Đảng tsưr ziv-huv pêx xênhv siêz paz uô tâu jông cxuôv têx tsêr đaz tuôs lav nhoz ntơưv Lào Cai

Zênhx zos chuôz zis pluôs nhoz jok Phìn Hồ, tix lâus Tẩn Láo Lả, mênhx cxưx Cho nhoz xar Ngũ Chỉ Sơn, thị xar Sa Pa, tỉnh Lào Cai luz tsêr đaz tuôs ho nhoz ciês trâu kror qơư zôngx ziv njiz trâus ar poz. Thâuv tsik tâu pâuz shor zuôr uô li chak thiêx tơưv đhâu kror qơư no, tix lâus Tả chuôz zis hmôngr jông tâu paz chiê txar qơư nhoz yiêz, tsênhv tâu paz nzir 30 triệu đêiv chiê zuôr đuô vuôk vor tsêr. Kror tsuv hêik, luz tsêr cấp 4 uô trâu tix lâus Tả chuôz zis nhoz tâu uô ciês ntơưv kror qơư nhoz yiêz ntơưv tsênhv qơư Can Hồ B, taz sik lênhx tov xar ho zos chor nênhs uô jông uô tiv zix, tsik so tuôx sêiz nus tix lâus, xar tâu paz đaz tsi mak lơưr paz ciês trâu. Lơưr zơưv Phan Đăng Toàn, Bí thư Thị ủy Sa Pa, đros sir jos paz trâu cxuô thax tsav qơư cxuôv por tsês cov tâu zuôr xar 300 luz tsêr lav nhoz hâur shông 2020, Thị ủy phêiz côngz chor nênhs hâur thường trực sêiz shuôk 4 tôv nhoz ciês ntơưv têx xar, phường, muk ti gâuk qơư chiê chox kriê ciês uô tsưr ziv paz. Lax yax mak xar tiêk zos nhiêx txiêx, taz sik thâuv hêik xar hôiv paz mak ho muôx tâu ntâu đuô siêz xar: “Shông 2020, Sa Pa zos thax tsav qơư njiz trâus phiv liv ntâu tiv moz Covid-19, tiv zix zos têx doanh nghiệp, tsêr uô jâuz mor nox hâuk, kruô nhoz so….Kror phiv liv đuô zos tsưr tsix jiês cơưv chiê hêik sơưr đơưk paz cxuôv têx tsêr đaz tuôs lav nhoz trâu pêx xênhv ndax thâuv caz moz tsênhv txơưr txar phiv liv taz sik Sa Pa tưz hêik sơưr đơưk paz tâu xar muôx 5 tiv đêiv, co zos iz kror uô tâu lok six jông”.

Đrâuv Sa Pa, hâur shông đhâu têx huyện txơưr nhoz Lào Cai cux sik đros paz trâu tsaz yênhx cxuôv têx tsêr đaz tuôs lav nhoz, yênhx thax tsav qơư puôr lênhx muôx têx tsưr ziv uô jông, txơưx xar tơưv, huv đros trâu tsênhv tsênhz ntơưv cxuô thax tsav qơư. Li Sa Pa, Bát Xát cux paz tâu trâu iz ziv chuôz zis txix 30-50 triệu đêiv, hok Văn Bàn mak paz tsơưs đuô xar muôx 5,5 triệu đêiv iz ziv chuôz zis, taz sik cux paz cxuôv tâu muôx 330 ntâu luz tsêr hâur 4 hli, zơưv Phí Công Hoan, Chủ tịch UBND huyện Văn Bàn hêik:“Văn Bàn li tsưr ziv zos uô trâu pêx xênhv pâuz tâu tsuv sir jos cxơưx trâu zuk luz nênhx. Đhâu thâuv muôx phongz yaox co mak pêx xênhv sơưr đơưk lok six sir jos. Thôngx cxix, hâux lưv zok nriêr pênhr nhiêx, tsưr tsix kriz uô tâu lok six jông. Muôx xar tsuôk tâu paz 70 tấn xi măng taz sik cux cxuôv tâu 75 luz tsêr; muôx têx xar mak siz paz xưk li Nậm Xế paz trâu Minh Lương 10 triệu, Nậm Dạng paz trâu Nậm Chày 5 triệu đêiv”.

