Jax sâu thưr 6, hnuz 12/8/2016:

Lào Cai: Têx pâuz tâu đhâu coz nas chuô lox uô ruôr hiêv

      Đhâu thâuv ntux nas chuô lox lok đhâu, uô ruôr hiêv tas ntâu, hâur têx hnuz đhâu tas nro hâu nov, tsôngv px cxuô heir nênhs sđ hâur tỉnh Lào Cai puôr lênhx chêx tsôngk uô têx nuv chơưv paz thax tsav trâus ntux nas chuô uô hiêv. Hâur têx thax tsav trâus đêx nas chuô uô ruôr hiêv hnhar zos: Huyện Bát Xát, Sa Pa thiêz TP Lào Cai, kror tưs cux hnor thiêz pov têx yêz thoz huk ar, poz jêz cxuz chox muk por tsês. Yênhx cxênhz lênhx nênhs zos têx lưv lươngv ntơưv qơư sir jos đros cxiv kho têx côngz trênhx trâus puôk tsuôx, paz tsôngv box truôx tuk luz nênhx, uô nox uô hâuk. Zav tưs cux tâu cxiv kho, uô đuô tâu sei, taz sik têx ziv chuôz zis muôx lênhx nênhs trâus saz, trâus tuôs têx cêr pôngz siêz mak tsuv iz ntuk ntêr li muôx têx plox jux juk. 10 lênhx nênhs trâus tuôs thiêz trâus pôngz plox mông đhâu iz coz nas chuô lox xưk li iz njêik muôs đhâu hâur 2, 3 six hơưv zos têx trâus pôngz siêz lox zos tỉnh Lào Cai tsênhv njiz trâus. Thiêz lar heik,  tas nro tỉnh nhiv no muôx 1.300 ziv chuôz zis tsôngv box tsênhv uô nênhx nhoz têx thax tsav zôngx ziv trâus ntux uô ruôr hiêv, zos têx đêx nas tror lox phiv liv li no mak tsi pâuz shor zuôr uô li chas. Heik kriê ntơưv jiês đros cxiv kho đuô têx tsi jông đhâu ntux nas uô ntơưv Lào Cai hâur hnuz xiêz 5/8, Phưv thủ tướng chính phủ Trịnh Đình Dũng ntâuk grê siêz Lào Cai luôs hâux lưv phax tir thêir, uô tâu zênhx max. Taz  sik, phưv Thủ tướng cux heik tỉnh Lào Cai tsuv zok nriêr qơư nhoz trâu têx tsôngv box nhoz thax tsav riêz nênhs chiê taz por tsi trâus uô ruôr hiêv, lar heik zos lênhx nênhs thâuv muôx ntux nas lox:

        “ Lào Cai tsuv muôx tsưr ziv phênhz đuô qơư nhoz trâu tsôngv box, thiêz muôx tsưr ziv chiê yeik txar, tsuv tiz jông uô luôs hâux lưv no, tsi tâu phênhz qơư nhoz, uô têx côngz trênhx trâu têx thax tsav zôngx ziv trâus đêx nas cuôr yôngz, tox poz ar lơưk. No zos hâux lưv mak chính phủ heik lok six ntâu trâu cxuô thax tsav. Taz sik, iz jiês muôx ntux nas chuô lox lok, mak têx tsôngv box nhoz jê đêx hiêr, lơưr ho tsi uô chas, nhoz tox siêz, pêz ho muôx lênhx nênhs trâus tuôs, trâus saz, uô hiêv lox li no”.

       Tsênhz tiês, luôs hâux lưv yeik txar tsôngv box muk nhoz têx qơư taz por ntơưv Lào Cai tsênhv yuôr ntâu phiv liv. Taz sik, chiê txar jav têx tsi jông li nhiv kruôr đhâu, mak no tâu seiz zos hâux lưv zuôr trâus uô zênhx max, tsuv muôx tsưr ziv fuô uô jông lơưr yênhx shông. Iz chas ntơư, tỉnh cux tsuv phênhz, shuôs têx nhiêx txiêx, tsov cưv trâu hâux lưv yeik txar tsôngv box muk nhoz qơư truôx tuk; lar heik zos tsuv uô jông thiêz txơưx uô hâux lưv jênh vênhv li muôx têx heik tâu tsôngv box sđ uô trơưk, txar jav uô tsi tâu tsi tiêr, tsi txos qơư ho đrok tiêk, tiv tsôngv box tsi yuô tâu muôx txux chi, tsưr ziv jênhv pâuz thiêz zos tiv sđ tso siêz, tsi chênhr phax. Iz chas ntơư, luôs hâux lưv qênhz yuôx, tuôr xav têx tsi jông zôngx ziv muôx yưv, heik trâu tsôngv px sđ pâuz cux tsuv tâu moz siêz, uô jông. Zơưv Cương Chánh văn phòng thường trực Ban seiz car phax tar đêx nas chuô thiêz zok nriêr chơưv paz lênhx nênhs heik:

       “ Côngz trênhx đêx liv khênhr buôk ti trâus uô hiêv tiv têx đêx nas, nhiv no tas nro tỉnh muôx nhos 40 luz pak tênhr đêx thiêz 40 tuk njưs tar đêx tưz tsi yuô khor thiêz truôx. Yuôr têx li: tox poz ar lơưk ntơưv têx ntus, cưx đês cưx ha mak txos nhiv no phênhv ntâu cux tsi tâu muôx li chas lok sâuv qênhz shuôs đuô hlo, tov kaz no zuôr tsuv tror qênhz shuôs tsênhz mênhx chiê muôx tsưr ziv cxiv kho, khưx phưx cov truôx thiêz khor”.

