Jax thưr 5, hnuz 12/5/2016

Chiê têx lênhx hluôk tâu cxaz chuôz đuô đros uô hâux lưv ntơưv têx cơ quan uô hâux lưv têz qơưs

***

Đhâu côx hôiv 13 six cxiv, têx lênhx nênhs thiêz tsơưr lươngv đại biểu hluôk ziv hnuz ziv tâu gra siêz. Chor đại biểu côx hôiv hluôk tsi tâu muôx 40 shông, xav kror đruôz đraz muôx nhos 15%, hâur ntơư muôx têx khóa lok six chôngz lênhx, lar heik zos khóa 1, 70,7%. Lơưr zơưv Vũ Mão, kuz seiz car Văn phòng côx hôiv, đros têx lênhx hluôk li cêr moz siêz uô nuv, muôx đas jos, txux chi, ntâu lênhx đại biểu hluôk tưz heik tâu têx siêz xar, tsưr ziv uô jông hâur qơư cơưv chiê trâu sđ mnôngs, sđ pâuz đros pâuz txos. Đhâu têx jiês muk qênhz shuôs tsênhv tsênhz têx suôv qơư, thax tsav, mnôngs cử tri têx luk heik, thix ziv, chor đại biểu hluôk tưz xar tâu, hloz tiêr siêz lok six ntâu. Ntơưv jiês bâux xeir côx hôiv khóa 14, ntâu lênhx hluôk tưz ứng cử uô đại biểu côx hôiv zos iz kro lok six jông. Zos xeir tâu têx lênhx hluôk muôx txâuk đas jos, txux chi, pênhr xưv mak côx hôiv luôs hâux lưv zuôr tâu gra siêz. Zơưv Vũ Mão heik:

“ Têx lênhx đại biểu hluôk sir jos, moz siêz uô nuv, muôx têx tsưr ziv jông paz trâu côx hôiv, lar heik zos têx hâux lưv cik txos têx hluôk, chor tuz nxeik hluôk, nhuôs zâu vax huôv. Lơưr muôx ntâu sir jos thiêz tsưr ziv jông gôngr paz, zos muôx six hơưv, hnuz nhôngs trâu têx đại biểu hluôk gôngr zuk txux chi, tsưr ziv, siêz xar chiê sâu jênhv nhênhz chơưv, tso trâu têz qơưs têx chei mak lơưr cur cux tsênhv zos hâux lưv zuôr trâus tror tâu sđ nhênhz chơưv nzir”.

Cxaz nzir têx lênhx hluôk uô đại biểu côx hôiv zos lok six zuôr trâus txos, trơưk li chei têz qơưs zos tsuv muôx têx hluôk hlôngr trâu têx lâuk, kror yiêz hlôngr trâu kror kuz. Taz sik đros thiêz côx hôiv vax huôv, hâux lưv ntâu mak iz lênhx đại biểu-lênhx hlôngr njêx muôs trâu cử tri lês car uô têx nuv têz qơưs, iz chas muôx pênhr xưv, chính trị, cux tsuv muôx txâuk têx txux chi tsưr ziv hâur hur si cxuô cêr nuv. Đại biểu côx hôiv tsuv sâu jênhv cử tri têx luk heik, thix ziv, car uô tâu têx nuv li: Heik zuk tsưr ziv, siêz xar; đros seiz lax têx chei têz qơưs, đơưk tu têx cuz nxor….. Taz sik, muôx iz kro tsênhz tiês, nhiv no têx đại biểu hluôk viv tsuv tsês ntâu six hơưv trâu lês uô têx hâux lưv zok muôz, tsi tâu muôx tsưr ziv, phaz nzưr đar viv li tsi yuô car đros cxaz chuôz gôngr ziv chênhv, luk heik trâu têx jiês cơưv. Ntơư cux zos phiv liv trâu têx ứng cử viên đại biểu côx hôiv li niêv lâuk Nguyễn Thị Minh Phương, nhoz tsêr kho moz Đa khoa huyện Hiệp Hòa, tỉnh Bắc Giang:

“ Cur tsưv ziv, moz siêz trâu zuk têx hâux lưv ntâu đuô viv li lok sâuv côx hôiv mak yuôr ntâu cur tsi yuô tâu pâuz txos. Cur cux nhiv kruôr tâus nriêr, seiz mê njik lok côx hôiv têx hâux lưv xưz, taz sik cux tsi tâu pâuz ntâu. Hâur qơư uô hâux lưv mak cur zos iz lênhx hluôk, moz siêz uô nuv. Cur cux đros uô ntâu tsaz yênhx, hâux lưv XH, đros cxaz chuôz đoanx hluôk nênhs câu lạc bộ, cưk yuôx hluôk, taz sik lok sâuv chính trị mak cur cux yuôr trâus ntâu, tsuv sir jos đuô thiêz”.

