Hà Nội hâur sơưr đơưk siêz

        Đros Hà Nội, chêix ntux lax muôx ntâu cêr shir phaz. Co tsik xưk li chor chêix tsênhv yuôr hâur shông viv đros đrêiv bê hu: Chêix ntux las cách mạng. Đros thiêz zơưv Vũ Bá Hoan, iz lênhx cán bộ lâul nhoz quận Cầu Giấy, Hà Nội, njiê pov njôngr thủ đô têx thênhv huôv tsar hâur 63 shông đhâu, zơưv Hoan jêik tsik tâu luz siêz hêik:

“Hà Nội tưz hlôngr yiêz ntâu, chor tsêr yôngx siêz muôx ntâu; cêr muk lok cux tâu kriz đar, muôx ntâu cêr đuô…Cur tso siêz lok iz thủ đô-tsênhv qơư chính trị, vênhx huôv hâur tas nro têz qơưk. Thâuv tiêx tuk, cxuô lênhx nênhs nhoz cxiê qơư xar lok trâu Hà Nội, tâu lok hơưv hloz hôx, ndo txos hloz Hôx. Cur tso siêz viv zos lênhx nênhs nhoz thủ đô-thành phố viv hux fênhx. Tror ndo txos thâuv ntêx, cur chuô zis cux zos nênhs pluôs nhoz thành thị, nhoz hâur luz tsêr zâu đaz tuôs. Nhiv no, tâu nhoz hâur luz tsêr lox jông, luz nênhx muôx ntâu hlôngr yiêz”.

        63 shông đhâu, Hà Nội tưz hlôngr yiêz ntâu, ziv hnuz ziv jông đuô đros ntâu côngz trinhx, dự án kinh tế, xã hội lox. Đhâu 4 jiês hlôngr yiêz, Hà Nội tâu kriz đar muôx 30 quận, huyện. Đros chor qơư công nghiệp, qơư du lịch  mak ntâu côngz trinhx zoz thôngz, vênhx huôv zov chênhr cux tâu uô, tiv zix zos chor côngz trinhx chiv nhênhv 1000 shông Thăng Long-Hà Nội; Cêr Láng-Hòa Lạc, cêr muk trơưk ntus 3 tâu uô siêz, cêr muk trơưk ntus 2 Nhật Tân-Cầu Giấy, cêr muk chênhr Hà Nội-Lào Cai, cêr muk chênhr Nhật Tân-Nội Bài, cêr hlâu đô thị…tưz paz uô trâu thủ đô hlôngr yiêz ntâu. Txix co, Hà Nội muôx cêr coangz siv đros xar muôx 100 thủ đô thiêz thành phố nhoz 50 luz têz qơưk thiêz thax tsav. Hà Nội zos ntâu tsưr tsix ntiêx têz li thành viên chênhr sâuv ntâu kror li đối ngoại, cux xưk li kinh tế têz qơưk. Shông 2016, Hà Nội nhoz hâur 20 qơư muôx tsôngv kruô tuôx ndis shuôk chôngz tiv zix ntiêx têz.

       Taz sik, hlôngr yiêz sêi cux uô muôx yưv cêr muk lok tsik tâu, đêx nhaz, tsik hur, đror nxê, đêx tsik hur, tsik txâuk…zos têx vênhv thix Hà Nội tsênhv njiz trâus thiêz tsuv nzor tâu cêir chêx. Zênhx cơưv ntơưr thiêz xêir tsov Hà Nội zos qơư uô nox, niêv tix Trần Thị Linh, nhoz Thừa Thiên Huế hêik tiêk: Hà Nội tsuv muôx cêv kuôk jông chiê cêir chêx têx phiv liv nhiv no, iz thênhv jux juk cxiv tsa Hà Nội zos yênhx têz qơưk li thủ đô. Niêv tix Trần Thị Linh Vav tiêk:

“Txơưv lênhx tưs cux ndar lok thủ đô, taz sik, cur pov muôx têx vênhv thix co zos zoz thôngz thiêz tênhv qơư. Cur xar cov muôx têx tsưr ziv chiê kho đuô txix zoz thôngz txos tênhv qơư huv đros trâu tsênhv tsênhz nhiv no. Zov chênhr đuô zos pêx xênhv pâuz por vêv tênhv qơư, cxaz chuôz zoz thôngz jông chiê Hà Nội vav mênhx đuô, hur jông đuô”.

