Sơn La sir jos paz trâu tiz nênhs, doanh nghiệp, hợp tác xã njiz trâus phiv liv tiz caz moz

Pos Lạc Thị Hồng Mai li ziv chuôz zis nhoz phường Chiềng Cơi, thành phố Sơn La ntâu shông no uô chor đêx poz jêz txiêk đơưz hur thiêz têx đêx liv nyiêz hur phưx vưv trâu chor tsêr cơưv ntơưr, tsêr nox hâuk, kruô nhoz so sâuv thax tsav tỉnh Sơn La. Oz pêz hli hâur shôngk shông no, muôx moz Covid-19, tiv zix zos ntu cêv kuôk xar hôiv, ntâu kror qơư tưz tsik zuôr têx hax huv no, uô trâu chuôz zis phênhv sâu grêk tsơưs ntâu, xar muôx 100 triệu đêiv. Pos Lạc Hồng Mai hêik: Thâuv chuôz zis tsênhv tsik tâu pâuz zuôr uô li chak, mak tâu zênhx hangx Agribank-Chi nhánh tỉnh Sơn La kriz uô ntâu tsưr ziv paz trâu sơưr đơưk. Viv li, chuôz zis tưz uô ntơưr thor thiêz tâu zênhx hangx kho đuô six hơưv thêv têx nhiêx txêik hâur ntu muôx moz covid-19, paz trâu chuôz zis tso siêz uô nox, kinh doanh đuô:

“Pêz lok six shir phaz, njiz phiv liv li no, sik txix têz qơưk têx tsênhv chêi paz, tiv zix zos zênhx hangx kôngz nuv tỉnh Sơn La tưz tsov cưv txos paz, kruôz kriê pêz uô đuô ntâuz ntơưr truz ntêr nzir six hơưv thêv têx nhiêx txêik”.

Tix lâus Nguyễn Hữu Hải, Giám đốc Công ty Trách nhiệm hữu hạn yưv pênhr cxiv tsa Sông Thao Sơn La cux puz pâuz: Txêik tâu iz kror nhiêx ntơưv Agribank chi nhánh tỉnh Sơn La đros nhiêx liv grêk 2% pir li cxiê jâuk zos kror paz lok six jông đros têx phiv liv mak Công ty tsênhv njiz trâus tiv moz Covid-19:

“Pêz tưz tror uô hâux lưv tsik tâu, tưz so chiê cêv kuôk, hâur co nhiêx txiêx trâu yênhx hnuz, yênhx hli mak lok six ntâu lok kror nhiêx liv txêik, nhiêx bảo hiểm, nhiêx uô hâux lưv uz no, viv li pêz tưz muôx ntơưr hêik cov zênhx hangx paz trâu pêz lok nhiêx liv”.

Chiê paz khưx phưx têx phiv liv, sik côngv têk đros paz trâu sơưr đơưk hâur ntu muôx moz Covid-19, Agribank Chi nhánh Sơn La tưz kho đuô nux grik txix tsưr ziv tuôr chiê jông chor nhiêx muôz txêik, txo grêk tsơưs nhiêx liv txêik thiêz muôz txêik zuôr nhiêx liv kik trâu chor nênhs njiz trâus phiv liv chiê tror khưx phưx, kho đuô uô nox…Xav txos tas hli 5 shông no, Agribank-chi nhánh Sơn La tưz kriz uô têx tsưr ziv paz trâu 100 ntâu lênhx kruô, tas nro chor nhiêx muôx 240 tiv đêiv ntâu. Đros co, uô lơưr tsik zuôr nhiêx thâuv xa nhiêx đhâu zênhx hangx chiê paz trâu côngz xưv phax tar moz covid-19; txo grêk tsơưs nhiêx txiêx thâuv thêv nhiêx zuôr, uô têx zav uz no đhâu hâur zênhx hangx…chiê txo grêk tsơưs siz cik caz moz Covid-19. Zơưv Nguyễn Thanh Hải, Phưv giám đốc zênhx hangx Agribank – chi nhánh tỉnh Sơn La hêik:

“Ntu đhâu Agribank chi nhánh Sơn La tưz sir jos kriz uô ntâuz tsưr ziv, chox kriê txix hôiv, sở txos têx chi nhánh huyện, thành phố uô hâux lưv đros sơưr đơưk, nriêr pâuz tsênhz qênhx shênhx lok sơưr đơưk li uô nox, kinh doanh cux xưk li sơưr đơưk têx phiv liv njiz trâus tiv moz covid-19, chiê kriz uô têx tsưr ziv paz trâu sơưr đơưk”.

