Canhv pov njuôs xav trâus pôngz nhiêx txiêx tiv hu grus pênhr nhiêx đa cấp

Công ty cổ phần Hitas tsênhz mênhx zos uô hâux lưv muôv muôs hax huv đa cấp chiê huiz tôngv pênhr nhiêx. Têx hâux lưv co tâu Công ty CP Hitas nhoz tuêv 18, Phú Gia 2, khu đô thị Vinhome, thành phố Hạ Long uô cxôngx hôx thôngx đại lý thiêz hôx thôngx sik côngv muôv muôs hax huv đros têx ntơưr côngz jênhv đăng cir muôv muôs. Taz sik, tsi muôx hax huv tsênhz tiês hâur têx hôx thôngx no thiêz liv zix chênhr zos cxôngx hâux lưv sơưv phênhv nhiêx txiêx thâuv têx lênhx nênhs cxaz chuôz cxix luôk no:

         “ Hax huv muôs zos tul tsi zov? Cur tsi pov muôx hax huv tưs chiê muôs?

         Cur cux tsi muôx hax huv tưs, cxuô lênhx nênhs uô ntơưr muôv muôs chuôr xưz. Thâuv ntêx tsi zuôr ntơưr tso chei muôv muôs, taz sik nhiv no uô zov chênhr đuô tsuv muôx ntơưr tso chei muôv muôs. Nhiv no cox tsuv muôz 250 chiê zuôr ntơưr tso chei muôv muôs”.

          Chiê tâu zos lênhx nênhs hâur công ty CP HITAS, iz lênhx nênhs tsuv khiêz lol trâu công ty tsơưs tiv zix 9 tsov đeiv chiê zuôr iz mã ID ( xưk li mã bê). Hâur co 5 tsov zos zuôr mã số, 4 tsov chiê tuôr truôx tài khoản co. Thẻ ID no muôx txux zôngv hâur 2 shông. Đrâuv qênhx shênhx no, têx lênhx nênhs yưv pênhr mê cux zuôr tâu xeir gôngr côngv pênhr nhiêx lơưr yênhx poz li 300, 500 txos 800 cxênhz đeiv. Taz sik phênhv nhiêx txiêx tâu sơưv mak lok six kis tsuôk cxôngx 3 txos 5%. Luz hli tưs cux zuôr muôx 3 tsaz yênhx khuyến mại chiê zaz zâuv lênhx nênhs yiêz cxaz chuôz. Muôx iz lênhx nênhs yiêz tuôx cxaz chuôz mak lênhx nênhs heik kriê co zuôr muôx 1,4 tsov đeiv:

          “ Luz hli tov ntêx cur uô tâu 27 tsov đeiv. Chor lênhx nênhs lơưr kaz cur mak uô tâu 35 tsov đeiv. Cox fôngx zưs lol uô mak cox cux tâu nox phần trăm.

          Cox uô tâu hor ntêr lơưv? Cur uô tâu iz ciêz. Iz ciêz mak cox tâu hor ntâu nhiêx txiêx? Iz ciêz uô 4 hnuz tâu 27 tsov đeiv, iz luz hlik 90 tsov đeiv. Iz hnuz cux tâu 25 tsov lơưv. Tsi tâu pov muôx jiês tưs uô tâu nhiêx zôngx ziv li ntơưv”.

          Zos tsi zaz zâuv tâu lênhx nênhs cxaz chuôz mak têx lênhx nênhs hâur công ty chiv chir zuôr sim điện thoại chiê lol hệ thống, zuôr nhiêx txiêx khơưk muôz cxaz hâur yênhx hli zos 200 cxênhz iz lênhx. Kror tsuv tsov cưv zos số tênhv zos tsênhz tiês taz sik bê thiêz số chứng minh thư puôr lênhx zos chuôr chiê sâu cov muôx chôngz lênhx nênhs cxaz chuôz xưz. Ntơưv jiês thav lok Công ty CP Hitas li chính sách muôv muôs nhiv kruôr tâu tsưr tsix, muôx 50 ntâu lênhx nênhs cxaz chuôz phênhv ntâu zos têx lênhx nênhs muôv muôs zâu nhoz ntơưv têx ciêz, têx lênhx nênhs muôx hnuz nhôngs siêz tưz so lâus. Zơưv Nguyễn Trí Hiếu, chuyên gia kinh têr xav tênhv:

          “ Nênhs lâus, têx lênhx nênhs muôv muôs mê thiêz lênhx nênhs muôx phênhv sâu tsi ngaz tul khênhr trâus têx công ty muôv muôs no đas nziês. Lơưr zos têx lênhx nênhs xar uô tâu nhiêx txiêx sei, thiêz tsi muôx pênhr xưv teix lơưr thêv nhiêx txiêx zos trâus đas nziês”.

