Tsôngv box Cống luz nênhx yiêz nhoz thax tsav ntus đriv Điện Biên

          Đrav ntêx, côngv thôngx heir nênhs Cống nhoz jok Púng Bon, xã Pa Thơm, huyện Điện Biên nhoz kuôk đêz, tu nro trâu luôs 2 chas thax tsav đrâuv. Thâuv ntơư, tsôngv box hâur jok tsi yuô nhoz tsêr viv hur tiz si puôr lênhx muk har jôngr chiê zok nriêr pluôk nox. Muôx kênh jiês mak lơưr muk lơưv yênhx hli tsi lok tsêr. Thâuv ntu co, hâur jok cux tsi muôx lênhx tưs pâuz ntơưr, luz nênhx lok six txov nhêv. Zơưv Quàng Văn Nó, nhoz hâur jok Púng Bon, xã Pa Thơm heik:

          "Thâuv ntêx pêz heir nênhs luz cheix no zos muk khơưz kok tox kênhz, kok ntông lok nox xưz, nhiv no têz qơưk paz trâu pêz ntâu hênhr, luz nênhx ziv hnuz ziv hlôngr yiêz lơưv. Pêz heir nênhs zos nênhl pluôs viv li têz qơưk paz trâu iz chuôz zis 27 tuk ok, chiê huôv tsar uô nox uô hnar, chuôz zis uô tsâus lok six ntâu".

          Púng Bon nhiv no tưz muôx têx hlôngr yiêz ntâu. Nhoz đêz seiz njiê, jok jông jav, truôx tuk nhoz iz saz ntus đêx Nậm Núa đros thiêz têx luz tsêr nhoz siz jê uô cê hâur têx xuz jôngr, xuz ntông nox txir. 2 saz ntus cêr chênhr muk trâu tsênhv qơư jok zos têx luz tsêr tsar lơưx muôx cxix cxuô zav chuôz zênhx jông phưx vưv xênhz huôx. Cêr mul lok tâu cxiv uô jông, têx tuz nhuôs lok tâu muk cơưv ntơưr cxix cxuô, tsôngv box tsoz phưz y tế taz por đas jos. Pos Lò Thị Phanh, nhoz jok Púng Bon heik:

           "Nhiv no tưz muôx côngz trênhx đêx hur, qox tâus mul lok đhâu đêx, cưx đês cưx ha tâu têz qơưk paz uô trâu tsôngv box. Đrav ntêx mul lok tsuôk zos gruôv gox hla đhâu đêx, tsi xưk li nhiv no têx nhuôs zâu tâu muk cơưv ntơưr, tsôngv box muôx cêr jông mul lok....".

          Shông 2005, tênhv tênhz têz qơưk, đêx xênhz huôx tuôx txos ntuô jok, tưz uô hlôngr yiêz thax tsav qơư nhoz ntơưv no. Tsôngv box tưz tsi trâus zôngv têx tênhz trox a tơưk pov cêr li thâuv ntêx, muôx ti vi seiz, muôx đeix mnôngs, krêz đar txux chi tsưr ziv hâur phax tir thêir, tu zus têx tsiêx cxu. Txos nhiv no tsôngv box jok Púng Bon tưz hlôngr yiêz tsưr ziv huôv tsar uô nox đros thiêz zuôr xar 10 ha blêx liêx, hâur ntơư muôx 3-4 ha uô tâu 2 chiv; 30 ntâu ha blêx têz, chos poz cưk, kok ntông..... Kôngz krâur xav kror đruôz đraz iz lênhx nênhs chuôz tsar txix 210 cir iz lênhx nênhs iz shôngk lok shông 2011ndê 400 ntâu cir iz lênhx nênhs iz shôngk lol ntu nhiv no. Zơưv Lò Văn Tha, Tsar jok Púng Bon heik pâuz:

          "Pir li têx shông 2000 mak nhiv no tsi yuôr chuôz zis tưs trâul yeiz. Têx tuz nhuôs mak tâu muk cơưv cxix cxuô, tsi thôngx li đrav ntêx. Thâuv ntêx tsi muôx lênhx tưs pâuz ntơưr, nhiv no tâu cơưv txux, lênhx tưs cux pâuz luk Choz Tsiz hur si".

