Viv li chas tsôngv box tsi jông siêz, thôngx ziv cxiv uô tsêr meir tênhv tênhz Quang Huy

Jax 2: Doanh nghiệp tsik huv đros tsôngv box?

Hnuz 29/3/2018, ntơưv hội trường Ủy ban xã Quang Huy, công ty huôv tsar tênhv tênhz Việt Cường-taz viv yưv pênhr uô dưv anr tsêr meir tênhv tênhz Quang Huy tsưr tsix cơưv, zuôr côngv thôngx px sđ li ziv chênhv lok têx buôk ti uô ruôr hiêv txos thâuv cxiv tsa thiêz krêz uô tsêr meir tênhv tênhz Quang Huy. Ntơưv jiês cơưv, phênhv ntâu têx lênhx đại biểu cxaz chuôz dưv puôr lênhx heik tsi jông siêz trâu cxiv uô côngz trênhx no, viv lơưr tưz pâuz tâu têx tsi jông txix iz cxiê côngz trênhx tênhv tênhz mê thiêz tov thơưx hâur hur si têz qơưk tưz pov uô tsi jông txos têx jôngr ntông, uô đêx nas cuôr yôngz, ntux kruôr gis, tsi muôx đêx uô nox uô hâuk.....Suôx câuv jiês cơưv, tsi tâu sđ cêr jông siêz, thôngx ziv. Tax txos hnuz 22/11/2018-thâuv dưv jiês cơưv zos Ủy ban huyện Phù Yên tsưr tsix, cux zos heik lol têx tsênhv njiêz cik txos cxiv uô tsêr meir tênhv tênhz Quang Huy.... Ntâu lênhx thiêx pâuz tâu tiêk: Têx ntâuz ntơưr thâuv hâur jiês cơưv hli 3 ntơưv xã tâu côngz fur tsi zos li tsênhv tsênhz. Zơưv Vì Văn Hải, Phưv Bí thư Đảng ủy xã Quang Huy heik pâuz: “Hur tiz si canr bôv cử tri xã Quang Huy têx ziv chênhv puôr lênhx heik zos tsi thôngx ziv trâu cxiv uô tsêr meir tênhv tênhz. Yuôr hâur Công ty tênhv tênhz Việt Cường ntâuz ntơưr thôngz đhâu ntơưv jiês cơưv thor canr bôv huyện ziv chênhv mak ho zos tâu sđ jông siêz, thôngx ziv”.

Têx thâuv, muôx kênh lênhx thâuv dưv cơưv tsi tâu hu heik lol zuk ziv chênhv, taz sik cux muôx heik mê njik txos hâur ntâuz ntơưr. Co zos zơưv Lò Tuấn Anh, Chủ tịch Hội bôv đôiv lâuk hâur xã no:“Tov kaz no gra têx ntâuz ntơưr lok cur thiêx pov, zos zuk tưz tsi tâu heil mak sâu hâur co tiêk, cur tưz heik thiêz jông siêz, thôngx ziv trâu hâux lưv cxiv uô tsêr meir tênhv tênhz. Têx no tsi muôx li co, tsênhz tiês tsi zos li tsênhv njiêz sâu hâur ntơưr. Cur zênhx tsi jông siêz, thôngx ziv, txơưv têx bôv đôiv lâuk txơưr đuô lok lơưr cux tsi thôngx ziv trâu cxiv uô tsêr meir tênhv tênhz Quang huy, heik trâu nêx chor hloz qênhz shuôs đuô têx ntơưr co thiêz pêz tsi thôngx ziv trâu têx ntâuz ntơưr uô li no”.

