Jax sâu thưr 7 hnuz 15/10/2016:

Mênhx cxưx Tày li ntênhk nzuôr muôs

Pos Ngô Thị Bình jok Trang Chiếm, xar Tình Húc, huyện Bình Liêu, shir phaz luk tok pêz chor tuz sâu xor xưv hâur ziv chuôz zis nhoz luz tsêr puôz ar. Shông no txơưv tưz muôx 76 shông, taz sik pos cux tsênhv ndo njôngr. Pos piêr tiêk, txix thâuv tsênhv zâu, pos tưz tâu chor tsưr jok, lâul jok piêr pâuz ntâu jiês lok ntênhk nzuôr muôs, chor nhuôs zâu hâur jok txix thâuv zâu tưz pâuz txos zuk mênhx cxưx li phôngx cxưx. Zos iz luz huyện tox siêz pluôs nhoz puôz ntus đriv Việt Trung, muôx ntâu mênhx cxưx sik đros uô nênhx nhoz tưz uô muôx yưv ntâu kror vênhx huôv siz shơưk. Ntơưv ntênhk nzuôr muôs no cux zos chiê tsôngv px sơưr đơưk tâu siz njiz, siz shuôk cxix cxuô uô têx txưv njêx muôs shir phaz lul.

 “Mênhx cxưx Tày li phôngx cxưx nzuôr muôs tưz muôx txix ntêr lok. Phôngx cxưx no zos tuk nhaz lok njiz pos zơưs, niêv têikzơưv txir sơưr đơưk chiê oz tos iz kror paz mê njik trâu oz niêv txir uô nox tov kaz no. Nhiv no, phôngx cxưx no cux tsênhv tâu tuôr chiê jông”.

Ciês hâur ntênhk yôngz cok, tuk nhaz, vâur thiêz pos zơưs cux muk zâuv sđ hâuk chơưr thiêz hêik lơưr nhoz  chiê đros uô ntênhk nzuôr muôs. Cxuô zav hâur ntênhk nzuôr muôs zos tos nxêik bax: fiêz tôngx, câux nhiêx thiêz fuôv nzuôr muôs bâuv li chos nênhs saz tos nxêik muôx njêx muôs tso hâur fiêz đêx txâuk iz lênhs iz txos. Tuk nhaz gra iz luz fiêx đêx yiêz, hâur luz fiêz muôx chor fuôv nzuôr muôs tso hâur luz fiêx tôngx, hâur luz fiêx muôx iz luz câux tôngx nhiêx. Tos tuz piz nzuôr muôs txix chor nênhs hnuz nhôngs siêz txos trâu hnuz nhôngs kik. Pos zơưs jâuv iz saz hêik kriê chor nênhs hâur chuôz xênhv trâu nhaz pâuz, đhâu co sơưr đơưk muk jênhv fuôv nzuôr muôs thiêz phôngv côngz hmôngr trâu oz niêv txir muôx luz nênhx jông, tso nhiêx trâu hâur fiêz thiêz muôz fuôv nzuôr muôs. Chor nênhs nhoz nzuôr muôs zos txưv oz niêv txir mak zôngv oz txox, taz sik zos yuôr iz lênhx mak gra iz txox muk tsêr, chor nênhs tsik tâu muôx pox niêv, muôx txir mak tsik cxaz chuôz trâu ntênhk no. Phôngx cxưx no tsuôk tâu uô ntơưv tos tuz tsêr thiêz chor nxêik txơưv zos mênhx cxưx tưs thâuv lok uô mênhx cxưx Tây nhaz mak cux tsuv uô ntênhk no hur si. Tov kaz no thâuv luz nênhx ziv muôx đuô, hlôngr trâu muôz fiêz, lâux câuz, pav… puz uô khôngv flis mak sơưr đơưk muôz nhiêx tso trâu hâur fiêz chiê gơưv niêv txir muôx nhiêx txiêx uô nox. Chor nhiêx muôz tso hâur cux khov trâu yênhx chuôz zis li kinh tế. Ciês tos nhaz cux muôx huv tror pâux nzir trâu nênhs tâu hu tuôx côngv yôngz cok.

Pêz hmôngr jông tâu cxaz chuôz iz chuôz zis mênhx cxưx Tày li ntênhk nzuôr muôs. Hâur cêr lov jêv muôx đros têx lo luk siz phôngv jông, tix lâus Út thiêz niêv tix Nao tsênhv bax cxuô zav trâu oz niêv txir li ntênhk nzuôr muôs. Tix lâus Hoàng Văn Út, jok Pắc Pò, xar Đồng Tâm, huyện Bình Liêu hêik pâuz:

 “Cur pov phôngx cxưx nzuôr muôs lok six jông, têx jâuv tsuôk zos mênhx cxưx tày nhoz Bình Liêu thiêx muôx. Cxaz chuôz trâu ntênhk no txix fâuv nênhs no trâu fâuv nênhs tov kaz, pêz pov hax zav sik côngv đuô. Cxaz chuôz trâu ntênhk no cux shir phaz thiêz tso siêz hênhr”.

