Đhâu ntux nas chuô ntơưv Sơn La: Sêi đrơưv tsuv taz por ngaz tuk tsêr cơưv nhoz jê thax tsav ntus đêx

Zar zuôr tsâuk ntux hnuz 28/8, ntux nas lox uô đêx huôv txix pêv hâur tuk đêx Nậm Nẹ ntưk lok trâu tsêr cơưv nội trú mênhx cxưx niêv txir zus mor cxênhx oz Nà Ớt, huyện Mai Sơn. Tsuôk iz pliês xưz đêx tưz ngaz siêz xar tas yôngx iz. 200 ntâu lênhx shux xênhz tsênhv piz jâuv zuôr nox mor tâu sêiz đrơưv txar ndê muk sâuv yôngx oz. Đêx cux tsênhv huôv lox ntưk lok uô phiv liv trâu chor cưk kriê ntơưr thiêz shux xênhz.

Lơưr cưk kriê ntơưr Nguyễn Trung Huấn, thơưx sêiz car tsêr cơưv: Tiv đêx huôv ntưk lok sêiz thiêz lox viv li khiêr tsik zênhx uô vâu 20 thiêr nja vax cxiv thêir, 15 thiêr njưs thêir ar nhoz đrav kaz tsêr cơưv vâu trâu hâur đêx. Qir tiv muôx yưv li no zos tuk cưx đêx Nậm Nẹ tưz trâus cxuz ntâu siêz đuô yar tiêx tsêr cơưv, hok chor ziv chuôz zis nhoz oz saz tsêr cơưv mak cux cxiv uô siêz đuô uô trâu tsêr cơưv nhoz kik đuô thiêz ho nhoz ciês kror qơư đêx lêv, viv li thiêx trâus đêx lok ngaz tas li no:

“Pêz thor cơ quan txơưx jênhv paz trâu kho uô đuô na vax, njưr thêir chiê đêx huôv ntưk tsik tâu pêv hâur lok lơưv. Kror nja vax thêir co lok six kik pir li chuôz zis nhoz iz saz kror ar. Iz kror thiêz zos khơưz cov tuk cưx đêx lox đar đuô chiê đêx tsik  ntưk cxênhv tâu lok hâur tsêr cơưv ntơưr”.

Tsêr cơưv cxênhx iz thiêz tsêr cơưv cxênhx oz nội trú niêv txir zus mor Tà Hộc nhoz kuôk tuk đêx Hộc cux tsik tâu muôx 10 thiêr. Oz luz tsêr cơưv no cux tưz tâu yưv pênhr chiê cxiv uô nja vax thêir taz sik cux tsuôk siêz muôx 2 thiêr. Jiês ntux nas đêx ngaz cuôr nhiv kruôr đhâu, đêx thiêz cuô ar tưz ntưk fưx lok pur tas nro luz yar tiêx tsêr cơưv ntơưr. Chor cưk kriê ntơưr nhoz no puz pâuz, viv tsar tov thax tsav nxaz tox, tsik muôx qơư tiêx viv li tsêr cơưv thiêx tâu uô jê ntus cưx đêx, cưx ha li no lok six cxơưx. Xar txar muk trâu têx qơư txơưr đuô mak tsik muôx qơư tiêx chiê cxiv uô. Cưk kriê ntơưr Lê Thị Nguyệt, thơưx sêiz car tsêr cơưv ntơưr cxênhx iz Tà Hộc puz pâuz:

“Xar Tà Hộc no mak iz saz zos trôngz, iz saz zos cưx hax, cưx đêx. 8 luz tsêr cơưv ntơưr nhoz no mak iz zos nhoz ntơưv ntus cưx đêx, oz mak nhoz hâur tơư trôngz, viv li trâus poz, cxuz tas hur si, muôx qơư nhiv no tsênhv muk tsik tâu tâu txos”.

Jiês ntux nas đêx ngaz cuôr nhiv kruôr đhâu uô phiv liv txos  tỉnh Sơn La li 11 luz tsêr cơưv ntơưr, hâur co huyện Mai Sơn muôx 3 luz; Vân Hồ 3 luz; Mường La iz luz; Quỳnh Nhai iz luz; Sông Mã iz luz; Sốp Cộp 2 luz tsêr cơưv. Lơưr ntâuk gri mak no phênhv ntâu zos chor tsêr cơưv nhoz jê têx ntus cưx đêx, cưx ha. Chor cưx đêx cưx ha no cux tưz trâus thêir cưx đêx ntưk, hok nja vax xiv uô thêir nhoz jê ntus cưx đêx ho kik viv li thâuv đêx huôv lox mak pur thiêz fưx. Zơưv Phạm Văn Khanh, Trưởng phongx Zoz zux thiêz Thox cxov huyện Mai Sơn puz pâuz:

“Pêz zuôr hêik trâu Ủy ban huyện pâuz, muôx têx tsưr ziv tsênhv tsênhz, nhoz no mak pêz xar hêik txos cxiv luôs  njưs, faz nja thêir, txơưv tiêk tưz tâu cxiv uô, taz sik hâur ntu zuôr txos pêz xar cov Ủy ban huyện muôx yưv pênhr uô nzir chiê uô chak cov taz por trâu phax tar tâu đêx huôv, ngaz cuôr trâu chor tsêr cơưv ntơưr nhoz jê têx ntus cưx đêx, cưx ha”.