Lơưr zơưv Nguyễn Chí Dũng, kuz hâu nov tsênhv qơư kriê cxaz txux chi tsưr ziv yuôr trâus trâu têx lênhx đại biểu tâu tsôngv box nhiêv trâus, xeir tâu lok lês uô têx nuv têz qơưs, nhiv no, chor đại biểu hluôk car heik zuk tsưr ziv, siêz xar ntơưv côx hôiv tsi ntâu. Xeir zuôr têx hluôk mak lok six zuôr trâus txos, taz sik tsơưr lươngv đại biểu côx hôiv zos zov chênhr, viv chênhr lơưr zos têx lênhx quyết tinhv hur tiz si côx hôiv têx hâux lưv. Chiê tsênhv tsênhv zos lênhx hlôngr njêx muôs trâu tsôngv box, heik thiêz xa tsôngv box têx tsưr ziv, thix ziv txos trâu têx cơ quan muôx vax huôv mak đại biểu hluôk tsuv buôk ti sưv jê đros tsôngv box ntâu đuô. Chiê uô tâu li heik ntơư, zơưv Nguyễn Chí Dũng heik, txix ciês thâuv cxiv tsa tsaz yênhx, hâux lưv uô, têx ứng cử viên tưz nriêr pâuz, tâu mnôngs cử tri têx siêz xar, luk heik:

“ Tưz zos đại biểu qơư bâux xeir tưs, mak tsuv heik txos cử tri ntơưv thax qơư lơưr bâux xeir zuk ntơư têx tsưr ziv, thix ziv. Chiê uô tâu trơưk tsôngv box siêz vav xar njôngr, mak tsuv pâuz tsênhz txos cử tri têx tsưr ziv, siêz xar, seiz zuk txux chi, pênhr xưv lês uô tâu li chas, tsi tiêk zos lênhx lês uô têx hâux lưv XH, têx nuv car uô đeiv mak tsuv uô tâu zos lênhx đại biểu côx hôiv paz tsôngv px. Xuz thơưx cux tsuv pôngz nhos 1, 2 shông li uô sưv jux juk, zos muôx cêr sik thôngx siêz siz chos côngv tês đros uô têx hâux lưv mak têx hluôk moz siêz txos, muôx têx chor đại biểu hluôk hâur côx hôiv zuôr muôx txux chi, tsưr ziv uô jông”.

Hâux lưv heik kriê têx hluôk cxaz chuôz côx hôiv shông no tâu tsưv ziv lok six ntâu txos tsơưr lươngv đại biểu. Iz chas têx cui tinhv cxuô, Hôiv đôngx bâux xeir têz qơưs lok six moz siêz txos tsơưr lươngv têx lênhx hluôk cxaz chuôz ứng cử. Lênhx nênhs ứng cử tsuv txâuk đas jos, txux chi, pênhr xưv lês car uô têx hâux lưv têz qơưs thiêz tsôngv box zok muôz. Iz chas ntơư, chor đại biểu hluôk cux tsuv taz por muôx txâuk txux chi, tsưr ziv uô têx nuv XH thiêz gôngr ziv trâu côx hôiv têx jiês cơưv./.

( TTT-Riê Lâux cxeik, nhênhv)

Phênhv thưr 5/12/5/2016

CƠƯV LƠƯR ZƠƯV HLOZ HÔX TÊX ZUK TÊX HÂUX LƯV UÔ HÂUR NIÊX HNUZ

***&***

          Ntâu shông tov ntêx, thâuv truôx siêz krêz siêz thax tsav ar nxaz jos Áng, xã Đông Sang, huyện Mộc Châu, tỉnh Sơn La, ntâu lênhx nênhs xar tiêk Cao Văn Công zuôr uô tsi tâu, viv nhoz co phênhv ntâu zos tox trôngz đo, ar nxaz, thâuv lol nas mak ar lok six shiz, thâuv yar ntux mak ar kruôr sei. Ntâu chuôz zis nhoz tiv phaz tưz tso tsês thiêz tsir mul nhoz qơư txơưr đuô chiê uô nox uô hâuk. Taz sik, tix lâuk Công ho pov tâu têz qơưk no li kror muôx jos thiêz truôx siêz nhênhz chơưv uô ar, uô liêx kêz nteir, chos ntông yênhx côngz. SHông 2002, tix lâuk Cao Văn Công qir tês thor ar, vênhv tôngv tsôngv box krêz cêr mul lol, chaz tênhv tênhz, chaz đêx lol zưs trâu tsoz chos. Đhâu ntâu shông khưr uô, iz qơư chos ntông nox txir lox tsiv grê kinh tế siêz li : txir xoài, txir nhãn, bơ, txir thênhx caz, dâu tây...jux jus tâu yênhx lix. Tiv zix zos nôngz txir xoài Đài Loan tso lol yar lengx 60 tênhr, tsiv grê 30 tsov đeiv iz tênhr. Đrâuv co, qơư tsêz chos tsênhv tu zus cxaz tsiêx cxu, keiz, ok ,zax zuôv chiê muôx qir zuôv trâu ar têz. Xav nhiêx muôs kê keiz tưz sâu liv tâu yênhx tỷ đeiv. JOs Áng li luz nênhx yeiz pluôs thâuv ntêx tâu hlôngr yiêz. Tix lâuk Cao Văn Công li qơư tsêz chos, tu zus zaz zâuv tâu yênhx puôk lênhx nênhs lox tôngv tiv phaz tuôx uô hâux lưv, muôx phênhv sâu tâu ngaz tul trâu tsôngv box. Kror tsuv heik zos tưz muôx ntâu ziv chuôz zis tror lol kuz têz qơưk chiê uô nox uô hâuk. Tix lâuk Cao Văn Công puz pâuz:

