Jax sâu hnuz 31/7/2015:

Mộc Châu txo grêk tsơưs nhuôv zâu pôngz đêx

 

Tưz iz shông đhâu lok no, zơưv Phạm Văn Lâm ziv chuôz zis nhoz xã Chiềng Hắc têx cêr pôngz siêz cux tsênhv nhoz trơưr siêz tsik plox. Zơưv Lâm oz lênhx mê nhuôv zos phạm văn Kiên xênhz zus shông 2006 thiêz phạm Thị Ngân xênhz zus shông 2008, oz lênhx nhuôv ntơư siz zâuv muk đa đêx trâu ntơưv tus đêx nhoz jê tsêr; Viv tsik pâuz uô luôv đêx tưz trâus pôngz đêx tuôs. Cux iz zav li ntơư, hâur ntu nhiv kruôr đhâu tsik ntêr lok no, ntơưv jos Tà Niết, xã Chiềng Hắc cux muôx yưv iz txuz uô oz lênhx nhuôv zâu trâus pôngz đêx tuôs. Qir tiv zos têx mê nhuôv ntơư tsik pâuz uô luôv đêx thiêz têx lâuk uô niêv uô txir tsik uô jông sêiz car, kruôz kriê. Vì Xuân Thành, nhoz xã Chiềng Hắc hêik pâuz:

Băng: “So chêix ntux sor, cur tsuôk nhoz hâur tsêr paz niêv thiêz txir uô cxuô luôs hâux lưv hâur ziv chuôz zis thiêz muk đa đêx trâu đrav đêx, zênhx tsik muôx lênhx tưs kriê uô luôv đêx ciês”.

Xã Chiềng Hắc muôx tus đêx Sập ntưk lok đhâu 8 luz jos, cxuô luz jos puôr lênhx muôx ntâu pak đêx, pak njêk. Têx pak đêx ntơư  puôr lênhx khươz toz, taz sik tsik muôx zav tưs tir thêir hêik kriê trâu nhuôv zâu pâuz lok têx kror riêz nênhs, ruôr hiêv txos txox siê.  Muôx yưv têx kror phiv liv hêik ntơư, hâu nov huyện tưz chox car cxuô xã uô jông luôs hâux lưv yax kriê trâu tsôngv px sđ, tsuv sêiz car jông nhuôv zâu tsik chiê pôngz đêx. Đros ntơư, lực lươngx hluôk nênhs cux tsưr tsix muk trau cxuô jêx jos chiê yax kriê nhuôv zâu cơưv shâu uô luôv đêx; tsưr ziv chơưv paz lênhx nênhs pôngz đêx. Tix lâus Vì Văn Hiệp, bí thư đoanx xã Chiềnh Hắc hêik pâuz:

Băng: “Hâur shông đhâu lok no, thax tsav xã Chiềng Hắc cux muôx yưv ntâu txuz nhuôv zâu pôngz đêx trâus tuôs. Pâuz tâu li ntơư, Đoanx xã cux tsik so chox car cxuô chi đoanx tsưr tsix kriê cxuô lênhx nhuôv zâu cơưv shâuv uô luôv đêx. Đros ntơư, đaonx xã cux tok njôngr cxuoo ngênhx thiêz têz qơưs tsuv muôz pênhr nhiêx cxiv uô qơư trâu nhuôv zâu uô si hâur chêix so ntux sor”.

Saz hâu nov huyện Mộc Châu, hâur niêx shông, uỷ ban huyện tưz cxiv tsa luôs hâux lưv tir thêir tsik chiê nhuôv zâu pôngz đêx. Iz chas fuô yax kriê tir thêir tsik chiê nhuôv zâu pôngz đêx trâu cxuô xã, jos muôx chôngz nhuôv zâu thiêz yax kriê trâu cxuô luz tsêr cơưv, cxuô ziv chuôz zis hâur côngv thôngx, tsuv uô jông luôs hâux lưv tir thêir tsik chiê nhuôv zâu pôngz đêx.  Zơưv Lò Văn Hiệp, phó Ban sêiz car chor nênhs tsar yêz muk lok tâus cêr hêik pâuz:

Băng: “Pêz chêx chôngk fuô yax kriê hur si hâur thax tsav huyện tsik chiê nhuôv zâu chêix yêz uô yêz siz đrâuk siz tsông tâus cêr; lar hêik zos tsik chiê nhuôv zâu pôngz đêx. Đros ntơư, pêz cux hlôngr yiêz tsưr ziv yax kriê trâu cxuô ziv chuôz zis thiêz côngv thôngx pâuz tâu lok tsưr ziv tir thêir tsik chiê nhuôv zâu pôngz đêx”.

Nhiv no hâur thax tsav faz Bắc tsênhv zos luz chêix ntux nas, luôs hâux lưv sêiz car tir thêir tsik chiê nhuôv zâu pôngz đêx, cux zos luôs hâux lưv zov chênhr, cxuô lênhx uô niêv uô txir hâur ziv chuôz zis thiêz côngv thôngx tsuv tâu moz siêz txos, tsik chiê muôx yưv têx kror tsik jông txos sđ luz nênhx./.

