Ntâu ziv chuôz zis pluôs nhoz Bảo Thắng, Lào Cai muôs chor tưv nôngz đhâu thâuv tâu paz

Shông 2018, niêv tix Đặng Thị Liên, jok Bản Lót, xar Bản Cầm, huyện Bảo Thắng, tỉnh Lào Cai tâu paz tsik tas nhiêx txiêx iz tuk niêv tưv nôngz chiê zus cov sha mê nhuôv, đros hêik pâuz tiêk tuk mê nhuôv tưv sha tâu xuz thơưx ciês, tsuv tror muôz trâu têz qơưk chiê paz trâu chor ziv chuôz zis txov nhêv txơưr đuô tu zus. Đhâu iz shông ntâu tov kaz, chox muk tso tơư 2-3 jiês cux tsik pov muôx jês, tok txos thâuv tâu gri tiv zix, niêv tix Liên chox tuk niêv tưv no muk muôs tâu 21 triệu đêiv.

“Xuz thơưx nhav tâu tưv chox lok mak nênhs hâur tsêr hêik tiêk, mê uô luôx li no zus txos thâuv tưs thiêx lox, taz sik cur cux xav jênhv zuôr zus xưz. Taz sik uô kaz ciês lok cux zus tsik tâu, tsuv muôz muôs lơưv. Hnor tiêk ntơưv jok Lót tưz muôx nênhs muôs lơưv viv li cur thiêx muôs, tsik zos cur cxoz txưv, nhiv no têz qơưk cov thêv mak cur cux thêv xưz”.

Nhoz đros niêv tix Liên jok cux tsênhv yuôr 4 ziv chuôz zis txơưr cux chox chor tưv nôngz chox muk muôs. Jok Nậm Choỏng nhoz jê co cux muôx oz ziv chuôz zis muôs li co. Niêv tix Liên muôs tâu gri tiv zix, hok chor chuôz zis txơưr mak tsuôk muôs tâu muôx 20 triệu đêiv iz tuk. Tâu pâuz, chor tưv paz trâu xar Bản Cầm nhoz hâur dự án zos huyện Bảo Thắng, tỉnh Lào Cai uô tsưr yưv pênhr. Taz viv uô zos Phongx Kôngz nuv thiêz huôv tsar jêx jok, tox siêz huyện; sir zôngv nhiêx txiêx phênhv ntâu zos txix chor nhiêx txiêx têz qơưk cxiv tsa jêx jok yiêz; kriz uô hâur shông 2018.

Tas nro chor tưv muôx 36 tuk, muôz paz trâu 36 ziv chuôz zis pluôs, zuôr xar pluôs, nhiv kruôr hla đhâu cêr pluôs nhoz xar Bản Cầm. Hâur co, tsuôk muôx oz tuk zos fơư tưv nôngz, đuô li zos chor niêv tưv, tas nro puôr lênhx muôx 24 hli hnuz nhôngs. Nênhs hâur Dự án puz pâuz, txix iz tuk niêv tưv xuz thơưx đros gri zuôr lok muôx 26 triệu đêiv iz tuk, hnhar muôx 170-200 cir, txos shông tiv 5 (zos shông 2022),  tus niêv tưv zuôr sha oz jas,  sha tâu 2 tuk mê nhuôv tưv, njuôk xav iz tuk mê nhuôv tưv tâu muôs 20 triệu đêiv. Njuôk xav tas nro nhiêx txiêx, têx kror liv tâu muôx nhos 29 triệu đêiv iz chuôz zis.

Dự án li tsưr ziv uô li, taz sik tsênhv tsênhz muôx yưv ntơưv Bản Cầm ho puz pov, đrâuv 7 tuk tưv nôngz tưz muôs tas, đros gri muôs tsuôk bâuv li gri muôs chor mê nhuôv tưv uô tuôr xuôv trâu têz qơưk têx nhiêx txiêx. Txos nhiv no, thâuv Dự án tsênhv hla trâu shông tiv 4, taz sik chor tưv txơưr đuô tsênhv tâu chor chuôz zis tu zus cux tsik lox luôx tưs, tas nro chor tưv co tsuôk muôx iz tuk mâuv tưv nhiv kruôr sha tâu iz tuk mê nhuôv xưz. Zơưv Vàng Văn Liểng, khuyến nông viên ntơưv thax tsav qơư puz pâuz, nriêr pâuz nhoz 7 ziv chuôz zis chiv chir muôs chor tưv tsik zos li kror tưz jênhv, muôx chuôz zis zos chuôz zis hluôk oz niêv txir muk uô nox đêz tu zus tsik tâu viv li tsuv muôz muôs; lơưr cux tsik moz siêz txos luôx tưs viv nhiêx hli uô jos yênhx hnuz cux siêz đuô lok six ntau pir li zuk đas jos tu têx tưv co; muôx chuôz zis mak muôz muôs muk chiê nzir nhiêx zuôr đuô têx tưv nôngz jông gâux đuô lok zus, cov sha mê nhuôv sêi đuô. Zơưv Liểng hêik:

