Jax sâu thưr 3 hnuz 21/6/2016

Uô pov chir-thâuv nênhs sâu muôx siêz xar thiêz txơưx jênhv

Công nghệ thôngz mông li huôv tsar sêi hâur chor shông jê lok no tưz uô trâu chor nênhs sâu pov chir sir jos cov châuv chuôs tâu ntu công nghệ thôngz mông. Kror tsuv hêik, đros têx kror muôx tsênhz, ndax ndênhk hâur têx jax sâu mak uô cov sêi, huv đros trâu ntu nhiv no tưz uô trâu iz cxiê pov chir, tiv zix zos pov chir điện tử hâur côngz xor mông tưz uô trâu iz cxiê kror tsik zos li kror tsênhz thiêz hêik tsik ndax lok kror vênhv thix tsuv hêik. Têx thâuv tsênhv uô cov muôx nênhs sêiz xưz, xuk li têx đuôz tsik jông, chor nênhs muôx suôz bê li cêr siz hluz, lok sik chor nxêik shux xênhz sik ntâuk…Tưz tsik zos muôx nhoz pov chir mạng xưz mak chor cơ quan pov chir chênhr cux muôx yưv têx kror no, iz zav li jax sâu “traz khâuz truôzz qêz jâuz tưz tâu tso sâuv iz kênh nta đuôz shav muôx suôz bê hnuz 3/5, đhâu ciês co tưz muôx yưv iz cxiê ziv chênhv tsik thôngx ziv. Niêv tix Phạm thị Hường nhoz quận cầu Giấy, Hà Nội hêik cxơưx hlo hêik li no: “Tsuôk hâur luz điện thoại xưz cur cux sêi tâu ntâu xor mông. Muôx ntâu jiês cur nhênhv kror xuz thơưx mak jông taz sik sêiz tas mak tsênhv njiêz ho tsik zos li, têx thâuv tsênhv zos têx kror tsik jông thiêz. Ciês xưk li VTV li đuôz shav khâuz truôzz qêz jâuz, zos iz kênh nto bê, thâuv tso tơưv li co mak lênhx tưs cux njênhs, phiv liv lox txos luz nênhx thiêz uô xênhz yar”.

Pov tâu tiêk, hâur uô, iz jax sâu phamv cxâuv shưz xar uô hâux lưv tưz tsik zos muôx yưv têx phiv liv lox hâur xã hôiv xưz mak tsênhv zuôr lax uô tâu trâu sơưr đơưk tror njênhs trâu luz cơ quan pov chir co. Lok vênhv thix no, zơưv Nguyễn Minh Tuấn, Tổng biên tập pov chir Yên Bái hêik tiêk, iz cxiê phóng viên, nênhs sâu pov chir tâu kruôz kriê lok hâux lưv uô, taz sik ho tsik tâu uô đhâu hâur luz nênhx lok shưz xar. Lơưr zuôr sâu tâu jông taz sik ho tsik muôx siêz xêir tsov têx vênhv thix jông, huv đros kror liv cxuô trâu xã hội, têx thâuv tsênhv xav txos iz lênhx pov chir li qênhx mak tsik xav txos zuk li txơưx jênhv, phiv liv tsik tsơưs txos chor nênhs sâu pov chir jông. Zơưv Nguyễn Minh Tuấn hêik: “Thâuv ntêx no, phongz viên pov chir Yên Bái uô hâux lưv mak phóng viên xar tiêk cơ quan pov chir zos cơ quan muôx qênhx, viv li fênhx hêv thiêz uô phiv liv txos tiv phaz. Chôngz lênhx phóng viên xar txos nhiêx txiêx cxuô zav mak tsik xav txos zuk li txơưx jênhv hâur xã hôiv, muôx iz cxiê lênhx uô tsik jông uô trâu kror duôz lok lênhx nênhs sâu pov chir tsik jông”.

Shưz xar nênhs sâu pov chir tưz tsik zos car uô, car muk trâu têx qơư phiv liv tiv zix chiê hêik txos têx kror tsik jông hâur luz nênhx xã hội mak tsênhv gôngr phênhv paz uô trâu luôs xar, nênhs sâu pov chir tsuv sêi jông chiê sơưr đơưk đros uô jông trơưk. Tiến sỹ Phạm Văn Thấu, trưởng khoa xuất bản, học viện pov chir yax kriê hêik tiêk, đros uô lơưr cêr chêi pháp luật, nênhs sâu pov chir tsênhv tsuv muôx siêz xar jông thiêz txơưx jênhv. Viv li, nênhs sâu pov chir tsuv muôx txơưx jênhv đuô, tiv zix zos hêik lok têx kror tsuv jông, co cux zos iz kror shưz xar hâur uô pov chir. Tưz tsik zos li xưz, vênhv thix shưz xar tsuv tâu tsov cưv txos ciês hâur kruôz kriê pov chir yax mông, chiê shux xênhz jênhv pâuz tsênhz, cxix cxuô lok lênhx nênhs tuôr chưx mêv sâu txix thâuv tsênhv jâuv hâur tsêr cơưv. “Muôx iz cxiê kror luật pháp tsik cuiz tênhv thiêz xưv lik tsik tâu, mak tsuv muôx shưz xar, viv li, hâur kruôz kriê tsuv cxiv tsa shưz xar trâu nênhs biên tập cov jông, đros tsênhv tsênhz. Hâur uô pov chir, mak hội pov chir cux tso tơưv têx chêi lok shưz xar, li co mak thâuv shux xênhz cơưv tiêr tơưv tsêr cơưv tsuv jênhv thiêz zuôr uô li co tas siv nênhx”.