          “ Cur muôx tâu yênhx côngz li no cux hla đhâu lol six ntâu têx phêv liv. Taz sik têx thâuv phêv liv cur thâuv tưs cux tuôr truôx chính yênhx zơưv hloz Hôx zos “ tsi muôx hâux lưv tưs lax uô tâu, tsuôk nyei tsi truôx siêz uô” viv li thâuv tưs cux sir jos uô. Muôx tâu yênhx côngz li hnuz no, thâuv tưs cux tsuv cơưv shâuv, nriêr pâuz têx nôngz yiêz chiê muôz siêz yar lengx, chiv cheix”.

          Đros thiêz zơưv Nguyễn Trọng Nam, tổng giám đốc Công ty cổ phần tsiv uô meir grus đêx Hải Dương mak siêz xar uô lox tôngv jông, cxiv tsa tênhx qơư lox tôngv cxôngx têx hâux lưv mê tiv zix chiê muôs trâu niêv ciêz. Zơưv Nguyễn Trọng Nam xar tiêk: Cơ chêr niêv ciêz thâuv tưs cux xar cov muôx têx lênhx nênhs uô kinh têr sei nđơưv, nriêr pâuz thiêz muôx têx siv huv jông tiv zix chiê muôs hâur têz qơưk thiêz đrâuv luôk oz chas têz qơưk. Viv li, chiê taz viv muôv muôs lox đuô iz lênhx nênhs lox tôngv tsuv hlôngr yiêz tsưr ziv, siêz xar uô hâux lưv. 5 shôngk đhâu, zơưv Nam tưz zos lênhx nênhs uô ntêx nyuôk uô lơưr zơưv Hloz Hôx cxôngx têx hâux lưv mê tiv zix chiê têx canr bôv, công nhân viên thiêz nênhs lox tôngv uô lơưr, tsuv cxênhx txuôk thiêz tir tar lav phêv muôx chêx cuk, cxiv tsa tênhx qơư vênhx huôv nhoz qơư uô hâux lưv. Zuôr xar 200 lênhx nênhs jông cơưv shâuv uô lơưr zơưv Hloz Hôx tưz tâu pov thiêz krêz uô đêz đar ntơưv Công ty meir grus đêx Hải Dương:

          “ Siêz xar tsênhv zos cơưv shâuv uô lơưr zơưv Hloz Hôx chiê yênhx lênhx nênhs jông. Chiê phongz yaox tâu cxuô lênhx nênhs pâuz thiêz jux jus uô lơưr, tuôr truôx uô hâur yênhx hnuz, yênhx hlik, yênhx shôngk mak lok six lax. Viv li tsuv tso tơưv ploz tsênhr tsênhz mênhx, yax mông cxuô lênhx nênhs pâuz thiêz ntâuk grê. Chiê yênhx nênhs jông iz lênhx tsuv uô jong jênhv vưv cxôngx tsi hâuk zênhz nzeik, tsi heik đaz heik tuôs nhoz qơư uô hâux lưv. Tiv zix zos xar tơưv, hlôngr yiêz hâur tsưr ziv uô côngz xưv, chox lol chêx cuk siêz thiêx li jông”.

          Heik txos Trương Thị Phương, lênhx tưs nhiêv thiv thao VN lênhx tưs cux zuôr ndo txos lênhx nxeik txơưv tiêk tsênhv lok six hluôk tưz sik tưz muôx tâu ntâu Huy chương cuz nhoz SEA GAMES 28 tsưr tsix ntơưv Singapore thâuv hli 6 tsêz no. Txơưv tiêk tsi muôx chênhz zênhv tưr thik ntiêx têz, thiêz cux zos jiês xuz thơưx Phương cxaz chuôz SEA GAMES viv li tax tâu Huy chương cuz zos iz hâux lưv tsi xar txos. Trương Thị Phương puz pâuz:

          “ Cxaz chuôz jiês thik lox, co zos kror jông txưv haox. Đros iz lênhx vênhv tôngv viên hluôk, mul cơưv shâuv chênhz zênhv, cur tsuôk xar nhoz tsêr shâuv li chas mak thâuv thik uô ciês li ntơưv. Têx tul tsi tâu thox cxov thiêz shâuv mak sir tas đas jos uô. Cur tsuôk xar tiêk cxaz chuôz jiês thik lox zuk zênhx zuk tiz nênhs txơưv yênhx côngz lơưv”.

          Txơưv tiêk zơưv Hloz Hôx tsi nhoz uô nênhx lơưv nzor lol, taz sik Hloz Hôx li têx jax cơưv muôx tsiv grê tsênhv tsênhz thiêz tâu pov tsênhz đhâu têx lênhx nênhs jông cơưv shâuv uô lơưr Hloz li siêz xar, hâux lưv uô./.

( TTT-Txâur Vax cxeik nhênhv)