Jax sâu hnuz 28/7/2015:

Yên Bái: Ntâu hâux lưv uô tsênhv tsênhz “ ndo tsiêx njis têx lênhx nênhs muôx côngz têz qơưk”.

=========

Uô lơưr “Luôs hâux lưv  paz têx ziv chuôz zis muôx côngz têz  qơưk muôx luz nênhx txov nhêv lok tsêr nhoz”, txix shông 2012 txos shông 2015, tỉnh Yên Bái tưz paz cxiv uô thiêz kho đuô 900 luz tsêr trâu chor nênhs tâu tas siv nênhx hâur ntu tir ntâuk châuz têx nênhs hâur tsêr, têx lênhx trâus saz, nênhs muôx côngz têz qơưk. Xav hur si têx pênhr nhiêx muôz cxiv uô iz luz tsêr tas 58 tsov đeiv, hâur ntơưr tỉnh paz 30 tsov đeiv, đuô li zos têx tsưr tsix kinh tế, XH thiêz tsôngv px sđ siz chos paz. Zơưv Trần Trung Tín, nhoz jok Đồng Phú, xã Nam Cường, TP Yên Bái shir phaz heik:

Băng: “ Iz chas têx pênhr nhiêx têz qơưk paz cur, jok Đồng Phú  paz trâu cur tâu 2 tênhr xi măng; hnuz côngz uô mak têx đoanx thêv li: Bộ đội lâuk, đoanx hluôk nênhs paz; khơưz, ndơưk kuô tsêr mak tsôngv cưr tix nênhx tsa sđ tuôx paz. Cur tâu tsêr yiêz nhoz, cur lok six shir phaz, uô tsâus ntâu Đảng, Chính phủ tưz paz trâu cur”.

Têx hnuz hâur hli 7 no, ntâu lênhx bộ đội lâuk nhoz Yên Bái tưz tâu tror tuôx seiz têx qơư tsav tros đrav  ntêx, chuôs njiz têx lênhx fôngx zưs đrav ntêx  tir ntâuk tros châuz uô cê tưz  tâu cxuô cấp hâu nov ntơưv qơư thiêz cxuô ngênhx tsưr tsix chiê sik njiz. Ntâu phênhv huv cux tâu cxuô tsưr tsix thiêz xiz nênhs muôz puz trâu têx lênhx nênhs trâus moz, trâus saz hâur ntu tir ntâuk tros châuz. Têx lênhx tuz lênhv tâu tas siv nênhx thâuv ntu tir ntâuk tros châuz têx qơư nza hâur thax tsav tỉnh cux tâu qêz đu lus, hur si. Chor tuz nxeik hluôk cxuô thax tsav tsưr tsix uô têx hâux lưv jông siêz paz têx ziv chuôz zis muôx côngz têz qơưk, tôngv zênhx, paz têx lênhx niêv muôx tuz nxeik tâu tas siv nênhx hâur ntu tir ntâuk tros châuz…. Pos Trần Thị Phương, tsar phongx Lox tôngv, xaz pênhz thiêz XH thành phố Yên Bái heik pâuz:

Băng: “ Thành phố Yên Bái tsênhv tsưr tsix têx hâux lưv uô chiv nhênhv Hnuz xaz pênhz, thik xênhz, hâur ntơư tsưv ziv txos têx luôs hâux lưv mul seiz shuôs, tôngv zênhx têx ziv chuôz zis muôx côngz têz qơưk, huiz tôngv tsôngv cưr tix nênhx tsa sđ siz chos uô luz nênhx jông, thôngx siêz thiêz muôz thành phố nhiêx txiêx uô huv puz trâu têx lênhx nênhs muôx côngz têz qơưk, iz chas ntơư lênhk txeik tỉnh, T.Ư, têx tsưr tsix huv muôz puz chiê xa, choz txos tâu zênhx max trâu têx ziv chuôz zis muôx côngz têz qơưk”.

Txơưv tỉnh tsênhv yuôr ntâu txov nhêv, taz sik têx shông đhâu, luôs hâux lưv tsoz phưz trâu têx ziv chuôz zis muôx côngz têz qơưk hâur thax tsav tỉnh Yên Bái tưz uô tâu jông. Tỉnh li cuiv nhiêx “ Ndo txiêx njis têx lâuk đrav ntêx” iz shông lênhk txeik tâu txix 2,6 txos 3 tỷ đeiv. Xav kror đruôz đraz hâur yênhx shông, tas nro tỉnh tsês tâu 700 tsov đeiv chiê uô phênhv huv muôz krưr puz trâu têx ziv chuôz zis muôx côngz têz qơưk. 100% lênhx nênhs muôx côngz têz qơưk tâu côngz ntươr kho njuôk moz, tsoz phưz đas jos ntơưv têx qơư kho njuôk moz zôngx ziv mul lok. Zơưv Hoàng Đức Vượng, Giám đốc Sở Lox tôngv, Xaz pênhz thiêz XH tỉnh Yên Bái heik:

Băng: “ Đros txơưx jênhv, hâux lưv uô zos nhênhz chơưv uô lơưr tsênhv chei, pêz nhênhz chơưv trâu tỉnh cxiz tiês uô jông hâux lưv yax kriê, gra siêz cxuô cấp, ngênhx thiêz tas nro côngv thôngx sđ tsưr ziv jênhv pâuz, txơưx jênhv trâu têx lênhx nênhs muôx côngz têz qơưk, iz chas ntơư kruôs thiêz muôz jông six hơưv chiê lênhx nênhs muôx côngz têz qơưk tror tâu phuôx huiz zuk têx txux chi, tsưr ziv jông đrav ntêx. Tiv 2 zos seiz car thiêz uô jông lơưr têx tsênhv chei trâu nênhs muôx côngz têz qơưk”.

Têx ziv chuôz zis muôx côngz têz qơưk hâur thax tsav tỉnh Yên Bái luz nênhx ziv hnuz ziv tâu gra siêz, tsi yuôr ziv chuôz zis tưs muôx côngz têz qơưk zos chuôz zis pluôs. Iz chas cxuô cấp, cxuô ngênhx thiêz tas nro côngv thôngx cêr moz siêz txos, têx ziv chuôz zis thiêz chor nênhs muôx côngz têz qơưk cux tưz sir jos hla đhâu têx phiv liv, cêr txov chiê cxiv tsa luz nênhx iz hnuz hlôngr yiêz jux juk, sir jos đros uô têx hâux lưv XH, tsiv nhos zos luz côngz, bê chuôz zis muôx côngz têz qơưk./.

(Đinh Tuấn-Riê Lâux cxeik, nhênhv)

Phênhv “Nôngx mênhx zuôr tsuv pâuz” hnuz 28/7/2015:                                 

Tix lâus Phùa x Zax tu zus tsiêx cxu uô bluô nux

Hâur ntu đrav ntêx, têx nhiêx txiêx sir zôngv hâur ziv chuôz zis tsuôk tok txix luôs hâux lưv huôv tsar tu zus buô thiêz tu zus kêiz muôs. Taz sik, đhâu ntâu jiês tâu cán bộ xã fuô yax kriê tsưr ziv huôv tsar cêr uô nox, sâu tâu yênhx puô triệu nhiêx. Txix ntơư, zơưv Phùa cux xar tiêk: Zuk tsênhv hluôk, muôx đas jos, uô chas ho tsik cơưv shâuv tsưr ziv huôv tsar uô bluô nux. Xar tâu li ntơư, zơưv cux pâuz tâu tiêk: Luôs hâux lưv huôv tsar tu zus yik, tsik tas ntâu pênhr nhiêx txiêx, tsik tas ntâu côngk đas jos tu zus, zôngx ziv muôs, sâu tâu ntâu nhiêx txiêx. Hâur shông 2012, zơưv ziv chuôz zis tưz muôz 4 triệu nhiêx chox muk zuôr tâu 4 tus mê nhuôv nôngz yik đros trâu cơưv shâuv tsưr ziv huôv tsar tu zus; lar hêik zos hâur ntu yik muôx jês thiêz sha mê nhuôv.

Nhạc cắt:

Txos trâu nhiv no, iz shông zơưv Phùa ziv chuôz zis tưz muôx 10 tus yik muôs trâu tuz luôs ciêz đrôngl, sâu tâu 30 triệu nhiêx. Hâur shông 2013, thôngz đhâu luôs hâux lưv hội tuz kôngz xã, zơưv Phùa tưz muk kir txêik tâu 30 triệu nhiêx hâur tsêr nhiêx têz qơưs chox lok zuôr tâu iz tus niêv tưv sha mê nhuôv đros trâu huôv tsar tu zus nôngz buô; Txix têx luôs hâux lưv huôv tsar tu zus nôngz buô muôs ntơư, iz shông zơưv ziv chuôz zis tưz sâu tâu lok 20 triệu nhiêx.

Muk sêiz shuôk zơưv Phùa têx qơư huôv tsar tu zus tsiêx cxu; têx cxaz juk tsês chiê poz cưk, blêx; tưz pov tâu zơưv ziv chuôz zis khưr tâu ntâu blêx, poz cưk. Zơưv Phùa thav tiêk: Zơưv ziv chuôz zis tsuôk muôx 1 ha têz, hâur iz shông tsêz chos tâu  iz chiv blêx, iz chiv poz cưk.

Zơưv Phùa zos iz ziv chuôz zis truôx siêz bo huôv tsar uô bluô nux trâu zuk thax tsav qơư nhoz thiêz muôx txâuk nhiêx txiêx zuôr tâu cxuô chuôz zênhx sir zôngv hâur ziv chuôz zis ./.

Phênhv “Nôngx mênhx zuôr tsuv pâuz” ciêz no zos Đêix nta suôz VN đros tsênhv qơư cxiz kôngz têz qơưs uô./.

                                                                                      (VOV4)