400 chuôz zis px ntơưv Lào Cai tsênhv uô nênhx nhoz hâur thax tsav riêz nênhs

Hâur luz cheix no, cux zos ntu khênhr muôx jux juk têx coz nas chuô lox. Đros trâu 50 chuôz zis px nhoz jok Vả Thàng, xã Tung Chung Phố, huyện Mường Khương, tỉnh Lào Cai, thâuv tưs muôx iz coz nas lok zos thâuv ntơư px sđ muôx têx cêr cxơưx, nox tsi kaz, pư tsi tsâus jos viv lơưr uô nênhx nhoz đrav tơư tox, têx ar poz jêz xưz poz lok thâuv tưs pâuz tsi tâu. Thâuv ntêx, hâur jok tưz muôx kênh chuôz zis trâul ar, poz jêz xưz poz ntos lok cxưz, lok trâul tsêr, iz zav li tix lâus Vưx Seo Tsu chuôz zis:

“Têx li heik co muôx thâuv kaz shông 2014-2015, muk uô hâux lưv lok, poz jêz tưz ntos lok trâul tsêr, uô vax tsêr tsi jông tas lơưv. Nyei đuô hur si zos thâuv hmo ntux, hok đruôz hnuz mak cux tsênhv đhiê khiêr tâu. Têx riêz nênhs, tsi jông co chuôz zis cux heik trâu têz qơưk, heik trâu tsar jok ntêr lok lơưv, taz sik nhiv no cux tsi pov heik li chas cov yêik txar hlo”.

Trơưk li zơưv Vương Sở Ngọc, Phưv Chủ tịch Ủy ban xã Tung Chung Phố, txix đhâu thâuv jiês xuz thơưx muôx poz jêz ntos lok trâul tsêr co, hâu nov xã tưz đros phongx muôx vax huôv hâur huyện muk qênhz shuôs, ntâuk grê; đhâu ntơư, cơưv ntâu jiês, px cux heik txos hur si puôr lênhx tâu sâu jênhv, taz sik cux đơưk uô tsi tâu tâu têx li heik co nhoz Vả Thàng:

“Uô ntêx cấp ủy, hâu nov ntơưv qơư heik px tsi so chênhr phax, thâuv muôx ntux nas lox chuô hloz khiêr muk nhoz gâuv tax trâu têx ziv chuôz zis truôx tuk đuô xưz”.

Phongx Kôngz nuv huyện Mường Khương heik pâuz, chor chuôz zis px nhoz jok Vả Thàng, nhiv no qơư nhoz yiêz tâu njuôk hov xar muôx 5 ha, qơư tiêx taz por truôx tuk. Taz sik, hâux lưv yeik txar cux tsênhv uô tsi tâu tâu tiv phiv liv lok nhiêx txiêx. Iz chas ntơư, ntơưv huyện Mường Khương tsênhv yuôr 60 ntâu chuôz zis px nhoz pur ntiê thiêz chêx tsôngk ntơưv ntâu xã, taz sik cux tsi tâu yeik txar.

Trơưk li zơưv Chu Hoàng Nguyện, thơưx seiz car huôv tsar tox siêz tỉnh Lào Cai, hâur shông 2021, tas nro tỉnh muôx 400 ntâu chuôz zis px zuôr tsuv tâu yeik txar muk nhoz qơư truôx tuk. Co zos têx thôngz sâu, hok tsênhz tiês fuô uô njiz trâul ntâu phiv liv iz zav li ntơưv Vả Thàng thiêz huyện Mường Khương:

“Tiv iz, phiv liv lok sâuv hâux lưv yeik txar, ntơư zos phênhz ar trâu px chiê lơưr yeik txar muk nhoz qơư yiêz. Tiv 2, tsôngv box heir nênhs tsơưs lơưr muôx lơưr têx chei, cêr nênhx phôngz cxưx, thâuv yeik qơư nhoz tsuv xeir shông, xeir hnuz nhôngs, chêir li uz li no, muôx kênh lênhx heik cov txar, lơưr tiêk tsuv txos kaz shông thâuv hli 10, hli 11 ntơư thiêx jông yeik, taz sik tưz zuôr tsuv yeik txar uô ntêx cheix ntux nas chuô cov taz por truôx tuk trâu sđ”.

