LUZ NÊNHX TSÂU SOR SÂUV THAX TSAV QƠƯ YIÊZ

          Tuôx seiz jos yiêz Mường Chiên, xã Phỏng Lái, huyện Thuận Châu hâur têx hnuz hâur shôngk shông tưz pov tsênhz luz nênhx yiêz tsâu sor ntơưv cxuô ziv chuôz zis, pox nhuôs luz nênhx tsênhz tsênhz tưz ngaz tul. Zơưv Điêu Văn Chính, jos Mường Chiên puz pâuz: Zơưv luz jos muôx 65 ziv chuôz zis, zuôr xar 400 lênhx nênhs txar cxôngx Quỳnh Nhai lok nhoz trâu qơư yiêz jos Mường Chiên shông 2007. Tâu têz qơưk thiêz hâu nov, tsôngv box nhoz ntơưv qơư tsov cưv muôz ar nhoz, ar uô xênhz yar, zơưv chuôz zis đros pox nhuôs tưz sir jos chos thiêz tsoz phưz yuôx zêx, cà phê, đros huôv tsar tu zus tsiêx cxu, keiz, ok, iz shôngk sâu tâu yênhx puôk tsov đeiv. Tiv zix zos tu zus nhux đas tâu ntâu ziv chuôz zis huôv tsar chox lol phênhv sâu ngaz tul. Zuôr xar 10 shông lol nhoz qơư yiêz, luz nênhx tsi khưr li thâuv ntêx lơưv thiêz. Zơưv Điêu Văn Chính puz pâuz:

          “ Tu zus nhux đas pir đros thiêz zus buô mak njuôs xav txu grês cêr pluôs tâu, viv nhiêx yưv tsi siêz, iz shôngk iz tul niêv nhux sha tâu 1 tul nhuôv nhux, muôs cux tâu yênhx châuv tsov”.

          Txar tuôx qơư nhoz yiêz, tâu têz qơưk yưv pênhr cxiv tsa cêr bê tông, tsêr vênhx huôv, têx xiv huv li yuôx zêx, cà phê chos tâu tưz yênhx hax huv, muôx nênhs uô luôv tuôx ciês ntơưv qơư chiê zuôr. Tsoz yuôx zêx tưz paz tâu pox nhuôs hlôngr yiêz luz nênhx, sir jos hla đhâu cêr yeiz pluôs. 2,3 shôngk tov ntêx, tâu sơưv tsênhv chei têx chuôz zis txar qơư nhoz yiêz, jos tâu jênhv niêv nhux đas uô nôngz, paz nhux tưz zus tâu yênhx châuv tul mê nhuôv thiêz sik hlôngr tu zus trâu têx chuôz zis txơưr. Txos nhiv no jos tưz muôx paz nhux yênhx puôk tul, tsi tâu heik txos keiz, ok, buô...Zơưv Lò Văn Quang- Tsar ban Mặt trận jos Mường Chiên, xã Phỏng Lái, huyện Thuận Châu, tỉnh Sơn La puz pâuz:

          “ Lol nhoz no mak tsêr nhoz cux jông đuô, pheiz liêx têz trâu yênhx ziv chuôz zis. Nhiv no kinh têr txâuk nox, cxôngx 16 ziv chuôz zis pluôs nhiv no chuôk yuôr 3 ziv lơưv xưz”.

          Huyện Thuận Châu tưz tos thiêz paz max 1.500 ziv chuôz zis nhoz 37 thax tsav qơư yiêz. Huyện tưz uô tiêr luôs hâux lưv cungz ar trâu têx ziv chuôz zis co. Cxuô zav li tênhv tênhz, cêr mul lol, tsêr cơưv ntơưr, qơư kho njuôk moz puôr lênhx tâu tsov cưv yưv pênhr lơưr cui tênhv. Txos nhiv no, phênhv ntâu cxuô ziv chuôz zis tưz muôx meir jov blêx, jov poz cưk, 90% chuôz zis muôx yêz meir, ti vi, tuv txiêk thiêz chuôz zênhx phưx vưv hâur luz nênhx xênhz huôx thiêz cxuô lênhx mê nhuôs hâur jos tâu mul cơưv ntơưr zôngx ziv đuô, viv lớp cơưv nhoz ciês hâur jos. Zơưv Nguyễn Văn Toản, phưv txơưx Ban coar lik qơư nhoz yiêz huyện Thuận Châu, tỉnh Sơn La puz pâuz:

          “ Uô ntêx tsênhv tos chinhr phưv thôngz đhâu dự anr ntu 2, lơưr tỉnh li chinhz yênhx chox kriê zos seiz car muôz siêz têx côngz tsinhx cxuô zav, tưz tâu yưv pênhr ntu 1, pir li cêr zaoz thôngz hâur qơư nhoz yiêz, tsêr vênhx huôv, lớp cơưv mê nhuôs zâu, tsov cưv kho đuô têx côngz tsinhx đêx xênhz huôx, đêx liv trâu pox nhuôs”.

