Cưr cxiêx Jarai: Heik cưr cxiêx sik lưr Adol tơdăm dra

          Suôz sênhr cưr cxiêx sik lưr, cưr cxiêx Jarai nhoz xã Ia Hrú, huyện Chứ Pưh, tỉnh Gia Lai, zos Kờ-pă Tham thiêz Rơ-mah H’Rek heik. Hâur têx tsưr ziv heik cưr cxiêx Jarai, lax heik tiv zix zos heik cưr cxiêx siz lưr. Lax viv iz lênhx cê heik cê xar lul li chas cov huv đros. Chênhr viv li, cưr cxiêx siz lưr tsi zos lênhx tưs cux txơưx heik. Oz lênhx tsuv lok six txơưx, muôx chênhz zênhv thiêx li heik tâu. Niêv lâuk Rơ-mah H’Rek, tix lâuk Kờ-pă Tham li pox niêv pheiz kênh lok jax cưr cxiêx mak niêv lâuk thiêz tix lâuk nhiv kruôr heik:

          “ Cur thâuv tsênhv zos iz lênhx hluôk gâux tsi tâu zuôr txir, thâuv nhiv kruôr hluz lênhx hluôk tuz mak 2 lênhx puôr lênhx heik cưr cxiêx chiê sik thav xưz. Iz cxiê lênhx tsi xar tiêk cưr cxiêx coaz tsôngv li ntơưv taz sik lơưr cur mak cưr cxiêx siz lưr zos lul heik tơưv jông tiv zix tsês trâu tul zuk hluz. Ưz nhiêv heik cưr cxiêx siz lưr cxôngx thâuv tsênhv zâu thiêz khênhr heik viv li thâuv siz hluz heik cưr cxiêx mak lok six huv zuk siêz...Ưz yênhx txix gơưv cux zos viv puôr lênhx nhiêv heik cưr cxiêx, zôngx ziv pâuz thôngz thiêz sik pheiz kênh, cxôngx co txos nhiv no ưz tsênhv six fênhx heik, heik thâuv muôx cêr qiv siêz, thâuv lov jêv lok sik hâur têx hnuz ntênhs...”

          Cưr cxiêx Jarai mak tâu heik mul heik lol cux xưk li ntâus nxêz tôngx, thâuv nhiv kruôr heik nênhs heik sênhr suôz cov đroz, lơưr co mav jux jus heik zâu tsuôk li siz thav lul nxi. Ntâu lênhx hluôk tuz hluôk nxeik Jarai thâuv nhiv kruôr siz hluz, lơưr tsi car heik tơưv siêz xar mak puôr lênhx kêr cưr cxiêx chiê heik tơưv zuk li txox cêr hluz trâu tul zuk hluz zuk nhiêv.

          Nhoz jos Luh Tong Yong, xã Ia Hrú, huyện Chư Pưh, tỉnh Gia Lai, tix lâuk Kờ-pă Tham thiêz niêv lâuk Rơ-mah H’rek oz niêv txir li suôz cưr cxiêx tâu lok six ntâu lênhx nênhs nhiêv txos, tiv zix zos têx hluôk nênhs. Tix lâuk Kờ-pă Tham oz niêv txir nhiêv heik cưr cxiêx cxôngx thâuv tsênhv zâu, txos thâuv hloz tiêr nênhs thâuv mul seiz nhux lok sik cxaz chuôz hnuz ntênhs hâur jêx jos tix lâuk oz niêv txir khênhr heik cưr cxiêx trâu sđ đros mnôngs. Heik txos cêr moz siêz đros cưr cxiêx Jarai, niêv lâuk Rơ-mah H’Rek pheiz kênh:

          “ Đros thiêz ưz, heik cưr cxiêx mak nhiêv txơưv heik xưz, tsi zos thâuv hâuk chơưr kâus thiêx li heik. Thâuv xar heik tul tsi lax heik mak heik cưr cxiêx zôngx ziv heik đuô”.

          Tix lâuk Kờ-pă Tham heik:

          “ Heik cưr cxiêx tsi taz zos vênhx huôv chax chês mak têx lâus tsês chiê mak tsênhv zos cêr moz siêz cxôngx thâuv nzor. Cxôngx thâuv ntêx txos nhiv no vênhx huôv chax chês heik cưr cxiêx nhiêv thâuv tưs mak txơưv heik xưz”.

          Cưr cxiêx “Adoh tơdăm dra” cưr cxiêx Jarai khênhr tâu heik tiv zix nhoz thax tsav Chư Pưh thiêz Ayun Pa, tỉnh Gia Lai. Đrâuv co, ntơưv thax tsav no tsênhv muôx cưr cxiêx “Khăm thơng” nênhs lâus, nênhs hloz khênhr heik lok sik lơưr heik trâu tul zuk nhiêv chiê heik tơưv siêz xar lok sik sik thav. No puôr lênhx zos tsưr ziv heik cưr cxiêx siz lưr lok six jông, tâu pox nhuôs Jarai lok six nhiêv txos./.

(TTTN- Txâur Vax cxeik nhênhv)