Nhiv no tưz zos cheix ntux nas, taz sik tas nro tỉnh Lào Cai nhiv kruôr muôx nhos 30 chuôz zis px nhoz thax tsav riêz nênhs tâu yeik txar muk nhoz qơư truôx tuk xưz-lok six tsơưs pir li tsưr ziv tso tơưv, zos tsuv yeik cov tas 400 ntâu chuôz zis px uô ntêx cheix nas chuô.

Têx phiv liv muôx têx sik pheiz kênh, siz paz tâu, taz sik tsênhz tiês zos iz hnuz uô kênhz têx hâux lưv li heik co mak zuôr uô tsi truôx tuk, tsi jông trâu tsôngv px luz nênhx, txox siê, viv zuk pâuz tsi tâu thâuv tưs zuôr muôx nas chuô lox, đêx cuôr yôngz, tox xưz poz./.

(An Kiên-Riê Lâux cxeik, nhênhv)

Muôz siêz xar, txơưx jênhv trâu cán bộ, tsôngv box thax tsav ntux đriv lok por vêv tsưr qênhx têz qơưk

          Thax tsav ntux đriv zos cxuô luz têz qơưk li thax tsav lok six coaz tsôngv lok côx phax, txiv ngaz. Cxiv tsa, coar lik, por vêv ntus đriv têz qơưk muôx ziz njiêz lok six coaz tsôngv lok chinhr trị, KTXH, txiv ngaz, côx phax. No zos têz qơưk thiêz tas nro tsôngv box li jênhv vưv, uô ntêx zos chinhr quyênx, tsôngv box nhoz thax tsav ntus đriv thiêz têx lưx lươngv vũ trang. Grê 7, Chei pênhz phax Việt Nam cui tênhv: “Tsôngv box nhoz thax tsav ntus đriv muôx txơưx jênhv cxaz chuôz cxiv tsa truôx tul pênhz phax tas nro tsôngv box thiêz têx phongz yaox por vêv tsưr qênhx têz qơưk, ntus đriv têz qơưk, tuôr truôx txiv ngaz, taz por xã hội nhoz thax tsav ntus đriv, trôngx đriv”.

          Pêz têz qơưk muôx ntus đriv ntêr, muk đhâu ntâu thax tsav qơư ar nxaz; lưx lươngv chuyên trách muôx tsi txâuk chiê seiz car tâu cxuô sâuv tas nro têx cêr ntus đriv. Viv li, hâux lưv coar lik por vêv ntus đriv têz qơưk tsuv khov txos tsôngv box, mak hâur co zos tsôngv box têx mênhx cxưx nhoz thax tsav ntus đriv. No zos lưx lươngv paz tuz lênhv pênhz phax pâuz tâu qênhx shênhx ntus đriv, ndêx đriv têz, têx lênhx nênhs muk lok đhâu ntus đriv. Tsôngv box cux yax six tsêz chos kôngz lôngk nhoz sâuv ntus đriv, cxuô qênhx shênhx uô cxâuv tsưr qênhx têz qơưk, cxuô zav nênhs li huôx tôngv puôr lênhx tâu tsôngv box pâuz tsênhz. Viv li, xar coar lik, por vêv truôx tul tsưr qênhx, txiv ngaz ntus đriv têz qơưk, uô ntêx tsuv cxiv tsa “ tsôngv box li siêz njênhs”, đros tsôngv box nox, đros tsôngv box nhoz.

