Shux xênhz Sơn La uô ntêx nyuôs hâur cxuô luôs hâux lưv viv luz nênhx côngv thôngx

Zos iz hâur têx lênhx shux xênhz uô ntêx nyuôs hâur cxuô cêr nuv, moz siêz lês uô jông têx luôs hâux lưv, Phạm Hoài Giang, shux xênhz cơưv shông tiv 4, tsêr cơưv Đại học Tây Bắc tsi so đros cxaz chuôz têx hâux lưv hâur tsêr cơưv, hâur lớp cux li têx hâux lưv uô jông siêz viv luz nênhx côngv thôngx zos têx câu lạc bộ tsưr tsix. Hoài Giang heik pâuz: Thâuv tưs đros cxaz chuôz uô têx nuv jông siêz viv luz nênhx côngv thôngx li: Cxiv tsa jêx jok yiêz ntơưv têx xã tox siêz; tso nyar jông siêz lok sik uô tsaz yênhx tsiêz sor si nhoz thax tsav tox siêz ntơưv tsêr cơưv cxênhx iz phưv thôngz heir nênhs tsơưs lok zos phổ thông Dân tộc niêv txir zus mor Pá Lông, huyện Thuận Châu......, têx uô trâu Giang ndo njôngr hâur đruôz siêz tsi plox zos têx cêr mul lok nkhâuk lêv, têx trôngz siêz ar têz tsuôs tas, têx lênhx nhuôs cor ar lo li, Giang tưz xar tưx zưv tiêk, tsuv sir jos đuô thiêz đros têx lênhx fôngx zưs uô li chas cov txo grêk tsơưs têx cêr txov thiêz phiv liv paz têx nhuôs shux xênhz, têx chuôz zis pluôs nhoz chor xã, jêx jok thax tsav tox siêz đêz đrôngs no:

“Tsi tiêk zos cur iz lênhs mak hur si pêz têx lênhx uô chor nuv jông siêz no puôr lênhx vav thiêz xar njôngr tiêk, hâur six hơưv zuôr txos zuôr tror cxaz chuôz uô ntâu têx nuv, phôngz yaox li heik sâuv viv luz nênhx côngv thôngx, chiê gra têx cêr shir phaz thiêz moz siêz txos paz txoz cxơưx trâu têx nhuôs shux xênhz”.

Yuôr Quàng Văn Hải, shux xênhz shông tiv 3, tsêr cơưv đại học Tây Bắc thâuv tưs tưz moz siêz, sir jos tas zuk txux chi, tsưr ziv uô lơưr Lâuk Hôx luk choz kriê: “Kror tưs zuôr trâus txos têx hluôk, têx hluôk muôx njêx muôs lês uô; zav nuv tưs phiv liv tưz muôx chor hluôk”. Lar heik hâur jiês đêx nas cuôr yôngz lox nhiv kruôr đhâu ntơưv huyện Mường La, tỉnh Sơn La, ciês thâuv txeik tâu mông, Hải đros têx fôngx zưs tưz hu zâuv sđ siz chos paz kôngz krâur thiêz têx chuôz zênhx zuôr trâus txos gra muk paz tsôngv box hâur thax tsav trâus đêx nas uô ruôr hiêv, txix têx gơưv khâu trâu, têx poz mì tôm, têx chêr tsôngk trik yo sor, txos trâu têx nuv uô tsênhv tsênhz li: Paz njêis yêv têx đra, kôngz krâur, paz cxiv uô tsêr nhoz tax.....trâu tsôngv box. Têx nuv uô co mê tsi luôx tưs, taz sik lok six muôx liv, Hải đros chor fôngx zưs tưz paz sik pheiz kênh têx cêr txov thiêz phiv liv đros tsôngv box thax tsav trâus đêx nas cuôr yôngz:

“Cur nhiv no tsênhv zos shux xênhz mak zênhx zuôr sir jos đros cxaz chuôz uô hur si têx hâux lưv hâur đoanx tsêr cơưv lok sik hội shux xênhz tsưr tsix chiê siz chos uô têx nuv jông siêz paz têx thax tsav txov nhêv lok sik paz têx nhuôs muôx luz nênhx txov nhêv. Thiêz zos thâuv tưs tơưv tsêr cơưv mak cur cux zos iz lênhx hluôk nênhs, tsênhv muôx đas jos, cur zuôr sir jos đros chor hluôk sđ uô têx nuv jông siêz paz trâu têx thax tsav txov nhêv”.