          Đhâu têx hnuz shir phaz nox tsiêz tas, tsôngv box nhoz yiêz jos Mường Chiên, xã Phỏng Lái, huyện Thuận Châu tưz huôk njôngr têx hnuz ntux yar đris huôv tsar uô kôngz lôngk, tsoz phưz yuôx zêx đros siêz xar njôngr, hla trâu shông yiêz, tsôngv pox nhuôs sđ zuôr sâu tâu ntâu kôngz lôngk thiêz zuôr muôx luz  nênhx tsâu sor đuô./.

( Hồng Việt- Txâur Vax cxeik nhênhv)

Chiv chir phê bình thiêz phê bình đros uô lơưr Nghiv quyết trung ương 4

       Đhâu iz shông uô lơưr Đảng li Đại hội 12 cux zos iz shông cán bộ, đảng viên thiêz pêx xênhv pov tâu Đảng li sir jos hâur cxiv kho Đảng ziv hnuz ziv truôx jông. Tiv zix zos hâur ntu nhiv kruôr đhâu, Trung ương tưz pov, xưv lik têx kror uô zuôv hâur tso hâux lưv uô trâu cán bộ nhoz Hậu Giang cik txos txuz zơưv Trịnh Xuân Thanh; xưv lik truôx chor cán bộ, tas nro têx cán bộ thênhv siêz tsênhv uô hâux lưv lok sik tưz so lâul. PGS.TS Nguyễn Văn Giang, phưv Viện trưởng viện cxiv tsa Đảng, Học viên chính trị têz qơưk Hồ Chí Minh hêik tiêk:

       “No zos kror uô tsênhz hâur uô lơưr Nghị quyết Trung ương 4 thiêz cux zos kriz uô chor tsưr ziv lok cxiv tsa, kho đuô Đảng lơưr Đại hội 12. Thiêz khov trâu qênhx shênhx tsênhv tsênhz pêz pov jiês no cux muôx kror jông zos chox kriê tsêx trung, thôngx ziv txix trung ương tror hâur. Đros co zos nhiv kruôr đhâu Trung ương tưz xưv lik têx kror uô zuôv. Thiêz uô tâu jông, hâux lưv chiv chir phê bình thiêz phê bình jiês no zuôr muôx kror jông hâur côngz xưv cxiv tsa, kho đuô Đảng”.

       Ntơưv Hội nghị Trung ương 4, khóa 12 nhiv kruôr đhâu, Đảng tưz sêiz pov tsênhz mênhx đhâu ntâu shông uô lơưr Nghị quyết hêik lok cxiv kho đuô Đảng, đros têx chêx cur tưz tax tâu, qênhx shênhx txo grêk hâur Đảng tsik tâu tir thêir, têx thâuv tsênhv phiv liv đuô. Iz kror zos uô tsik truôx jông chiv chir phê bình thiêz phê bình. Ntâu qơư, kror hâux lưv no tsuôk zos uô cov muôx, viv li muôx tsơưs chêx cur. Cux muôx ntâu jiês liv zôngv chiê hêik tsik zôngv têx lênhx nênhs zuk tsik nhiêv, lok sik kruôk chor nov hâu lox chiê lơưr paz trâu zuk. Tsênhv tsênhz no cux puz pâuz tiêk chor shông đhâu, muôx ntâu txuz phiv liv taz sik pov tâu tsơưs đhâu chiv chir phê bình thiêz phê bình nhoz cấp ủy đảng tiv phaz. Zơưv Nguyễn Đức Hà, Ban tsưr tsix Trung ương hêik tiêk:

      “Hâux lưv chiv chir phê bình thiêz phê bình nhoz chor tập thể, tiz nênhs cux zos hêik txos kror jông ntâu, kror tsik jông mak hêik tsơưs, lok sik hêik txos têx kror tsik jông mak cux txar jav têx kror tsik jông hêik. Cux zos tsik muôx yưv liv zôngv chiv chir phê bình thiêz phê bình chiê kruôk, hêik cov sir jos”.

       Chiê jiês xênhz huôx chính trị, chiv chir phê bình thiêz phê bình jiês no tax tâu chêx cur siêz, ntâu cán bộ, đảng viên thiêz pêx xênhv hêik tiêk, tsuv tsêx trung uô lơưr kiểm điểm chiv chir phê bình thiêz phê bình nhoz chor qơư muôx yưv têx kror tsik jông, phiv liv. Thôngx cxix, uô truôx chiv chir phê bình thiêz phê bình đros chor cơ quan uô hâux lưv qênhz yuôx. Phưv giáo sư, tiến sĩ Ngô Hữu Thảo, Giảng viên thênhv siêz, Học viên chính trị têz qơưk Hồ Chí Minh hêik mênhx:

      “Tưz chiv chir phê bình thiêz phê bình mak tsuv tsov cưv txos chor nênhs uô hâux lưv siêz, lox tiv zix. Lênhx tov têz qơưk, lênhx tov Đảng tsuv uô uô ntêx chiê chor đảng viên uô trơưk”.

      Jiês chiv chir phê bình thiêz phê bình no tsênhv paz muôx cêr khov vav tso siêz trâu tas nro Đảng, pêx xênhv. Taz sik zos uô tsik jông, uô tsik truôx thiêz phê bình tsuôk zos uô cov muôx thiêz cux zuôr tsik muôx hlôngr yiêz tsênhv tsênhz./.

                            (TTT-Lik Thox cxêik nhênhv)