       Qênhx shênhx nênhs txar qơư nhoz txix jêx jok thiêz chor tỉnh iz ndis lok trâu Hà Nội, uô trâu thax tsav tsênhv qơư lax sêiz car, phiv liv txos dân số, têx kror tsik jông lok vav mênhx, luk hêik, ndê gri… muôx yưv hâur ntu đhâu tưz uô phiv liv ntâu txos iz thủ đô vav mênhx, jông gâux. Lơưr tix lâus Mai Thanh Bình, nhoz Nghệ An, Hà Nội tsuv uô ntêx hlo lok vênhx huôv, luz nênhx, paz hlôngr yiêz hênhr lok pêx xênhv nhoz thủ đô li jênhv pâuz, txơưx jênhv uô lơưr cêr chêi têz qơưk. Tix lâus Mai Thanh Bình hêik:

“Cur cux tsik so muôx fôngx zưs nhoz saz đrâuv têz qơưk tuôx ndis shuôk Hà Nội, cur pov muôx chôngz nênhs thor nhiêx, lok sik têx hnuz ntênhk mak ndê gri siêz đuô ntâu jiês. Cur cux vav tiêk Hà Nội muôx têx tsưr ziv chiê sêiz car du lịch jông đuô, sêiz car jông gri muôx nhiv no, lok sik ngaz tuk hâur du lịch zuôr paz piêr pâu Hà Nội txos trâu tsôngv kruô jông đuô. Đuôz shav lok iz thủ đô njuôz-hur-jông, zos yênhx iz thủ đô têz qơưk Việt Nam”.

        Thủ đô Hà Nội-zos têz qơưk tsênhv qơư chênhr, tsênhv tsik so sir jos chiê cxiv tsa zos yênhx iz tsênhv qơư hành chính, tsênhv qơư kinh tế xã hội, vênhx huôv, khoa học hâur têz qơưk. Viv li, iz Hà Nội vav mênhx, muôx ntâu kror yiêz jông, uô ntêx hlo hâur cxuô kror zênhx zos đrêiv pêx xênhv hâur tas nro têz qơưk li vav njôngr./.

(TTT-Lik Thox cxêik nhênhv)

Kror liv nhiêx tsês chiê tsik muôx six hơưv ntơưv Agribank

        1. Nhiêx tsês chiê tsik muôx six hơưv zos li chak?

        Nhiêx tsês chiê tsik muôx six hơưv zos chor nhiêx tsês tsik muôx cuiz tênhv lok six hơưv tsês chiê nhiêx thiêz kror sênhv nhiêx tsês chiê, viv li nênhs tsês chiê zuôr sir zôngv tâu kror sênhv tài khoản chiê uô chor dịch vuvj xa nhiêx, thêv thiêz sir zôngv ntâu dịch vuv muôx liv txơưr đuô hâur zênhx hangx Agribank tso chêi.

        2. Kror liv nhiêx tsês chiê tsik muôx six hơưv

        Nênhs tsês chiê tâu sơưv nhiêx liv tsik muôx six hơưv trâu thâuv kaz hli lơưr nhiêx liv zênhx hangx tso tơưv nhiv no muôx.

        Tsik sâu nhiêx txiêx thâuv tuôx tsês chiê nhiêx, thâu nhiêx ntơưv chi nhánh Agribank qơư nênhs tsês chiê nhiêx tuôx kriz tài khoản tsês chiê nhiêx.

        Tsês chiê thiêz thâu nhiêx tsi xav chor jiês tsês chiê thiêz thâu nhiêx.

        Thâu nhiêx thâuv tưs, txij ntâu tsưr ziv cux tâu.

        Chor nhiêx tsês chiê tâu sir zôngv chiê thêv, xa, uô thêv nhiêx txiêx thiêz cxaz chuôz ntâu dịch vuv muôx liv txơưr đuô đros nhiêx phí kik.

Tsik hêik pâuz chor nhiêx tsês chiê, taz por ngaz tuk jông. Nênhs tsês chiê tsik cxơưx tsav trâus pôngz plox nhiêx txiêx.

Nriêr pâuz xor môngz lok zuk chor nhiêx zôngx ziv đhâu dịch vụ Mobile Banking, Internet Banking

        3. Lok tsưr ziv tsês chiê nhiêx no

        Six hơưv: tsik muôx six hơưv

Sir zôngv trâu chor nhiêx: Nhiêx Việt Nam, nhiêx USD, nhiêx EUR

Tsês chiê, thâu nhiêx: tsik xav chor jiês tuôx tsês chiê, thâu nhiêx

Nhiêx phí dịch vụ: Lơưr nhiêx phí muôx hâur zênhx hangx Agribank

        4. Uô ntâuz ntơưr

       Uô ntâuz ntơưr tsês chiê nhiêx tsik muôx six hơưv ntơưv Agribank lok six zôngx ziv thiêz sêi, nênhs tsês tsuv bax chor ntâuz ntơưr li đrav kaz:

Ntơưr CMND/CCCD/Hộ chiếu tsênhv yuôr six hơưv

Ntơưr đăngk cir xor mông nênhs tsês chiê nhiêx, kriz tài khoản thiêz sir zôngv dịch vụ muôx hâur zênhx hangx./.

(Hồng Việt-Lik Thox cxêik nhênhv)