Đắc Lắc: Cêr sor siêz hâur cheix ntux yiêz txix têx luz tsêr niêv côngv siêz công đoanx

 Hâur hli 1 shông no, zơưv Y Sen BKrông, nhân viên seiz jor tsêr cơưv cxênhx iz Y Wang, xã Hòa Khánh, TP Buôn Ma Thuột, tỉnh Đắc Lắc jông siêz thiêz shir phaz thâuv hur si chuôz zis tâu choz tsêr yiêz nhoz. No zos luz tsêr nhoz hâur tsaz yênhx “tsêr niêv côngv siêz công đoanx” tâu Liên đoanx lox tôngv TP Buôn Ma Thuột thiêz công đoanx tsêr cơưv cxênhx iz Y Wang paz cxiv uô đros thiêz hur si têx nhiêx txiêx uô tas xar muôx 60 tsov đeiv. Zơưv Y Sen heik pâuz, đhâu thâuv pox niêv tâu tas siv nênhx shông 2012, zơưv iz lênhs tsuv tu thiêz txoz cxơưx trâu 6 lênhx nhuôv tsênhv nhoz hnuz nhôngs cơưv ntơưr. Tsi muôx liêx têz, phênhv sâu tâu thiêz têx nhiêx txiêx xênhz huôx uz no phênhv ntâu zos khov trâu zơưv luôs hâux lưv seiz jor tsêr cơưv. Chênhr viv li, ntâu shông đhâu, txơưv vax tsêr tưz kuz, ntuôs tal, zơưv chuôz zis cux uô tsi tâuk iz luz tsêr jông  đros luôs nhoz. Đros thiêz cxuô cấp công đoanx li têx cêr paz max, zơưv chor txir tuz tưz muôx tâu luz tsêr yiêz chiê tok tsiêz.

“Cur chuôz zis lok six shir phaz thâuv muôx luz yiêz , thâuv ntêx pluôs thiêz txov nhêv viv li tsi muôx nhiêx chiê uô, shông no công đoanx hâur tsêr cơưv thiêz liên đoanx TP tưz paz uô iz luz tsêr trâu cur viv li lok six jông siêz thiêz shir phaz. Cur cux uô tsâus ntâu txos Liên đoanx thiêz công đoanx tsêr cơưv”.

  Đros trâu têx cêr shir phaz muôx tâu luz tsêr yiêz nhoz uô ntêx tsiêz têz qơưk đêr shông no, zơưv Trương Văn Trường, nhân viên công ty yêz kruô Đắc Lắc shir phaz heik pâuz, đhâu ntâu shông nox nhoz hâur luz tsêr kuz, đaz pêk tuôs, shông no, khov tâu Liên đoanx Lox tôngv TP Buôn Ma Thuột thiêz công đoanx công ty paz max, thôngz đhâu tsaz yênhx “tsêr côngv siêz công đoanx”, xar njôngr cov muôx tâu iz luz tsêr yiêz nhoz nhiv no tưz yênhx kror muôx tsênhz tiês:

“Thâuv ntêx  cur chuôz zis txov nhêv, khov tâu cxuô ngênhx cxuô cấp liên đoanx paz, cur tưz muôx tsêr jông nhoz, hnuz tsiêz chuôz zis, têx tuz nhuôs tâu lok siz chuôs njiz nox tsiêz lov jêv”.

Zơưv Nguyễn Văn Tuấn, Phưv Chủ tịch Liên đoanx lox tôngv TP Buôn Ma Thuột heik pâuz, six hơưv đhâu, tsaz yênhx “Tsêr côngv siêz công đoanx” zos Tổng Liên đoanx lox tôngv VN phuôx tôngv tưz nthuôr uô đêz đar, tâu ntâu tuk chôngz lênhx hluôk, công nhân viên chức lox tôngv thiêz têx cơ quan, taz viv, doanh nghiệp jông siêz, thôngx ziv uô trơưk. Txix shông 2012 txos nhiv no, Liên đoanx lox tôngv TP Buôn Ma Thuột tưz paz cxiv uô thiêz kho đuô 23 luz tsêr, xav hur si têx nhiêx txiêx cxiv uô thiêz kho đuô tas nhos 670 tsov đeiv. Ciês hâur shông nhiv kruôr đhâu, tưz paz cxiv uô 4 luz tsêr niêv côngv siêz công đoanx trâu têx lênhx hluôk muôx luz nênhx txov nhêv. Iz luz tsêr cxiv uô yiêz tâu paz txix 40-50 tsov đeiv, kho đuô tâu paz 20 tsov đeiv:

“Pêz tưz fuô uô luôs hâux lưv heik sâuv txos trâu hur tiz si têx công đoanx ntơưv qơư chêx tsôngk, sâu bê têx lênhx hluôk muôx luz nênhx txov nhêv chiê xa lok trâu liên đoanx lox tôngv TP, pêz qênhz yuôx shuôs thiêz paz  trâu lơưr chiê đros luôs lưv tul tok tsiêz lov jêv thiêz shir phaz lus, tsi chiê lênhx tưs tsi muôx tsiêz nox hâur shông 2018 no”.

