Jax thưr 7, hnuz 16/4/2016:

Tsôngv box Khmer shir phaz lul tok tsiêz Chol Chnam Thmay

Têx hnuz zuôr txos tsiêz Chôl chnâm Thmây, pêz txos xã Đại Tâm, thax tsav muôx 80% tsôngv box heir nênhs Khmer uô nênhx nhoz hâur huyện Mỹ Xuyên, tỉnh Sóc Trăng. Txos thax tsav, suôv qơư tưs tsôngv box cux shir phaz heik, khov têz qơưs paz chaz xor tênhv, uô cêr muk lok, cxiv uô tsêr cơưv, paz pênhr huôv tsar uô nox, paz cxiv uô tsêr nhoz, ar nhoz….mak tsôngv box luz nênhx tưz tâu jông đuô pir li ntu đrav ntêx, têz qơưs cux ziv hnuz ziv hlôngr yiêz.

Chox pêz muk lơưr txox cêr luôv xuôz jêz nhiv kruôr uô tâu tsi ntêr, muôz lok zôngv hâur kaz shông uô ntêx, muk txix Đại Thành, xã Đại Tâm lok trâu xã Phú Mỹ, huyện Mỹ Tú; zơưv Trần Văn Cường, iz ziv chuôz zis tsôngv box Khmer heik pâuz, txix thâuv txox cêr no uô tiêr, jông muk, tsôngv box tưz zôngx ziv thâux xa têx kôngz đuô, têx tuz nhuôs muk cơưv ntơưr lok cux tsi txov nhêv li đrav ntêx; tsôngv box luz nênhx hlôngr yiêz tas ntâu. Thiêz cux zos muôx txox cêr yiêz no mak zơưv chuôz zis thâux xa têx kôngz uô tâu zôngx ziv đuô:

“ Khov muôx têz qơưs paz uô cêr, tsôngv box muk lok tâu zôngx ziv đuô pir li thâuv ntêx. Chuôz zis cêr huôv tsar uô nox cux uô tâu đuô. Đrav ntêx têx kôngz cur thâux tsôngv box li ntâu, taz sik tsuv muk tas iz hnuz thiêx thâux tas, nhiv no cêr jông muk lơưv, tsuôk pôngz nhos 2, 3 six hơưv cux thâux xa têx kôngz”.

Tỉnh Sóc Trăng muôx 85 hâur 109 xã, phường, thị trấn zos tsôngv box khmer uô nênhx nhoz, hâur ntơư muôx 39 xã  lok six txov nhêv. Têx shông đhâu, tỉnh tưz uô jông lơưr Đảng, têz qơưs têx chei, yưv muôx yênhx puô tỷ đeiv trâu hâux lưv cxuz cêr yeiz pluôs, cxiv uô têx côngz trênhx zuôr trâus txos, gra siêz luz nênhx nox nhoz trâu tsôngv box heir nênhs, thax tsav tox siêz đêz đrôngs. Chênhr viv li, tsôngv box luz nênhx iz hnuz hlôngr yiêz, tsar ndê jux juk; shux xênhz heir nênhs tsơưs tâu muk cơưv ntơưr ziv hnuz ziv ntâu; têx ziv chuôz zis pluôs têx tuz nhuôs tâu paz nhiêx khiêz cơưv ntơưr; nnênhs moz tâu seiz njuôk shuôs moz zênhx max….Txos nhiv no, 90% ntâu tsôngv box Khmer muôx tênhv tênhz tơưk pov cêr, têx ziv chuôz zis Khmer muôx đêx hur zôngv cux tâu zuôr xar 80%. Niêv lâuk La Thị Hiền nhoz xã Đại Tâm heik pâuz, phênhv ntâu têx chuôz zis Khmer tưz muôx ti vi seiz, yêz meir cheix muk lok:

“ Têx ziv chuôz zis pluôs tâu têz qơưs paz nhiêx khiêz cơưv ntơưr trâu lơưr têx nhuôs, paz nôngz nhux zus, paz cxiv uô tsêr nhoz thiêz chaz têx xor tênhv tênhz puz trâu hur si. Têz qơưs paz li ntơư, cur tso siêz huôv tsar uô nox uô hâuk, nhiv no cur zuôr sir jos tu jông tuk nhux têz qơưs muôz puz zus no”.

Thâuv txos têx hnuz ntênhs, hnuz tsiêz Chol Chnam Thmay  thâuv nzor, cxuô bộ ngênhx T.Ư thiêz ntơưv qơư thâuv tưs tưz tsưr tsix têx hâux lưv li: tuôx  seiz shuôs, phôngv tsiêz, muôz huv puz trâu têx tsêr mnov, sư sãi, chuôz zis muôx côngz têz qơưs, phật tử Khmer; uô trâu sđ tok, nox iz luz tsiêz muôx nzir ntâu cêr shir phaz, lov jêv.