          Lơưr nênhs sâu xor xưv li nriêr pâuz, công ty HITAS nhoz 86C, Tây Hòa, phường Phước Long A, quận 9, TP Hồ Chí Minh zos zơưv Trịnh Đình Tuyết uô Tổng giám đốc hlôngr njêx muôs. Công ty no shông 2017 tâu krêz ntơưv ntâu tỉnh thành hâur tas nro têz qơưk. Pos Nguyễn Thị Hiền, Phưv giám đốc Sở công thương, tỉnh Quảng Ninh puz pâuz, đhâu seiz shuôk xor mông đros Cục coar lik tơưv txênhz- Bộ công thương, Công ty CP Hitas tsi muôx bê hâur têx taz viv tâu Cục coar lik cungz ntơưr tso chei đăng cir huôx tôngv muôv muôs đa cấp thiêz cux tsi muôx xor mông tưs lok công ty li huôx tôngv ntơưv Quảng Ninh:

          “ Sở công thương zuôr qênhz yuôx, xav tênhv têx xor mông lok công ty no li huôx tôngv sâuv thax tsav tỉnh, pov muôx têx huôx tôngv đas nziês mak zuôr xa trâu chiz coaz muôx txơưx jênhv sik côngv đros yưr lir lơưr cui tênhv. Sở zuôr yênhx lix têx xor tênhv chiê heik kriê, tos jênhv têx xor mông pênhr cov chiê por vêv tsôngv box li qênhx liv, chiê ciêr chênhr yưr lir têx taz viv liv zôngv muôv muôs hax huv đa cấp huiz tôngv pênhr nhiêx, sâu liv trâu zuk”.

          Yưv pênhr uô tâu nhiêx txiêx zos cxuô lênhx nênhs li zoz qơưx, taz sik yưv pênhr tsi zuôr uô tul tsi, tsi zuôr muôv muôs tul tsi mak bluô nux sei tsuôk zos huôx tôngv đas nziês chiê huôz nox lênhx nênhs txơưr li nhiêx txiêx xưz. Xar njôngr, tsôngv box tsi cxoz viv njênhs luôk têx hâuz zâuv, xar uô tâu nhiêx txiêx ntâu mak yưv pênhr tsi zos qơư, cê pôngz nhiêx txiêx, cê uô cxâuv cêr chei./.

( Vũ Miền- Txâur Vax cxeik nhênhv)

Lênhx nxeik shux xênhz pluôs cê sir jos cơưv ntơưr, cê txoz cxơưx, tu lênhx niêv trâus muôx moz

Thâuv Cẩm muôx 8 shông cux zos thâuv Cẩm lênhx niêv, pos Mai Thị Cam trâus moz tso jik kaz jiz. Lênhx niêv tuk moz iz hnuz hnhar jux juk. Thâuv Cẩm cơưv tas ntơưr lớp 9 mak niêv trâus moz trâuv. Iz ciêz, pos Cam tsuv muk 2 jâuk tsêr yuôx, muk đêz muôx 40 cêik trâu tsêr kho moz Đa khoa tỉnh Quảng Trị  liv trâuv. Chiê zôngx ziv mul lok, Cẩm 2 niêv tuz tsuv tso vax tsêr tsês chiê muk thor nhoz khov trâu tsôngv box nhoz jê ntus cêr lox tsêr. Niêx hnuz, Cẩm muk qêz suô, nzuôr tưx têik trâu iz qơư uô cuô đik nox chiê zuôr nhiêx lok cơưv ntơưr thiêz chox lênhx niêv muk tsêr kho moz liv trâuv hâur 3 shông đhâu lok. Cẩm zênhx pâuz jông tiêk, niêv tuk moz ntơư muôx têx huôv uô moz lox thiêz hnhar thâuv tưs lok pâuz tsi tâu. Cẩm cê xar nhoz hâur tsêr chiê tu lênhx niêv taz sik cux xar njôngr cov tâu muk cơưv Đại học. Tưz muôx kênh jiês Cẩm xar tso ntơưr tsês tsi cơưv. Taz sik, Mai Lê Hiền Cẩm cux sir jos tưr thik tâu muk cơưv đại học thiêz xeir cơưv uô cưk yuôx chiê muôx six hơưv txoz cxơưx, tu lênhx niêv:

