TSÔNGV BOX HMÔNGZ CHEI NOX TSIÊZ 30

          Cheix ntux yiêz lol txos, tsiêz 30 txos, tsôngv box Hmôngz nhoz cxuô luz jêx jok hâur hur si têz qơưs, tưz bax cxix cxuô tsôngs yo yiêz, keiz, buô...kuôk nor xar muôx iz luz hlik chiê tos iz luz tsiêz yiêz sor si, lov jêv, cxix cxuô. Iz shông khưr uô hâux lưv viv li hnuz Tsiêz zos six hơưv chiê tsôngv box tâu so, uô si thiêz mul seiz cưr tix nênhx, têx nênhs cxênhz tsa cxênhz jê. Cxôngx 4 six zar hnuz keix hnuz Tsiêz 30, lênhx tsưr tsêr qir bax cxuô hâux lưv trâu hnuz tov kaz. Qir thơưx zos bax 3 trêr blôngx shôngz chiê qêz nkhơưz, qir thơưx zos qêz cxôngx kror txok muk txos kror chuz. Tix lâus Por x Vưx nhoz Sơn La cê qêz cê nthuôk li no:

          Hâur tsôngv box Hmôngz li phongz cxưx nox tsiêz muôx iz hâux lưv tsuv uô zos hu plis têx lênhx nênhs hâur chuôz zis. Tsuv bax txâuk cxix cxuô iz lênhx iz luz kê keiz thiêz bax sênhv 3 luz kê tso trâu sâuv tơưz cxur thiêz 2 tul keiz, iz tul lâu, iz tul pox hnhar xar muôx 1 cir chiê hu plis trâu cxuô lênhx nênhs hâur chuôz zis. 3 luz kê bax sênhv co mak chiê hu plis trâu tsiêx  cxu, plis nhiêx plis cuz, plis kôngz plis lông lol tsêr. Tsôngv box Hmôngz xar tiêk, đhâu iz shông khưr uô kôngz uô lông, hla trâu shông yiêz hu plis chiê cxuô lênhx nênhs puôr lênhx muôx jông đas jos, njiz ntâu cêr nyar ntux, tsiêx cxu hloz lox jông, kôngz lôngk sâu tâu pur cxaz: Tix lâus Por x Vưx nhoz Sơn La hu plis li no

          Thâuv hu plis tas, tơưz kê tâu txơưz trâu hâur tơư kaz xưv caz thiêz muôz 2 tul keiz hu plis chox muk uô hâu siêr đros iz tul lâur keiz lox lok sik iz tul buô chiê hu pos zơưs. 2 tul keiz hu plis tsuv hâu siêr tov thơưx thiêx jông seiz tơư keiz. Pêz Hmôngz xar tiêk, seiz tơư keiz zos chiê seiz shông yiêz jông lok tsi jông, têx lênhx nênhs hâur tsêr li plis pok lol cxix cxuô. Yuôr tul lâur keiz lox lok sik tul buô, thâuv hâu siêr mav muôz cxôngr tso trâu sâuv fax thiêz trâu trâu ntơưv hâur plas tsêr jê xưv caz, đros iz hưx chơưr, iz teik cuô greix, iz teik mor thiêz điêr, trơưk đros trâu 3 luz piz chiê hu pos zơưs lol nox tsiêz. Zos tsưr tsêr tsi txơưx hu mak tsuv hêik iz lênhx nênhs sơưr thơưx hâur xênhv nênhs co tuôx paz hu. Thâuv hu plis tas, muôz mê njik mor, greix, chơưr tso trâu sâuv tul điêr gra mul đrav kror trôngx tas saz đrâuv chiê hu đaz xênhz têz xênhz qơư lol đros nox  Tsiêz thiêz siêz xar njôngr phôngv côngv jông trâu chuôz zis iz shông yiêz lênhx tưs cux muôx jông đas jos, uô tâu nox tâu hnar, tsi muôx moz muôx gênhs.

          Hâur tsôngv box Hmôngz li phongz cxưx, hmo tsiêz 30 lênhx tsưr tsêr zuôr txâuk ntơưr, txiêr ntơưr chiê hlôngr trâu đêiv ntơưr xưv caz kuz thiêz muôz iz tul njuôs lâu keiz chox lok uô xưv caz. Tix lâus Pos x Vưx nhoz Sơn la nthuôk li no:

          Thâuv uô xưv caz tas tsuv tuô tul keiz co thiêz ro 3 tâur plâuz kêiz chox lok plênhr tus kêiz co yar lo trâu sâuv đêiv ntơưr xưv caz. Hnuz tsiêz 30 zos hnuz cxuô lênhx nênhs hâur chuôz zis lol tsêr nox tsiêz thiêz txos trâu thâuv nox hmo tas mak lênhx tsưr tsêr mav li muôz têx xor cxênhx lo trâu kror trôngx tas, kror trôngx txuôk, ndêx tsêr, chuôz zênhx hâur tsêr, guôx tsiêx cxu, chôngx keiz....

          Tsôngv box Hmôngz li phongz cxưx nox tsiêz muôx têx kror txơưr pir đros thiêz têx mênhx cxưx txơưr, co zos tas cik sơưr nzor hnuz xiêz 1, thâuv 3 six sơưr nzor keiz qir kuô mak tsuv sơưr hu tsiêx cxu lol nox tsiêz. Đrâuv co, tsôngv box tsênhv cheir 3 hnuz tsi tâu yuôz hluôr tơưk. Tsôngv box siêz xar tiêk zos yuôz hluôr tơưk, yuôz tênhz mak shông co zuôr muôx nas chuô uô ruôr hiêv txos kôngz lôngk.

          Cxôngx hnuz xiêz 1 txos xiêz 3 Tsiêz zos têx hnuz, yênhx gơưv niêv txir mul seiz shuôk, phôngv tsiêz cưr tix nênhx tsa, jêx jos sik đros nox tsiêz, phôngv trâu iz shông yiêz njiz têx môngr jông hâur luz nênhx, lênhx tưs cux muôx jông đas jos./.

(Tsu Vưx-Txâur Vax cxeik nhênhv)