Điện Biên: Zuôr xưv bluô  chor uô cxâuv chêi tuô poz jêz nhoz Mường Ảng 4

           Qơư tuô poz jêz Mường Ảng 4, xã Ẳng Nưa, huyện Mường Ảng, tỉnh Điện Biên nhoz sâuv đơưv Tằng Quái, ntu cêr 41+200 sâuv niêv cêr 279 tỉnh Điện Biên. Shông 2014, qơư tuô poz jêz no tâu tso chei, shông 2015 tror tâu cungz ntơưr tso chei thiêz txos shông 2017, đhâu six hơưv njuôs xav, qơư tuô poz jêz Mường Ảng 4 tror huôx tôngv kinh doanh. Taz sik, lơưr têx chiz coaz muôx txơưx jênhv li ntâus grê, txơưv huôx tôngv huv đros, taz sik qơư tuô poz jêz no tưz muôx yưv lok six ntâu têx uô cxâuv, njuôs xav muôx yưv têx tsi taz por zaoz thôngz. Tiv zix têx uô cxâuv li: chiv chir hlôngr tsưr ziv tuô poz jêz pir đros tsưr ziv tâu thôngz đhâu; chuôz ndê mênhv chêx tsêr coar lik huôx tôngv thiêz têx tsêr tax pir đros cuiz tênhv puz ntiêr ar; uô tsas their poz jêz ntos uô zaoz thôngz niêv cêr 279 tsi taz por; tsi muôx cxix luôk fiêx canhv pov, nja their thax tsav tuô poz jêz lơưr cui tênhv; txưr tsi puz mul đhâu cêr 279 chiê tuô poz jêz thâuv tsi tâu Tổng cục cêr ar Việt Nam thôngx ziv tso chei...Zơưv Tạ Mạnh Cường, tsar phongx phongx kinh tế- cxuô zav huyện Mường Ảng, tỉnh Điện Biên puz pâuz:

          “ Đhâu six hơưv qênhz yuôx, công ty no tưz uô cxâuv lok tsưr ziv njuôs xav qơư tuô poz jêz, uô cxâuv lok nja their poz jêz, uô niêv cêr 279 tsi taz por, txưr mul sâuv niêv cêr thâuv tuô fov mak tsi tâu tso chei”.

          Cxôngx Công ty cổ phần Cao Nguyên Hà Giang li têx uô cxâuv zov chênhr co, Phòng kinh têr huyện Mường Ảng đros Chi cục coar lik niêv cêr I.2, Cục coar lik cêr ar I, Bộ zaoz thôngz vênhv teiv thiêz Công ty cổ phần cêr ar 226 tưz ntâu jiês heik công ty no uô hâux lưv. Taz sik txos hnuz xiêz 3/10 nhiv kruôr đhâu, đoanx côngz xưv liên nganhx thiêx qênhz yuôx tas nro tsưr ziv tuô poz jêz ntơưv no thiez muôx jiês uô hâux lưv đros lênhs tov công ty co. Đhâu co txưr Công ty cổ phần Cao Nguyên Hà Giang tsik tâu txưr mul lol sâuv niêv cêr chiê tuô poz jêz cxôngx ntu cêr 41+100 txos cei cêr 41+300 sâuv niêv cêr 279. Heik công ty uô jông têx cuiz tênhv xưv bluô uô cxâuv hành chinhr, hôx phưx qênhx shênhx li qir thơưx, uô tiêr uô ntêx hnuz 15/10/2017. Iz chas co, tsuv uô ntâuz ntơưr hêik trâu Cục coar lik cêr ar I thor tso chei hâux lưv tuôv đros niêv cêr 279 lơưr Bộ zaoz thôngz vênhv teiv li thông tư 50 cux xưk li têx tsưr ziv taz por trâu lênhx nênhs thiêz têx yêz mul lol ntơưv ntu cêr heik sâuv. Zơưv Nguyễn Duy Thành, Phưv chi cục tsar Chi cục coar lik cêr ar I.2, Cục coar lik cêr ar I puz pâuz:

          “ Lơưr pháp luật li cui tênhv mak nhiv no tsi muôx ntâuz ntơưr chei tưs tso chei Công ty cổ phần Cao Nguyên Hà Giang tâu tar cêr, tsi puz yêz mul đhâu thâuv tuô poz jêz. Nhiv no Cục coar lik cêr ar I tưz tso tơưv cuiz tênhv xưv bluô uô cxâuv hành chinhr thiêz pêz tưz xa cuiz tênhv xưv bluô uô cxâuv hành chinhr txos Công ty cổ phần Cao Nguyên Hà Giang. Thôngx cxix muôx 2 ntâuz ntơưr heik Công ty uô jông cuiz tênhv xưv bluô. Pov cov đros UB huyện Mường Ảng chiê muôx tsưr ziv paz chi cục thiêz chinhr quyênx tiv phaz li txơưx jênhv tir tar hâux lưv no sâuv thax tsav huyện”.

          Zơưv Phạm Văn Triệu, tsar phongx tênhx qơư huyện Mường Ảng puz pâuz, huyện zuôr tror heik công ty no uô trơưk cuiz tênhv xưv bluô uô cxâuv hành chinhr. Zos hâur six hơưv no, Công ty huôx tôngv tsi taz por zoz qơưx mak zuôr thix ziv UB tỉnh Điện Biên, Sở tênhx qơư tỉnh Điện Biên sâu tsês têx ntâuz ntơưr tso chei tuô poz jêz thiêz xưv bluô lơưr chêi têz qơưs cui tênhv./.

