Nênhs Cho nhoz Lục Yên-Yên Bái li phongz cxưx nox mor blêx yiêz xiêz 9/9 zênhz lix

Hu pox côngz zơưv côngz lol nox mor blêx yiêz

    Nênhs Cho Yên Bái li phongz cxưx nox mor blêx yiêz khênhr tâu tsưr tsix lok hnuz xiêz 9/9 zênhz lix niêx shông. Chiê bax trâu hâux lưv no, pox niêv hâur chuôz zis mul tov liêx xeir chor blêx pur jông tiv zix hleik 3 tâur lol jiêz kruôr, jov yênhx cxur, chox mul uô siêr chiê txi côngv pox côngz zơưv côngz. Pos Triệu Thị Tiếp, nhoz jos Túc, xã Phúc Lợi, huyện Lục Yên, tỉnh Yên Bái heik:

          “Uô ntêx thâuv txi côngv pox côngz zơưv côngz mak tsuv hleik blêx lol jiêz kruôr, jov yênhx cxur chox mul uô siêr chiê txi côngv. Đros siêz xar muôx mor blêx yiêz mak tsuv txi côngv pox côngz zơưv côngz uô ntêx, viv tưz paz chuôz zis muôx tâu iz chiv cheix jông”.

          Sâuv trôngx mor txi côngv muôx 1 tul keiz hâu siêr, 9 trêr blêx tưz hâu siêr tso sâuv 3 ntiv mor blêx, 5 piz chơưr, 1 piz đêx 3 tul shaz. Thâuv bax tâu trôngx mor, txir nênhz qir hlơưr shaz thiêz hu pox côngz zơưv côngz, têx đaz lol jênhv chuôz zis li trôngx mor. HU muôx nhos 45 phênhz, zơưv Thiều Hữu Mơ, txir nênhz nhoz jos 3 Túc, xã Phúc Lợi, huyện Lục Yên hu:

          “Hnuz no xiêz 9/9 zênhz lix, blêx tưz siêr, chuôz zis bax tâu trôngx mor zâuv pox côngz zơưv côngz, têx đaz lol nox thiêz tror paz trâu chuôz zis muôx iz chiv cheix jông. Hlôngr njêx muôs chuôz zis thor zâuv pox côngz zơưv côngz lol jênhv mor yiêz”.

          Thâuv hu tas, txir nênhz hlơưr ntơưr hlơưr shaz xa pox côngz zơưv côngz, têx đaz mul. Trôngx mor tâu chuôz zis njeis lol đros 2 cxôngx mor tưz bax uô ntêx, zâuv têx lênhx nênhs hâur chuôz zis nox mor hâuk chơưr, shir phaz iz chiv cheix sâu tâu nzư. Tix lâuk Lý Văn Tân, nhoz jos Sâm Trên, xã Trung Tâm, huyện Lục Yên heik:

          “Txos thâuv sâu blêx mak chuôz zis tưs cux hu pox côngz zơưv côngz lol nox mor blêx yiêz. Lơưr phongz cxưx muôx cxôngx nzor lol, uô ntêx thâuv sâu kôngz lôngk mak chuôz zis tsuv pov cov trâu pox côngz zơưv côngz thiêz têx đaz uô ntêx, no zos iz phongz cxưx jông cxôngx ntâu cxênhx nênhs lol no tâu pox nhuôs tuôr tsês”.

          Nênhs Cho nhoz Lục Yên, tỉnh Yên Bái li phongz cxưx nox mor blêx yiêz tsi zos iz ntênhs phêv lox, taz sik muôx ziz njiêz lok six jông, tâu côngv thôngx nênhs Cho nhoz no tuôr tsês jông iz tiêv đhâu tiêv txos trâu nhiv no tsik chiê pôngz plox./.

(Thiều Nghiệp- Txâur Vax cxeik nhênhv)

Ngọc Chiến-Mường La zos iz thax tsav qơư du lix côngv thôngx txuôk đros muôx kror đêx sor trâu tsôngv kruô đa nzuôr chêr

Qơư đa đêx Ngọc Chiến

Muk txos trâu Ngọc Chiến, huyện Mường La, tỉnh Sơn La, cxuô luz tsêr so du lix côngv thôngx nhoz jos Lướt, hâur ntơư muôx zơưv Lò Văn Chinh chuôz zis li tsêr so du lix côngv thôngx, tưz muôx chôngz lênhx kruô ndis ntux sêiz shuôk têz qơưs pâuz txos thiêz tuôx so uô si. Tix lâus Nguyễn Ngọc Hợi, iz lênhx kruô nhoz đrôngl Vĩnh Long hêik pâuz: Đhâu têx fôngx zưs hêik kriê thiêz sêiz pov đhâu hâur mạng, tix lâus Hợi thiêx pâuz tâu luz kror đêx sor nhoz jos Lướt thiêz ntơư zos iz thax tsav qơư du lix côngv thôngx. Jiês no, tix lâus Hợi thiêx chox pox niêv mê nhuôv tuôx sêiz shuôk thax tsav qơư du lix no.