Zos cơ quan sêiz car têz qơưk, Sở Công thương Sơn La cux sir jos uô côngz xưv qênhz yuôx, nriêr pâuz thiêz paz trâu têx doanh nghiệp, tiv zix zos têx phiv liv lok pênhr thiêz hlôngr yiêz cxuô zav, yưv pênhr jông đuô chiê chuôz ndê uô xênhz yar kôngz nuv; sir jos paz thơưz sâu zuôr muôs tơưv saz đrâuv têz qơưk têx hax huv, tiv zix zos chor hax huv kôngz nuv txix tsưr ziv chuôz cxaz têx hâux lưv uô, paz thơưz thương mại, paz muôs hâur têz qơưk thiêz muôs trâu saz têz qơưk Trung Quốc. Zơưv Nguyễn Đình Phong, Phưv giám đốc sở Công thương tỉnh Sơn La puz pâuz:

“Tưz tsik zos txir mo môngk xưz mak lơưr co zos txir nhãn zuôr tror sir jos đuô, cê muôs tơưv trâu saz Trung Quốc, Cam-pu-chia, muôs trâu têx têz qơưk tưz muôx ntâuz ntơưr li shông 2019; chor qơư muôs nhiv no tsênhv tâu tuôr chiê jông thiêz zuôr kriz đar nzir”.

Đros têx tsưr ziv tsênhv tsênhz, tỉnh Sơn La tsênhv sir jos đros paz têx tiz nênhs, doanh nghiệp, hợp tác xã hla đhâu têx phiv liv tiv moz covid-19; sir jos uô tiêr tsưr ziv huôv tsar kinh têr, xar hôiv tưz tso tơưv hâur shông no./.

(Trấn Long-Lik Thox cxêik nhênhv)

Lênhx pox niêv mênhx cxưx Hmôngz txơưx uô kinh têr

  Têx shôngk đhâu, phongz yaox pox niêv huôv tsar uô nox uô hâuk, txu grês cêr pluôs truôx vênhs nhoz huyện Hà Quảng, tỉnh Cao Bằng muôx têx hlôngr yiêz. Cxôngx co muôx ntâu lênhx pox niêv txơưx uô nox uô hâuk, muôx phênhv sâu yênhx puôk tsov đeiv iz shôngk, gôngr phênhv txu yeiz cxuôv pluôs, huôv tsar kinh têr xã hội tiv phaz. Niêv lâuk Hoa Xênhv Lâux, mênhx cxưx Hmôngz nhoz jos Lũng Ngần, xã Hồng Sỹ zos iz hâur têx lênhx nênhs jông li ntơư.

          Tâu xênhz zus thiêz hloz lox hâur iz chuôz zis tsuôk uô kôngz lôngk. SHông 1986 niêv lâuk Hoa Xênhv Lâux zuôr txir zos tix lâuk Lương Văn Thình nhoz côngv iz jos Lũng Ngần. Thâuv co niêv lâuk Hoa 2 niêv txir luz nênhx njiz ntâu phêv liv, xênhz 3 tul mê nhuôs, luz nênhx ziv txov nhêv đuô thâuv tsuôk pâuz chos poz cưk. Đros siêz xar hla đhâu cêr yeiz pluôs, ho gruôs uô nox uô hâuk, niêv lâuk Hoa xar njôngr tsuv uô li chas chiê huôv tsar kinh têr chuôz zis. Jênhv pov têx kror jông cxôngx huôv tsar tu zus nhux tưv nhux đas chox lok chêx cuk jông. Shông 2014 niêv lâuk Hoa heik zuk tul txir cuiz tênhv txeik zênhx hangx Agribank huyện côngv đros mê njik pênhr cxênhx tsês tâu zuôr iz gơưv mâuv nhux lok zus, tov kaz no tror zuôr nhux nzâus chox lok tu cov tros, iz jiês niêv lâuk zuôr cxôngx 3 txos 4 tul lok tu zus, cxôngx 3-4 luz hlik txơưv muôs tâu. Lơưr niêv lâuk Hoa cxôngx hli 4 txos hli 10 zênhz lix zos cheix muôx ntâu jâuz, jông tu zus, niêv lâuk chuôz zis chêx chôngk zus cxôngx 6-7 tul, chungz fênhx iz shông muôs 2 jiês, iz tul tâu liv cxôngx 8-10 tsov đeiv.

