Jax sâu thưr 2 hnuz 20/6/2016:

TOX SIÊZ YÊN BÁI, BAX UÔ TÊX PLOZ TSÊNHR NÔNGX CXÊNHZ YIÊZ

          Nhoz hâur bê têx tiv phaz pluôs tiv zix hâur têz qơưk, đhâu 5 shôngk uô tsaz yênhx cxiv tsa nôngx cxênhz yiêz, huyện Trạm Tấu, tỉnh Yên Bái nhiv kruôr muôx iz xã Hát Lừu uô tax tâu 10 ploz tsênhr tror sâu. Yuôr têx xã txơưr đuô, nhiv kruôr tax tâu cxôngx 3 txos 5 ploz tsênhr, têx ploz tsênhr no phênhv ntâu zos tax tâu cxôngx thâuv cxiv tsa nôngx cxênhz yiêz. Pir li xã Túc Đán, shông 2011, thâuv qir krêz uô tsaz yênhx, xã tưz tax tâu 3 ploz tsênhr li: y tế, cxix luôk chính trị, xã hội thiêz txiv ngaz xã hội. Đhâu 5 shôngk uô tsaz yênhx, xã tsuôk tax cxaz ploz tsênhr số 1 lok njuôs xav. Têx ploz tsênhr tsênhv yuôr nhiv kruôr tax tâu nto 50%. Zơưv Zax Xênhv Vax phưv chủ tịch UB xã Túc Đán, huyện Trạm Tấu puz pâuz:

          “ Hâur cxiv tsa nôngx cxênhz yiêz, tiv phaz lok six phêv liv, pêz muôx 7 jêx jos mak nhiv kruôr muôx 3 jêx jos muôx tênhv tênhz. Pênhr têz qơưk muôx tsơưs, tsôngv box lok six pluôs viv li huiz tôngv cxôngx tsôngv box zos lok six lax uô tâu. Pir li têz qơưk paz txưv 70% yuôr 30% tsôngv box tsuv gôngr côngv, taz sik tsôngv box lok six pluôs gôngr côngv tsi tâu”.

          Ntơưv huyện tox siêz Mù Cang Chải, ciês thâuv qir uô tsaz yênhx, 13 xã puôr lênhx xav tênhv tsưr ziv “ zôngx ziv mak uô uô ntêx, phiv liv mak uô tov kaz”. Taz sik, tsik zôngx ziv li hêik ntơư, thâuv qir uô thiêx pov tâu têx phêv liv thiêz nhoz huyện tox siêz no tsi muôx ploz tsênhr tưs zôngx ziv uô hlo. Pir li uô ploz tsênhr cxiv tsa uô cxuô zav li: zoz thôngz nôngx cxênhz, ntâu ziv chuôz zis tsôngv box nhoz têx xã Chế Cu Nha, Hồ Bốn, La Pán Tẩn...tưz gôngr côngv ar uô cêr, cxiv tsa tsêr vênhx huôv...taz sik ho tsi muôx pênhr chiê krêz đar thiêz uô; tsi muôx nhiêx txiêx zuôr suôz jêz, xi măng chox lok lênhv cêr, cux xưk li cxiv uô tsêr vênhx huôv jêx jos. Viv li, tưz 5 shôngk ntâu uô tsaz yênhx, taz sik Mù Cang Chải tsi tâu muôx xã tưs tax ploz tsênhr nôngx cxênhz yiêz. Zơưv Lê Trọng Khang, phưv chủ tịch UB huyện Mù Cang Chải tỉnh Yên Bái puz pâuz:

          “ Huyện tsênhv chêx chôngk têx tsưr ziv phuôv tsar uô xênhz yar, cxơưz tiês hlôngr yiêz tsưr ziv uô xênhz yar, cxơưz cxiz yênhx lix têx tuêv HTX, têx qơư tsêz chos, tu zus lox phuôv tsar. Cxơưz tiês côngz xưv thox cxov hâux lưv uô trâu lox tôngv nôngx cxênhz; cxơưz cxiz têx doanh nghiệp yưv pênhr lol kôngz nuv, nôngx cxênhz chiê muôz siêz phênhv sâu trâu tsôngv box”.

