Jax sâu thưr 6 hnuz 13/5/2016

Cêr côngv siêz Việt-Lào nhoz ntus đriv Lao Khô

Hâur zơưv Tsaz Lao Lử-Lênhx lâul nênhs cách mạng, zos Tsaz Lao Khô iz lênhx tuz luz tsêr, cxuô zav chuôz zênhx, zơưv Lưv txir zôngv chiê tu zus cán bộ Việt Minh thiêz kuz chủ tịch Cay-xỏn Phôm-vi-hản thâuv ntêx cux tâu zơưv Lử tsês chiê xưk li têx huv tsiv grê. Co zos luz lâux câuz thiêz luz jêz jok poz cưk, têx co tưz paz tu zus tas nro chuôz zis thiêz cán bộ cách mạng Việt Nam, Lào hâur ntu đrav ntêx uô cách mạng, cxiv kho têz qơưs. Thâuv co zơưv Lử nhiv kruôr rmuôx 7-8 shông, taz sik cux pâuz  txos zuk txir li hâux lưv uô. Zơưv Lử tror ndo txos:

 “Thâuv co mak lok six txov nhêv, tsuôk zos har jôngr xưz. Trss châuz txix Lào thiêz Yên Châu tsik so tuôx ntơưv no sox sêiz taz sik cux tsik pov Việt Minh. Pêx xênhv jok Lao Khô tưz tu zus zơưv Cay-xỏn thiêz đoanx xung phong Bắc Lào. Zơưv Lao Khô zos lênhx nênhs tu zus, jêik zơưv Cay-xỏn Phôm-vi-hản ngaz tuk, tsik chiê trâus tros châuz cxov”.

Hnuz 14/6/1948, Bộ tổng chỉ huy, bộ chỉ huy liên khu 10 tso tơưv chỉ thị yênhx lix ban tuz lênhv Lào Bắc muôx 14 lênhx. Zơưv Cay-xỏn Phôm-vi-hản tâu chiê uô tsar ban, chiê tuôx nhoz ntơưv zơưv Tsaz Lao Khô tsêr thiêz tưz tâu zơưv chuôz zis paz, jênhv uô mê nhuôs puôs. Ban tuz lênhv cxiv tsa qơư thiêz yar kriê cán bộ ntơưv qơư tir ntâuk tros châuz. Ban tuz lênhv Lào Bắc tưz cxiv tsa qơư cách mạng đêz đar sâuv thax tsav tỉnh Sơn La, chiê muk trâu têz qơưk Lào. Hâur co ntơưv qơư nhoz jok Phiêng Sa (Jok Lao Khô nhiv no), xã Phiêng Khoài (xã Chiềng On đrav ntêx), huyện Yên Châu tưz zos yênhx qơư cách mạng Việt-Lào bax cxuô zav trâu Ban tuz lênhv Lào Bắc huôv tsar cách mạng sâuv têz qơưk Lào ntu 1948-1950. Thâuv co, txơưv tsênhv njiz ntâu cêr txov nhêv taz sik tsôngv box jok Phiêng Sa tưz sir jos paz cxur, paz cxuô zav nox, paz nhiex txiêx trâu Ban tuz lênhv Lào Bắc zuôr triêv fov chiê ntâuk tros châuz. Tiv zix, zơưv Lao Khô tưz chox cêr trâu Ban tuz lênhv Lào Bắc muk hâur jôngr huôx tôngv, yenhx hnuz gra cxuô zav nox, cxur…muk hâur kror tsuô Thẩm Mế chiê zus cán bộ. Txix ntơưv no, chôngz lênhx cán bộ têz qơưk Lào tưz tâu kruôz kriê thiêz tror lok têz qơưk chiê cxiv tsa cách mạng. zơưv Tsaz Lao Lử tror piêr:

“Thâuv co, zơưv Cay-xỏn chiê liên lạc tuôx ti gâuk tsêr thav pêv đros zơưv Lao Khô. Zơưv Lao Kho muôz 30 đêiv nhiêx đơưz trâu zơưv Cay-xỏn chiê zuôr fv lok ntâuk tros châuz, đhâu iz ntu zuôr tâu iz traz fov thiêz 30 luz muôk txưr. Zơưv Cay-xỏn tưz muôx ntơưr xa tuôx trâu zơưv Lao Khô tiêk cur zuôr tâu fov lơưv, uô tsâus chuôz zis thiêz zoưv Lao Khô tưz paz trâu cach mạng Lào”.