          Shông 2011, " Đêx anr huôv tsar kinh tế-xã hội thax tsav tsôngv box Cống tỉnh Điện Biên ntu 2011-2020" tâu fuô uô zos Đảng, têz qơưk tsênhv chei muôx liv jông thiêz zov chênhr trâu heir nênhs Cống nhoz suôv qơư no. Iz chas tsưr ziv, hâux lưv zos jux juk cxuz cêr yeiz pluôs, hlôngr yiêz thiêz gra siêz luz nênhx nox nhoz, tsar ndê lênhx nênhs thiêz tsơưr lươngv jênh sôr mak tsênhv muôx hâux lưv zov chênhr đuô thiêz, ntơư zos por hưv-tuôr chiê heir nênhs Cống têx txux chi vênhx huôv jông thiêz taz por txiv ngaz chính trị nhoz thax tsav ntus đriv. Trung tá Hà Đại Trung, Chính trị viên Zênhx pênhz phax Pa Thơm, Bôv đôiv pênhz phax tỉnh Điện Biên nheik pâuz;

          "Pir li têx shông đrav ntêx ntơư, tsôngv box sơưr đơưk luz nênhx tưz jông đuô, txiv ngaz jêx jok cux truôx tuk đuô. Zênhx cux tưz đros têx tsênhv qơư chiv zênhk zax zênhz côngv thôngx, tsênhv qơư kriê txux chi, tsưr ziv uô nuv chiê tsưr tsix chiv zênhk zênhz chêx tsôngk, vênhv tôngv tsôngv box heik zuk têx tuz nhuôs tsi cxoz đros luôs cor, đros luôs hâuk zênhz, sir jos cơưv tsưr ziv uô nuv chiê zok nriêr hâux lưv uô. Cux lok six ntâu lênhx đhâu thâuv muk chiv zênhk zax zênhz chêx tsôngk tror lok cux tưz muôx hâux lưv uô truôx, tsi đros luôs cor, luôs hâuk zênhz lơưv".

          Đhâu 6 shông ntâu uô lơưr đêx anr tưz gra lok ntâu kror jông, li: Tuôr truôx têx ntênhs hội, cxiv kho, nthuôr uô đuô zuk heir nênhs Cống têx txux chi vênhx huôv jông thiêz jux juk tso tsês têx cêr uô nênhx pôngz kaz. Nhiv no tsôngv box Cống nhoz Púng Bon cux tưz krêz đar txux chi tsưr ziv sik njiz, sik đros luôs lưv heir nênhs nthuôr uô cêr lov jêv, siz cơưv shâuv uô nox... Txix ntơư paz gra siêz luz nênhx vênhx huôv, paz cxiv kho thiêz tuôr chiê sơưr đơưk cêr sik thôngx siêz, muôz cêr njênhs njôngr trâu tsôngv box Cống đros thiêz Đảng, têz qơưk, paz tuôr truôx txiv ngaz chính trị, ngaz tuk xã hội nhoz thax tsav ntus đriv./.

