Lai Châu yax mông lok moz ơưk txos tsôngv box nhoz ntus đriv

   Jos Sơn Bình, xã Ma Ly Pho, huyện Phong Thổ nhoz buôk ntus đriv huyện Kim Bình, tỉnh Vân Nam (Trung Quốc). Đros tsôngv box mênhx cxưx Cho nhoz no ntâu hnuz đhâu tưz mnôngs ntâu txos moz lok cêr uô pa tiv caz moz côrôna, taz sik tiv tsênhv max uô liêx têz, viv li ntâu lênhx nênhs mnôngs tas cux tsês chiê ntơưv co xưz. Thâuv pov cán bộ pênhz phax thôngz pov khiêz phêv jêx jos chiê yax mông tsưr ziv phax tar moz, pox nhuôx tuôx lok six nzor.

          Zơưv Lý Dẻn Pao puz pâuz: Pox nhuôs hâur jos tsi tâu pâuz ntâu txos zav moz no, tsuôk pâuz tiêk moz uô tuôs lênhx nênhs. Thâuv hnor cán bộ pênhz phax yax mông, heik kriê moz li têx riêz nênhs, pox nhuôs thiêx pâuz cxaz. Nhiv no pox nhuôs hâur jos tưz zuôr đeiv bok kror ndâux lol zôngv, tsi mul têx qơư muôx chôngz lênhx nênhs:

          “Pox nhuôs thax tsav no tsi tâu pâuz tsênhz zos zav moz no, taz sik thâuv tâu cán bộ pênhz phax heik kriê mak pêz pâuz tsênhz đuô thiêz tsuv phax tar tsi chiê moz cik đêz đar. Txơưv tiêk nhoz hâur xã, hâur jêx jos tsi tâu pov muôx lênhx nênhs trâus moz, taz sik pêz zuôr uô jông trơưk bộ đội pênhz phax li tsưr ziv heik kriê. Muk tsêr pêz cux zuôr heik kriê txos têx lênhx nênhs tsi tuôx nriêr pâuz thiêz”.

          Têx zênhx pênhz phax sâuv thax tsav huyện Phong Thổ tưz yênhx lix têx “tuêv côngz xưv tsov cưv” chiê sik côngv đros cấp ủy, chinhr quyênx tiv phaz tsưr tsix têx jiês khiêz phêv. Njiêz luv yax mông tsi zos por vêv ntus đriv, tsir têz tsir qơư, muôv muôs hax huv txưr...thiêz mak heik kriê pox nhuôs nhoz thax tsav ntus đriv tsưr ziv phax tar moz.

          Đại úy Phạm Tuân, Chinhr trị viên phó, Zênhx pênhz phax trôngx đriv Ma Lù Thàng, huyện Phong Thổ puz pâuz: Jiês yax kriê no zos chiê pox nhuôs pâuz tâu Đảng, têz qơưk cux xưk li têx cấp ủy đangv, chinhr quyênx li chủ trương lok côngz xưv phax tar moz, chiê pox nhuôs nhoz ntus đriv tso siêz đuô. Moz txơưv riêz nênhs, taz sik zos pox nhuôs uô jông têx tsưr ziv phax tar moz mak tsi cxơưx:

          “Zênhx pênhz phax trôngx đriv Ma Lù Thàng tưz sik côngv đros xã yax mông 9 jêx jos, hâur 3 hnuz đros têx njiêz luv, six hơưv huv đros, vênhv tôngv pox nhuôs tuôx cxaz chuôz cxix cxuô. Qơư tsov txos zos chiê muôz siêz pox nhuôs li jênhv pâuz lok moz yưv, cux xưk li tsưr ziv phax tar caz moz côrôna. Tiv 2 zos yax mông txos pox nhuôs pâuz tsưr ziv phax tar moz, chiê pox nhuôs tso siêz đuô, tsi cxơưx lok têx vênhv thix muôx yưv”.

          Đros 270 ntâu cei cêr ntus đriv, tỉnh Lai châu zos tiv phaz njuôs xav muôx moz cik đhâu ntus đriv lol hâur thax tsav siêz. Viv li, Chủ tịch UB tỉnh Lai Châu tưz tso tơưv ntâu chỉ thị, ntâuz ntơưr heik têx sở, ban, nganhx, tiv phaz sik côngv đros uô hâux lưv phax tar moz. Hâur co, lưx lươngv pênhz phax zos tsênhv nhoz thax tsav ntus đriv, sik côngv đros lưx lươngv txơưr tsưr tsix têx tsưr ziv phax tar moz.