Cách mạng yênhx côngz, cêr côngv siêz Việt-Lào cux tsênhv tâu pox nhuôs oz saz ntus đriv tuôr chiê jông. Tsik tiêk zos nênhs Lào, nênhs Việt, chôngz lênhx hluôk tuz, hluôk nxêik jok Lao Khô (Việt Nam) thiêz jok buôs ntus đriv Phiêng Sa-huyện Xiềng Khọ (têz qơưk Lào) tưz zos yênhx niêv txir. Jok Lao khô muôx 110 ziv chuôz zis, 600 ntâu lênhx nênhs mak muôx chôngz gơưv niêv txir zos nênhs nhoz oz saz têz qoưk siz zuôr. Lơưr sik phêiz kênh chênhz zênhv uô xênhz yar, cxuôv yêiz thiv pluôs, sik paz thâuv njiz cêr phiv liv. Zơưv Tsaz Lao Lử txơưv hnuz nhôngs tưz lâul, taz sk cux phuôx huiz zos lênhx lâul jok muôx suôz bê, hêik têx tuz nhuôs tsik tsir têz tsir qơư tsik zos chêi, tsik yax kriê đạo tsik zos chêi, tsik chos zax zênhz, cxiv tsa jêx jok ziv hnuz ziv tsâu sor, tuôr truôx ngaz tuk nhoz ntus đriv. Jok Lao Khô nhiv no mak chor chuôz zis pluôs tâu txo grêk tsơưs ntâu, muôx tênhv tênhz tơưl pov cêr, muôx cêr ti gâuk qơư, chor tuz nhuôs txâuk hnuz nhôngs tâu cơưv ntơưr cxix cxuô, hâur co muôx chôngz lênhx tưz cơưv tá đại học tror lok phưx vưv zuk têz qơưk. Tix lâus Tsaz Lao Khai, tsưr jok Lao Khô 1 puz pâuz:

“Pêz zos zơưv Tsaz Lao Khô li chor tuz nhuôs, pêz zuôr sir jos tuôr chiê chax chês cách mạng. pêz zuôr tuôr chiê jông cêr sik côngv siêz nhoz oz tos, cxiv tsa têz qơưk Lao Khô ziv hnuz ziv jông đuô. Thiez sik đros tuôr truôx ngaz tuk ntus đriv”.

Nhoz ntus đriv Lao Khô, cêr côngv siêz Việt-Lào ziv hnuz ziv tâu uô truôx jông. Pox nhuôs nênhs Lào, nênhs Việt 2 saz ntus đriv tsênhv sik đros côngv siêz cxiv tsa luz nênhx tsâu sor, ntus đriv thôngx ziv./.

(Bích Thủy-Lik Thox cxêik nhênhv)

Phênhv thứ 6, hnuz 13/5/2016:

Phênhv tsênhv chei têz qơưs

Phênhv tsênhv chei têz qơưs hnuz no, zâuv iz tsôngv cưr tix nênhx tsa sđ sik đros mnôngs tsênhv njiêz lok chei têz qơưs VN cui tinhv lok cử tri li chas? Thiêz muôx pês tsơưs shông tâu sâu bê cử tri, tâu cui tinhv li chas? Têx lênhx nênhs tưs tsi tâu sâu bê uô cử tri tso ntơưr bâux xeir?

Nuk: Chei têz qơưs VN cui tinhv lok cử tri li chas?

Têz: Cử tri zos lênhx nênhs muôx vax huôv tâu bâux xeir. Lênhx nênhs zos nênhs VN, xav txos hnuz bâux xeir, txưv 18 shông tror sâuv thiêz muôx txâuk têx li chei têz qơưs cui tinhv lok bâux xeir puôr lênhx muôx vax huôv tâu bâux xeir.

Nuk: Muôx pês tsơưs shông thiêx tâu sâu bê  cử tri, tâu cui tinhv li chas?

Têz: Chor tâu sâu bê cử tri muôx li đrav kaz:

-Chor tâu vax huôv bâux xeir thiêz ứng cử tâu xav txix hnuz thiêz hli xênhz zus, tâu sâu hâur đeiv ntơưr krêz xênhz txos hnuz bâux xeir đại biểu côx hôiv khóa 14, đại biểu Hôiv đôngx cxuô cấp ntu 2016-2021 tưz cui tinhv ( hnuz 22/5/2016).  Lênhx tiz nênhs tsi muôx ntơưr krêz xênhz mak seiz lok sâuv têx hộ khẩu lok sik ntơưr chứng minh thư chiê xav shông, hnuz nhôngs xênhz zus, tâu vax huôv bâux xeir thiêz ứng cử.

Lênhx nênhs txưv shông tâu xav txix hnuz, hli thiêz shông zus zax lix hâur shông uô ntêx txos trâu hnuz thiêz hli, shông zus zax lix hâur shông tov kaz.

-Zos lênhx nênhs tưs tsi pâuz tsênhz hnuz nhôngs xênhz zus mak zuôr hnuz xiêz 1 hâur hli xênhz zus ntơư chiê xav tinhv hnuz xênhz zus, tâu vax huôv bâux xeir thiêz ứng cử. Zos lênhx tiz nênhs tưs tsi pâuz hnuz thiêz hli xênhz zus, tsuv zuôr hnuz xiêz 1/1 hâur shông zus ntơư chiê xav tinhv hnuz xênhz zus, vax huôv tâu bâux xeir thiêz ứng cử.

Nuk: Têx lênhx nênhs tưs tsi tâu sâu bê uô cử tri bâux xeir?

Têz: Têx lênhx nênhs li đrav kaz tsi tâu sâu bê uô cử tri bâux xeir:

-Lênhx nênhs trâus Toà án tik cêr cxâuv lơưr chei têz qơưs, cui tinhv tsi tâu bâux xeir.

-Lênhx nênhs trâus tik cêr cxâuv tuô por tsês tsênhv trâus cơư, nhoz tux.

-Lênhx nênhs tsênhv trâus tik cêr cxâuv nhoz tux, tsi tâu tso lok nhoz hâur tsêr.

-Lênhx nênhs tsi muôx vax huôv uô têx hâux lưv uz no./.

( Thanh Thủy-Riê Lâux cxeik, nhênhv)