Chơưr poz cưk Thanh Vân- zos zav chơưr nto bê nhoz tox siêz

Quản Bạ, Hà Giang

          Ntâu cxênhx nênhs lol no, chơưr poz cưk Thanh Vân tưz yênhx iz zav xiv huv chax chês nto bê reik đros đreiv pox nhuôs xã tox siêz Thanh Vân, huyện Quản Bạ, tỉnh Hà Giang li luz nênhx.

          Chơưr poz cưk tâu zôngv poz cưk txuôv uô. Đêx pêv tox siêz, xaz blôngx, đhâu co tâu pox nhuôs chuz hâur luz tsu chơưr tâu zôngv ntông uô. Chiê muôx tâu iz xiv huv chơưr poz cưk Thanh Vân kaz thiêz tsi xưk li têx zav chơưr txơưr, xaz zos kror coaz tsôngv. Xaz blôngx tâu pox nhuôs chiv chir uô cxôngx 36 zav yuôx tsiv grê tâu đê pêv har jôngr lol cxôngr mos shơư pek, mê njik môngr poz cưk blâuv, môngr poz cưk txuô, râuz đêx bâu muôz juôx uô cê, uô yênhx têx luz nduôr, muôz vâuv muôx nhos 3 hnuz, thâuv pov tuôx pưv đơưz txơưv chox mul jiêz kruôr.

          Lok tsưr ziv uô chơưr poz cưk Thanh Vân chax chês, pos Hầu Thị Chấu, tưz muôx 40 shông ntâu uô chơưr puz pâuz:

          “ Thâuv ntêx têx lâuk uô chơưr mak cur tsi pâuz, thâuv mul zuôr txir cur thiêx li shâuv uô. Uô chơưr tsuv muôz poz cưk tâu tsôngr hur si, tsi trâus caz mox chox mul hâu muôx nhos 1 hnuz, thâuv kruôr đêx mak heik lol thaz cov txiêk. Xaz zos zôgnv xaz blôngx, cur uô cur, chox mul juôx thiêz mfông sâuv chor poz cưk tưz txiêk, vâuv 1 hnuz 2 hmo cov tơưv, heik lol tso hâur thôngz choz muôx nhos 10 hnuz. Đhâu 10 hnuz chox lol chuz, tsuv muôz ntâuz liv chơưr thiêx li nyiêz. Nhiv no uô tâu chơưr cur khênhr chox mul ciêz chiê muôs”

          Lơưr pos Hầu Thị Chấu, iz jiês chuôz zis uô 55 cir poz cưk, chơưr sâu tâu muôx nhos 20 lir, grê muôs chungz fênhx 50 cxênhz đeiv iz lir. Thâuv chuz chơưr tsuv trâur tơưs cov chis jông, tsi chiê hluôr tơưk chis lok six lox, cux tsi chiê hluôr tơưs tuôs thâuv tsênhv chuz chơưr. Pêz Hmôngz xar tiêk, thâuv chuôz zis tsênhv chuz chơưr zos muôx kruô tuôx tsav tsuv thơưz tơưs trâu hâur kror chuz, zos tsi thơưz tơưs trâu hâur kror chuz mak chuz chơưr chơưr zuôr lol tsi jông lok sik tsi lol chơưr. Pox niêv muôx mê nhuôs hâur chêr tuôx tsav zos tsi thơưz tơưs trâu hâur kror chuz mak chơưr zuôr trâus kâuz.

          Chơưr poz cưk Thanh Vân thâuv chuz tâu lol hâuk lok six kaz, tsi xưk li têx zav chơưr txơưr. Chênhr viv li mak chơưr poz cưk Thanh Vân nto bê txos cxuô tỉnh txơưr, tâu ntâu lênhx nênhs pâuz txos thiêz lok six nhiêv hâuk. Tuôx tox siêz Hà Giang, tsôngv kruô tsi taz tâu seiz têz qơưk jông jav mak tsênhv tâu hâuk chơưr piz poz cưk nzuôs ntiv cuz thaz cuz lơưs hâur qiv hơưv no njiv cheix ntux no nhoz tox siêz.