          Zơưv Vũ Ngọc Phẩm, Phưv tsar ban thax tsav kinh têr trôngx đriv Ma Lù Thàng, tỉnh Lai Châu puz pâuz: Txơưv muôx yênhx cxênhz jiês nênhs lox tôngv mul lol đhâu trôngx đriv uô ntêx thâuv nox tsiêz tror lol têz qơưk, taz sik viv uô jông côngz xưv seiz car qir thơưx ntơưv trôngx đriv, viv li tỉnh Lai Châu tsi tâu pov muôx lênhx nênhs tưs trâus moz. Têx lưx lươngv ntơưv thax tsav trôngx đriv thâuv tưs cux jor tsi so, taz por lênhx nênhs.

          “Pêz heik lênhx nênhs jor taz por. Cxôngx thâuv muôx moz huôv xênhz txos nhiv no, trôngx đriv Ma Lù Thàng tsi tâu pov muôx lênhx nênhs tưs trâus moz. Xar njôngr UB tỉnh tror zuôr cxaz chuôz zênhx y tế li ntâuz bok kror ndâux, vuôv txir tês, yuôx nzuôr tês...trâu lưx lươngv uô hâux lưv ntơưv trôngx đriv”./.

(Khắc Kiên-Txâur Vax cxeik nhênhv)

Kruôz kriê phax tar caz moz Corona ntơưv qơư uô hâux lưv

Bôv Y têr nhiv kruôr tso tơưv ntâuz ntơưr kruôz kriê phax tar moz corona ntơưv qơư uô hâux lưv

Lơưr Bôv Y têr, moz corona zos zav moz siz cik hov A. Nênhs trâus moz zuôr njiz phiv liv lok cêr uô pa: cuz, hnôngk, lax uô pa, trâus moz njưl hnhar, zuôr lax uô pa thiêz zuôr zôngx ziv trâus tuôs, tiv zix zos chor nênhs trâus moz hnhar, tsik yuô muôx jos.

Iz cxiê lênhx nênhs trâus cik caz moz corona têx jâuv zuôr pov muôx yưv moz zâu, pâuz tsik tsênhz viv li cux phiv liv trâu nriêr pov moz. Txos nhiv no tsik tâu muôx yuôx chiê chơưv kho thiêz vắc xin phax moz.

Hêik trâu nênhs lox tôngv pâuz

- Tsik so uô vêv xênhz tiz nênhs, nzuôr têk txix xà phòng thiêz đêx hur tsơưs tiv zix 20 giây. Zos tiêk tsik muôx xà phòng thiêz đêx hur mak zôngv têx zav chiê vêv xênhz têk muôx cồn (tsơưs tiv zix 60% cồn);

- Tsik xuôk têk tsâuk muôs, so kror ndâux, kror njưs;

- Thêir kror ndâux, kror njưs thâuv hnôngk, cxav txix ntâuz lok sik têk yo. Nxuô cov hur si lok sik muôz têx ntâuz, ntơưr thêir kror ndâu co por tsês trâu hâur têx qơư trâu têx vuôz tsuôz thâuv zôngv tas thiêz nzuôr têk cov hur si;

- Shâuv uô têx kror jông paz trâu đas jos li uô thể dục; nox hâuk huv vêv xênhz, txâuk tsơưr pưr, uô sor trâu luz ka, paz trâu luz chêr muôx jos;

- Tsik nhoz jê, njiz chor nênhs trâus moz lok cêr uô pa (cuz, hnôngk, lax uô pa), zos tiêk tsuv njiz mak tsuv chox ntâuk bos kror ndâux y têr cov zos thiêz tsik nhoz siz jê hênhr;

- Zos pov zuk lok sik chor nênhs uô hâux lưv đros zuk trâus cuz, hnôngk, lax uô pa…mak tsuv hêik ciês trâu sơưr đơưk pâuz chiê cêv kuôk, chơưv kho moz cov sêi.

- Zos pov lênhx nênhs tưs jông li trâus moz, tsuv cêv kuôk ciês thiêz hêik trâu qơư y têr tiv phaz pâuz (đhâu số tênhv 19003228 lok sik 19009095)./.

(Theo chinhphu.vn-Lik Thox cxêik nhênhv)