Đại hội teiv plor têx mênhx cxưx tsơưs nênhs Việt Nam jiês tiv 2: Zos jiês jông chiê 54 mênhx cxưx tâu sik njiz

          Hâur khôngz qiv Đại hội, niêv lâuk Nguyễn Thị Thanh Thủy, mênhx cxưx Cơ Tu, nhoz Thừa Thiên Huế shir phaz heik: No zos jiês chiê 54 mênhx cxưx tâu sik njiz, sik thav. Niêv lâuk cux tâu hnar zuk mênhx cxưx Cơ Tu li chêr tsôngs yo chax chês đros siêz txưv haox heik kriê txos têx teiv plor cxaz chuôz đại hội:

          “Thâuv tuôx dưv đại hội jiês no, cur pov lok six txưv haox thiêz shir phaz, tâu hnar zuk mênhx cxưx chêr tsôngs yo chax chês tuôx sik njiz, sik thav đros 54 mênhx cxưx txơưr, iz lênhx iz phongz cxưx jông, puôr lênhx jênhv pov tâu cêr niêv côngv siêz jông, tsuôk li cưr tix nênhx tsa hâur iz chuôz xênhv. Li nhiv no, muôx ntâu vênhx huôv yiêz, taz sik zuk cux xar njôngr tuôr tsês tâu zuk mênhx cxưx li tsôngs yo chax chês trâu têx cxênhx nênhs tov kaz no”.

          Yuôr đros thiêz niêv lâuk Quách Mỹ Linh, mênhx cxưx Mường, tỉnh Hòa Bình xar tiêk: Tsôngv box mênhx cxưx tsơưs nênhs tsênhv yuôr ntâu cêr txov nhêv, viv li, đại hội zos jiês cxơưz cxiz, tôngv vênhx, chuôz cxaz đas jos trâu têx mênhx cxưx chiv chir phuôx huiz pênhr jos, tsiv grê txơưr chiê huôv tsar đros têz qơưk:

          “Hâur ntu đhâu Đảng, têz qơưk thâuv tưs cux muôx chính sách tsov cưv txos tsôngv box mênhx cxưx tsơưs nênhs, cur xar mak đại hội no 10 shông thiêx muôx iz jiês. Cur jông siêz tiv zix zos njiêz luv đại hội “Phuôx huiz pênhr jos têx mênhx cxưx tsơưs nênhs” viv iz mênhx cxưx zuôr muôx têx kror txơưr, vênhx huôv txơưr, cur xar mak zos phuôx huiz tâu cêr vênhx huôv 54 mênhx cxưx, tsi taz têx mênhx cxưx huôv tsar mak têz qơưk Việt Nam cux huôv tsar”.

          Khav tênhv Đảng thiêz têz qơưk tưz muôx ntâu chính sách tsênhv tsênhz tsês trâu tsôngv box mênhx cxưx tsơưs nênhs, zơưv Lương Hùng Đức, mênhx cxưx Hoa, teiv plor TPHCM xar li no: Chính sách mênhx cxưx ntu đhâu tsi muôx ntâu phênhz pêx lok mênhx cxưx, lok thax tsav txov nhêv tâu têz qơưk tsov cưv, nhoz tưs txov nhêv ntâu têx chính sách ntơưv tiv phaz cux huv đros têx mênhx cxưx, kror no cux tso pov tsênhz nhoz njiêz luv Đại hội jiês no:

          “Txơưv muôx têx thax tsav txơưr, taz sik tiv phaz tsov lơưr têx kror huv đros tsôngv box mênhx cxưx li huôv tsar chiê paz tsôngv box jông đuô. Cxôngx chính phuv txos lênhs tov tiv phaz paz, chính sách mênhx cxưx zos tul zơưv six chiê tov kaz no paz cxênhx nênhs muôx yênhx tưv vênhx huôv chuyên môn, tsôngv box mênhx cxưx tâu zaoz zux vênhx huôv, chiê tsôngv box hla đhâu cêr pluôs. Cur njênhs njôngr ntu zuôr txos tsôngv box mênhx cxưx tsơưs nênhs zuôr hla đhâu cêr pluôs. Li ntơưv zaoz zux zos iz phênhv chiê pêz pov tâu fênhx zav sik paz max tsôngv box mênhx cxưx zos li chas”.