Têz qơưs têx cêr moz siêz cxoz txơưx paz tsôngv box thâuv tưs tưz njênhs njôngr, uô jông lơưr Đảng, têz qơưs têx chei kriê, sir jos paz trâu cxiv tsa têz qơưs ziv hnuz huôv tsar jông. Hòa thượng Dương Nhơn, Hội tsar hội sik thôngx siêz nhiêv têz qơưs tỉnh Sóc Trăng heik:

“  Tsôngv box Khmer têx ntênhs hội thâuv nzor li: Đôn-ta, ntênhs Dâng y, lok sik ntênhs Chol Chanm thmay thâuv tưs cux tâu têz qơưs paz thiêz muôz jông six hơưv chiê tsôngv box tsưr tsix ntênhs hội. Thâuv têx hnuz ntênhs mak cxuô cấp cxuô ngênhx puôr lênhx moz siêz, tso têx đoanx tuôx phôngv tsiêz, sư sãi thiêz chôngz lênhx tsôngv box phật tử Khmer lok six jông siêz”.

Têz qơưs cêr moz siêz txoz cxơưx trâu tsôngv box Khmer luz nênhx nox nhoz, muôz cêr shir phaz thiêz chiê siêz trâu sđ tok nox iz luz tsiêz cxôngx nzor Chol Chnam Thmay muôx nzir ntâu cêr shir phaz, lov jêv./.  

( ĐBSCL-Riê Lâux cxeik, nhênhv)

Phênhv thưr 7, hnuz 16/4/2016:

Zav nox uô txix pax lâus

          Trơưk li hêir nênhs poz ziz nhoz Sơn la, zav nox muôz pax lâus chox lok uô cux zos iz zav nox uô trâu luz chêr lax hâur chêix ntux sor. Ntơư zos muôz pax lâus đros trâu njuôs iêz, jâuz njuôz, shơư grêix thiêz muôz cuô txoz, kix, tâux đuz, txux lov cxuô zav chox lok fông trâu cux zos iz zav nox kaz. Pos Lữ Thị Huyền Mai, nhoz jos Ắng xã Đông Sang, Mộc Châu hêik pâuz:

           “Cxuô trêr pax lâus jông jav thiêz tsư kaz, cur cux zos muôz cxuô zav txux lov li shaz txoz uô cux zuôr uô tâu ntâu zav nox kaz. Zav nox uô txix pax lâus, zuk tưx xar tsưr ziv uô. Pir li pax lâus ciz shơư njuôs; shơư jâuz njuôz…”

          Hêir nênhs poz ziz nhiêv zav nox uô txix pax lâus zos muôz tsơưk hâu shơư njuôs đros trâu shơư poz cxa tưv thiêz muôz cxuô zav txux lov chox lok fông shơư; thâuv hâu zuôr luôs siêr, tsuv muôz hmôngr cxur chox lok mfông thiêz đo cov txơưk. Pos Quàng Thị Châu nhoz đrôngl Sơn la hêik pâuz:

           “Hêir nênhs pox niêv poz ziz đê tâu pax lâus lok, muôz đêx nzuôr cov hur thiêz hâu trâu lâux câuz. Pax lâus hâu shơư njuôs, muôx iz tsok mêx njik iêz thiêz ho muôx iz tsok mêx njik kaz jiz, mêx njik pluôk”

          Chiê muôx cov txâuk pax lâus uô cxuô zav nox hâur yênhx shông, txos luz chêix pax lâus tơưs, hêir nênhs poz ziz tưz muk đê pax lâus chox lok nzuôr cov hur thiêz muôz chuz cov siêr mav li chox muk jiêz yar ntux cov kruôr chiê uô nox hâur yênhx shông. Pos Bùi Thị Hạnh, iz lênhx kruô tuôx txix Hà Nội hêik pâuz:

           “Hêir nênhs poz ziz nhoz faz Bắc muôz pax lâus chox lok uô  zav nox, nox cux kaz cơưs thiêz, cur cux nhiêv nox zav jâuz muôz pax lâus uô. Viv zav nox ntơư mêx njik pluôk, cur cux nhiêv nox”

          Txos luz chêix pax lâus tơưs, hêir nênhs poz ziz  nhoz Sơn La tưz muk khơưk thiêz đê pax lâus chox lok uô cxuô zav nox, zos tsôngv kruô tâu nox siv cux zênhx nhoz trơưr siêz tsik plox./.

                                                                   (Tsu cxêik, nhênhv-Chẻo Thu)