas trơưk chei. Têx ziv chuôz zis tsôngv box tâu sir zôngv đêx hur huv vêv xênhz lơưr têz qơưs cui tinhv hâur thax tsav tox siêz tsênhv muôx tsơưs. Tsi tâu phênhz tsênhz mênhx têx đêx hur thiêz đêx huv vêv xênhz, ntâu xã nhiv kruôr uô tâu muôx đêx huv vêv xênhz trơưk cui tinhv xưz, tưz tsi tâu muôx đêx hur tiês.

Chiê hlôngr yiêz uô tâu trơưk tsưr ziv tso tơưv lok tênhx qơư tox siêz hur jông, uô ntêx tsuv yax kriê, gra siêz tsôngv box sơưr đơưk txux chi, tsưr ziv jênhv pâuz. Hâu nov thiêz têx đoanx thêv tsuv sir jos tiês luôs hâux lưv vênhv tôngv tsôngv box uô lơưr têx tsưr ziv vêv xênhz tênhx qơư thax tsav tsôngv box nhoz, tsuôs yuôx tuô, lov caz moz trâu têx qơư tu zus tsiêx cxu hâur jêx hâur jok, thoz huk têx cưx đês cov đêx ntưk tâuk, qêz suô, xưv lik jông têx vuôz tsuôz kiês nênhs thiêz cxiv uô têx côngz trênhx đêx hur, côngz trênhx vêv xênhz trơưk tsưr ziv cui tinhv. Tsưr tsix têx lênhx nênhs seiz car hâux lưv vêv xênhz tênhx qơư ntơưv têx jêx jok zos hâux lưv muôx têx sơưr đơưk puôr lênhx uô tâu.

Viv tênhx qơư, iz chas hâu nov ntơưv qơư  sik côngv tês, lok six zuôr trâus txos tsôngv box sơưr đơưk cêr thôngx siêz, sik paz uô, tsi chiê tênhx qơư nox nhoz kiês nênhs, vuôz tsuôz; tsuv muôz têx đêr thiêz mir lok zos yưk khi, sir zôngv yuôx por vêv đrox tsuôs trơưk cui tinhv, lơưr têx lênhx nênhs tsiv uô yuôx tsưr ziv kriê……/.

                                 ( Tuyết Lan-Riê Lâux cxeik, nhênhv)