Jax sâu thưr 5 hnuz 9/3/2017:

Pox niêv tox siêz Yên Bái sir jos uô bluô nux

Niêv tix Mai Phi Hùng li ziv chuôz zis nhoz thị trấn Yên Thế, huyện Lục Yên zênhx zos chuôz zis pluôs. Têx thâuv muôx six hơưv, tiv xav tsik jông hâur uô nox, chuôz zis tsênhv uô tuôr xuôv chor pênhr kir txêik tâu. Uô chak chiê hla đhâu cêr pluôs zos lo luk niêv tix xar lok six ntâu. Xav muk xav lok, niêv tix oz niêv txir jênhv pâuz tiêk tsik muôx đaz tsi truôx bâuv uô kôngz nuv. Niêv tix txêik pênhr zênhx hangx xar muôx 30 triệu đêiv zus ol tuô grêix thiêz ol ntês kê. Xuz thơưx tiv tsik muôx chênhz zênhv viv li ol trâus muôx moz thiêz tsơưr lươngv tsik siêz. Niêv tix oz niêv txir nriêr pâuz sâuv ntâuz ntơưr thiêz cơưv shâuv txix chor ziv chuôz zis txơưr đuô viv li paz ol cux huôv tsar jux juk. Nhiv no paz ol ntês muôx 200 ntâu luz kê iz shông. Đros muôs ol zuôr grêix iz shông, niêv tix Hùng chuôz zis sâu tâu 200 triệu đêiv ntâu. Đros co, niêv tix Mai Phi Hùng li chuôz zis tsênhv chor xưz cuôz muôx yênhx cxênhz yiv ndis, paz sâu tâu oz pêz châuv triệu đêiv iz chiv. Niêv tix Mai Phi Hùng hêik:

“Thâuv ntêx no cur chuôz zis uô lok six ntâu tsưr ziv sik txơưr taz sik tsuôk txos thâu txêik pênhr hâur zênhx hangx lok uô tsưr ziv vax, pak, guôx mak luz nênhx thiêx hlôngr yiêz, muôx đuô”.

Niêv tix Lường Thị Hồng Chung nhoz jok Chao Hạ, xã Nghĩa Lợi, thị xã Nghĩa Lộ zos qơư sưv jê trâu tsôngv kruô  tuôx nriêr pâuz ndis shuôk thax tsav Tây Bắc. Iz shông, niêv tix Chung li chuôz zis tok muôx yênhx cxênhz lênhx kruô hâur thiêz đrâuv têz qơưk, sâu tâu muôx 100 triệu đêiv, zos yênhx ziv chuôz zis muôx hâur xã. Niêv tix Lường Thị Hồng Chung puz pâuz:

“Zuk uô du lịch mak sir jó stuôr chiê zuk mênhx cxưx li chor vênhx huôv jông, đhâu co piêr trâu tsôngv kruô pâuz. Txix thâuv uô du lịch côngv thôngx mak tsôngv kruô tuôx trâu zuk chuôz zis lok six chôngz. Khov uô du lịch viv li tas nro chuôz zis muôx nzir hâux lưv uô, phênhv sâu cux truôx tuk đuô…”.

Hêik txos txơưx uô xênhz yar kinh doanh nhoz tỉnh Yên Bái, tsuv thav txos niêv tix Đỗ Thị Hoa Lê nhoz jok Minh Đức, xã Tuy Lộc, thành phố Yên Bái. Đhâu thâuv uô tiêr jênhv vưv quân sự, niêv tix oz niêv txir tror lok têz qơưk txix oz cxêik têk khôngz. Tsik chưx yêiz pluôs, niêv tix Lê tưz cxaz chuôz ntâu lớp cơưv shâuv lok tu zus tsiêx cxu, chos kôngz lôngk zos Hội nôngx mênhx, Hội gâux muôv vir ndâuk cxuô cấp tsưr tsix. Đhâu ciês co, niêv tix thiêz chuôz zis tưz piz huôv tsar lơưr tsưr ziv chos jâuz hur, tu zus njêl, zus kêiz…, khov co kinh tế chuôz zis muôx đuô lơưr yênhx shông. Đros co, niêv tix chuôz zis cux tưz sơưr jênhv têx côngz trinhx cxiv tsa li tsêr cơưv ntơưr, trạm xá, cưx đêx liv…Nhiv no chuôz zis muôx phênhv sâu zos 200 triệu đêiv ntâu iz shông, paz muôx hâux lưv uô trâu yênhx châuv lênhx nênhs nhoz tiv phaz. Niêv tix Lê hêik:

“Thâuv ntêx no mak txov nhêv hênhr. Txix thâuv tâu chor đoanx thêv chiê muk cơưv shâuv, cơưv tiêr mak zuk sir zôngv khoa học kỹ thuật trâu uô xênhz yar mak thiêx muôx chêx cur. Thâuv co mak zuk cux phuôx huiz tâu zos iz lênhx pêx xênhv, tsuôk pâuz sir jos uô thiêz cơưv shâuv xưz. Txos nhiv no mak cux muôx mê njik lơưv”.

Shông nhiv kruôr đhâu, tas nro tỉnh Yên Bái muôx 14.300 ntâu lênhx hội viên tâu kruôz kriê, phêiz kênh chênhz zênhv sir zôngv khoa học kỹ thuật trâu tu zus, chos kôngz lôngk; 30.700 ntâu lênhx hôiv viên tâu txêik pênhr hâur zênhx hangx tsênhv chêi xã hội…lơưr co tưz muôx 270 lênhx hội viên pluôs, chor hội viên pox niêv zos chuôz zis muôx tưz ndê muôx yênhx puô ziv chuôz zisPos Vy Thị Ngọc Nguyện, chủ tịch Hội liên hiệp gâux muôv vir ndâuk huyện Lục Yên, tỉnh Yên Bái puz pâuz:

“Chiê paz trâu tsôngv gâux muôv sơưr đơưk huôv tsar kinh tế ziv hnuz ziv jông đuô mak đros yax kriê vênhv tôngv, pêz hêik pâuz trâu chor tsưr tsix paz txêik nhiêx chiê paz pênhr trâus sơưr đơưk. Tiv oz zos kruôz kriê  kỹ thuật chor kôngz lôngk, tu zus chiê chor gâux muôv sơưr đơưk huôv tsar truôx đrênhk trâu chuôz zis…”

Hla đhâu têx phiv liv, pox niêv cxuô mênhx cxưx tox siêz Yên Bái tsênhv sir jos hla đhâu cêr pluôs uô bluô, paz cxiv tsaz têz qơưk ziv hnuz ziv jông gâux đuô./.

                             (Đinh Tuấn-Lik Thox cxêik nhênhv)

Phênhv thưr 5.9.3.2017:

Lênhx pox niêv mênhx cxưx Thái sir jos cxuôv cêr yeiz pluôs

Shông 1972, thâuv cơưv tiêr Tsêr cơưv Trung cấp Nông nghiệp Tây Bắc, pos Cà Thị E lol uô côngz xưv ntơưv Qơư nhênhz chơưv nôngz tsoz chos Sơn La. Shông 1993, pox so lâus lơưr chế độ. Uô li chas chiê kinh tế chuôz zis jông đuô tuôx thiêz muôx cxaz phênhv sâu bax trâu luz nênhx. Jênhv pov chuôz zis muôx ar tox trôngz đar, 2 niêv txir ho puôr lênhx tưz so lâus, shông 1996, pos Cà Thị E tưz heik pos tul txir uô qơư tsêz chos thiêz tu zus keiz. Têx hnuz thâuv nhiv kruôr uô qơư tsêz chos, tu zus, pos E chuôz zis xeir chos kuôr njuôs lok zos caz tsiz thiêz chos njuôs, taz sik chêx cuk kinh tế chox lol kis, pos thiêz chuôz zis ho hlôngr chiê chos txir lưv tsiz thiêz txir khơưz nyar. Nhiv no pos Cà Thị E chuôz zis muôx 80 tsoz txir lưv tsiz thiêz 60 tsoz txir khơưz nyar, phênhv sâu fênhx pheiz cxôngx chos ntông nox txir zos 150 tsov đeiv ntâu iz shôngk. Pox Cà Thị E pheiz kênh:

          “ Chuôz zis uô qơư tsêz chos cxôngx shông 1996, qir thơưx cux njiz ntâu phêv liv li pênhr nhiêx, chênhz zênhv tsêz chos, cux tsi pâuz chos tul tsi? Đhâu co chuôz zis xar tâu tiêk chos ntông nox txir. Txos nhiv no chuôz zis cux tưz cơưv shâuv tâu chênhz zênhv tsêz chos, tưz muôx phênhv sâu cxôngx tsoz txir lưv tsiz thiêz txir khơưz”.

          Thâuv muôx tâu phênhv sâu cxôngx ntông nox txir, pos chuôz zis tror yưv pênhr krêz đar qơư tsêz chos, tu zus cxaz 150 tul keiz ntês kê. Iz shông pos E chuôz zis sâu tâu fênhx pheiz 2000 ntâu luz kê keiz muôs trâu niêv ciêz, phênhv sâu zos 10 tsov đeiv ntâu iz shông. Lok chênhz zênhv xeir thiêz tsoz phưz keiz ntês kê pos Cà Thị E puz pâuz cxaz:

          “ Lok chênhz zênhv tu zus keiz mak tsuv xeir nôngz keiz jông, ntês kê ntâu. Lok côngz xưv tsoz phưz mak zuôr keiz lol tsuv xor their qơư trâu keiz nhoz, tsuv taz por vêv xênhz, yax six hlôngr xuô blêx puô qơư, tơưk tênhz pov cêr thiêz uô sor trâu keiz 1 luz hlik, puz keiz hâuk yuôx. Thâuv keiz tâu 2 luz hlik mak cxax yuôx phax moz trâu keiz 3 luz hlik cxax iz jiês”.

          Tsi taz huôv tsar kinh tế trâu zuk chuôz zis, pos Cà Thị E tsênhv zos iz hội viên uô ntêx nyuôk hâur Hội pox niêv phường, jêx jos li têx phongz yaox. Chiê zôngx ziv trâu pox nhuôs hâur jos mul lol, cux zos chiê gôngr phênhv cxiv tsa nôngx cxênhz yiêz, pos oz niêv txir tưz gôngr 200 yiv ndis ar chiê uô cêr mul lol. Pos oz niêv txir cux huiz tôngv pox nhuôs đhok car đêx tos đêx lol uô qơư tsêz chos thiêz tu zus. Pos Lù Thị Miền, chủ tịch Hội liên hiệp pox niêv phường Tô Hiệu- Thành phố Sơn La heik lok pos Cà Thị E li no:

          “ Hội viên Cà Thị E zos iz đeiv iêr chi cax lul. Pos tưz uô jông phongz yaox tưr thik pox niêv sir jos cơưv shâuv, lox tôngv, cxiv tsa chuôz zis shir phaz...tsiv nhos chiê hội viên hâur tas nro phường, tiv zix zos hội viên jos Hẹo uô lơưr”.

          Sir jos hâur phongz yaox txu yeiz cxuôv pluôs trâu thax tsav qơư nhoz, pos Cà Thị E chuôz zis tưz tâu thành phố Sơn La côngz jênhv zos ziv chuôz zis txơưx tsiv uô xênhz yar thiêz pos chuôz zis li qơư tsêz chos tu zus tâu krêz uô đêz đar txos ntâu chuôz zis hâur thax tsav cơưv shâuv, uô lơưr./.

                               (Txâur Vax cxiv sâu, cxeik nhênhv)