Nhiv no tỉnh Sơn La muôx 3 tsưr tsix Hội shux xênhz nhoz trâu chor tsêr cơưv Đại học Tây Bắc, Cao đẳng Sơn La, Cao đẳng Y tế Sơn La đros thiêz 8 cxênhz lênhx shux xênhz. Hâur shông đhâu, iz chas luôs hâux lưv sir jos cơưv txux, cơưv shâuv cêr uô nênhx jông ntơưv tsêr cơưv, chor shux xênhz tsênhv sir jos đros cxaz chuôz uô têx nuv viv luz nênhx côngv thôngx zos Hội shux xênhz lok sik têx câu lạc bộ tsưr tsix, li: Tso nyar jông siêz; muôz huv, tsôngk trik yo sor puz trâu têx chuôz zis txov nhêv, tâu sơưv têz qơưk têx chei paz ntơưv chor xã thax tsav tox siêz đêz đrôngs li:  Xã Mường Chanh, huyện Mai Sơn, xã Mộc Hạ, huyện Vân Hồ....lok sik hâur tsaz yênhx chuôz cxaz đas jos paz têx shux xênhz tưr thik ntơưr tưz chox kriê cêr trâu yênhx cxênhz lênhx shux xênhz tuôx uô têx ntâuz ntơưr tưr thik tâu sei thiêz zôngx ziv, cux li zok nriêr tâu têx qơư nhoz tsi zuôr nhiêx lok sik grê fênhx zis.... Niêv lâuk Lò Thị Thúy Hà, Chủ tịch hội shux xênhz VN tỉnh Sơn La heik:

“Hâur six hơưv zuôr txos, Hội shux xênhz zuôr kriê tsưr ziv trâu têx fôngx zưs shux xênhz uô têx nuv, phôngz yaox jông siêz, hâur ntơư pêz zuôr tsưr tsix uô têx hâux lưv jông siêz trơưk yênhx thax tsav reik đros sđ têx cêr cơưv txux, iz zav li lok sâuv kôngz nuv, lar heik zos kôngz nuv công nghệ siêz, uô têx ju lix, vênhx huôv thiêz zoz zux. Đros thiêz uô têx nuv li heik ntơư, mak pêz cux vav chiê siêz tiêk, têx fôngx zưs shux xênhz hâur tỉnh zuôr paz txux chi, đas jos trâu ntơưv qơư huôv tsar thiêz cux zos iz hâur têx hâux lưv uô chiê phuôx huiz têx shux xênhz pưs txux, txơưx jênhv hâur uô têx nuv jông siêz viv luz nênhx côngv thôngx”.

Chor shux xênhz Sơn La li têx hâux lưv uô viv luz nênhx côngv thôngx tsênhv uô chi cax nzir thiêz jông trâu shux xênhz VN cêr chax chês thâuv nzor, paz cxiv tsa têz qơưk Sơn La ziv hnuz ziv huôv tsar thiêz vav mênhx./.

(Hoàng Long-Riê Lâux cxeik, nhênhv)

Pax nhiêx zuôr baov hiêmv xar hôiv trâu nênhs chiv chir cxaz chuoz zuôr baov hiêmv xar hôiv

Txix hnuz 1/1/2018, zênhx hangx têz qơưk paz nhiêx zuôr baov hiêmv xar hôiv trâu nênhs chiv chir cxaz chuôz zuôr baov hiêmv xar hôiv. nênhs chiv chir cxaz chuôz zuôr baov hiêmv xar hôiv tâu têz qơưk paz nhiêx zuôr lơưr phênhv puô chor nhiêx thêv zuôr baov hiêmv xar hôiv yênhx hli lơưr phênhv ploz tsênhr pluôs hâur thax tsav jêx jok.

Tsênhv tsênhz, bâuv 30% đros thiêz nênhs chiv chir cxaz chuôz zuôr Boav hiêmv xar hôiv zos chuôz zis pluôs; bâuv 25% đros thiêz nênhs chiv chir cxaz chuôz zuôr Boav hiêmv xar hôiv zos chuôz zis zuôr xar pluôs; bâuv 10% đros chor nênhs txơưr đuô. Six hơưv paz khov lơưr yênhx lênhx nênhs li six hơưv cxaz chuôz zuôr Baov hiêmv xar hôiv tsênhv tsênhz taz sik tsik ntâu đuô 10 shông (120 hli).

Nênhs chiv chir cxaz chuôz zuôr baov hiêmv xar hôiv zos chor nênhs tâu paz thêv chor nhiêx zuôr Baov hiêmv xar hôiv zos zuk txơưx jênhv tsuv thêv trâu cơ quan Baov hiêmv xar hôiv lok sik qơư sâu nhiêx. Six hơưv 3 hli, 6 hli lok sik 12 hli, Cơ quan Baov hiêmv uô ntâuz ntơưr chor nênhs tsuv tâu paz, chor nhiêx nênhs zuôr thêv thiêz chor nhiêx têz qơưk paz lơưr ntơưr tưz muôx, xa trâu cơ quan tài chinhr chiê muôz nhiêx trâu cuiv baov hiêmv xar hôiv./.

(Thu Thùy-Lik thox cxêik)