Đinh Văn hlôngr yiêz txix chos jâuz zus caz

Tix lâuk Ya Binh tsoz phưz caz

Thâuv nhiv kruôr phêiz chuôz, tix lâus Ya Binh, nhoz tổ dân phố B’Nông Jết, thị trấn Đinh Văn chuôz zis tâu niêv txir muôz iz kror ar têz cà phê. Tiv chor cà phê lâul, ho tsik muôx nhiêx chiê zuôr qir lok zuôv trâu viv li chuôz zis cxênhx txuôs tsik tâu đaz tsi hlo. Cxuô kror sir zôngv hâur chuôz zis phênhv ntâu zos khov trâu oz niêv txir muk uô jos lok. Tâu hôiv nôngx mênhx kruôz kriê thiêz paz zuz nôngz ntông jâuz caz, tix lâus oz niêv txir tưz muôz chor cà phê ntor por tsês chiê chos jâuz caz, zus caz khov co luz nênhx ziv hnuz ziv truôx tuk. Tix lâus Y Binh puz pâuz, phênhv sâu tâu txix zus caz chuôz zis tưz zuôr nzir ar, yưv pênhr uô tâu yêz yiêz jông cê chiê nhoz cê chiê muôx nzir qơư zus lưk caz huôv tsar kinh têr.

“Xuz thơưx chos cà  phê mak pov tsik muôx chêx cur, iz shông tsuôk sâu tâu iz jiês. Pov lơưr chos jâuz caz chiê zus caz zuk cux cơưv shâuv uô trơưk mak pov muôx tâu phênhv sâu truôx đuô. Txos nhiv no mak chuôz zis muôx phênhv sâu tâu truôx. Nhiv no mak chuôz zis cux muôx phênhv sâu tâu lơưv, txix iz chuôz zis zuôr xar pluôs nhiv no tưz hla đhâu cêr pluôs”.

Cux iz zav li, txix thâuv hlôngr chiê chos jâuz caz, zus caz zuôr lưk uô xor, iz hli tix lâus K’Tiêu nhoz tổ dân phố Ryông Srê, thị trấn Đinh Văn ziv chuôz zis cux sâu tâu lok muôx 12 triệu đêiv ntâu. Tix lâus K’Tiêu puz pâuz, nhiv no chuôz zis tưz hlôngr chor ar têz chos blêx thiêz chos cà phê tsik muôx chêx cur chiê chos jâuv caz muôx ntâu chês chiê zus caz. Cux khov trâu zus caz, viv li hli tưs chuôz zis cux muôx txâuk nhiêx xa trâu pêz tuk mê nhuôs tsênhv cơưv đại học ntơưv thành phố Hồ Chí Minh.

“Cur pov zus caz mak tâu đuô, tsuôk zus muôx 15 hnuz xưz tưz muôx tâu phênhv sâu lơưv. Hli tưs cux zus cê muôx nhiêx sir zôngv thiêz sênhv mê njil chiê zuôr nzir qir zuôv trâu têx tsoz chos”.

Lơưr zơưv Trần Văn Hòa, Chủ tịch Hôiv Nôngx mênhx thị trấn Đinh Văn, đros gri muôs lưk caz nhiv no txix 150 cxênhz đêiv txos 180 cxênhz đêiv iz cir, zos chuôz zis tưs zus jông mak iz hli cux sâu tâu muôx 15 triệu đêiv ntâu.

“Đros chos jâuz caz chiê zus caz mak pênhr yưv uô tsik ntâu. Co cux khov tâu trâu pox nhuôs six hơưv nhoz khôngz. Đros thax tsav liêx têz pêx xênhv tưz hlôngr chos jâuz caz, têx zav chuôz zênhx chiê tu zus caz zôngx ziv, fênhx zis, kỹ thuật, zuz nôngz tâu têz qơưk paz viv li lok six zôngx ziv chiê tu zus caz. Muôx têx chuôz zis đhâu zus caz iz oz shông pov muôx chêx cur, lơưr tưz muôx nhiêx cxiv uô tâu vax tsêr nhoz chiê taz por trâu hâux lưv tu zus tâu zôngx ziv đuô”.

Txix iz qơư tsuôk chos cà phê thiêz blêx liêx txos nhiv no tas nro thị trấn Đinh Văn pox nhuôs tưz hlôngr yiêz zuôr xar 190 ha chiê chos jâuz caz zus caz. Ntâu ziv chuôz zis tsênhv chos jâuz caz chiê đê blôngx, muôs trâu chor chuôz zis tu zus caz nhoz têx tiv phaz.

Zơưv Nguyễn Thái Sơn-Phưv chủ tịch UBND thị trấn Đinh Văn puz pâuz, tưz muôx zuôr xar 1.000 ziv chuôz zis pox nhuôs K’ho hlôngr chos jâuz caz chiê zus caz hâur ntu đhâu. Txos nhiv no, tiv phaz tsik yuôr chuôz zis yêiz plaz, chuôz zis pluôs tâu txo grêk tsơưs ntâu, tiv zix hâur tsôngv box mênhx cxưx K’ho. Pox nhuôs tưz pâuz sir zôngv tsưr ziv chos jâuz caz chiê zus caz lơưr kỹ thuật thiêz zuz nôngz yiêz chiê gra siêz phênhv sâu:

“Thâuv ntêx no pox nhuôs tsuôk chos hâur 6 luz hli chêix ntux nas, hok nhiv no pox nhuôs tsênhv sir zôngv têx tsưr ziv zưs đêx jông paz trâu tsoz jâuz caz muôx tâu phênhv sâu yênhx hli tsik so, xav tas nro hâur chêix ntux yar cuz sor. Ntu zuôr txos pêz tror kriz nzir chor lớp kruôz kriê kỹ thuật lok chos jâuz caz, zus caz trâu pox nhuôs”.