Tsaz yênhx cxuôv por tsês tsêr đaz tuôs lav nhoz zos iz hâur Tỉnh ủy Lào Cai li 6 tsênhv njiêz hâur Đề án số 9 lok Thiv pluôs truôx đrênhk ntu 2015-2020. Hâur 4 shông xuz thơưx, kriz uô hâux lưv no njiz ntâu kror phiv liv, viv chor tsêr đaz tuôs muôx txos 3.000 ntâu luz; tas nro puôr lênhx zos chuôz zis pluôs, hâur co muôx tsik tsơưs chor chuôz zis zos nênhs lâul, nhoz iz lênhs tsik muôx nhiêx chiê kho đuô, hax zav tsik car txêik nhiêx hâur zênhx hangx chiê uô… Txos iz đraz shông 2020, tsaz yênhx nhiv kruôr uô tâu muôx 50%, Tỉnh ủy Lào Cai tưz ntâu jiês đros uô, sâu jênhv têx ziv chênhv txix cxuô thax tsav qơư, đhâu co xar tâu tiêk tsuv uô lơưr Đảng chox kriê, Chính quyền tsưr tsix, pêx xênhv chiv chir sir jos, côngv thôngx sik paz, đros sir jos chiê pêx xênhv tâu tok tsiêz hâur têx luz tsêr yiêz. Tsênhv tsênhz zos li, tsik tâu muôx 6 luz hli, txơưv njiz trâus ntâu phiv liv tiv moz Covid-19, taz sik tas nro tỉnh Lào Cai li têx huyện, thành thị nhiv no tưz tâu cxuôv tas nro têx tsêr đaz tuôs lav nhoz. Zơưv Trịnh Xuân Trường, Chủ tịch UBND tỉnh Lào Cai puz pâuz:“Tsaz yênhx cxuôv tsêr đaz tuôs lav nhoz no Tỉnh ủy tưz chox kriê, đhâu co kriz uô txos tas nro thax tsav têx huyện, ntâuk gri lơưr ciêz, zos yênhx phongz yaox nhoz têx huyện. suôv câuv shông 2020 cux hêik tâu tiêk cấp ủy li pưk txux lok six zov chênhr, hâur ntu kriz uô huiz tôngv tâu tas nro cxiv luôs chính trị sik đros uô, muôx chor nênhs siêz jông thiêz tas nro côngv thôngx sik đros paz uô”.

Txix têx uô tâu lok cxuôv tsêr đaz tuôs lav nhoz ntơưv Lào Cai nzir iz jiês thiêz khav tênhv txos kror Đảng tsưr ziv, chox kriê uô-huv đros pêx xênhv siêz. Têx uô tâu jông hâur cxuôv tsêr đaz tuôs lav nhoz tưz paz trâu Lào Cai sir jos txo grêk tsơưs tâu chor chuôz zis pluôs ntâu tiv zix thiêz sơưr thơưx hâur thax tsav, txo grêk tsơưs chor chuôz zis pluôs nhoz Lào Cai txos yuôr 8,2% xav txos tas shông 2020. No cux zos iz kror paz trâu Lào Cai tso siêz sir jos huôv tsar uô têx tsưr ziv txơưr đuô hâur ntu zuôr txos./.

(An Kiên-Lik Thox cxêik nhênhv)

Tsôngv px zuôr tsuv pâuz

Tsưr ziv chos poz cưk blâuv

          Muôx têx jiês poz cưk blâuv cux zuôr chos tâu yênhx shông, zos trâu tâu trâu têx luz hli muôx ntux yar ntux nas paz thiêz têx faz tsưr ziv chos muôx li đrav kaz:

1. Ar chos:

   Poz cưk blâuv zos tsoz chos lur hnuz nhôngs, zav zar tưr  cux chos tâu, zos chos trâu thax tsav ar têz mê njik shơư  suôz jêz, ar nxênhr thiêz chor ar ntơư nông.

   Lar hêik zos thax tsav ar ntơư tsuv lêix tok muôx iz đok ntâu, uô cov chor ar ntơư nxênhr, tsoz chos thiêx huôv hloz jông. Đros ntơư, tsuv muôx têx qir tsiêx chox muk fông  thiêz thâuv lêis tas ntơư tsuv muôz hmôngr jễ siz chox muk fông jiêz yar 10-20 hnuz mav li chos poz cưk trâu thiêx tsik muôx caz hmoz uô ruôr hiêv txos tsoz chos.

2. Xêir nôngz chos:

Nhiv no hâur ciêz đrôngl muôx ntâu zav nôngz poz cưk blâuv muôs, zuk xar zuôr zav nôngz tưs cux tâu.

Tsưr ziv chos, iz tsoz tsuv chos oz txos pêz njiêr, cêv kruôk hax no trâu 60 phênhk txos iz thiêr thiêz uô 3 jiês fông qir; fông qir jiês xuz thơưx zos thâuv chos tas 10 hnuz; fông qir jiês tiv oz zos cêv kuôk jiês fông xuz thơưx 10 hnuz; fông qir jiês tiv 3 zos cêv kuôk iz luz hli. Ntơư zos mfông urê, kali, taz sik qir urê thiêz qir kali tsuv muôz tor đêx uô cê, thâuv tso mfông trâu poz cưk thiêx tsik tuôs blôngx.

Nhạc cắt:

          3.Tu tsưx phưv:

          Đhâu chos 4-6 hnuz, poz cưk tuôx câuk hlar iz blôngx, zos têx tsoz chos tsik tuôx, tsuv ro chor tuôx tuôz chox muk chos trâu. Hâur ntu chos thiêz mfông qir, tsuv uô 3 jiês mfông. Jiês iz thâuv chos tas 10 hnuz, jiês tiv 2 cux cêv kuôk 10 hnuz, mfông qir  jiês tiv 3, cêv kuôk iz luz hli xav txos thâuv chos tas. Ntơư cux zos mfông qir urê,qir kali.

4.Thâuv sâu:

Phênhv ntâu zos đhâu chos tas 60-65 hnuz, zos sâu poz cưk tsik tâu kruôr, tsuv muôz chox lok jiês; zos sâu thâuv chor poz cưk ntơư tưz kruôr, đhâu sâu tas chiê muôz chox lok tsês chiê./.

Tsu cxêik nhênhv-KT báo nông nghiệp