          Ntâu teiv plor heik tơưv siêz xar njôngr đhâu đại hội, Đảng thiêz têz qơưk tror muôx chính sách tsênhv tsênhz đuô chiê paz tsôngv box mênhx cxưx tsơưs nênhs huôv tsar cêr uô nox li: hlôngr yiêz nôngz tsoz chos, tsiêx tu zus huv đros tiv phaz li qiv hơưv chiê tsôngv box taz por luz nênhx đuô. Zơưv K Sung, mênhx cxưx Chu Ru, tỉnh Lâm Đồng pheiz kênh:

          “Xar njôngr đại hội jiês no tror krêz uô jông chính sách mênhx cxưx thiêz tox siêz hâur qênhx shênhx yiêz, cxiv tsa tsưr ziv uô jông đề án huôv tsar thax tsav tsôngv box mênhx cxưx ntu 2021-2030. Tsôngv box mênhx cxưx luz nênhx pir đros kuôk nor 10 shông tov ntêx mak huôv tsar sei đuô, chor ziv chuôz zis pluôs txu grês, taz sik pir đros thax tsav tiêx đras mak tsênhv txov nhêv, cơ sở cxuô zav muôx tsi txâuk. Ntơưv têx jêx jos tox siêz tsênhv phêv liv lok cêr zaoz thôngz muk lok, tênhv tênhz têz qơưk tsi tâu tuôv zênhv tâu zoz qơưx nhoz tox siêz đêz đrôngs”./.

(VOV1-Txâur Vax cxeik nhênhv)

5 kror njuôk kho moz tsik zos li qơư sâu hâur ntơưr njuôk kho moz BHYT tâu thêv nhiêx njuôk kho moz txix shông 2021

Nênhs muôx ntơưr BHYT muk njuôk, kho moz tâu cuiv BHYT thêv 100% nhiêx txiêx njuôk, kho moz li njuôk kho ntơưv qơư sâu hâur ntơưr BHYT zos:

1. Nênhs muôx ntơưr BHYT đăngk cir njuôk kho moz xuz thơưx sâu hâur ntơưr BHYT ntơưv têx trạm y têr xar lok sik phongx njuôk kho moz đa khoa lok sik tsêr kho moz huyện muk njuôk kho moz ntơưv trạm y têr xar lok sik phongx njuôk kho moz đa khoa, lok sik tsêr kho moz huyện hâur iz thax tsav tỉnh tâu cuiv BHYT thêv 100% nhiêx txiêx njuôk kho moz trơưk kror tâu sơưv mak BHYT tsuv thêv.

2. Nênhs muôx ntơưr BHYT muk njuôk kho moz ntơưv chor tsêr kho moz huyện sâuv tas nro têz qơưk tâu cuiv BHYT thêv 100% nhiêx txiêx njuôk kho moz trơưk kror tâu sơưv mak ntơưr BHYT tsuv thêv.

3. Nênhs mênhx cxưx tsơưs nênhs thiêz nênhs hâur chuôz zis pluôs cxaz chuôz bảo hiểm y têr tsênhv uô nênhx nhoz ntơưv thax tsav kinh têr-xar hôiv txov nhêv, thax tsav kinh têr-xar hôiv txov nhêv tiv zix; nênhs cxaz chuôz bảo hiểm y têr tsênhv uô nênhx nhoz ntơưv têx xar poz hiêr, huyện poz hiêr thâuv chiv chir muk njuôk kho moz tsik zos qơư đăngk cir njuôk kho moz xuz thơưx sâu hâur ntơưr bảo hiểm y têr tâu cuiv BHYT thêv 100% nhiêx txiêx njuôk kho moz đros thiêz tsêr kho moz huyện trơưk kror tsuv tâu sơưv mak BHYT tsuv thêv (Zos têx nhiêx txiêx chơưv kho nhoz hâur tsêr kho moz thiêz tsik nhoz hâur tsêr kho moz chiê chơưv kho moz).