“Cur tsik zos chor nênhs uô lax luôv mak zuk cux tsik pâuz tsênhz luôx tưs, taz sik hnor chor nênhs uô lax luôv hêik mak chor tưv nôngz li no tsuôk tâu muôx 18-20 triệu đêiv iz tuk xưz. Hok chor tưv no pir đros chor tưv muôx ntơưv qơư mak cux tsik zos chor tưv lox jông, zos chor chuôz zis tu zus muôx nhiêx mak lơưr zuôr tsov têx zav tưv nôngz lox thiêz jông gâux đuô chiê zus”.

Tsưr ziv uô lok six jông, zuôr paz tâu têx kror li: Paz hlôngr yiêz jông hâur tu zus, paz hlôngr yiêz đuô tsơưr lươngv chor tưv, gra siêz phênhv sâu, uô trâu pêx xênhv njênhs…., đuô li, tsênhv paz trâu cxiv tsa jêx jok yiêz-zos kror tsưr ziv uô mak tas nro huyện Bảo Thắng tsênhv sir jos uô trơưk.

Cxuô lênhx nênhs hêik tiêk, tsuv uô jông sêiz shuôk tas nro hâur ntu uô, sêiz car, sêiz kaz Dự án txix cấp huyện txos cxuô thax tsav qơư chie sâu chênhz zênhv…đros chor chuôz zis chiv chir muôs chor tưv mak tsuv muôx tsưr ziv xưv lik, sâu pênhr nhiêx lok trâu têz qơưk. No cux zos iz jax cơưv trâu têx dự án txơưr đuô yưv pênhr paz trâu pox nhuôs nhoz huyện Bảo Thắng, tỉnh Lào Cai hêik taz, têx tỉnh Tây Bắc hêik cxuô, đrâuv sir jos qênhz yuôx, sêiz kaz, tsênhv tsuv uô jông njuôk xav cov uô tâu truôx jông, tsik chiê muôx yưv têx phiv liv tsik jông li heik tas sâu./.

(An Kiên-Lik Thox cxêik nhênhv)

Thâuv đảng viên uô ntêx nyuôk hâur huôv tsar jêx jos nênhs Mảng pluôs

2 shông tov ntêx, hnuz tưs thâuv nhiv kruôr pov cêr chuôz zis niêv lâuk Lờ Thị Toàn, mênhx cxưx Mảng, nhoz jos Nậm Pì, xã Nậm Pì, huyện Nậm Nhùn, Lai Châu cux sik đros muk zok har jôngr. Muk yênhx hnuz, iz lênhx tsuôk nriêr tâu mê njik njuôs, jâuz thiêz hnuz tưs môngr jông mak nriêr tâu jiz mur chox lok muôs, lok sik pâur cxur nhoz uô nênhx đhâu hnuz. Luz nênhx six fênhx yeiz pluôs, pôngz kaz, txos muôx iz hnuz, cán bộ xã tuôx txos jêx jos yax kriê, vênhv tôngv tso mê nhuôs muk cơưv ntơưr, nênhs hloz mak muk uô têz chiê tsêz chos huôv tsar kinh têr, niêv lâuk chuôz zis thiêx mnôngs thiêz uô lơưr.

          Niêv lâuk Lờ Thị Toàn puz pâuz: Cán bộ paz niêv lâuk chuôz zis zos đảng viên chi bộ jos, thâuv tuôx tưz gra lơưr zuz tsoz chos siêz muôx nhos iz đok, thiêz heik chuô zis muk uô têz chiê chos. Thâuv chos tâu, cán bộ thiêx heik kriê tiêk co zos zuz txir lưs hmaz. Cán bộ tsênhv heik chuôz zis tsoz phưz jông, tsi chiê nhux lok uô hiêv, đhâu 3 luz hlik zuôr txi txir. Li ntơưv niêv lâuk chuôz zis yênhx chuôz zis xuz thơưx hâur jos muôx phênhv sâu cxôngx chos txir lưk hmaz. Đros mênhv chêx 1 cxênhz yiv ndis, hâur shông đhâu niêv lâuk chuôz zis sâu tâu 60 tsov đeiv ntâu. Phênhv sâu cxôngx txir lưk hmaz thiêz tu zus tưz paz chuôz zis hla đhâu cêr pluôs:

          “Cur chuôz zis tâu đảng viên thiêz cán bộ xã yax six tuôx heik kriê tsưr ziv tu zus nhux tưv nhux đas, buô. Nhiv no cur chuôz zis tưz hla đhâu cêr pluôs”.