Đros trâu têx hâux lưv txoz cxơưx trâu nênhs lox tôngv, six hơưv đhâu, cxuô cấp công đoanx tỉnh Đắc Lắc tsênhv sir jos uô cxuô luôs hâux lưv paz nênhs lox tôngv muôx luz nênhx txov nhêv. Trơưk li Liên đoanx lox tôngv tỉnh Đắc Lắc thôngz sâu, txix shông 2013 txos nhiv no, cxuô cấp Công đoanx hâur tỉnh tưz vênhv tôngv sđ siz chos paz trâu cuiv nhiêx “tsêr côngv siêz công đoanx” tâu zuôr xar 20 tỷ đeiv. Txix phênhv cuiv nhiêx no, tưz paz cxiv uô thiêz kho đuô tâu 595 luz tsêr trâu têx hluôk nênhs, nênhs lox tôngv muôx luuz nênhx txov nhêv lok tsêr nhoz. Ciês hâur shông đhâu tưz paz cxiv uô tâu 40 luz tsêr yiêz trâu têx hluôk nênhs, nênhs lox tôngv. Đhâu ntơư, paz sik pheiz kênh têx cêr txov đros nênhs lox tôngv hla đhâu têx phiv liv, truôx tuk luz nênhx./.

                                     (TTT-Riê Lâux cxeik, nhênhv)

Tsênhv chei cxơưz cxiz canr bộ

          Lơưr co, Nghị định cui tênhv yênhx lênhx nênhs, ploz tsênhr zôngv tsênhv chei zaz zâuv canr bộ. Tsênhz mênhx, shux xênhz cơưv tiêr đại học txơưx ntơưv cơ sở zaoz zux đại học nhoz hâur têz qơưk lok sik đrâuv luôk oz chas têz qơưk tâu côngz jênhv jông li văn bằng, chứng chỉ lơưr Pháp luật li cui tênhv muôx chêx cuk cơưv ntơưr jông hâur têx shông cơưv đại học, hâur hov hnuz nhôngs cui tênhv ntơưv Grê 1 Chei hluôk nênhs xav txos six hơưv khiêz ntâuz ntơưr hồ sơ xeir zuôr thiêz tuôv zênhv iz hâur têx ploz tsênhr li:

          1- Tax giải 3 lênhx nênhs ndê mul ntơưv iz hâur têx jiês thik xeir zuôr shux xênhz cơưv hênhr cấp tỉnh, tax giải 4 ndê mul hâur têx jiês thik xeir zuôr shux xênhz cơưv hênhr cấp têz qơưk lok sik ntơưr kruôk ndê mul hâur têx jiês thik xeir zuôr shux xênhz cơưv hênhr ntiêx têz iz hâur têx môn khoa học tự nhiên ( xav fax, vật lý, hóa học, sinh học, tin học) thiêz khoa học xã hội ( ngữ văn, lix xưv, địa lý, ngoại ngữ) hâur six hơưv cơưv cấp 3.

          2- Tax giải 3 lênhx nênhs ndê mul ntơưv têx jiês thik KHKT cấp têz qơưk lok sik ntiêx têz hâur six hơưv cơưv cấp 3 lok sik đại học;

          3- Tax giải 3 lênhx nênhs ndê mul ntơưv jiês thik Olympic iz hâur têx môn cơưv li xav fax, vật lý, hóa học, cơ học, tin học lok sik têx chuyên nganhx txơưr hâur six hơưv cơưv đại học tâu Bộ zaoz zux thiêz thox cxov côngz jênhv.

          Đros lênhx nênhs muôx yênhx tưv thạc sĩ, bác sĩ chuyên khoa cấp I, bác sĩ nội trú, dược sĩ chuyên khoa cấp I chuyên nganhx y học, dược học nhoz hov hnuz nhôngs cui tênhv ntơưv grê 1 Chei hluôk nênhs xav txos six hơưv khiêz ntâuz ntơưr hồ sơ xeir zuôr thiêz tuôv zênhv cxix cxuô têx ploz tsênhr li:

          1- Tax ploz tsênhr cui tênhv ntơưv điểm a lok sik điểm b lok sik điểm c khoản 1 grê no;

          2- Cơưv tiêr đại học tax khá ndê mul thiêz muôx chuyên nganhx thox cxov thâuv cơưv tiêr đại học đros nganhx thox cxox nhoz cxênhx đại học.

          Yuôr lênhx nênhs muôx yênhx tưv tiến sĩ, bác sĩ chuyên khoa cấp II, dược sĩ chuyên khoa cấp II chuyên nganhx y học, dược học nhoz hov hnuz nhôngs lơưr Chinhr phuv li cui tênhv ntơưv Grê 23 Nghị định số 40/2014/NĐ-CP hnuz 12/5/2014 cui tênhv hâux lưv sir zôngv, seiz jông lênhx nênhs huôx tôngv khoa học thiêz công nghệ xav txos six hơưv khiêz ntâuz ntơưr xeir zuôr thiêz tuôv zênhv txâuk têx ploz tsênhr cui tênhv xưk li lênhx nênhs muôx yênhx tưv thạc sĩ, bác sĩ chuyên khoa cấp I, bác sĩ nội trú, dược sĩ chuyên khoa cấp I chuyên nganhx y học, dược học.

          Nghị định cui tênhv tsênhz mênhx, shux xênhz cơưv tiêr jông, cán bộ khoa học hluôk thâuv tâu xeir zuôr tsuv uô chế độ shâuv hâux lưv hâur six hơưv tsơưs tiv zix zos 3 luz hlik thiêz tsi đhâu 12 luz hlik, zos lênhx nênhs tưz shâuv txâuk 12 luz hlik ndê mul uô chuyên môn, nghiệp vụ huv đros hâux lưv tâu xeir zuôr li zoz qơưx./.

             (KT-Txâur Vax cxeik nhênhv)