Chiê pox nhuôs truôx siêz chos jâuz caz chiê zus caz, đros chos cà phê thiêz blêx liêx li cxôngx nzor, Đảng ủy, chính quyền thị trấn Đinh Văn tsênhv paz trâu chor chuôz zis hlôngr yiêz txix tsoz chos txơưr chiê chos jâuz caz zos gri 500 cxênhz đêiv iz qơư chos muôx 360 yiv ndis chiê pox nhuôs muôx tâu nhiêx txiêx zuôr zuz nôngz, zuôr qir zuôv tsoz phưz trâu jâuz caz. Thôngx cxix, tiv phaz tsênhv paz muôx qơư sik côngv, nriêr doanh nghiệp chiê sik đros yưv pênhr uô, sâu zuôr hax huv paz pox nhuôs truôx tuk uô xênhz yar./.

(TTTN-Lik Thox cxêik nhênhv)

Lênhx hluôk nênhs Hmôngz tso tsês zuk kuz qơư nhoz, tso tsês tsi cơưv Đại học chiê khưr huôv tsar cêr uô nox

Lênhx hluôk Khang A Tủa

     Khang A Tủa tâu xênhz zus thiêz hloz lox ntơưv jos Háng Tầu Dê, xã Chế Cu Nha, huyện Mù Cang Chải, tỉnh Yên Bái. Tủa zos tul nhuôv hloz hâur iz chuôz zis muôx 5 cưr tix nuk muôs, chuôz zis luz nênhx tsuôk tos njôngr txos 2,3 jêk liêx.

          Sir jos hla đhâu cxuô phêv liv, cơưv tas cxênhx 1, cxênhx 2 thiêz cxênhx 3. Tủa mul cơưv ntơưv tsêr cơưv Việt Bắc tỉnh Thái Nguyên. Ntơưv tsêr cơưv no, Tủa tror tsâu siêz cơưv, iz chas zos shux xênhz cơưv ntơưr txơưx lớp 11 thiêz 12, shông cơưv lớp 11 Tủa tsênhv tâu 2 giải 4 hâur jiês thik uô xav fax sâuv meir tính nhoz tỉnh Thái Nguyên.

          Jiês thik xeir zuôr mul cơưv Đại học, Tủa thik tâu mul cơưv Tsêr cơưv ĐH Bách khoa Hà Nội (đros tas nto điểm thik zos 18,5 điểm) thiêz tsêr cơưv ĐH nông lâm Thái Nguyên (đros tas nro điểm thik zos 19,5 điểm).

          Đhâu co, txơưv tsênhv zos shux xênhz cơưv shông tiv 2 hâur tsêr cơưv ĐH Bách khoa Hà Nội, taz sik Khang A Tủa ho xeir tso tsês tsi cơưv đại học thiêz mak tsês six hơưv chiê uô zuk li siêz xar njôngr zos tuôr tsês tsôngv box Hmôngz li vênhx huôv jông.

          Tủa puz pâuz, Tủa tsênhv zos têx fôngx zưs uô têx dự án mak zuk xar njôngr txos. Nhiv no, Tủa zos lênhx nênhs sơưr thơưx hâur paz lênhx nênhs ADH, muôx 9 lênhx nênhs tsênhv, 20 lênhx txưv zênhv viên, puôr lênhx zos nênhs Hmôngz, tuôx cxôngx têx tỉnh tox siêz faz Bắc, cxôngx Điện Biên txos Hà Giang. Têx lênhx nênhs no muôx Hmôngz lênhs, Hmôngz đuz, Hmôngz suô, Hmôngz đơưz....

          Tủa heik, lơưr li qơư tsov txos zos sâu tsês tsôngv box Hmôngz nhoz Mù Cang Chải (Yên Bái), Sa Pa (Lào Cai), Đồng Văn (Hà Giang) li têx jax đaz nênhs hêik txos, heik tơưv sâuv têx kênh thôngz xor mông xã hội cux xưk li uô đĩa cxôngx lul Hmôngz trâu côngv thôngx.

          Tủa xar njôngr, no tâu seiz zos iz tsưr ziv chiê tuôr tsês têx vênhx huôv jông tiv zix, tâu ntâu lênhx mê nhuôs nhiêv txos chiê pox nhuôs tsôngv box Hmôngz pâuz tâu, jav tâu qênhx shênhx vênhx huôv Hmôngz tsênhv ziv hnuz ziv trâus pôngz plox. No cux zos tsưr ziv uô hâux lưv mak Tủa xeir tsov thiêz truôx siêz uô. Shông no, Khang A Tủa nhiv kruôr muôx 24 shông hnuz nhôngs thiêz zos iz hâur 54 lênhx shux xênhz xuz thơưx cơưv trâu tsêr cơưv ĐH Fulbright Việt Nam./.

(Tòng Anh BT-Txâur Vax cxeik nhênhv)