                                                                                            (Chẻo Thu)

 

 

Phênhv thưr 6 hnuz 31/7/2015:

Jêx jok yiêz-têx kror tsuv pâuz (Phênhv 1)

* Têx kror cxiv tsa jêx jok yiêz:

Jêx jok yiêz ntu 2010-2020 muôx têx kror li đrav kaz:

- Kinh tế huôv tsar, pêx xênhv luz nênhx tâu gra siêz đuô;

- Jêx jok huôv tsar, vax tsêr cxuô zav lok kinh tế-xã hội hlôngr yiêz, tênhx qơư tâu por vêv;

- Pêx xênhv gra siêz txux chi, cxuô vênhx huôv mênhx cxưx tâu tuôr tsês chiê thiêz huôv tsar;

- Ngaz tuk jông, sêiz car huv đros;

- Tuôr truôx chính trị.

* Luôs hâux lưv uô cxiv tsa jêx jok yiêz:

Tsaz yênhx cxiv tsa jêx jok yiêz li chor tsênhv njiêz, huôx tôngv tsuv ndar txos tsưr ziv uô ntơưv Bộ tsưr ziv cxiv tsa jêx jok yiêz li 19 luôs hâux lưv tso tơưv. Phuôx huiz côngv thôngx ntơưv tiv phaz li pưk txux zos chênhr, têz qơưk zos nênhs paz lok tsưr ziv, tso tơưv chor tsênhv chêi, tsưr ziv paz uô, kruôz kriê trâu cán bộ thiêz kriê têx jêx jok, xã sêiz lax chiê cêir chêx tsưr tsix uô.

- Uô trơưk thiêz uô cê chor tsaz yênhx tsưr ziv têz qơưk, tsaz yênhx paz tsưr ziv, chor tsaz yênhx, dự án txơưr đuô tsênhv tâu kriz uô sâuv thax tsav têx jêx jok.

- Tsaz yênhx cxiv tsa jêx jok yiêz, tsuv uô đros tsưr ziv huôv tsar kinh tế-xã hội nhoz tiv phaz, muôx cêv kuôk thiêz tsưr ziv uô cxiv tsa jêx jok yiêz, tưz tâu chor muôx vax huôv sêiz shuôk tso uô.

- Tsênhz mênhx, ndax ndênhk lok sêiz car, sir zôngv chor pênhr jos; chuôz cxaz phêiz côngz, choz zok vax huôv trâu cấp xã sêiz car thiêz tsưr tsix uô chor côngz trinhx, dự án hâur tsaz yênhx cxiv tsa jêx jok yiêz; phuôx huiz pêx xênhv thiêz côngv thôngx li pưk txux uô tsưr, uô cov siz txis, huv đros thiêz tsưr tsix sêiz kaz.

- Cxiv tsa jêx jok yiêz zos tas nro txix luôs chính trị thiêz tas nro xã hội li jênhv vưv; cấp ủy, đảng, hâu nov ntơưv qơư muôx pưk txux chox kriê uô qênhx shêhx cxiv tsa tsưr ziv thiêz tsưr tsix uô. Mặt trận têz qơưk thiêz chor tsưr tsix chính trị, xã hội hêik cxuô cxênhx nênhs pêx xênhv phuôx huiz pưk txux hâur cxiv tsa jêx jok yiêz.

* Tsưr ziv cxiv tsa jêx jok yiêz:

- Cxiv tsa côngv thôngx xã hội vav mênhx, muôx cxuô zav lok kinh tế-xã hội ziv hnuz ziv cxix cxuô; uô kinh tế huv đros, chor tsưr ziv tsưr tsix uô xênhz yar yiêz jông;

- Uô kôngz nuv đros huôv tsar công nghiệp, qơư zuôr muôs hax huv thiêz qơư du lịch; huôv tsar jêx jok đros trâu thax tsav đrôngl; iz thênhv jux juk uô hlôngr yiêz kôngz nuv jêx jok;

- Cxiv tsa xã hội jêx jok siz txis, truôx tuk, muôx ntâu vênhx huôv mênhx cxưx; pêx xênhv txux chi tâu gra siêz; tênhx qơư tâu por vêv;

- Tuôr truôx chính trị ntơưv tiv phaz; ngaz tuk tâu tuôr truôx; pêx xênhv luz nênhx chênhz yênhx tsik so tâu hlôngr yiêz thiêz gra siêz đuô.

* Tsưr ziv tsênhv tsênhz: txos shông 2020, 100% chor xã tax tâu ploz tsênhr jêx jok yiêz.

Kriz uô cxiv tsa jêx jok yiêz muôx 7 thênhv uô li đrav kaz:

Thênhv 1: Yênhx lix cxiv luôssêiz car, kriz uô;

Thênhv 2: tsưr tsix thôngz mông, yax kriê lok kriz uô tsaz yênhx cxiv tsa jêx jok yiêz (Tâu uô hâur tas nro ntu kriz uô);

Thênhv 3: Qênhz yuôx ntâuk gri qênhx shênhx, jêx jok uô trơưk 19 luôs hâux lưv tâu Bộ tsưr tsix tso tơưv.

Thênhv 4: cxiv tsa jêx jok, xã yiêz;

Thênhv 5: Cxiv uô, tso tơưv xã li đề án cxiv tsa jêx jok yiêz;

Thênhv 6: Tsưr tsix uô luôs hâux lưv tso tơưv;

Thênhv 7: Sêiz kaz, ntâuk gri thiêz hêik pâuz lok qênhx shênhx kriz uô tsaz yênhx cxiv tsa jêx jok yiêz./.

(Hồng Việt-Ly dịch đọc)