(Vũ Lợi-Riê Lâux cxeik, nhênhv)

Uô dự anr 600 phưv chủ tịch xã thax tsav Tây Bắc

            5 shôngk đhâu, tas nro muôx 182 lênhx hluôk nênhs jông, muôx yênhx tưv đại học tưz tâu xeir zos đội viên dự án thiêz tâu chox lol uô Phưv chủ tịch Ub xã ntơưv 21 huyện pluôs hâur 5 tỉnh Tây Bắc muôx Lai Châu, Điện Biên, Sơn La, Lào Cai thiêz Yên Bái. Phênhv ntâu têx đội viên Dự án đros thiêz zuk li siêz sei đrơưv tưz khav tênhv tâu pênhr xưv lênhs tov, coar lik, txơưx jênhv zos phưv chủ tịch UB xã; ntâu trâur nuv sir zôngv KHCN yiêz lol uô xênhz yar li trâur nuv tu zus chaz ntơưv Nậm Nhùn ( Lai Châu), trâur nuv chos shôngz njuôs Bát Độ ntơưv Trấn Yên ( Yên Bái), trâur nuv chos Tam Thất ntơưv Mản Thẩn ( Si Ma Cai- Lào Cai)...tâu cấp ủy, chính quyênx thiêz tsôngv box tiv phaz sâu jênhv, ntâus grê siêz. Zơưv Đặng Xuân Phong, CHủ tịch UB tỉnh Lào Cai puz pâuz:

          “ Pêz muôx 34 xã sâuv thax tsav 3 huyện pluôs tâu chuôz tsar têx hluôk nênhs lol uô Phưv chủ tịch xã. Têx hluôk nênhs jong no tưz uô tiêr tâu zuk li jênhv vưv, hâur co uô jông tax zuôr xar 97%”.

          Taz sik, hâur six hơưv uô Dự án, txơưv tiêk muôx yênhx tưv chuyên môn, taz sik tiv tsi muôx chênhz zênhv uô côngz xưv, tsi txơưx heik lul tsôngv box tiv phaz...viv li têx hluôk nênhs li hâux lưv gôngr côngv trâu têx xã txov nhêv tsi tâu ntâu. Zơưv Mùa A Sơn, CHủ tịch UB tỉnh Điện Biên heik:

          “ Chủ trương thôngx ziv taz sik lơưr pêz mak tsuv muôx têx trus bax cov jông đuô trâu têx lênhx hluôk nênhs no. Co zos thox cxov tiêr tsuv muôx tsưr ziv njuôs xav, uô li chas cov taz por canr bôv cê muôx chuyên môn, cê txơưx lênhs tov...Thâuv tas nro têx co muôx txâuk mak six hơưv tsơưs tiv zix cxôngx 3-5 shông têx lênhx hluôk nênhs thiêx uô tâu Phưv Chủ tịch xã tax zoz qơưx jênhv vưv tso tơưv”.

          Ntơưv Phêv ziv, têx Đội viên cux heik tơưv zuk li siêz xar njôngr, xar chox zuk li đas jos gôngr côngv trâu tiv phaz; thôngx cxix xar njôngr tâu ngaz tul hâux lưv uô, tâu nox biên chế chiê tso siêz uô côngz xưv. Đội viên Hờ A Nhà, Phưv chủ tịch UB xã Chế Cu Nha, huyện Mù Cang Chải, tỉnh Yên Bái puz pâuz:

          “ Pêz tsi xav tênhv no zos uô nov tul tsi. Taz sik xar njôngr tâu yênhx côngz chức ntơưv taz viv zuk tsênhv uô côngz xưv. Seiz pêz zos têx công chức cấp xã, yuôr nhiv no iz cxiê cấp ủy, chinhr quyênx tsênhv seiz pêz li têx cán bj dự án viv li lok six lax trâu pêz thâuv krêz uô jênhv vưv”.

          Hâux lưv chuôz tsar hluôk nênhs muôx yênhx tưv lol thax tsav txov nhêv uô côngz xưv zos zuôr trâus. Six hơưv zuôr txos, têx cấp muôx qênhx tsuv tror kriê cxaz pênhr xưv trâu têx hluôk nênhs; tror njuôs xav, pheiz côngz, sir zôngv li chas cov muôx tâu têx hluôk nênhs jông nhoz cơ sở./.

( An Kiên- Txâur Vax cxeik nhênhv)