Điện Biên hlôngr yiêz tsưr ziv cơưv luk saz đrâuv têz

qơưk trâu shux xênhz tox siêz

“Đrâuv six hơưv pêz kriê trâu shux xênhz pêv lớp mak pêz yênhx lix chor câu lạc bộ luk Anh trâu shux xênhz nhoz tsêr cơưv. Xênhz huôx 2 jiês iz ciêz lok sik oz jiês iz hli. Pêz tsênhv muôx câu lạc bộ nhênhv ntơưr, câu lạc bộ nhênhv đaz nênhs, câu lạc bộ hu gâux txix luk Anh thiêz câu lạc bộ hêik luk Anh. Cơưv luk Anh mak kror zov chênhr xuz thơưx zos thav luk nhoz chor shux xênhz thiêz tưz sir jos tsov cưv txos kror no. Xuz thơưx cur hêik luk Anh, đhâu co hêik têx lo luk zôngx ziv hêik, cxêik lok uô luk tsoz tsiz. Uô li iz oz jiês mak chor shux xênhz tưz pâuz tâu zuk hêik đaz tsi lơưv”.

Co zos têx phêiz kênh lok tsưr ziv uô, tsưr ziv kriê hêik luk saz đrâuv têz qơưk yiêz mak chor cưk kriê ntơưr tôv kriê luk saz đrâuv têz qơưk tsêr cơưv phôv thôngz mênhx cxưx niêv txir zus mor cxênhx iz số 1 Mường Báng, xar Mường Báng, huyện Tủa Chùa, tỉnh Điện Biên tsênhv kriz uô chiê hlôngr yiêz tsưr ziv kriê ntơưr luk Anh trâu 100% shux xênhz mênhx cxưx hâur tsêr cơưv ntơưr.

Cưk kriê Nguyễn Thị Vân Anh, kriê ntơưr luk saz đrauv têz qơưk puz pâuz, shux xênhz hâur tsêr cơưv ntơưr mak phênhv ntâu zos mênhx cxưx Thái thiêz Hmôngz, chôngz lênhx tsênhv hêik tâu tas thiêz mênhx luk tsoz tsiz, tsik tâu hêik txos cơưv thiêz hêik môn luk Anh. Viv li chiê muôx tâu chêx cur li hnuz no, hâur ntâu shông đhâu yênhx lênhx cưk kriê ntơưr đrâuv chiv chir sir jos cơưv shâuv têx tsưr ziv kriê ntơưr txix têx fôngx zưs sơưr đơưk, tsuv nriêr pâuz lok têx tsưr ziv kriê yiêz cov huv đros, paz trâu chor shux xênhz zôngx ziv cơưv tâu thiêz pâuz sêi đuô.

“Txix thâuv pêz sir zôngv têx tsưr ziv kriê yiêz mak chor shux xênhz nhiêv thiêz gruôs cơưv đuô. Thiêz chor shux xênhz tưz pâuz têz, thav luk txix luk Anh, tuôx tsêr cơưv ntơưr mak chor shux xênhz cux lok six nhiêv hu têx jax gâux luk Anh, chor shux xênhz pov nhiêv têx jax cơưv no đuô. Đros pêz luz tsêr cơưv mak tsênhv yuôr qar cơưv trâu luk Anh. Zos muôx tâu qar cơưv no mak zuôr muôx chêx cur đuô, viv muôx tâu mak cxuô kror hâur lớp, têx đuôz lok zuôr zos têx đuôz lok luk Anh hur si mak zuôr muôx chêx cur đuô”.

Cưk kriê ntơưr Nguyễn Thị Thanh Nhàn, Hiệu trưởng tsêr cơưv phôv thôngz mênhx cxưx niêv txir zus mor cxênhx iz số 1 Mường Báng puz pâuz, đros chor cưk kriê ntơưr li têx sir jos hâur hlôngr yiêz tsưr ziv kriê ntơưr luk saz đrâuv têz qơưk, nhiv no mak phênhv ntâu chor shux xênhz hâur tsêr cơưv ntơưr cux tưz tsik cxơưx ntâu thâuv txos trâu six hơưv cơưv luk Anh. Hlôngr trâu co zos chor shux xênhz thiêz nhiêv đuô thâuv txos môn cơưv no, tiv zix zos thâuv tâu uô têx zav uô si cik txos môn no. Tsênhv tsênhz đuô zos chêx cur cơưv luk saz đrâuv têz qơưk shông nhiv kruôr đhâu hâur tsêr cơưv chor shux xênhz hêik tâu luk jông zos 97%.

Taz sik nhiv no, kror muôx tsik tâu txâuk cxuô zav xưk li qar chiê cơưv luk saz đrâuv têz qơưk, têx chuôz zênhx paz trâu mnôngs, njiê pov tâu cux zos iz kror phiv liv tsik tsơưs txox trâu hâux lưv kriê thiêz cơưv ntơưr luk saz đrâuv têz qơưk hâur tsêr cơưv; cux zos qênhx shênhx cxuô nhoz tas nro têx tsêr cơưv ntơưr thax tsav tox siêz tsênhv yuôr ntâu txov nhêv:

“Đros muôx chor cưk kriê ntơưr li sir jos, txơưx jênhv chiê paz muôx tâu têx tsưr ziv kriê yiêz luk saz đrâuv têz qơưk trâu chor shux xênhz hâur tsêr cơưv ntơưr mak cux muôx ntâu têx hlôngr yiêz lơưv. Chor nhuôs tưz tso siêz đuô thiêz pâuz hêik, mnôngs tâu thiêz sâu tâu jông lơưv. Taz sik thâuv kriz uô đề án luk saz đrâuv têz qơưk no đros thiêz tsêr cơưv ntơưr mak tsênhv yuôr ntâu phiv liv. Viv li vav tiêk zuôr tâu Đảng, têz qơưk, cxuô cấp, cxuô nganhx tsov cưv txos yưv pênhr uô vax tsêr cxuô zav chiê paz phưx vưv jông trâu shux xênhz li hâux lưv cơưv luk saz đrâuv têz qơưk”./.

(Vũ Lợi-Lik Thox cxêik nhênhv)