“ Luz kror đêx ntơưv no cux sor cơưs thiêz thâuv nzuôr chêr tas ntơư, zuk luz chêr mak lax nziês. Đros trâu muôx luz kror đêx sor trâu tsôngv kruô ndis ntux sêiz shuôk têz qơưs nzuôr chêr, tsôngv px nhoz ntơưv no cux muôx ntâu zav nox kaz, muôx ntâu txux chi vênhx huôv jông muôx đros đrêiv hâur luz nênhx, uô trâu tsôngv kruô pâuz txos”

Zơưv Lò Văn Chinh zos iz lênhx px nhoz  thax tsav qơư ntơư hêik pâuz tiêk: Txơưv uô nênhx hloz lox trâu têz qơưs no, taz sik zơưv Chinh cux tsik pâuz shor luz kror đêx sor no muôx txix thâuv tưs lok, tsuôk pâuz tiêk luz kror đêx sor co zênhx muôx đros đrêiv tsôngv px nhoz no luz nênhx đhâu ntâu tiêv thiêz hâur ntu đrav ntêx luz kror đêx sor no tsuôk zos thâuv tsôngv px muk khưr uô liêx têz lok thiêx tuôx đa đêx nzuôr chêr, taz sik đhâu iz ntu tov kaz no thiêx muôx chôngz lênhx kruô du lix tuôx ndis shuôk, nzuôr chêr.

Txix shông 2004, zơưv Chinh zos chuôz zis uô ntêx hlo hâur jos muôz pênhr nhiêx cxiv uô 7 qar tsêr đa đêx nzuôr chêr thiêz txix shông 2010 txos trâu shông 2017, zơưv Chinh chuôz zis thiêx cxiv uô nzir 4 luz pak trâu đêx, cxiv uô 25 qar tsêr đa đêx nzuôr chêr đros trâu 4 luz tsêr so du lix côngv thôngx, txâuk 100 lênhx kruô tuôx so uô si.

“Cur tưz muk ntâu thax tsav qơư pov lơưr uô thiêz cur cux xar. Shông 2004, cur thiêx uô oz pêz qar qơư đa đêx nzuôr chêr, cêv kuôk oz pêz shông, cur ho cxiv uô nzir têx qơư đa đêx nzuôr chêr. Trơưk li tsôngv kruô ndis shuôk têz qơưs tuôx txos ntơưv no cux hêik pâuz tiêk: Kror đêx sor ntơưv no hur đuô cxiê thax tsav txơưr, tsôngv kruô nhiêv đa đêx nzuôr chêr đuô. Đhâu ntơư, tsôngv kruô cux hêik cur tiêk, chuôz zis tsuv cxiv uô nzirqơư đa dêx nzuôr chêr, thâuv muôx kruô chôngz thiêx txâuk qơư nzuôr chêr thiêz tsuv huôv tsar truôx zuk hêir nênhs têx txux chi jông đrav ntêx”.

Iz chas cxiv uô qơư đêx sor trâu tsôngv kruô đa đêx nzuôr chêr, zơưv Chinh chuôz zis cux tsênhv uô zuk hêir nênhs poz ziz cxuô zav nox muôs trâu tsôngv kruô tuôx so ndis uô si đros trâu nthuôr uô cêr lov jêv trâu tsôngv kruô du lix sêiz thiêz zơưv Chinh cux đros chuôz zis têx tuz nxêik txiêr shôngz cxiv uô tsêr so du lix côngv thôngx. Hâur têx tsêr so, tsêr nox nhoz muk lok tok tsôngv kruô du lix cux muôx têx chuôz zênhx muôz ntông chiêz cxiv uô tâu jông jav, nziv tsôngv kruô siêz nhiêv. Pos Đinh Ngọc linh, iz lênhx kruô nhoz đrôngl HCM tuôx ndis ntux sêiz shuôk têz qơưs hêik pâuz:

“Thax tsav qơư no cur cux nhiêv hênhr, viv tox trôngz câuv har muôx chuô lax nziês thiêz cur cux nhiêv nox  cxuô zav jâuz grêix mor uô ntơưv no”

Zơưv Chinh chuôz zis thax tsav qơư du lix côngv thôngx nhiv no tsênhv taz tov huôv tsar truôx têx qơư đa đêx, nzuôr chêr, iz lênhx kruô đa đêx sor 10 cxênhz iz jiês; Grê nhiêx qơư pư  230 cxênhz iz qar iz hnuz; zos qơư so côngv thôngx mak đa đêx sor 80 cxênhz iz lênhx. Xav kror đruôz đraz, zơưv Chinh chuôz zis qơư so du lix hâur iz hnuz muôx txix 30-50 lênhx kruô tuôx so ndis uô si, sêiz shuôk têz qơưs thiêz hâur iz shông zơưv Chinh chuôz zis cux sâu tâu oz pêz puô triệu đêiv nhiêx chox lok sir zôngv hâur luz nênhx.

“Muôx chôngz lênhx kruô li hêik ntơư, chuôz zis têx tsêr so côngv thôngx thiêz têx qơư đa đêx nzuôr chêr cux tsik tâu txâuk, cur chuôz zis tsênhv zuor cxiv uô 10-15 kror qơư đa đêx sor trâu tsôngv kruô thiêz tsênhv zuôr cxiv uô nzir iz luz tsêr cov txâuk 150 lênhx kruô tuôx so ndis uô si, tâu qơư so”

Nhạc Thái….

Đros trâu zơưv Chinh chuôz zis uô qơư du lix côngv thôngx, ntơưv jos Lướt, xã Ngọc Chiến, huyện Mường La, nhiv no tưz muôx ntâu chuôz zis cxiv uô qơư du lix côngv thôngx, qơư đa đêx, nzuôr chêr, uô hêir nênhs poz ziz cxuô zav nox đros trâu kriz nthuôr uô lov jêv, đhiê pax vuôs trâu tsôngv kruô sđ sêiz./.

                      (Tsu cxêik nhênhv-Thuỷ-Thuỳ-TTTB-In đĩa, văn bản)