          Tix lâuk Ngô Đức Anh, kruô ndis shuôk tuôx cxôngx Thanh Hóa, jiês xuz thơưx tâu hâuk chơưr poz cưk heik:

          “ No zos jiês xuz thơưx cur tuôx ndis shuôk têz qơưk Hà Giang, cur pov têz qơưk no lok six jông gâux, tsôngv box nhoz no jông siêz. Cur môngr jông tuôx trơưk hnuz krêz ciêz, tâu hâuk chơưr poz cưk Thanh Vân xaz blôngx, cur pov chor chơưr no lok six kaz, hâuk tsi moz tâuz hâu. Zos muôx six chênhz cur zuôr tror tuôx ndis shuôk chiê nriêr pâuz ntâu đuô thiêz vênhx huôv zav nox nhoz têz qơưk no”.

          Gôngr phênhv muôz siêz tsơưr lươngv cux xưk li krêz đar niêv ciêz cungz chơưr poz cưk chax chês, nhiv no xã Thanh Vân tưz yênhx lix HTX tsiv uô chơưr poz cưk Thanh Vân muôx 40 ziv chuôz zis ntơưv têx xã Mã hồng, Lùng Cáng, Lùng Cúng cxaz chuôz. Poz cưk tâu xeir tsov jông, xaz blôngx zos HTX chiv chir uô, đros uô trơưk têx tsưr ziv uô chơưr, viv li chơưr poz cưk Thanh Vân tưz tâu têx cấp muôx qênhx côngz jênhv lok tsơưr lươngv chơưr. Tix lâuk Ngô Mạnh Hồng- Giám đốc HTX chơưr poz cưk Thanh Vân puz pâuz:

          “ HTX li hâux lưv zos muôx tuêv uô xaz, muôz xaz trâu pox nhuôs zos thành viên uô chơưr, thâuv vâuv txâuk 15 hnuz mak heik têx chuôz zis co chuz chơưr. Chơưr chuz tâu pox nhuôs gra tuôx HTX chiê qênhz yuôx lok tsơưr lươngv, đhâu co liv Aldehyt, vâuv 10 hnuz txơưv muôz tso hâur hưx chơưr, lo bê thiêz muôs trâu niêv ciêz. Niêv ciêz sâu zuôr phênhv ntâu zos têx tỉnh Thái Nguyên, Hải Phòng, Quảng Ninh, nhiv kruôr đhâu HTX cux tưz krêz đar txos niêv ciêz Sài Gòn thiêz Trung Quốc”.

          Iz xor mông jông trâu pox nhuôs uô chơưr poz cưk chax chês Thanh Vân thiêz zos nhiv kruôr đhâu, thứ trưởng Bộ kôngz nuv thiêz huôv tsar nôngx cxênhz Trần Thanh Nam thâuv tuôx seiz yuô HTX tưz thôngx ziv paz txưv trâu HTX dây chuyền nzuôr hưx thiêz lâuz chơưr tự động tsiv grê zuôr xar 2 tỷ đeiv. No zos iz hâux lưv tôngv vênhx cxơưz cxiz tsênhv tsênhz chiê chơưr poz cưk Thanh Vân tror muôx trus huôv tsar jông, paz pox nhuôs nhoz no muôx hâux lưv uô ngaz tul, chuôz cxaz phênhv sâu cxôngx ciês xiv huv chax chês nhoz zuk têz qơưk./.

( Txâur Vax cxiv sâu- Txâur Vax cxeik nhênhv)

Pos Aduôn Uyên, zos iz lênhx tuôr tsês tâu hêir nênhs Êđê têx đruôk tôngx cxêz tôngx

Đhâu 82 shông huôv tsar cêr uô nênhx txos trâu nhiv no, pos Aduôn Uyên, cux tsênhv zos iz lênhx tuôr tsês tâu hêir nênhs Êđê têx đruôk tôngx cxêz tôngx muôx đros trơưr hâur luz nênhx thiêz pos Aduôn Uyên cux thav tiêk: Viv muôx têx đruôk tôngx cxêz tôngx ntơư, pos thiêx huôv tsar cêr uô nênhx nhoz ntêr shông, shir phaz lul đros têx tuz nxêik xênhz nzưr. Ntâuk khoz đruôk tôngx nxêz tôngx, tsuv zos lênhx nênhs muôx đas jos, pâuz khoz, têx suôz đruôk tôngx nxêz tôngx thiêx đror jông thiêz têx suôz đruôk tôngx nxêz tôngx ntơư, pos Aduôn Uyên zênhx cơưv shâuv thâuv tsênhv zâu lok.