Đhâu đêx huôv, ngaz cuôr, yênhx cxênhz lênhx shux xênhz cxuô cấp nhoz tỉnh Sơn La tsênhv tsik tâu tror cơưv tâu ntơưr, iz phênhv zos txox cêr txix tsêr muk txos tsêr cơưv ntơưr tsênhv trâus cêv kuôk, iz kror thiêz zos tiv thoz huk tsik tâu tas têx cuô hmôngr ar, khưx phưx đuô têx qar cơưv ntơưr thiêz tsêr nhoz trâu shux xênhz niêv txir zus mor, vax tsêr, chuôz zênhx phưx vưv trâu kriê thiêz cơưv ntơưr tsênhv tsik tâu txâuk, thiêz tsik tâu tiêr.

Đhâu jiês đêx huôv, ngaz cuôr no, nganhx Zoz zus tỉnh tsuv sik côngv đros chính quyền têx tiv phaz qênhz yuôx đuô tas nro chor tsêr cơưv ntơưr nhoz ntơưv têx qơưk zôngx ziv njiz trâus phiv liv xưk li nhoz jê têx tsas ar siêz, lok sik jê têx ntus cưx đêx cưx ha. Lơưr co chiê ntâuk gri qênhx shênhx, kror qơư tưs phiv liv tsuv txar muk trâu têx qơư ngaz tuk, txơưv phiv liv bâuv tưs cux tsuv txar đuô qơư, viv chor cưk kriê ntơưr thiêz shux xênhz li luz nênhx, txox siê zos kror zov chênhr đuô hur si./.

(Thanh Thủy-Lik Thox cxêik nhênhv)

Heik kriê sâu por tsês têx hnaz, hưx tso yuôx por vêv đrox tsuôk

thâuv zôngv tas

           Txos nhiv no, tas nro tỉnh Sơn La muôx nhos 800 zav yuôx por vêv đrox tsuôk tâu tso chei muôs sâuv niêv ciêz đros 350 doanh nghiệp, HTX, qơư muôv muôs yuôx por vêv đrox tsuôk tâu cungz muôx qênhx tso chei huôx tôngv. Tas nro yuôx por vêv đrox tsuôk tâu muôv muôs hâur shông 2017 zos zuôr xar 760 tênhr, têx luz hlik hâur shôngk shông 2018 zos 240 tênhr. Txơưv têx chiz coaz muôx txơưx jênhv hâur tỉnh tưz yax six tsưr tsix seiz car, qênhz yuôx thiêz yưr lir txos qơư têx lênhx nênhs uô cxâuv muôv muôs yuôx por vêv đrox tsuôk, thôngx cxix, sir jos yax mông, heik kriê tsưr ziv sir zôngv, sâu por tsês têx hnaz, hưx tso yuôx por vêv đrox tsuôk trâu tsôngv box. Taz sik cxôngx shông 2017 txos nhiv no, sâuv thax tsav tỉnh tsênhv muôx yưv 461 txuz trâus tsơưr tưx muôx lênhx coaz txos yuôx por vêv đrox tsuôk, tiv tsôngv box sir zôngv tsi trơưk tsưr ziv. Tiv zix zos hâux lưv muôx nhoz jos Suối Khoang, xã Tân Hợp ( huyện Mộc Châu) uô 78 lênhx nênhs trâus tsơưr tưx thâuv zôngv đêx xênhz huôx trâus tsơưr tưx yuôx por vêv đrox tsuôk. Qir tiv lox tiv zix zos hâux lưv coar lik, sâu por tsês têx hnaz , hưx tso yuôx por vêv đrox tsuôk thâuv zôngv tas tsi tâu uô jông; đros co zos tsôngv box li jênhv pâuz hâur uô trơưk tsưr ziv 4 hâux lưv tsuv uô thâuv zôngv yuôx por vêv đrox tsuôk, uô trâu muôx yưv qênhx shênhx co.

          1. Ban coar lik têx jêx jos

          - Tsuv muôx têx qơư sâu por tsês têx hnaz, hưx tso yuôx por vêv đrox tsuôk chêx chôngk ntơưv têx qơư tsiv uô xênhz yar zôngv ntâu yuôx por vêv đrox tsuôk:

          + Qơư tso têx hnaz, hưx tso yuôx por vêv đrox tsuôk tsuv tâu cxiv uô jông, nquôr bê tông, muôx hâu vor, xâuk tsi tâu trâu saz đrâuv lok sik hâur ar, tsi muôx chuô njơưx...

          + Thôngz tso têx hnaz, hưx tso yuôx por vêv đrox tsuôk ( đros têx qơư tsi muôx theox chênhv cxiv kror tso): zos thôngz tâu zôngv choz tơưr uô, tso tâu 200 lir ndê mul, muôx hâu vor, their tâu chuô, xâuk tsi tâu yuôx trâu saz đrâuv.

          + Qơư tso: tso ntơưv ntus cêr, qơư tsiv uô xênhz yar zôngv yuôx por vêv đrox tsuôk, ntus liêx; tsi trâus đêx ngaz, jê qơư đo yuôx uô ntêx thâuv chox mul tsuôk chiê zôngx ziv muôz por tsês thâuv zôngv yuôx tas: tsi uô zênhr shar txos hâur đêx xênhz huôx, qơư tsôngv box nhoz uô nênhx, zaoz thôngz, jêx jos nôngx cxênhz ...

          - Thâuv têx hnaz, hưx trâu yuôx por vêv đrox tsuôk pur thôngz, tsưr tsix muôz sâu cov jông trâu hâur hnaz tax, thâux mul xã li thax tsav sâu tsês./.

( Bích Thủy- Txâur Vax cxeik nhênhv)