          Đrâuv 8 xã tưz tax ploz tsênhr, shông no Yên Bái muôx cxaz 10 xã đăng cir tax tâu ploz tsênhr cxiv tsa nôngx cxênhz yiêz. Taz sik, hâux lưv yưv pênhr tsênhv phêv liv, zuôr uô tsik tâu trơưk li luôs hâux lưv tso tơưv. Zơưv Nhâm Xuân Hùng, chi cục tsar chi cục phuôv tsar nôngx cxênhz tỉnh Yên Bái puz pâuz:

          “ Huyện Trạm Tấu thiêz Mù Cang Chải zos têx huyện pluôs tiv zix têz qơưk, viv li uô tsaz yênhx cxiv tsa nôngx cxênhz yiêz njiz ntâu phêv liv. Pêz zuôr cxơưz tiês côngz xưv yax mông, krêz cxaz têx lớp kriê cxaz trâu têx xã mak shông 2015 tax cxôngx 10 ploz tsênhr ndê mul tỉnh zuôr muôx chính sách yưv pênhr cxaz uô li chas tax tâu têx ploz tsênhr tso tơuv”.

          Chiê tox siêz Yên Bái nzor uô tiêr tsaz yênhx cxiv tsa nôngx cxênhz yiêz, đrâuv chính quyênx thiêz tsôngv box tiv phaz li sir jos lok six zuôr trâus txos têx tsênhv chêi uô huv đros cxôngx Trung ương txos thax tsav tox siêz./.

                                   (Thừa Xuân- Txâur Vax cxeik nhênhv)

Phênhv thưr 2 hnuz 20/6/2016:

Zos yênhx xã jêx jok yiêz khô yênhx côngz Đảng li nghị quyết

Xã Tân Nghĩa muôx 213 lênhx đảng viên. Đros trâu sir jos uô luôs hâux lưv yax kriê hêik pêx xênhv gôngr côngv paz đas jos, cxuô zav uô tsaz yênhx tsưr ziv têz qơưk cxiv tsa jêx jok yiêz, kaz shông 2015, luz xã no tưz tâu côngz jênhv zos iz hâur 4 luz xã xuz thơưx ciês uô tiêr cxiv tsa jêx jok yiêz nhoz huyện Cao Lãnh, tỉnh Đồng Tháp.

Đros sir jos gra siêz têx tsưr ziv xã jêx jok yiêz, Nghị quyết đại hội Đảng bộ xã six cxiv 2015-2020 tso tơưv tsưr ziv hlôngr yiêz kinh tế, phênhv sâu lênhx nênhs txix 29 triệu đêiv iz lênhx nênhs shông ndê muôx 36 triệu đêiv iz lênhx nênhs iz shông trâu shông 2020. Chiê uô tâu tsưr ziv no, tân Nghĩa phuôx tôngv phongz yaox hlôngr yiêz đuô tsoz chos. Đảng viên zos chor nênhs uô ntêx hlo hlôngr đuô ar chos blêx, chiê chos jâuz tâuv, phênhv ntâu zos chos mè thiêz poz cưk. Txos nhiv no, iz huôv xã tân nghĩa tưz muôx 1.600 chuôz zis hlôngr yiêz đuô 120 hec ta ar chos blêx chiê chos mè, poz cưk. Zơưv lê trung Đông, bí thư xã tân Nghĩa puz pâuz, Đảng viên nhoz xã tsik só uô ntêx hlo muôz nghị quyết lok uô hâur luz nênhx:

 “Hâur shông 2016 no, hâux lưv hlôngr yiêz tu zus thiêz uô kôngz lôngk tâu đảng viên sir jos uô. Hâur cir jênhv sâu zuôr hax huv đảng viên cux zos chor nênhs uô ntêx hlo. Txix co paz uô trâu pêx xênhv njênhs njôngr Đảng đuô. Xuz thơưx mak pêx xênhv cux cxơưx, nyêi tsav uô tsik tâu, khov muôx đảng viên uô uô ntêx viv li tsưr ziv no thiêzz uô tâu yênhx côngz”.