4. Nênhs zos mênhx cxưx tsơưs nênhs thiêz nênhs hâur chuôz zis pluôs cxaz chuôz BHYT tsênhv uô nênhx nhoz ntơưv thax tsav kinh têr-xar hôiv txov nhêv, thax tsav kinh têr-xar hôiv txov nhêv tiv zix; nênhs cxaz chuôz BHYT tsênhv uô nênhx nhoz ntơưv xar poz hiêr, huyện poz hiêr thâuv chiv chir muk njuôk, kho moz tsik zos qơư đăngk cir njuôk kho moz xuz thơưx sâu hâur ntơưr BHYT tâu cuiv BHYT thêv 100% nhiêx txiêx njuôk khoz moz nhoz hâur tsêr kho moz ntơưv têx tsêr kho moz tỉnh, tsêr kho moz trung ương trơưk li kror tâu sơưv mak BHYT tsuv thêv.

5. Txix hnuz 1/1/2021, nênhs muôx ntơưr BHYT chiv chir muk njuôk kho moz tsik zos qơư đăngk cir njuôk kho moz xuz thơưx sâu hâur ntơưr BHYT ntơưv têx qơư njuôk, kho moz tỉnh hâur tas nro têz qơưk tâu cuiv BHYT thêv 100% nhiêx txiêx chơưv kho moz nhoz hâur tsêr kho moz chiê chơưv kho trơưk kror tâu sơưv mak BHYT tsuv thêv (cui tênhv nhiv no zos: nênhs muôx ntơưr BHYT thâuv muk njuôk kho moz ntơưv têx qơư tsik zos qơư đăngk cir njuôk kho moz xuz thơưx sâu hâur rntơưr BHYT ntơưv têx qơư njuôk kho moz tỉnh tâu cuiv BHYT thêv 60% nhiêx txiêx njuôk kho moz nhoz hâur tsêr kho moz trơưk li kror tâu sơưv mak BHYT tsuv thêv.

Tsov cưv tiêk, Nênhs muôx ntơưr BHYT muk njuôk kho moz zos iz hâur têx kror li đrav kaz zuôr tsik tâu thêv nhiêx BHYT:

- Nhiêx txiêx njuôk kho moz (zos nênhs tâu sơưv BHYT) tưz tâu nhiêx txiêx têz qơưk thêv nhiêx.

- Nox, nhoz ntơưv qơư paz tsoz phưz, tu zus.

- Njuôk shuôk đas jos.

- Njuôk shuôk mê nhuôs xênhz hâur chêr tsik zos chơưv kho.

- Sir zôngv kỹ thuật paz xênhz zus, dịch vụ lok xênhz zus hâur chuôz zis, lâux mê nhuôv, yưx chor jiês tiv mê nhuôs hâur chêr lok sik lênhx niêv muôx moz gênhs zuôr njiz trâus têx phiv liv lox.

- Sir zôngv dịch vụ uô khax.

- Chơưv kho kror muôs njiê pov cêr tsik tsênhz, pov cêr tsik jông, yưx zos nhuôs zâu tsik tâu muôx 6 shông.

- Sir zôngv chuôz zênhx y têr hlôngr li têk tơư chuôr, kror muôs chuôr, hniêr chuôr, tsov kror muôs, mêir paz hnor luk, chuôz zênhx paz trâu hâur njuôk kho moz thiêz paz cov tror muôx đas jos.

- Njuôk kho moz, paz cov muôx đas jos tiv njiz trâus ntux têz ruôr hiêv..

- Njuôk shuôk y khoa, njuôk shuôk pháp y…

- Njuôk kho moz muôx zênhk zax zênhz, zênhk chơưr lok sik têx zav tsơưr uô muôx zênhk txơưr đuô.

- Cxaz chuôz siv yuôx, nhênhz chơưv khoa học…/.

(Thu Thùy-Lik Thox cxêik - Riê Lâux nhênhv)