Jax sâu thưr 6 hnuz xiêz 9/9/2016:

Đắk Nông: Chêx cur tsênhv chêi paz coưv ntơưr trâu chor tuz nhuôs mênhx cxưx tsơưs nênhs

         Bax trik yo đros iz cxiê ntâuz ntơưr chiê bax tuôx cơưv đại học ntơưv thành phố Hồ Chí Minh, cưr K’Cường, nhoz jok N’Jiêng, xã Đak Nia, thị xã Gia Nghĩa, puz pâuz, chor shông cơưv cxênhx pêz, cur cơưv hâur tsêr cơưv phôv thôngz nội trú, chuôz zis cux tsik thav thêv ntâu nhiêx. Nhiv no tuôx cơưv ntơưv thành phố Hồ Chí Minh, cur cux tso siêz viv tưz muôx tỉnh Đăks Nông li tsênhv chêi paz trâu shux xênhz mênhx cxưx tsơưs nênhs. K’Cường piêr:

 “Cur zuôr sir jos cơưv ntơưr chiê tov kaz no muôx luz nênhx jông đuô thiêx tsik giv niêv txir siêz vav tok njôngr”.

K’Cường niêv, Ami Vung puz pâuz, chuôz zis pluôs, taz sik khov muôx têz qơưk paz, mak niêv tix chor mê nhuôs puôr lênhx tâu cơưv ntơưr cxix cxuô:

 “Cur tuk nhuôs hloz txix lớp 5 txos lớp 9 mak cơưv ntơưr Quảng Khê, đhâu co lok tỉnh cơưv đhok tênhv tênhz, cê cơưv ntơưr, cê cơưv uô hâux lưv, tâu têz qơưk paz, tsik tas nhiêx txiêx nox nhoz, cơưv ntơưr. Hok Cường mak txix lớp 1 txos lớp 9 cơưv ntơưv no, ndê lớp 10 mak cơưv nội trú tỉnh, cxuô kror lok nox nhoz cơưv ntơưr puôr lênhx zos tsêr cơưv cxơưx tas hur si. Cur uô tsâus têz qơưk thiêz chor cưk kriê ntơưr tưz paz trâu cur chor mê nhuôs nox nhoz, cơưv ntơưr”.

Tưz tsik zos chuôz zis Ami Vung xưz, mak tas nro têx tuz nhuôs mênhx cxưx tsơưs nênhs nhoz xã Đắk Nia hêik taz thiêz tỉnh Đắc Nông hêik cxuô, puôr lênhx tâu paz cơưv ntơưr. K’Tông, cơưv tiêr đại học Tây Nguyên, nhiv no tsênhv uô hâux lưv lơưr hux thôngx ntơưv UBND xã Đắk Nia, thị xã Gia Nghĩa, puz pâuz, Đros thiêz cxiv luôs tsêr cơưv ntơưr tưz tâu kriz uô jê têx jêx jok, chor tsênhv chêi paz cxix cxuô trâu tuz nhuôs mênhx cxưx tsơưs nênhs tâu uô jông tưz paz trâu chor nhuôs truôx siêz tuôx tsêr cơưv ntơưr. Xưk li K’Tông, thâuv cơưv phôv thôngz tâu paz ntơưr thiêz nhiêx nox yênhx hli. Thâuv cơưv đại học Tây Nguyên, tror jênhv tâu tỉnh li nhiêx paz, tsênhv muôx nhiêx paz zuôr ntơưr yêz muk lok txix Đắk Nông-Đắk Lắk thiêz. K’Tông hêik:

 “Cur tsuôk sir jos muk cơưv ntơưr xưz, chuôz zis cux tsik muôx.iz hli tsêr cơưv muôz trâu cur 140 cxênhz đêiv, thiêz cur lok ban mênhx cxưx tỉnh gra nzir nhiêx paz chiê thêv nhiêx cơưv ntơưr. Iz zav li nhiêx cơưv iz kỳ 4 triệu, mak zuk muôz nhiêx hâur tsêr thêv nzir trâu, txos kaz shông cơưv mak lok tiv phaz gra chor nhiêx paz co chiê tror thêv cơưv nzir. Cur chuôz zis cux txêik pênhr hâur zênhx hangx tsênhv chêi xã hội chiê paz trâu cur muk cơưv ntơưr”.