Têx lênhx hlôngr njêx muôs tsưr yưv pênhr li têx ntâuz ntơưr sâu hâur jiês cơưv thâuv zuôr côngv thôngx tsôngv box xã Huy Thượng li ziv chênhv hnuz 11/7/2018 cux xưk li ntơư. Suôx câuv jiês uô hâux lưv, têx ntâuz ntơưr co tsi tâu thôngz đhâu. Txos thâuv cơưv hâur huyện, thôngz đhâu tsênhv njiêz jiês cơưv no, ntâu lênhx thiêx pâuz tsênhz lok ziv chênhv ntơưv jiês cơưv thiêz têx ntâuz ntơưr nhiêk txơưr nhiêk tsi thôngx iz zav. Xưk li zơưv Hoàng Ngọc Son, Bí thư Đảng ủy xã Huy Thượng tsênhv trâus lơưr cir chuôr zuk bê tiêk, đros cxaz chuôz dưv cơưv.  Zơưv Đinh Văn Mờ, Bí thư Chi bộ jok Úm 2, xã Huy Thượng heik tsi jông siêz li no:“Cxiê jiês tuôx zuôr ziv chênhv,  cur puôr lênhx heik tiêk, tsôngv box sđ tsi jông siêz, thôngx ziv trâu uô tsêr meir tênhv tênhz no. Taz sik, hâur ntơưr, phênhv suô luk mak tsuôl sâu tsôngv box ziv chênhv, zos uô li chas, thâuv tưz uô tiêr njưs tar đêx muôx cov txâuk đêx trâu thax tsav kaz đês uô kôngz xưz. Hok lol sâuv têx tsi jông siêz, ho tsi nhênhv lơưr têx ntơưr shor thâuv co sâu li chas. Đhâu thâuv pêz tuôx dưv cơưv đrav huyện, zơưv Đào Nguyên, Chủ tịch huyện muôz ntơưr lok nhênhv mak pêz thiêx pâuz tiêk, chor ntơưr no zos tsi muôx tsênhz li ntơư”.

 Ntâu lênhx tsôngv box nhoz têx xã Huy Thượng, Huy Hạ, Huy Tân, Quang Huy, Tường Phù....cux hei tsi jông siêz lok têx li heik sâuv hâur fuô krêz uô côngz trênhx. Đoanx đại biểu Côx hôiv tỉnh Sơn La tưz muôx ntơưr sôr 212, hnuz 29/11/2018 heik Ủy ban tỉnh Sơn La heik pâuz lok six hơưv uô dưv anr tsêr meir tênhv tênhz Quang Huy xa trâu Đoanx đại biểu Côx hôiv tỉnh uô ntêx hnuz xiêz 5/12/2018. Iz chas ntơư, chox kriê têx cơ quan, taz viv cik txos uô tsênhz mênhx tsênhv njiêz tsôngv px sđ heik tsi jông siêz lok tsưr yưv pênhr uô li hâux lưv uô thiêz muôx pov cov xa trâu Đoanx đại biểu Côx hôiv tỉnh thâuv uô tiêr. Taz sik, txos iz jiês no, Đoanx đại biểu Côx hôiv tỉnh Sơn La têx lul heik xa trâu Ủy ban tỉnh Sơn La cux tsi hnor têz li chas hlo.

Cux thor tror heik txos, zos đrav ntêx no dưv anr cxiv tsa tsêr meir tênhv tênhz Quang Huy tsi muôx nhoz hâur tsưr ziv njuôk hov. Txos shông 2017, tsi pâuz shor li chas Ủy ban tỉnh Sơn La ho muôx ntơưr heik Bộ Công thương cov cxaz nzir dưv anr no trâu hâur tsưr ziv njuôk hov!./.

                                   (PV VOVTB-Riê Lâux cxeik, nhênhv)

Zơưv Khiêu tsar fuôx

“Zơưv Khiêu tsar fuôx” luz bê tiês hu uô Lý Văn Khiêu nhoz jok Pắc Ma, xar Mường Tè, thâuv ntêx zos tuz lênhv tiểu đoàn 1, Bộ tuz lênhv tỉnh Lai Châu.

