Caz hmoz tho nox uô ruôr hiêv têx kok ntông ntơưv Gia  Lai

Zơưv Phạm văn Thủy, nhoz jok Kim Năng, xã Ia Mrơn, huyện Ia Pa chuôz zis muôx 5 ha têz kok ntông. Shông uô ntêx hâur têx têz tsuôk pov muôx kênh thax mê têx kok ntông thiêx trâus caz hmoz uô ruôr hiêv thiêz zơưv tưz muôz ro por tsês trơưk li têx cơ quan sêiz car kôngz heik kriê. Taz sik, shông no, thâuv tror chos đuô mak chuôs li tas nro têx têz kok ntông tưz puôr lênhx trâus caz hmoz nox uô ruôr hiêv hur si. Iz cxiê liêx têz trâus caz hmoz nox uô hiêv hnhar txix ciês thâuv têx câuk kok ntông nhiv kruôr tuôx yưv sâuv bông ar. Iz jiês no kok ntông tưz zuôr jông khơưz sâu, seiz njiê têx têz kok ntông trâus caz hmoz uô hiêv mak muôx têx zuôr khơưz sâu tsik tâu đaz tsi, zơưv Thủy heik qis yưr li no:

“Shông uô ntêx caz hmoz tsuôk nox uô hiêv iz kro mê njik xưz, taz sik shông no mak chos tâu, têx kok ntông chuôs li kror tưs cux trâus caz uô ruôr hiêv tas, chor câuk kok ntông nhiv kruôr tuôx yưv sâuv bông ar tưz trâus caz hmoz uô hiêv lơưv. Nhiv no zuk cux tsi pâuz muôz zav yuôx tưs lok tsuôs tuô. Thiêz nhiv no tsôngv box ro, khơưz têx kok ntông lok cux tsuôk zos ro khơưz suô têx liêx têz cov đu xưz, tsik tâu đaz tsi. Heik cxuô txix têx nôngz car kok ntông tsi pâuz shor thâux txix Tây Ninh lok sik kror tưs lok, mak 2 shông no thiêx uô li ntơư xưz, siz cik uô hiêv tas lok six ntâu, tsi tiêk hâur thax tsav Ia Pa no, mak têx thax tsav suôv qơư nhoz jê iz ndis, tsôngv box cux muôz ro por tsês tas li co”.

Pos Nguyễn Thị Hường, Phưv Giám đốc Tsênhv qơư dịch vụ kôngz nuv huyện Ia Pa, tỉnh Gia Lai heik pâuz, shông 2018, têx têz kok ntông trâus caz hmoz nox uô hiêv hâur tas nro huyện tsuôk muôx nhos 10 ha, taz sik shông no tưz tsar ndê ntâu đuô 250 jiês.

“Tsênhv qơư cux li Phongx kôngz nuv đros Ủy ban têx xã sir jos heik kriê trâu tsôngv box sđ têx tsưr ziv phax tuô, lov caz hmoz. Taz sik nhiv no, tsênhz tiês lok six lax phax tir thêir tâu. Xuz thơưx, đros thiêz têx kok ntông chiv nhiv no tưz tâu 9-10 hli, mak pêz heik tsôngv box cov lav khơưz sâu thiêz tsi cxoz khơưk zuôr têx car kok ntông tưz trâus caz hmoz uô hiêv co tsês chos trâu chiv tov kaz, mak muôz chor car kok ntông no hlơưr por tsês”.

Trơưk li ngênhx kôngz nuv tỉnh Gia Lai thôngz sâu, hâur 4.200 ntâu ha kok ntông trâus caz hmoz uô hiêv, muôx 1.600 ntâu ha trâus caz hmoz nox uô hiêv ntâu, muôx têx khơưz sâu tsi yuô tâu. Zơưv Đoàn Ngọc Có, Phưv Giám đốc Sở kôngz nuv thiêz huôv tsar tox siêz Gia Lai heik pâuz:

“Tỉnh cux tưz sir jos chox kriê uô luôs hâux lưv no. Đros thiêz têx têz trâus caz hmoz nox uô hiêv iz kro mê njik mak muôz têx kok ntông co ro, hlơưr por tsês. Têx têz trâus uô hiêv tas ntâu mak muôz ro hur si por tsês, iz chas ntơư hlôngr chos đuô lưv zav tsoz chos trâu, chiê txar jav têx caz hmoz no tsi siz cik tâu trâu uz trâu no”.