          Cê uô niêv lâuk Hoa cê cơưv shâuv chênhz zênhv. Chuôz zis li hâux lưv tu zus njiz ntâu môngr jông, cxongx 3 tul nhux qir thơưx, txos nhiv no niêv lâuk chuôz zis muôx txos 10 tul nhux. Chiê taz por muôx jâuz trâu nhux nox, niêv lâuk Hoa tsês 1000 yiv ndis ar tox trôngz chiê chos đrox nxư, đrox VA06, zôngv cxaz kuôr cưk, tsoz lôngx xôngz chiê vâuv uô jâuz nhux nox. Đrâuv tu zus, thâuv muôx six hơưv, niêv lâuk Hoa tsênhv paz niêv lâuk tul txir cơư ntông uô txax, trôngx tos...phưx vưv tsôngv pox nhuôs hâur jos thiêz têx thax tsav nhoz buôk co, chungz fênhx iz luz txax muôx grê muôs cxôngx 1 tsov 500 cxênhz đeiv txos 2 tsov đeiv, tul vôngv leix têz muôx grê zos 800 cxênhz txos 1 tsov đeiv, niêv lâuk chuôz zis tsênhv cxiv guôx cơư nhux trâu pox nhuôs hâur jos, nhiêx côngz uô zos 10 tsov đeiv iz guôx. Cxôngx phênhv sâu cxôngx tu zus nhux tưv nhux đas, tsi xav têx nhiêx txiêx tưz yưv mak sâu liv tâu zuôr xar 60 tsov đeiv. Tas nro phênhv sâu iz shông cxôngx tu zus thiêz cơư ntông zos tâu 100 tsov đeiv ntâu.

          Tsi taz txơưx uô kinh têr, niêv lâuk Hoa tsênhv zos hội viên uô ntêx nyuôk hâur chi hội, hội pox niêv xã li phongz yaox. Đros têx pox niêv hâur jos, niêv lâuk thâuv tưs cux jông siêz pheiz kênh tsưr ziv uô kôngz lôngk, cxiv tsa chuôz thênhx tsâu sor, shir phaz, cxaz chuôz cxix cxuô têx huôx tôngv zos têx cấp Hội phuôx tôngv. Đhâu ntâu shông uô nox uô hâuk niêv lâuk Hoa tưz cxênhx tsês tâu pênhr, nhiv no hâur jos pox niêv hội viên tsi muôx pênhr huôv tsar uô kôngz lôngk, tu zus mak niêv lâuk Hoa truôx siêz puz txeik pênhr tsi zuôr nhiêx liv.

          Đros têx chêx cuk tax tâu hâur uô lox tôngv xênhz yar. Niêv lâuk Hoa Xênhv Lâux tsiv nhos zos đeiv iêr chi cax luk chiê têx pox niêv vir ndâus hâur chi hội thiêz têx chi hội pox niêv xã Hồng Sỹ cơưv shâuv uô lơưr thiêz ntâu shông tsi so niêv lâuk Hoa chuôz zis tâu côngz jênhv zos chuôz zis txơưx uô nox uô hâuk cấp huyện thiêz tâu Chủ tịch UB huyện muôz ntơưr kruôk./.

          Phênhv “nôngx mênhx zuôr tsuv pâuz” hnuz no tsuôk muôx xâuk li no xưz. Phênhv no zos Chiz coaz Đeix nta suôz VN iz suôv Tây Bắc uô. Muôx tsênhv qơư cxuêz kôngz têz qơưk paz txưv./.

(Vừ Chu- Txâur Vax cxeik nhênhv)