Shông 1989 đhâu thâuv uô tuz lênhv tror lok tsêr, zơưv Khiêu tưz zuôr iz luz mêir nổ Liên Xô kuz thiêz chiv chir uô fuôx chiê thâux xa pêx xênhv thiêz hax huv muk lok hâur jêx jok, viv thâuv co jok Pắc Ma tsik tâu muôx cêr muk lok. Xar muk trâu Pắc Ma, tsuv chêix fuôx muk lok đhâu đêx. Xar muôx 30 shông nhoz đros thax tsav muôx đêx pêv hâur, zơưv Khiêu tưz ndo tsik tâu tiêk zuk thâux pêx tsơưs jiês đros bâuv li chak phiv liv, taz sik đros zos iz lênhx lính, zơưv cux tsik cxơưx txos chor jiês thâux bôv đội pênhz phax qênhz yuôx sauv đêx:“Ntâu jiês tsar fuôx muk lok thâuv chêix ntux nas muôx đêx huôv lox, muk lok njiz ntâu phiv liv thiêz muk đhâu têx tsas đêx lok six phiv liv. Hêik cxuô mak ntu no đêx ntưk chênhr thiêz lok six lax muk lok”.

Tsuv zos nênhs muôx chênhz zênhv, pâuz tsênhz txos yênhx ntu đêx ntưk nkâuk lêv, qơư muôx poz jêz, thax tsav đêx ntưk chênhr thâuv chêix ntux nas; viv li 30 shông đhâu zơưv Khiêu tsik chiê muôx yưv têx phiv liv tsik jông. Jok Pắc Ma nhiv no tưz muôx cêr muk lok hâur jok zôngx ziv, viv li zơưv Khiêu tưz tsik tâu tsar fuôx muk lok ntâu li thâuv ntêx. Taz sik, hâux lưv thâux tuz lênhv chor Đônx pênhx phax Ka Lăng, Mù Cả zơưv cux sir jos uô. Đhâu chor jiês muk lok sâuv đêx, zơưv ho tror lok uô têx hâux lưv yênhx hnuz đros chuôz zis. Ntâu shông đhâu, zơưv tsik xav nhiêx côngz trâu tuz lênhv pênhz phax hlo, viv zơưv xar tiêk paz trâu tuz lênhv pênhz phax cux zos paz trâu zuk thiêz pox nhuôs hâur jêx jok taz por ngaz tuk thax tsav ntus đriv. Trung tá Lương Xuân Hà, Đônx trưởng Đônx pênhz phax Ka Lăng hêik:“Đros thiêz đônx Ka Lăng mak ntus đriv lok six ntêr. Cêr muk lok phiv liv. Ciês txox cêr muk lok hâur chêix ntux nas mak zuôr qênhz yuôx tsik tâu tiv gok nhav, poz têx tox trôngz siêz, viv li tsuv uô jênhv vưv qênhz yuôx txix cêr đêx. Hâur ntu qênhz yuôx, thâuv ntêx Đônx pênhz phax tsik tâu paz fuôx gox chiê chêix qênhz yuôx viv li tsuv khov trâu pêx xênhv, hâur co muôx tix lâus Khiêu mak sir jos paz trâu Bôv đội pênhz phax muk qênhz yuôx chiê tz por tuôr truôx thax tsav ntus đriv tâu phưx txơưx”.

Cán bộ, tuz lênhv pênhz phax Ka Lăng, Mù Cả txix ntêr lok tưz sêiz zơưv Khiêu xưk li zos tuz lênhv pênhz phax nênhs lơưv. Thâuv tưs zơưv Khiêu chuôz zis muôx hâux lưv tuk tsi li: uô tsêr, sâu blêx, sâu poz cưk, chor tuz lênhv pênhz phax ho tuôx đros paz. Têx hâux lưv uô co hax zav uô truôx đuô cêr sik côngv siêz đros tuz lênhv thiêz pêx xênhv, paz muôx cêr sik côngv siêz truôx đrênhk sik đros uô jông jênhv vưv por vêv têz qơưk, chiê muôx tâu truôx tuk nhoz thax tsav ntus đriv./.

                            (Thanh Thủy-Lik Thox cxêik nhênhv)