“Đruôk tôngx, phênhv ntâu zos tsês trâu chor txir nênhx khoz ntâuk. Taz sik, viv cur nhiêv hênhr cur thiêx cơưv shâuk pâuz khoz ntâuk đruôk tôngx nxêz tôngx. Cur pâuz khoz ntâuk đruôk tôngx nxêz tôngx thâuv tsênhv zâu lok. Đros ntơư cur cux pâuz yuôz trax đinh Năm, đinh Tút. Chênhr zos li hêik ntơư, têx đruôk tôngx nxêz tôngx, cur khơưk tsês chiê jông, tsik trâus puôk tsuôx”

Đhâu ntâu jiês muôx chôngz lênhx ntâu tus tuôx zok nriêr zuôr sđ têx đruôk tôngx nxêz tôngx, chôngz lênhx ntâu tus tưz muôz têx đruôk tôngx nxêz tôngx hâur jêx jos muôs tas. Yuôr pos Aduôn Uyên têx đruôk tôngx nxêz tôngx thiêx tâu khơưk tsês jông, viv hâur ntu đrav ntêx, niêv txir muôz nhux tưv nhux đas pâur têx đruôk tôngx nxêz tôngx ntơư chox lok sir zôngv muôx đros đrêiv hâur luz nênhx thiêz tau têz qơưs côngk nhav đruôk tôngx nxêz tôngx zos iz zav txux chi, vênhx huôv tsiv grê jông. 

“Pos A duôn Uyên, thâuv tưs cux yax kriê têx tuz nxêik hluôk sđ cơưv shâuv khoz ntâuk đruôk tôngx nxêz tôngx thiêz cux yax kriê tsôngv hluôk sđ tiêk: Tsik cxoz muôz zuk têx txux chi, vênhx huôv jông muôs trâu đuô tus. Viv muôx chôngz lênhx ntâu tus têix nus cov cur muôs, taz sik cur tsik cav muôs, tsuv khơưk tsês trâu têx tuz nhuôv tov kaz thiêx pâuz txos zuk hêir nênhs têx đruôk tôngx nxêz tôngx tsiv grê ntơư”.

Nhiv no, txos têx hnuz jêx jos tsưr tsix ntênhk nox mor blêx yiêz lok sik nox yôngz cok….cxuô chuôz zis hâur jos cux tuôx kir pos Aduôn Uyên gơưv đruôk tôngx nxêz tôngx chox muk sir zôngv uô cêr lov jêv. Đros ntơư, pos Aduôn Uyên cux xar tiêk: Txơưv zuk hnuz nhôngl lâuk, taz sik cux tsênhv truôx siêz shir phaz luk kriê trâu chor hluôk hâur jos đros cơưv shâuv khoz ntâuk đruôk tôngx mxêz tôngx.

“Têx nhuôv zâu nhiv no tsik muôx lênhx tưs xar khoz ntâuk đruôk tôngx nxêz tôngx; tsuôk zos chor lâuk thiêx pâuz khoz ntâuk đruôk tôngx nxêz tôngx, cur tsuôk zos kriê trâu têx tuz nhuôv niêv txir cơưv shâuv thiêz nhiv no chor pâuz khoz ntâuk đruôk tôngx nxêz tôngx thiêx pâuz khoz ntâuk đruôk tôngx nxêz tôngx”.

  Đros trâu hâur ntu têz qơưs hlôngr yiêz nhiv no, tsôngv tuz nxêik hluôk hêir nênhs Êđê nhoz thax tsav Tây Nguyên, tsuv cơưv shâuv thiêz  tuôr cov tâu truôx zuk hêir nênhs têx txux chi, cêr nênhx vênhx huôv jông li đruôk tôngx nxêz tôngx cov muôx đros đrêiv hâur luz nênhx iz tiêv đhâu tiêv tsik chiê pôngz plox./.

                                              (Tsu cxêik nhênhv-TTT)