Thanh Hóa: Kriz uô nox ntơư qơư cách mạng thâuv hâur shông shông yiêz

Thax tsav chos jâuz tâuv nhoz xar Thiệu Toán đar xar muôx 10 ha đros muôx lok six ntâu zav jâuz, txir, kok…txơưv tiêk ntux tsênhv no taz sik pêx xênhv cux sir jos khưr uô nox thâuv piz hla trâu shông yiêz. Pos Lê Thị Hoa, jok Toán Thanh shir phaz hêik:

“Chuôz zis zênhx chos jâuz tâuv txix ntêr lok. Đros oz kror ar chos điz, iz shông iz kror ar têz sâu tâu 10 triệu đêiv, iz shông tâu 3 chiv. Sâu tâu siêz đuô pir li chos blêx”.

Xar Thiệu Toán, huyện Thiệu Hóa tâu pâuz txos zos thax tsav qơư cách mạng. Hnuz 13/8/1945-ntơưv no, Tỉnh ủy Thanh Hóa tưz kriz cơưv jiês cơưv đêz đar ntơưv jok Mao Xá, xar Thiệu Toán, jiês cơưv ntâuk gri tưz txos six hơưv thiêz cuêz tênhv yênhx lix Ủy ban khởi nghĩa tỉnh chiê txênhz chính quyền.

Uô trơưk zos qơư cách mạng, shir phaz đros têx hlôngr yiêz, pêx xênhv Thiệu Toán tsik so sir jos khưr uô nox. Kror no hax zav tâu nênhs nhoz Thiệu Toán sir jos uô hâur têx hnuz thâuv hâur shôngk shông yiêz no.

“Pêx xênhv luz nênhx hlôngr yiêz ntâu lơưv, njiê mak truôx tuk đuô thâuv ntêx ntâu hênhr”.

“Xar Thiệu Toán shông no uô tiêr cxiv tsa jêx jok yiêz mak cur thiêz sơưr đơưk lok six shir phaz hênhr”.

“Uô tiêr cxiv tsa jêx jok yiêz mak pox nhuôs hir phaz hêhr lơưv, uô cêr, tsêr vênhx huôv, tsêr cơưv ntơưr cxuô zav muôx cxuô nro, tênhv qơư hur jông, cxuô chuôz zis sik đros uô mak pov shir phaz thiêz sir jos khưr uô nox đuô”.

Zơưv Lê Doãn Mạnh, Phưv Bí thư Đảng ủy xar Thiệu Toán puz pâuz, uô trơưk zos qơư cách mạng, chor hnuz hâur shôngk shông yiêz no Đảng bộ chính quyền thiêz pêx xênhv tsik so sir jos sik côngv siêz, hla đhâu têx phiv liv thiêz tưz uô tiêr tâu ntâu kror jông.

“Phuôx huiz chax chês têz qơưk cách mạng, Đảng bộ, chính quyền thiêz pêx xênhv tưz uô jông chêi dân chủ, phuôx huiz pêx xênhv đas jos haur cxiv tsa jêx jok yiêz; tsov cưv txss huôv tsar kinh têr, chính trị truôx; txos six hơưv no cêr vax tsêr cxuô zav tâu cxiv uô jông, tror cxiv tsa jêx jok yiêz cov jông đuô”.

Hâur shôngk shông sir jos, kaz shông uô tâu ntâu kror”. Têx uô tâu co đros pêx xênhv Thiệu Toán tưz tsik zos cxuô zav uô tâu, mak tsênhv zos têx sir jos, sik côngv siêz hâur uô nox uô hâuk, cxiv tsa luz nênhx jông đuô ntơưv qơư nhoz./.

(VOV1-Lik Thox cxêik nhênhv)

TP. HCM: Têx hâux lưv uô jông txix caz moz corona huôv xênhz phiv liv

  Muk iz tas cik trâu cxiê qơư chiê zok nriêr zuôr têx ntâuz bos kror ndâux ntơưv têx qơư muôs yuôx nhoz quận Bình Thạnh  trâu chuôz zis, taz sik qơư muôs yuôx tưs cux đei ntơưr tiêk, tas têx ntâuz ntơư tsi muôx muôs, niêv lâuk Lê Thúy Hạnh, nhoz Quận 1 tsênhv xar tiêk, zuôr muk zuôr saz đrâuv, mak lênhx fôngx zưs hu xor tôngx cov muk trâu Thẩm Mỹ Viện SJ, nhoz txox cêr Hoàng Sa, phường Tân Định, Quận 1 chiê gra ntâuz bos kror ndâux tsi tas nhiêx txiêx.  Tsi siz txênhz, tsi uô đrông ntưk, niêv lâuk Thúy Hạnh thiêz cxuô lênhx sđ puôr lênhx sơưr jông uô iz hax, lơưr muôz pheiz txos lênhx tưs, tus ntơư txeik iz poz ntâuz bos kror ndâux muôx 5 đeiv, niêv lâuk Hạnh heik:

“Pov têx hâux lưv uô no lok six jông, tsênhv thâuv zuk mul txos kror tưs zok zuôr lok cux tsi muôx muôs, mak lol no ho tâu muôz puz li co  tsi tas nhiêx lok six jông cơưk”.

