Zav nox kâuz uô txix grêix njêk, zos iz zav nox kaz

Cux xưk li ntâu tsôngv box hâur thax tsav pak đêx đas, zơưv Tường chuôz zis uô nênhx nhoz phênhv ntâu zos khov trâu luôs hâux lưv ntâuk muôz shuôz njêl thiêz tu zus têx shuôz njêl. Taz sik seiz pov tsuôk muôs têx njêl nhôngk mal lok six tuôr xuôv, zơưv quyết tinhv zok nriêr cơưv shâuv tsưr ziv chiê muôx têx uô tâu nzir têx zav nox txix njêl, shông 2016 zơưv qir uô siv zav njêl cuô txoz kâuz. Xuz thơưx zơưv tsuôk zos lav uô mê njik chiê hâur chuôz zis thiêz têx cưr tix nênhx tsa sđ hâur jok nox xưz. Đhâu 2 shông uô đreiv, zav njêl cuô txoz kâuz co ziv hnuz ziv tâu ntâu lênhx chôngz tuk nhiêv nox thiêz zuôr txos thiêz muôs tâu trâu ntâu tỉnh li: Phú Thọ, Hưng Yên, Hòa Bình, Bắc Ninh..... Txix ntơư chuôz zis phênhv sâu tâu iz hnuz tsar ndê jux juk, muôx phênhv sâu tâu nhiêx txiêx. Zơưv Tường heik:

“Thâuv ntêx khênhr mul ntâuk muôz têx njêl lok, zuk tưx uô zuk xưz, xuz thơưx ntâuk muôz 2, 3 châuv cir lok fêis tsênhr uô, pov muôs cux tâu trơưk tsưr ziv thiêz tsôngv kruô cux nhiêv nox, nhiêv zuôr txos ntâu, thâuv co chuôz zis mav uô muôs. Uô tâu bâuv li chas cux  muôs tas bâuv li ntơư, hnuz xiêz 2/9 muôs tas hur si tsi muôx iz kro muôs hlo”.

Zav nox njêl cuô txoz kâuz no tâu muôz cxuô zav njêl muôx nhoz hâur pak đêx đas li: Njêl nox jâuz....chox lok uô. Txơưv tiêk zos iz zav nox zôngx ziv li ntơư, taz sik chiê uô tâu tiêr thiêz jông  nox mak tsuv max mav uô thiêz tas ntâu six hơưv, hnuz nhôngs. Xuz thơưx zos xeir têx njêl lok uô, chiê uô tâu trơưk tsưr ziv, siêz xar, tsuv xeir chor njêl muôx bli, kaz, tsênhv chiêx; đhâu ntơư gra muk cuôv bli, fêis, nzuôr cov hur, muôz tsâu đêx cuô njêr txix 3-5 jiês tax thâuv tưs chor cuô njêr tsâu njêl co tưz nyiêz, mêx njik đơưz liêk, mav muôz chor njêl bo lok tso cuô, jiêz kra cov kruôr đêx, njêl ziv kruôr mak ziv tsês tâu ntêr hnuz. Đhâu thâuv tưz uô hur thiêz kruôr, mav muôz têx txux lov, cuô txoz chox lok đo shơư trâu, chor txuôx lov đo shơư uô njêl cuô txoz kâuz co phênhv ntâu zos đok kruôr thiêz krar. Uô kaz ciês zos muôz chor njêl heik co tso trâu hâur têx têik chiê tsâu txix 2-3 luz hlik cov têx txuôx lov, njêr, cuô txoz thơưv tas thiêz mêx njik kâuz txơưv jông nox thiêz muôs.

Thâuv nox, zav nox njêl cuô txoz kâuz ntơư nưk muôx iz tsok mê njik kâuz tsuôr, đơư njêr, tsư kaz, cux seiz lênhx nênhs tưs nhiêv nox li chas mak muôz nzir mê njik têx hưx txoz, cuô txoz, suz thax njêr tso shơư trâu chiê nox kaz đuô.  Zav njêl co nox kaz đuô hur si zos nox đros trâu têx jâuz nox nhôngk, jâuz cxưz....., iz chas ntơư muôx têx nox tâu đros mor, uô cuô njư têx jâuz thâuv muôx kruô tuôx, hâuk chơưr. Niêv lâuk Hoàng Thị Thắm, nhoz TP Sơn La heik:

“Cur pov zav nox njêl cuô txoz kâuz no nox lok six kaz, cur tuk txir thiêz têx cưr tix nênhx tsa lơưr lok six nhiêv nox, viv li hli tưs cur cux tsuv zuôr 1-2 têik lol chiê chuôz zis tâu nox jux juk”.

Thâuv tuôx txos trâu Tân Phong, tsôngv kruô sđ ndo njôngr tsuv nox siv zav njêl cuô txoz kâuz Sông Đax heik sâuv. Viv tiêk zos lênhx tưs tưz tâu nox iz jâuk, mak zênhx zuôr ndo njôngr thiêz xar cov tâu nox nzir ntâu jiês thiêz./.

(Đắc Thanh-Riê Lâux cxeik, nhênhv)