Nênhs sâu pov chir li shưz xar thiêz txơưv jênhv txơưv nhoz ntu tưs lok cux tâu tso sơưr thơưx. Đuô thâuv tưs hur si, xã hội li no lok six xar muôx chor nênhs uô pov chir jông thiêz txơưx jênhv chiê uô tâu têx pov chir ndax ndênh, tsênhz mênhx, pâuz phêiz kênh cêr shir phaz, pôngz siêz đros pêx xênhv, uô trâu xã hôiv ziv hnuz ziv jông đuô./.

(TTT-Lik Thox cxêik nhênhv)

Phênhv thưr 3.21.6.2016:

Phênhv: NÔNGX MÊNHX ZUÔR TSUV PÂUZ

Lul Hmôngz: số 7

Hnuz tso 21/6/2016

Uô: VOV4

Nhạc hiệu...

Chox lul: Tsôngv cưr tix fôngx zưs ...yuô! Tu zus lox lơưr saz tsiv uô hax huv zos ntâu ziv chuôz zis nôngx mênhx nhoz xã Mường Lai, huyện Lục Yên, tỉnh Yên bái li tsưr ziv xeir tsov

Phuôv tsar tu zus uô hax huv

          Zơưv Hoàng Văn Viện nhoz jos Nà Bó, xã Mường Lai, huyện Lục Yên, tỉnh Yên bái li chuôz zis tưz truôx siêz yưv pênhr cxiv uô guôx tu zus, krêz đar trâur nuv tu zus nhux sha nhuôs. Cxôngx 1 tul, đhâu ntâu shông sir jos tsoz phưz txos nhiv no zơưv Viện chuôz zis tưz muôx 7 tul nhux. NJuôs xav 2, 3 luz hlik thiêz zuôr ndê txos 9 tul. Cxôngx iz chuôz zis pluôs, txos nhiv no zơưv chuôz zis luz nênhx tưz ngaz tul tuôx.

          Zơưv Viện puz pâuz: “ cur chuôz zis tau lênhs tov xã yax mông tu zus nhux đas cxôngx 10 tul ndê mul zuôr tâu têz qơưk paz txưv 15 tsov đeiv. Chênhr viv li, chuôz zis tsênhv sir jos tsoz phưz paz nhux, krêz đar mênhv chêx chos tâux, taz por paz nhux hloz lox ngaz tul chiê paz txưv krêz đar uô xênhz yar, muôz siêz chêx cuk kinh tế hâur tu zus”. Đros thiêz phuôv tsar tsêz chos, xã Mường Lai tưz tsov cưv yax mông, vênhv tôngv nôngx mênhx cxơưz tiês phuôv tsar tu zus lơưr saz hax huv.

          Ntâu chuôz zis nôngx mênhx nhoz Mường Lai, Lục Yên, Yên Bái tưz truôx siêz krêz đar trâur nuv tu zus buô, nhux tưv lơưr saz hax huv, chox lol phênhv sâu tâu ngaz tul. Pox nhuôs chuv tôngv yưv pênhr zuôr nôngz tsiêx; nriêr pâuz yênhx tưv lok têx tsưr ziv phax tar moz, cxênhx tsês têx tsoz chos uô jâuz nox trâu nhux tưv nhux đas; uô guôx truôx jông chiê cơư nhux, phuôv tsar truôx vênhs hâur hâux lưv tu zus.

          Chiê paz tsiêx cxu sâuv thax tsav phuôv tsar ngaz tul thiêz ziv muôz siêz tsơưr lươngv, Phòng kôngz nuv thiêz phuôv tsar nôngx cxênhz, Trạm cxuêz kôngz, Trạm thú y huyện tưz paz thiêz heik kriê têx chuôz zis cxaz chuôz têx trâur nuv phuôv tsar tu zus tsưr ziv txuôv, xeir nôngz tsiêx jông; tsov cưv txos côngz xưv cxax yuôx phax moz, krêz đar trâur nuv tu zus, cxơưz cxiz hâux lưv sir zôngv muôx chêx cuk têx tsaz yênhx li pênhr, dự án yưv pênhr lol tu zus, tiv zix zos tu zus lơưr saz hax huv.

          Chox lul: Phênhv nôngx mênhx zuôr tsuv pâuz ciêz no muôx xâuk li no xưz, phênhv nôngx mênhx zuôr tsuv pâuz zos Đeix nta suôz VN đros tsênhv qơư cxuêz kôngz têz qơưk uô./.

( Txâur Vax cxeik nhênhv)