Jax sâu hnuz 15/8/2015:
Pox niêv mênhx cxưx Hmôngz li câux njês
Txos thax tsav tsôngv box mênhx cxưx Hmôngz nhoz, zos
uô jông njiê trâu chor nhuôs nxêik li poz njês, zuôr pov tuk nhuôs co luz poz
njês tâu tho kror. Muôx iz cxiê lênhx mê
nhuôs mak tsênhv đêi xor, muôx iz lênhx nhuôs mak tưz tâu đêi chox câux njês;
viv zav câux njês ntươ, nhiv no muôx ntâu muôs trâu hâur ciêz. Taz sik thâuv
tâu nus txos tiêk: mê nhuôs poz njês tâu tho thâuv tưs, chor nhuôs puôr lênhx
tsik pâuz, tsuôk thâuv hloz lox lơưv thiêx pâuz tiêk tưz tâu tho lơưv xưz. Niêv
tix Mỷ Xênhv Shôngx nhoz Trạm Tấu, Yên Bái hêik:
Băng:
“Thâuv cur nhiv kruôr tâu xênhz zus muk
pêz hnuz mak cur pos tưz tho cur luz poz njês trâu cur lơưv. Tov kaz no hloz
lox muk cơưv ntơưr cur lok six nhiêv chox câux njês, tsuôk zos thâuv muk uô
liêx têz mk thiêx muôz hlê cov tsik khâuv cêr”.
Tsik xar txos chox têx zav câux njês zos nhiêx, zos
cuz. Taz sik tsuôk zos mê nhuôs nxêik mak thâuv zus tâu muôx 3 hnuz, lênhx niêv
tưz muôz côngz tho kiê njêx chiê đêi chox câux njês thiêz uô trâu lênhx pox
niêv co khax jav.
Băng:
“Pox niêv mênhx cxưx Hmôngz, lênhx tưs
cux tâu tho kiê njêx chiê chos câux njês. Pox niêv Hmôngz chor câux njês mak
tsik thav zos nhiêx zos cuz, tsuôk zos luz câux njês tâu uô zôngx ziv txix têx
cxuôk xưz cux tâu lơưv. Zos chuôz zis tưs muôx bluô nux đuô mak tâu uô txix nhiêx
đươz. Thâuv ntêx o chor niêv chor pos tsik so chox chor câux njês lox, taz sik
nhiv no mak câux njês tâu uô zâu thiêz jông gaux đuô”.
Tiv luz nênhx txov nhêv txix thâuv zâu, viv li chor
nhuôs nxêik thâuv hloz lox cux tsik thav chox têx câux njês txix nhiêx, cuz mak
tsuôk zos chor câux njês tâu uô txix cxuôk, tôngx..... Tsuôk zos tâu uô txix
têx co, taz sik cux tsuôk zos chor lâul thiêx pâuz tâu tiêk: luz câux njês co
jông gâux li chak thiêz jông zos tiv kror tưs.
Băng:
“Cur zos Mêir Xênhv Shôngx nhoz tỉnh Điện
Biên, cur xar mak pox niêv Hmôngz nhoz kror tưs cux li puôr lênhx chox câux
njês. Lênhx tưs chox cux jông gâux hur si”.
Gơưv câux njês lok sik luz xâur nhiêx tsik zos chiê uô
khax trâu lênhx pox niêv xưz mak tsênhv zos paz por vêv đas jos, luz chêr. Zos
tiêk gơưv câux njês lok sik luz xâur co đơưz jông mak lênhx nênhs co zos nênhs
muôx đas jos, tsik muôx moz gênhs.
Têx câux njês lok sik xâur cux zos têx zav uô khax,
thâuv tưs cux tâu chor pox niêv chox thâuv txos têx ntênhk hội. Têx co xuzz
hêik tơưv tâu chor nênhs uô zos nênhs txơưx lok sik tsik txơưx uô thiêz têx co
cux zos hêik tơưv tâu têx vênhx huôv mêhx cxưx jông đros đrêiv têx chiv xênhz
muôx hâur luz nênhx./.
(Lý Hoa-Ly Thox
cxêik-nhênhv)
Viết bình luận