                       (Vũ Lợi- Txâur Vax cxeik nhênhv)

PHÊNHV TSÊNHV CHÊI THIÊZ LUZ NÊNHX

Qênhz shuôk, kriz uô tsênhv chêi txo grêk yêiz pluôs

         Luôs hâux lưv tso tơưv zos 100% cxuô Bộ, nganhx, tiv phaz lơưr txơưx jênhv tâu phêiz côngz tror qênhz shuôk, ntâuk gri uô lơưr têx tsênhv chêi, hêik pâuz têx tsênhv chêi tsuv tâu kriz uô, kho đuô, cxaz nzir, lok sik tso tsês lơưr tsêx trung, txo grêk têx ntâuz ntơưr, tsik chiê muôx siz yôngx, phiv liv, taz por huv đros hnuz nhôngs, six hơưv, tsênhv njiêz tâu tso tơưv.

         Tsênhv tsênhz, zuôr piz qênhz shuôk têx tsênhv chêi li: Zoz zux-thox cxov, paz uô xênhz yar, paz lok lox tôngv-hâux lưv uô, paz trâu tsôngv box mênhx cxưx tsơưs nênhs, tsênhv chêi paz cán bộ, paz nhiêx tênhv, paz lok xor mông, yax mông thiêz tsênhv chêi txo grêk yêiz pluôs.

Hêik pâuz tso kriz uô, kho đuô, cxaz nzir lok sik tso tsês tsênhv chêi lơưr tsưr ziv: Xav jênhv tsênhz mênhx pưk txux sêiz shuôk thiêz cxuô tos cxaz chuôz, muôx sik côngv tsênhz txix ciês thâuv tso tơưv tsưr ziv, phêiz kênh pênhr jos thiêz chox kriê, kruôz kriê uô chor tsênhv chêi tâu tso tơư kriz uô thiêz uô uô cê pênhr jos; txo grêk tsênhv paz khôngz, chuôz ndê tsênhv chêi paz muôx tsar tov trâu lênhx nênhs, thax tsav thiêz six hơưv tâu paz chiê chuôz xcaz tsar tov tâu buôs ti chor tsênhv chêi thiêz cxơưz cxiz nênhs pluôs li cxaz chuôz; chuôz ndê têz qơưk li pênhr jos yưv trâu chor tsênhv chêi, tsaz yênhx thiv pluôs.

         Tsov cưv txos pênhr paz trâu uô nox thiêz huôv tsar thax tsav muôx tsôngv box mênhx cxưx tsơưs nênhs, huyện pluôs, xã pluôs, xã ntus đriv, xã ngaz tuk thax tsav, xã, jêx jok txov nhêv tiv zix, thax tsav trơưk ntus đêx hiêr, poz hiêr; hlôngr yiêz ntâuz ntơưr hành chính thiêz tsưr ziv chiê pêx xênhv, côngv thôngx cxaz chuôz thiêz buôs ti têx tsênhv chêi thiv pluôs; sir jos uô côngz xưv yax kriê, zoz zux gra siêz chiv chir sir jos hla đhâu cêr pluôs.

        Chor bộ, nganhx, tiv phaz hêik pâuz tsưr ziv chiê paz pêx xênhv  buôs ti tâu têx dịch vụ xã hội lơưr saz buôs tu txix ntâu saz; tsưr ziv uô uô cê têx pênhr jos uô 21 tsaz yênhx muôx tsưr ziv đros tsưr ziv uô tsaz yênhx tsưr ziv têz qơưk thiv pluôs.

        Hâur co, Thủ tướng chính phủ choz trâu Bộ zoz zux thiêz thox cxov sêiz shuôk cxiv tsa Chính phủ li Nghị định tso tơưv kriz uô 2 tsênhv chêi paz trâu zoz zux nhuôs zâutrâu chor nhuôs txix 3-5 shông. Đros co, cxiv tsa chính phủ li Nghị định tso tơưv kriz uô chor ntâuz ntơưr lok học bổng tsênhv chêi thiêz paz nhiêx txiêx cơưv ntơưr đros thiêz shux xênhz cơưv ntơưr ntơưv chor qơư thox cxov.

Bộ nội vụ sêiz shuôk cxiv tsa Nghị định chính phủ tso tơưv kriz uô 3 tsênhv chêi cán bộ tiv phaz txov nhêv tiv zix lơưr tsưr ziv txo grêk têx kror siz yôngx hâur tsênhv chêi, muôx tsov cưv sik txơưr nhoz chor xã txov nhêv tiv zix thã xtsav tox trôngz thiêz mênhx cxưx đêz tsênhv qơư huyện thiêz tsar tov muk lok tsênhv txov nhêv, chor xã txov nhêv tiv zix thax tsav tox trôngz thiêz mênhx cxưx txơưr đuô, chor xã txov nhêv tiv zix ntus đêx hiêr, poz hiêr.

        Thủ tướng chính phủ cux choz trâu bộ nhiêx txiêx sêiz shuôk cxiv tsa Thủ tướng Chính phủ li cuêz tênhv tso tơưv kriz uô lơưr Cuêz tênhv số 28/2014/QĐ-TTg hnuz 7/4/2014 cuiz tênhv lok gri muôs tênhv thiêz Thủ tướng chính phủ li cuêz tênhv số 60/QĐ-TTg hnuz 30/10/2014 cuiz tênhv tsưr ziv chuôz zis tâu sơưv cêr chêi tâu paz nhiêx tênhv; nhênhz chơưv, hêik pâuz hlôngr yiêz tsưr ziv paz nhiêx tênhv cov huv đros./.

(Thanh Thủy-Lik Thox cxêik nhênhv)