          Cê heik kriê tsôngv box tsưr ziv huôv tsar uô nox uô hâuk, vênhv tôngv shux xênhz muk cơưv ntơưr, chox nênhs moz muk qơư y tế xã chiê seiz njuôs thiêz kho moz....têx cán bộ zos đangv viên tsênhv nriêr têx lênhx nênhs mênhx cxưx Mảng jông chiê cêr nanv lok hâur Đangv. Thâuv tâu nhoz hâur Đangv, têx đangv viên yiêz puôr lênhx zos lênhx nênhs uô ntêx nyuôk uô têx trâur nuv huôv tsar uô nox uô hâuk chiê pox nhuôs cơưv shâuv uô lơưr. Lơưr cux zos lênhx nênhs nriêr tâu têx lênhx nênhs jông chiê tror cêr nanv lok hâur đangv. Li ntơưv, cxôngx 2 txos 2 lênhx đangv viên xuz thơưx, txos nhiv no xã Nậm Pì, huyện Nậm Nhùn tưz cêr nanv tâu yênhx châuv lênhx đangv viên hâur tsôngv box mênhx cxưx Mảng nhoz tiv phaz.           Zơưv Vũ Văn Thân, Chủ tịch UB xã Nậm Pì, huyện Nậm Nhùn puz pâuz:

          “Ntu đhâu Đảng ủy tưz pheiz côngz têx đồng chí ủy viên Ban chấp hành muk xênhz huôx đros chi bộ ntơưv têx jos; tsưr tsix yax kriê txos têx ziv chuôz zis tsôngv box thiêz paz pox nhuôs huôv tsar uô nox uô hâk, tiv zix zos krêz uô têx trâur nuv chos txir lưk hmaz, huôv tsar tu zus tsiêx cxu muôx guôx cơư chox lok chêx cuk jông”.

          Tsưr ziv uô khov txos tsôngv box, seiz tsôngv box tiv phaz zos lênhx nênhs uô ntêx nyuôk xeir zuôr cêr nanv đangv ntơưv tiv phaz đhâu co tâu huyện Nậm Nhùn krêz uô đêz đar txos ntâu thax tsav tsôngv box mênhx cxưx txơưr sâuv thax tsav. Đhâu iz six cxiv sir jos uô, Đảng bộ huyện tưz huôv tsar tâu 1 cxênhz 800 ntâu lênhx đangv viên, tsi yuôr jos tsi muôx đangv viên.

          Lơưr zơưv Trần Quốc Khanh, Bí thư Huyện ủy huyện Nậm Nhùn, hâux lưv “xã” đangv viên muk tiv phaz yênhx tix chi bộ chiê huôv tsar đangv viên yiêz zos nênhs tiv phaz zos Đảng bộ huyện li iz cuiz tênhv huv đros. Cxôngx têx đangv viên muk tiv phaz qir thơưx, đhâu iz six cxiv, txos nhiv no 100% chi bộ jos tưz muôx đangv viên zos nênhs tiv phaz, 62/69 chi bộ jos muôx tsôngv box tiv phaz uô Bí thư chi bộ. Zơưv Trần Quốc Khanh heik:

          “Đảng viên zos tsôngv box mênhx cxưx Mảng cux tưz phuôx huiz pưs txux jông hâur huôv tsar uô nox uô hâuk thiêz cxiv tsa têx phongz yaox nhoz tiv phaz. Li nhoz Nậm Nhùn, tsênhz mênhx zos xã Nậm Pì mak nênhs Mảng tưz txơưx huôv tsar cêr uô nox uô hâuk, pâuz chox tsoz chos yiêz lok tsêz chos thiêz tsưr tsix yênhx côngz trâur nuv chos txir lưs hmaz. Iz cxiê đồng chí đangv viên zos nênhs mênhx cxưx Mảng cux lok six sir jos hâur côngz xưv xã hội nhoz tiv phaz”.

          Cux lơưr zơưv Khanh, têx đangv viên zos tsôngv box tiv phaz tsênhz tsênhz phuôx huiz jông pưs txux zos lênhx nênhs uô ntêx nyuôk hâur cxuô huôx tôngv nhoz xã, jêx jos. Hâur co, cxôngx hlôngr yiêz siêz xar, đangv viên nênhs Mảng- mênhx cxưx lok six tsơưs nênhs, nhoz uô nênhx ntơưv tỉnh Lai Châu tưz yênhx têx lênhx nênhs jông, uô ntêx nyuôk hâur têx phongz yaox huôv tsar kinh têr xã hội, yênhx trus uô hlôngr yiêz zuk jêx zuk jos./.

(Khắc Kiên-Txâur Vax cxeik nhênhv)