“Cur niêv tưz sir jos chiê cê uô txir, cê uô niêv, paz trâu cur cov tsi nyơư luôs niêv luôs txir. Hâur six hơưv cur cơưv chiê tưr thik mul cơưv đại học, ntâu jiês cur tưz xar, zos zuk tưr thik tâu muk cơưv đại học cux zuôr muk cơưv tsi tâu viv li ntâu jâuk cur cux qiv thiêz tsi yuô xar muk cơưv. Tâu sđ paz heik ntâu tiêk, car tsix sir jos muk cơưv viv li cur zuôr tror muk cơưv đại học. Cur xar, nhiv no tsuôk muôx iz kro zos cur chox cur niêv đros muk chiê cê cơưv, cê txoz cxơưx thiêz tu cur niêv, tsi pâuz shor niêv zuôr đros zuk nhoz txos thâuv tưs viv li niêv cux xar nhoz jê đros cur đuô”.

  Lênhk txeil tâu ntơưr heik pâuz tưz tưr thik tâu muk cơưv đại học, Cẩm cê shir phaz cê cxơưx. Cẩm tsi tiêk cxơưx tsav tsi muôx nhiêx muk thêv tsêr cơưv, mak cxơưx đuô zos lênhx tưs zuôr hlôngr zuk tu lênhx niêv muôx moz njuôr. Đhâu ntâu hnuz xar muk xar lok, Cẩm quyết tinhv muk cơưv đại học thiêz chox niêv đros muk chiê zôngx ziv tu. Luz nênhx lok six txov nhêv, Cẩm sâu ntơưr, xa têx ntâuz ntơưr thor “Cuiv nhiêx học bổng chuôz cxaz đas jos paz têx shux xênhz muk tsêr cơưv, cơưv ntơưr” paz max. Đhâu hlo co, tsaz yênhx “Chuôz cxaz đas jos paz têx shux xênhz muk tsêr cơưv” tưz muôz iz poz học bổng muôx nhos 15 tsov đeiv puz trâu Cẩm. Chor nhiêx no zuôr paz Cẩm thêv tsêr cơưv, muôx nzir mê njik nhiêx txiêx sir zôngv hâur niêx hnuz trâu Cẩm 2 niêv tuz. Zơưv Lê Thế Chữ, Tổng biên tập ntơưr pov tsir hluôk nênhs, hlôngr njêx muôs Ban tsưr tsix tsaz yênhx “Chuôz cxaz đas jos  paz têx shux xênhz muk tsêr cơưv” heik pâuz, Cẩm zos iz hâur 5 lênhx shux xênhz lênhk txeik tâu têx nhiêx học bổng no:

“Hâur tsaz yênhx học bổng “Chuôz cxaz đas jos paz shux xênhz muk tsêr cơưv” muôx iz kro lar heik zos, lok six ntâu lênhx nhuôv nhiêk muôx nhiêk iz kro sir jos chiê hla đhâu têx cêr txov thiêz phiv liv chiê muôx têx tror muk đros luôs lưv tuk cơưv txux chi. Pêz xar xa txos trâu chor nhuôs têx cêr hluz, cêr shir phaz, tas nro côngv thôngx sđ li cêr chiê siêz tsênhv tok njôngr txos têx nhuôs, chiê chor nhuôv pov thiêz pâuz tâu tiêk, zuk tsênhv muôx nênhs paz hâur cêr cơưv txux”.

          Học bổng “Chuôz cxaz đas jos paz shux xênhz muk tsêr cơưv” tưz paz shux xênhz Mai Lê Hiền Cẩm tror tâu muk cơưv ntâuz cơưv ntơưr xưk li tsưr ziv, siêz xar. Cẩm ntiêr iz qar tsêr nhoz jê tsêr cơưv thiêz chox lênhx niêv muk đros nhoz chiê zôngx ziv tsoz phưz đas jos trâu niêv. Hla đhâu ntâu têx cêr txov thiêz phiv liv, lênhx nxeik shux xênhz heik co cê chiv chir txoz cxơưx trâu zuk luz nênhx zar tov kaz, cê sir jos moz siêz txoz cxơưx, tu lênhx niêv trâus muôx moz gênhs./.

(CTV Thanh Hiếu TTMT-Riê Lâux cxeik, nhênhv)