Lơưr pos Hà Thị Hạnh, Trưởng ban mênhx cxưx tỉnh Đắk Nông, shông 2005 đhâu thâuv yênhx lix tỉnh yiêz, chiê paz thơưz côngz xưv zoz zux hâur thax tsav mênhx cxưx tsơưs nênhs, Đắk Nông tưz kriz uô iz tsênhv chêi paz nhiêx txiêx trâu shux xênhz mênhx cxưx tsơưs nênhs ntơưv qơư. Lơưr co, chor tuz nhuôs cơưv txix cxênhx oz txos cao đăng, đại học tâu paz iz hli txix 70.000 đêiv txos 300.000 đêiv khov lơưr cấp cơưv thiêz paz nzir nhiêx yêz muk lok zos cơưv saz đrâuv tỉnh. Tsênhv chêi no tưz paz thơưz phongz yaox cơưv ntơưr hâur thax tsav mênhx cxưx tsơưs nênhs nhoz Đắk Nông. Kror tsênhz zos chor shux xênhz yênhx shông tsik so chuôz ndê, chor shux xênhz tso ntơưr tsês ziv hnuz ziv tsơưs, thiêz tsik yuôr qênhx shênhx shux xênhz mênhx cxưx tsơưs nênhs tso ntơưr tsês tiv luz nênhx txov nhêv. Shông 2005, tas nro tỉnh Đắk Nông tsuôk muôx 25 lênhx shux xênhz cao đẳng, đại học; mak txos nhiv no, tsuôk hêik txos chor shux xênhz cơưv ntơưr hênhr ntơưv têx tsêr cơưv cao đăng, đại học tâu tỉnh kruôk yênhx shông zos 800 ntâu lênhx. Chôngz lênhx tưz cơưv tiêr tror lok tiv phaz uô côngz xưv, cxaz nzir phênhv cán bộ zos mênhx cxưx tsơưs nênhs. Pos Hà Thị Hạnh, puz pâuz:

 “Tâu paz li co mak chor shux xênhz tso siêz đuô hâur cơưv ntơưr, thiêz tưz paz thơưz phongz yaox cơưv ntơưr hâur tỉnh chuôz ndê jux juk. Thiêz têx paz no tưz paz muôx tsưr ziv thox cxov phêhv pênhr jos trâu thax tsav tsôngv box mênhx cxưx tsơưs nênhs, thiêz côngz xưv cán bộ zos mênhx cxưx tsơưs nênhs nhoz tỉnh cux tưz muôx têx hlôngr yiêz”.

Zơưv Y Thái, phưv trưởng ban mênhx cxưx-Hôiv đôngx tỉnh Đắk Nông, khav tênhv, têz qơưk li chor tsaz yênhx paz tưz paz muôx phongz yaox cơưv ntơưr  ntơưv Đắk Nông, paz gra siêz juk chêx cur cơưv ntơưr hâur thax tsav mênhx cxưx tsơưs nênhs. Taz sik, chiê huv đros xã hội li zoz qơưx huôv tsar, hlôngr trâu paz tas nro trâu chor shux xênhz mênhx cxưx tsơưs nênhs, mak tsênhv chêi yiêz zuôr paz tsêx trung paz trâu chor nhuôs muôx luz nênhx txơv nhêv. Zơưv y Thái puz pâuz:

 “Tror uô thiêz phuôx huiz tsênhv chêi no, mak HĐND tỉnh tso tơưv iz tsênhv chêi yiêz jông đuô, tsov cưv tiv zix txos chor tuz nhuôs mênhx cxưx tsơưs nênhs zos chuôz zis pluôs thiêz zuôr xar pluôs, lơưr co zuôr paz trâu chor nhuôs cov ntâu đuô. Thiêz vav tiêk tsênhv chêi yiêz zuôr paz tâu trâu nênhs sơưv thiêz tsuv tâu paz hâur cơưv ntơưr, tiv zix zos chor nhuôs hâur chuôz zis pluôs, zuôr xar pluôs”.

Đros 40 mênhx cxưx sik đros uô nênhx nhoz, 1/3 zos mênhx cxưx tsơưs nênhs, kror tsuv cưv yưv pênhr trâu zoz zux thax tsav mênhx cxưx tsơưs nênhs zos kror uô paz trâu Đăk Nông huôv tsar kinh tế xã hội truôx đrênhk. Têz qơưk li têx paz huv đros, đros thiêz cán bộ cưk kriê ntơưr, chor tuz nhuôs mênhx cxưx li têx sir jos zuôr paz trâu Đắk Nông gra siêz txux chi, truôx tuk qênhx shênhx ngaz tuk chính trị, huôv tsar kinh tế, iz thênhv jux juk gra siêz luz nênhx trâu pêx xênhv./.

