Lạng Sơn: Sir jos paz trâu chor huyện 30a hla đhâu cêr pluôs

Jok Lự, xar Kiên Mộc, huyện Đình Lập, tỉnh Lạng  Sơn zos iz hâur têx jêx jok tâu paz lơưr tsaz yênhx 30a txix shông 2018. Ntơưv no muôx nhos 100 ziv chuôz zis huôv tsar tu zus nhux đas. Hêik tiêk zos tsưr ziv taz sik tsênhv tsênhz mak iz ziv chuôz zis tsuôk tâu paz iz tuk mâuv nhux đas tsiv gri muôx 15 triệu đêiv. Đhâu 2 shông tu zus mâuv nhux thiêx li muôx jêx thiêz zuôr sha mê nhuôs viv li paz tsik tâu trâu jok Lự hla đhâu cêr pluôs. Zơưv Lương Văn Nông (46 shông), hêir nênhs Tày nhoz ntơưv jok Lự puz pâuz txơưv tiêk 4 lênhx nênhs hâur chuôz zis tưz sir jos muk khưr uô nox, cxuôr cuô mik ntông chiêz, taz sik chor hli thâuv kôngz lôngk tsik tâu siêr mak cux tsênhv khov trâu têz qơưk têx paz:“Shông no ntông chiêz cux tsik tâu gri. Hâur shôngk shông tâu muôx 20.000 đêiv txos 21.000 đêiv, oz pêz hnuz no mak tâu 24.000 đêiv iz cir. Tas nro chuôz zis li phênhv sâu tsuôk tâu muôx 20-30 triệu đêiv iz shông”.

Tix lâus Nông Văn Tân, Chủ tịch UBND xar Kiên Mộc puz pâuz chor nhiêx txix Tsaz yênhx 30a, xar tsêx trung yưv pênhr cxiv tsa cxuô zav zov chênhr thiêz paz chor tsưr ziv thiv pluôs xưk li tu zus nhux đas, chos ba kích:“Phênhv paz txix chor tsaz yênhx thiv pluôs 30a muôz trâu xar zos 2 tiv 240 triệu đêiv thiêz pêx sir jos paz trâu pêx xênhv huôv tsar kôngz, jôngr nuv xưk li chos ba kích, zus nhux đas, kêiz thiêz kror jông tiv zix zos hâur 3 shông tror lok no, chor chuôz zis pluôs tưz tâu txo grêk tsơưs txos yuôr tsơưs đuô 11%; Tsêiz no, hâur xar yuôr 186 ziv chuôz zis pluôs, tsav muôx 33% ntâu taz sik nhiv no tưz grêk txos yuôr 46 ziv”.

Chor chuôz zis pluôs grêk tsơưs ntâu, cêr, tênhv, trạm tâu yưv pênhr, cxiv uô yiêz zos têx kror zôngx ziv njiê pov tâu taz sik tsênhv paz tsik tâu tâu chor xar thax tsav 3 xưk li Kiên Mộc hla đhâu cêr pluôs. Qir tiv tâu xav jênhv zos tiv têx ar uô nox muôx tsơưs, tsik uô cê. Ntâu tiv phaz tâu paz txix chor tsaz yênhx xưk li 30a, 135, jêx jok yiêz taz sik tsik tâu txâuk chiê paz trâu pêx xênhv muôx tsưr ziv uô nox muk ntêr, hlôngr yiêz tênhv qơư uô nênhx. Zơưv Đặng Đình Đức, Trưởng phòng Lox tôngv-Xaz pênhz-Xar hôiv thiêz Mênhx cxưx huyện Đình Lập hêik:“Đại hôiv Đảng huyện 2020-2025 li Nghị quyết xav jênhv yưv pênhr muôx tsênhv njiêz thiêz xêir tsov têx côngz trinhx thiv pluôs muôx qơư, phêiz côngz trâu chor ban nganhx, đoanx thêv, sir zôngv chor pênhr cov truôx jông đuô”.

Txos six hơưv no, Lạng Sơn cux tsênhv yuôr 107 xar txov nhêv tiv zix, 3 xar ntus đriv zos chor xar tâu yưv pênhr lơưr tsaz yênhx paz trâu chor xar pluôs. Lạng Sơn tror tâu xêir tsov zos iz hâur têx tiv phaz tas nro têz qơưk uô lơưr Đề án tsưr ziv têz qơưk, huôv tsar kinh têr xar hôiv thax tsav tsôngv box mênhx cxưx tsơưs nênhs thiêz tox siêz nhiv kruôr  tâu côx hôiv thôngz đhâu.

Đros yênhx puô xar tox siêz, ntus đriv txov nhêv tiv zix, tsưr ziv mak Đảng bôv tỉnh Lạng Sơn tso tơưv txos shông 2025 zos sir jos cov 100% chor xar muôx cêr luôv poz jêz txos trâu qơư uô hâux lưv têx xar, 80% cêr muk txos trâu têx jêx jok tâu uô lox jông. No zos kror zov chênhr chiê paz trâu pox nhuôs thax tsav txov nhêv huôv tsar uô nox, sir jos chos kôngz lôngk thiêz zôngx ziv muôs tâu têx hax huv kôngz lôngk, paz muôx hâux lưv uô, chuôz ndê phênhv sâu. Kror zov chênhr zos têx hlôngr yiêz jông lok vax tsêr cxuô zav zuôr iz thênhv jux juk paz trâu pêx xênhv ntơưv chor xar pluôs pâuz tâu zuk li txơưx jênhv chiê sir jos cov hla đhâu cêr pluôs./.

(TTĐB-Lik Thox cxêik nhênhv)