          Nhoz no, 5 cxênhz đeiv ntâuz bos kror ndâux zav 4 yôngx tưz tâu muôz pheiz puz trâu cxuô lênhx sđ. Uô ntêx ntơư 2, 3 hnuz, nhoz no cux tưz pheiz têx ntâuz bos kror ndâux tsi zuôr nhiêx taz sik hnuz co tsênhv muôx tsơưs lênhx pâuz, viv li iz lênhx tâu pheiz iz poz muôx 10 đeiv ntâuz; nhiv no viv chôngz nênhs tuôx, mak chor ntâuz bos kror ndâux tsơưs, chênhr viv li tsuv muôz kênh tsơưs mê njik. Hlôngr njêx muôs Thẩm Mỹ Viện SJ heik pâuz, têx ntâuz bos kror ndâux muôz pheiz puz trâu sđ puôr lênhx zos têx ntâuz bos kror ndâux jông, chor nênhs uô hâux lưv pheiz têx ntâuz co cux puôr lênhx hnar tsôngk tril yo por hưv, taz por vêv xênhz têk hur si thiêz chox lôngx têk uô ntêx thâuv zuôr krưr têx ntâuz bos kror ndâux ntơư uô têx poz:

“Pêz cux uô hâux lưv seiz njuôk shuôs, kho moz viv li txix thâuv ntêx cux zênhx muôx têx ntâuz bos kror ndâux no lơưv, mak pêz muôz pheiz trâu têx lênhx nênhs zuôr tsi tâu lok sik tsi muôx nhiêx zuôr ntâuz bos kror ndâux, lok sik trâu têx lênhx lơưr mul zok zuôr tsi tâu mak cux muôx ntâuz bos kror ndâux”.

Pos Dương Thị Thu (50 shông, nhoz quận 4) 2, 3 hnuz no cux zok nriêr zuôr ntâuz bos kror ndâux trâu chor nênhs hâur tsêr zôngv, taz sik tưz mul nus zuôr ntơưv 4-5 qơư muôs yuôx lok cux zuôr tsi tâu, pos Thu seiz pov lơưr đei ntơưr heik pâuz lok sâuv pheiz ntâuz bos kror ndâux tsi zuôr nhiêx trâu sđ ntơưv txox cêr Huỳnh Tấn Phát, quận 7, pos cux lok no, tâu niêv lâuk Trương Thị Thắm (33 shông), tsưr qơư muôs yuôx shir phaz muôz puz 2 đeiv ntâuz bos kror ndâux:

“Lok six shir phaz thâuv tsênhv muk zuôr ntâuz bos kror ndâux mak zuôr tsi tâu, nhiv no muôx 2 đeiv chiê zôngv lơưv. Têx nuv uô li no lok six jông, viv côngv thôngx, uô têx hâux lưv viv sđ thiêz sik pheiz kênh đros têx lênhx luôs zuôr tsi tâu têx ntâuz ntơư”.

Tưz krêz qơư muôs yuôx txix ntâu shông lok no, taz sik no zos jiês xuz thơưx niêv lâuk Thắm pov iz cxiê lênhx nênhs lơưr liv zôngv muôx caz moz chiê tsar ndê gri siêz li ntơư. Viv thâuv ntêx, gri muôs tsuôk 40 cxênhz đeiv iz poz mak nhiv no ndê txos 150 cxênhz, 200 cxênhz, muôx têx zos 300 cxênhz. Cxơưx trâu chor nênhs pluôs, tsav luôs zuôr tsi tâu têx ntâuz ntơư lok chox por hưv đas jos, thâuv muôx moz huôv xênhz phiv liv zôngx ziv siz cik tâu, niêv lâuk Thắm tưz quyết tinhv pheiz têx ntâuz bos kror ndâux tsi zuôr nhiêx trâu sđ, txơưv tiêk tsi tâu ntâu, viv tsi muôx ntâu têx ntâuz co. Sik thav đros chor nênhs sâu xor xưv Đeix nta suôz VN lok têx hâux lưv uô jông no, niêv lâuk Trương Thị Thắm, seiz co cux zos iz cêr shir phaz tâu uô viv sđ, viv XH:

“Thâuv zuk muôz têx ntâuz bos kror ndâux pheiz puz trâu sđ tsi zuôr nhiêx, tsi pâuz shor sđ pâuz kror tưs lol mak tuôx gra lok six chôngz, muôx ntâu lênhx nhoz đêz, lơưr cux tuôx gra hur si. Lơưr tuôx gra, lơưr uô tsâus zuk, zuk cux pov jông siêz thiêz shir phaz cơưk”./.

(VOV.TPHCM-Riê Lâux cxeik, nhênhv)