      Coz nas chuô lox nhiv kruôr đhâu zos iz kro uô trâu tỉnh Lào Cai ndo njôngr hâur hâux lưv phax tir thêir ntux  nas chuô uô ruôr hiêv. Txơưv tiêk, hâur têx jiês fuô kriê lok phax tar ntux uô hiêv, Chủ tịch UBND tỉnh Lào Cai puôr lênhx heik “ Zos chiê muôx yưv têx tsi jông uô ruôr hiêv txos lênhx nênhs, vax tsêr nhoz, têz qơưs têx chuôz zênhx thiêz tsôngv box mak lênhx sơưr thơưx hâur cxuô cấp zuôr tsuv zos lênhx trâus nhav lok têx trâus uô hiêv ntơư”. Taz sik, kror zov chênhr đuô zos luôs hâux lưv tâu choz no, tsuv nzor fuô uô cux zuôr tsik muôx yưv têx tsi jông li hêik sâu./.

(An Kiên-Riê Lâux cxeik, nhênhv)

Phênhv thưr 6 hnuz 12/8/2016

PHÊNHV HÊIK PÂUZ LOK CHÊI TÊZ  QƠƯS

Thêv tsik tâu nhiêx trâu tsêr nhiêx têz qơưs tsuv trâus bluô li chak?

      Nus: Cur chuôz zis txêik nhiêx hâur tsêr nhiêx têz qơưs chiê zuôr hax huv muôs, taz sik tiv uô nox trâus pôngz pênhr, nhiv no thêv tsik tâu trâu tsêr nhiêx têz qơưs. Trơưk li chêi têz qơưs cuiz tênhv mak cur zuôr trâus tsêr nhiêx bluô li chak?

      Têz: Têx ntâuz ntơưr zos chuôz zis thiêz tsêr nhiêx têz qơưs tưz ký kir txêik nhiêx têz qơưs đhâu chuôz zênhx chuôz tav. Trơưk li chêi têz qơưs quy tênhv mak têx ntâuz ntơưr kir txêik nhiêx đhâu chuôz zênhx chuôz tav zos oz tos sêiz lax: Zos tos muôz kir txêik choz zok chuôz zênhx chuôz tav trâu tos kir txêik; thâuv txos six hơưv thêv, tos kir txêik tsuv tror thêv trâu tos muôz kir txêik bâuv li chor tưz muôz kir txêik thiêz tsuôk tsuv thêv kror liv zos muôx sêiz lax thiêz trơưk li chêi têz qơưs quy tênhv.

      Têx ntâuz ntơưr cox chuôz zis thiêz tsêr nhiêx têz qơưs tưz ký muôz nhiêx kir txêik thiêz uô muôx yưv têx kror tsik jông, txơưv li chas cox ziv chuôz ziv tsuv tâu thêv hur si têx nux gri kir txêik ntơư tror trâu tsêr nhiêx têz qơưs, zos đrêiv chêi tso tơưv.

      Tsêr nhiêx têz qơưs muôx vax huôv hêik cox ziv chuôz zis thêv têx nhiêx txiêx, nux grê cox tưz kir txêik ntơư cov huv six hơưv, hnuz nhôngl tror trâu tsêr nhiêx têz qơưs zos đrêiv li têx ntâuz ntơưr tưz ký thiêz grê 318.

      - Hêik lênhx nênhs paz uô ntơưr kir txêik chiê thêv hlôngr trâu cox chuôz zis (zos muôx sêiz lax).

      - Xưv lik cxuô zav mak cox chuôz zis tưz muôz ntâuk gri zos tiêk muôx sêiz lax). Trơưk li grê 355 chêi têz qơưs 2005 quy tênhv lok xưv lik cxuô zav ntâuk gri: “Zos tiêk tas six hơưv hnuz nhôngl tsik uô trơưk thiêz tsik thêv têx nux grê ntơư, tsuv tu trơưk li grê 336 thiêz grê 339 hâur chor chêi no ”.

      Cxuô zav taz por zuôr xưv lik lơưr tsưr ziv tưz tâu oz tos sêiz lax lok sik muôs lơưr chêi têz qơưs quy tênhv. Iz chas ntơư, thâuv cox chuôz zis tsik thêv têx nux grê kir txêik ntơư tror trâu tsêr nhiêx têz qơưs; tsêr nhiêx têz qơưs  muôx vax huôv pênhr cox muk trâu tòa án chiê Tòa án tu, chiê cox thêv cov tas têx nux grê ntơư tror tsêr nhiêx têz qơưs zos đrêiv chêi tso tơưv./.

(Thanh Thủy-Lik Thox cxêik nhênhv)