(TTT-Lik Thox cxêik nhênhv)

Phênhv thưr 6.9.9.2016:

PHÊNHV HEIK KRIÊ CHÊI TÊZ QƠƯS

Tsi muôx pênhr xưv thêv phênhv nux grê txeik zênhx hangx mak zuôr trâus bluô li chas?

Nus: Cur chuôz zis kir txeik zênhx hangx iz chor nhiêx chiê huoov tsar cêr uô nox, taz sik tiv uô nox ho pôngz pênhr, nhiv no thêv tsi tâu phênhv nux grê trâu zênhx hangx. Lơưr chêi têz qơưs li cui tênhv mak zênhx hangx zuôr bluô cur ziv chuôz zis  li chas?

          Têz: Hôx thôngx tâu cir hâur cox ziv chuôz zis đros zênhx hangx zos hôx thôngx kir txeik chuôz zênhx chuôz tas. Lơưr chêi têz qơưs li cui tênhv, hôx thôngx kir txeik chuôz zênhx chuôz tas zos 2 tos thôngx ziv, lơưr co zênhx hangx tsuv muôz nhiêx trâu tos kir txeik; thâuv tas six hơưv txeik, tos kir txeik tsuv thêv trâu zênhx hangx lơưr tsơưr lươngv thiêz tsuv thêv phênhv nhiêx liv tưz thôngx ziv lok sik chêi têz qơưs cui tênhv.

          Hôx thôngx kir txeik nhiêx hâur chuôz zis thiêz zênhx hangx tưz uô cxix cxuô ntâuz ntơưr kir txêik nhiêx, tsuv tâu thêv phênhv nux grê co trâu zênhx hangx. Viv li, chuôz zis tsuv uô trơưk li ntâuz ntơưr tưz cir. Zos chuôz zis tsi muôx pênhr xưv thêv tâu nux grê, zos tsi uô trơưk têx ntâuz ntơưr tưz cir mak chuôz zis tsuv trâus zênhx hangx bluô thiêz tsuv pâux nzir têx ruôr hiêv trâu zênhx hangx zos muôx yưvtêx kror tsik jông.

          Zênhx hangx muôx qênhx heik chuôz zis uô trơưk têx ntâuz ntơưr tưz cir, zos tsik thêv têx nux grê trơưk li oz tos thôngx ziv. Lok têx tsưr ziv xưv bluô muôx lênhx coaz txos hôx thôngx txeik nhiêx txiêx mak chuôz zis tsi muôx pênhr xưv thêv nux grê mak thâuv cir hôx thôngx, chuôz zis thiêz zênhx hangx tưz thôngx ziv thiêz uô têx ntâuz ntơưr zuôr trâus chiê sir zôngv têx tsưr ziv taz por uô trơưk Grê 318 chêi têz qơưs: têx ntâuz ntơưr, chuôz zênhx tsiv grê tâu ntâus grê chiê txeik pênhr nhiêx, muôx lênhx nênhs sơưr lênhs thêv chor nux grê thâuv muôx tul tsi muôx yưv....Li ntơưv, zos fôngx zưs chuôz zis thêv tsi tâu nux grê mak zênhx hangx zuôr muôx tsưr ziv yưr lir li:

          - Heik tos sơưr lênhs paz thêv tsuv thêv trâu chuôz zis ( zos muôx thôngx ziv).

          - Xưv bluô chuôz zênhx chiê chuôz zis muôz têx chuôz zênhx chuôz tav tsiv grê ntâus grê chiê chiê thêv trâu têx nhiêx kir txeik ( zos muôx thôngx ziv). Grê 355 BLDS 2005 cui tênhv lok hâux lưv xưv bluô li no: “ Zos tưz tas six hơưv thêv nux grê mak tos txeik pênhr tsi muôx pênhr xưv thêv lok sik uô tsi trơưk li thôngx ziv mak hâux lưv xưv bluô chuôz zênhx, ntâuz ntơưr tsiv grê tâu uô lơưr cui tênhv ntơưv Grê 336 thiêz Grê 338 chêi têz qơưs tso tơưv”.

          Cxuô chuôz zênhx tsiv grê zuôr tâu uô trơưk tsưr ziv 2 tos thôngx ziv, zos đrêiv chêi têz qơưs cui tênhv chiê thêv trâu zênhx hangx. Đrâuv co, thâuv chuôz zis thêv tsi tâu nux grê mak zênhx hangx muôx qênhx pênhr cov trâu tòa án muôx qênhx chiê heik chuôz zis uô trơưk thiêz thêv cov tas chor nux grê kir txêik tror trâu zênhx hangx./.

( Thanh Thủy- Txâur Vax cxeik nhênhv)