Đros têx tsiv gri jông, hla đhâu ntâu fâuv nênhs, ntênhk nzuôr muôx cux tâu pox nhuôs mênhx cxưx Tày uô thiêz bax cov lok six jông, sêiz no zos iz kror ntênhk lok six zov chênhr đhâu yôngz cok. Tix lâus Vi Ngọc Nhất, phưv trưởng phongx vênhx huôv-thôngz mông huyện bình Liêu hêik:

 “Ntênhk nzuôr muôs hâur mênhx cxưx Tày li yôngz cok tsênhv tâu uô thiêz phuôx huiz jông xưk li thâuv ntêx, tsik tâu pôngz plox. Kror ntênhk no paz trâu cêr sik côngv siêz hâur chuôz zis truôx jông đuô. Ntênhk nzuôr muôs zos mênhx cxưx Tày li iz phôngx cxưx jông. Hâur mênhx cxưx tày li ntênhk yôngz cok nzuôr muôs tsuv tâu tuôr chiê thiêz phuôx huiz”.

Ndêiv Bình Liêu pêz chor tuz sâu xor xưv, cux tsênhv xar njôngr txos têx kror jông hâur ntênhk nzuôr muôs nhoz no. Mênhx cxưx Tày nhoz Bình Liêu li ntênhk nzuôr muôs tưz tsik zos paz trâu tsôngv box muôx cêr côngv siêz đuô thiêz ntơư cux uô trâu tsôngv kruô sđ pâuz txos mênhx cxưx Tày têx cêr nênhx vênhx huôv jông muôx đros đrêiv hâur luz nênhx tsik chiê plox./.

 (TTĐB-Lik Thox cxêik nhênhv)

Phênhv thưr 7 hnuz 15/10/2016:

Blêx blâuv Ngọc chiến

Trơưk li zơưv Lò Văn Pháng, chủ tịch UBND xar Ngọc Chiến, huyện Mường La, tỉnh Sơn La: chiv no pox nhuôs sâu tâu nju kôngz. Nhoz Ngọc Chiến, pêx xênhv cux tsênhv tuôr tsês tâu chor nôngz blêx blâuv tiv phaz, chor blêx tas nro oz chiv xar muôx 2.400 tấn. têx qơư muôs blêx cxur nhoz tiv phaz, chor blêx blâuv Ngọc Chiến zênhx muôs tâu grê siêz đuô, txix 30.000 đêiv txos 35.000 đêiv iz cir.

Cxur Ngọc Chiến cê tsư kaz thiêz njôngx. Pêz tâu pox nhuôs nhoz xar muôz nox siv mor blâuv Ngọc Chiến  đros grêix njêl cxiêz thiêz pov tâu hnor tâu têx kror tsư kaz nhoz no. Sâuv đrak liêx jok Nậm Chiến txos chêix blêx siêr đax, tix lâus lò Văn Quán nhoz jok Nâm Chiến puz pâuz:

 “Nôngz blêx, qir zuôv tâu têz qơưk paz hok pox nhuôs mak chos thiêz tsoz phưz. Nox chor cxur no mak tsư kaz thiêz muôs. . Gri muôs cux civ, blêx muôs 200 cxênhz đêiv iz chov. Pox nhuôs sơưr đơưk lok six nhiêv”.

Ngọc Chiến muôx thax tsav zos tox trôngz ntâu, taz sik qiv hơưv huv đros, lok six huv đros chos blêx têz. Tsôngv box nhoz no cux tsênhv tuôr tsês tâu chor zav nôngz blêx blâuv tsư kaz no. Blêx blâuv Ngọc Chiến uô mak siêz sêi, tsư ha thiêz blâuv, mor blâuv tsês txiêk cux tsênhv blâuv, chor nênhs nhoz qơư kik zos pâuz chor cxur no mak zuôr tsês chiê txos tsiêz krưr nduôr txâuv puôz lok six blâuv thiêz tsư kaz.

Nênhs Ngọc Chiến lok six txơưx uô liêx ntêir. Lơưr sir zôngv yênhx kror ar, uô têx jês liêx zôngv poz jêz cxiv uô njưs nhoz trơưk ntus cưx đêx thiêz sâuv têx ntar tox siêz chiê chos blêx. Đros chêx cur kinh tế đros chor blêx blâuv Ngọc Chiến tưz tâu sơưr đơưk pâuz txos, Ngọc Chiến tưz thiêz tsênhv sir jos hêik pox nhuôs kriz đar thax tsav chos. Zơưv Lò Văn Pháng, chủ tịch UBND xã Ngọc Chiến, huyện Mường La, tỉnh Sơn La hêik:

 “Lơưr nox mak zênhx pâuz txos blêx blâuv Ngọc Chiến kaz thiêz blâuv. Chor blêx no tưz pir tâu đros blêx Tú Lệ thiêz gri muôs cux siêz pir li cxuô zav blêx. Viv li shông no tas nro chor liêx no zuôr tâu chos chor blêx blâuv no hur si”.

Tox siêz Ngọc Chiến ntâu shông lok no nto bê đros blêx blâuv Tan-iz zav kôngz tsiv gri, tsuôk zos Ngọc Chiến thiêx chos tâu. Chor blêx blâuv tan njiêr lox, khênhx, lok six blâuv thiêz tsư kaz, nhiv no tưz tâu ntâuk ciêz đrôngs nhoz Hà Nội thiêz chor thành phố txơưr đuô sâu zuôr. No tsênhv zos zav nôngz blêx paz muôx tâu luz nênhx jông đuô trâu pox nhuôs ntơưv qơư tox siêz Ngọc Chiến./.

(Thu Thủy-Lik thox cxêik nhênhv)