          Tsênhz mênhx tso pov, têx lâuk jos târ jos, têx lênhx txir ndâux txir luk, chi hội pox niêv, hluôk nênhs...li cxaz chuôz nhoz têx tiv phaz têx shôngk đhâu tưz paz trâu têx phongz yaox “Tsôngv box por vêv jêx jos”; “phongz yaox chiv chir coar lik ntus đriv, ndêx đriv têz” tâu krêz uô jông, gôngr phênhv tuôr truôx tsưr qênhx têz qơưk, txiv ngaz nhoz thax tsav ntus đriv. Thiếu tướng Phùng Quốc Tuấn, Phưv chính ủy Bộ đội pênhz phax Việt Nam khav tênhv:

          “Vênhv tôngv tsôngv box uô jông Đảng li chủ trương cêr chei, têz qơưk li phuôx lix, thiêz muôz siêz chêx cuk trâur nuv, tsưr ziv uô jông nhoz tiv phaz, uô li chas chiê tror yax kriê, vênhv tôngv tsôngv box uô jông muôx chêx cuk đuô thiêz, uô li chas chiê tsôngv box njênhs njôngr txos Đảng li lênhs tov thiêz njênhs njôngr lok bộ đội pênhz phax”.

          Têx shông zuôr txos, vênhv thix sik txênhz tsưr qênhx, ar têz tsênhv lok six phưx txuôx, têx têz qơưk lox zôngv tsưr ziv kuôz zuôv lok chinhr trị, kinh têr, quân sự, ngoại giao, txênhz ntus đriv têx têz qơưk txơưr, muôx tsưr ziv tror pheiz đuô cêr ntus đriv. Hâur têz qơưk, têx nênhs fêv yax six cxơưz tiês têx huôx tôngv tir tar sâuv têx vênhv thix; lok txiv ngaz thôngz xor mông; qênhx shênhx tsir têz tsir qơư, kiês nênhs tênhx qơư, qiv hơưv txơưr txar, nênhs phamv cxâuv zax zênhz, muôv muôs lênhx nênhs, nhiês chox lênhx nênhs muk đhâu ntus đriv, nhiês muôv muôs hax huv chuôr đhâu ntus đriv đros ntâu tsưr ziv uô lax seiz car tâu....tsôngv box thiêz lưx lươngv vũ trang nhoz thax tsav ntus đriv li KTXH, luz nênhx tsênhv yuôr ntâu phêv liv. Têx liv zix thiêz phêv liv zuôr uô zênhr shar txos trâu tsôngv box, tsưr tsix, tiv zix zos tsôngv box têx mênhx cxưx nhoz ntus đriv, tox siêz li siêz xar, huôx tôngv.

          Viv li, têx lưx lươngv muôx txơưx jênhv tsuv tror cxơưz tiês yax mông, zaoz zux muôz siêz siêz xar, txơưx jênhv trâu tsôngv box lok Đảng li cêr chei, têz qơưk li phuôx lix thiêz têx điều ước ntiêx têz muôx lênhx coaz txos ntus đriv têz qơưk; jênhv pâuz tâu têx tsưr ziv, huôx tôngv uô hiêv txos tsưr qênhx têz qơưk, uô hiêv txos liv zix têz qơưk, tsôngv box mênhx cxưx nhoz thax tsav ntus đriv. Tror cxaz chuôz cxiv tsa, hlôngr yiêz cxix luôk chinhr trị ntơưv qơư nhoz thax tsav ntus đriv cov truôx vênhs, uô muôx chêx cuk Thủ tướng chính phuv li chỉ thị số 01 lok :Tsưr tsix phongz yaox tas nro tsôngv box caz chuôz por vêv tsưr qênhx têz qơưk, txiv ngaz ntus đriv têz qơưk hâur qênhx shênhx yiêz”. Khov txos tsôngv box, seiz tsôngv box zos lưx lươngv tsênhv chiê “Iz lênhx tsôngv box nhoz ntus đriv zos iz tul ndêx đriv têz chiêx”, thiêx li taz por cêr ntus đriv, ndêx ntus đriv tâu tuôr truôx, tsưr qênhx têz qơưk tâu por vêv truôx tul./.

(VOV4-Txâur Vax cxeik nhênhv)