Đros thiêz 70 cxênhz ha, Gia Lai zos iz hâur têx tỉnh zov chênhr chos ntâu kok ntông hâur tas nro têz qơưk. Taz sik, caz hmoz tsênhv nox uô hiêv ntâu trâu tsoz chos no, thâuv têx caz hmoz tsênhv ziv hnuz ziv huôv xênhz siz cik sei, lax qênhz yuôx, tir thêir tâu, hâux lưv phax tar, tuô lov têx caz hmoz ho uô kênhz thiêz tsi yuô tâu trơưk tsưr ziv, siêz xar./.

(TTTN-Riê Lâux cxeik, nhênhv)

PHÊNHV NRIÊR PÂUZ LOK CHÊI TÊZ QƠƯS

Tsôngv pox nhuôs sơưr đơưk hmor yuô! Hâur phênhv hnuz no, pêz tror xa trâu pox nhuôs sơưr đơưk mnôngs têx grê hâur chêi siz zuôr  cxiv tsa chuôz zis.

Grê 11. Xưv lik hâux lưv siz zuôr tsik zos chêi

1. Xưv lik chor nênhs siz zuôr tsik zos chêi tâu Tòa án uô lơưr cui tênhv chêi têz qơưs.

2. Zos ntơưv six hơưv Tòa án cêir chêx zoz qơưx tso tsês siz zuôr tsik zos chêi mak tas nro oz tos siz zuôr tưz muôx txâuk tsar tov siz zuôr lơưr cuiz tênhv ntơưv grê 8 Luật no thiêz oz tos hêik cov cungz jênhv coangz siv siz zuôr mak Tòa án côngz jênhv coangz siv siz zuôr co. Trơưk li no, coangz siv siz zuôr  tâu xav jênhv txix thâuv oz tos txâuk tsar tov siz zuôr lơưr Luật no li cui tênhv.

3. Tòa án li cuêz tênhv lok hâux lưv tso tsês siz zuôr tsik zos chêi lok sik côngv jênhv siz zuôr tsuv tâu xa trâu cơ quan kriz uô đăngk cir siz zuôr chiê sâu trâu hâur ntơưr hộ tịch; oz tos siz zuôr tsik zos chêi; tiz nênhs, cơ quan, tsưr tsix cik txos lơưr pháp luật li cui tênhv lok siz pênhr dân sự.

4. Tòa án thênhv siêz sêiz shuôk sik côngv đros Viện kiểm sát thênhv siêz thiêz Bôv Tư pháp kruôz kriê lok Grê no.

Grê 12. Têx uô trơưk chêi thâuv tso tsês siz zuôr tsik zos chêi

1. Thâuv hâux lưv siz zuôr tsik zos chêi trâus tso tsês mak oz tos siz zuôr tso tsês têx coangz siv jông li niêv txir.

2. Niêv, txir, mê nhuôs li qênhx, jênhv vưv tâu cêir chêx trơưk li niêv, txir, mê nhuôs li qênhx, jênhv vưv thâuv siz đrâux.

3. Coangz siv chuôz tav, jênhv vưv thiêz hux thôngx nhoz cxuô tos tâu cêir chêx lơưr cui tênhv ntơưv Grê 16 Luật no.

Grê 13. Xưv lik hâux lưv dăngk cir siz zuôr tsik zos qênhx uô.

 Zos thâuv uô ntơưr cir siz zuôr tsik zos qênhx uô mak thâuv muôx zoz qơưx, cơ quan têz qơưk muôx qênhx, sâu tsês, tso tsês ntơưr cungz jênhv siz zuôr lơưr chêi têz qơưk li cui tênhv lok hộ tịch thiêz hêik oz tos tror uô đuô hâux lưv đăngk cir siz zuôr ntơưv cơ quan têz qơưk muôx qênhx uô. Zos li no, mak coangz siv siz zuôr tâu xav jênhv txix jiês đăngk cir siz zuôr uô ntêx co./.

(Tuyết Lan-Lik Thox cxêik nhênhv)