Đros phongz yaox hlôngr đuô uô xênhz yar zos Đảng ủy xã  kriz uô, chor ban nganhx đoanx thể xã cux phuôx tôngv ntâu phongz yaox chiê huiz tôngv tas nro pêx xênhv gôngr côngv đas jos paz uô hlôngr yiêz trâu têz qơưk. Hâur co Hôiv nôngx mênhx xã muôx phongz yaox “Hôiv viên sik côngv siêz, sik paz huôv tsar kinh tế, cxuôv yêiz, thiv pluôs”, zaz zâuv tâu chôngz hội viên nôngx mênhx cxax chuôz. Zơưv Cao Văn Lời, chủ tịch hội nôngx mênhx xã Tân Nghĩa puz pâuz, đhâu chor tsưr ziv uô “Tổ sik côngv cxênhx txuôs pênhr”, “tổ cxênhx txuôs”….txix hâur shôngk shông txos nhiv no, Hội nôngx mênhx Tân Nghĩa sik paz kho đuô vax tsêr nhoz, hêik đảng viên muôz trâu chuôz zis pluôs txêik nhiêx zuôr bảo hiểm y tế:

 “Txos six hơưv no muôx 28 tổ sik côngv cxênhx txuôs pênhr, iz tổ txix 10-12 lênhx nênhs. Đhâu co, tưz cxuôv tâu 225 luz tsêr đaz tuôs. Lơưr co hêik trâu cấp ủy, ủy ban xã hêik đảng viên paz nhiêx trâu chor chuôz zis pluôs uô tsêr lơưr ploz tsênhr cuiz tênhv. Tas nro chor chi bộ cxaz chuôz gôngr côngv paz tâu 73 triệu đêiv; muôz trâu chuôz zis zuôr xar pluôs txêik nhiêx zuôr bâỏ hiểm y tế muôx 31 triệu đêiv”.

Zos xã uô kôngz nuv, pêx xênhv phênhv sâu chênhr zos txix uô kôngz nuv. Kror sâu tâu kôngz, pongz gri zos kror tsik so muôx đros pêx xênhv tiêx đras niêv đêx Cửu Long hêik cxuô thiêz pêx xênhv xã tân Nghĩa hêik taz. Hla đhâu kror no mak tsuôk zos hlôngr yiêz đuô uô xênhz yar. Can bộ, đảng viên tân Nghĩa hla trâu iz jiês uô yiêz. Co zos uô ntêx hlo hâur tsưr ziv xar thiêz uô. Nhiv no thax tsav hlôngr txix chos blêx chiê chos jâuz tâuv txơưv tsik tâu ntâu, taz sik têx tsưr ziv xuz thơưx tưz paz muôx chêx cur, paz trâu tiv phaz tror huôv tsar. Pos Trần Thị Thanh Thảo, chủ tịch UBND xã Tân Nghĩa njênhs tiêk, tiv phaz li tsưr ziv hlôngr yiêz uô xênhz yar zuôr yênhx côngz.

 “Hâur shông đhâu, xã sir jos uô đề án hlôngr yiêz đuô kôngz nuv, phênhv ntâu zos chos kôngz lôngk thiêz tu zus tsiêx cxu. Đros co, tiv phaz uô đề án pêz chiv blêx hâur iz chor liêx, chor liêx tsênhv yuôr mak chos oz chiv blêx iz chiv jâuz tâuv chiê pêx xênhv luz nênhx ziv hnuz ziv tâu gra siêz đuô. Thax tsav jâuz tâuv cux sâu tâu ntâu thiêz pêx xênhv phênhv sâu cux chuôz ndê. Pêx xênhv lok six shir phaz thâuv sâu têx zav jâuz tâuv co muôs tâu gri truôx, viv li thôngx ziv đros tsưr ziv hlôngr yiêz uô xênhz yar no”.

Uô chak chiê nghị quyết Đại hội Đảng cxuô cấp tâu uô hâur luz nênhx? Co zos vênhv thix tâu chor đảng viên xã Tân Nghĩa, huyện Cao Lãnh, tỉnh Đồng Tháp tsik so xar txos. Chêx cur têx jiês xar co zos pêx xênhv li thôngx ziv đros thiêz njênhs njôngr trâu Đảng đuô. Co thiêx tsênhv tsênhz zos jêx jok yiêz./.

(TTĐBSCL-Lik thox cxêik nhênhv)