Yên Bái: Bax tsưr ziv phax tar kâus tưx zav nox txix ciês têx hnuz hâur shôngk shông

          Zuôr chênhz zênhv txix txuz kâus tưx zav nox, uô 13 lênhx nênhs tsuv chox muk chơưv trâu tsêr kho moz, đhâu hâur pluôk nox liên hoan hâur shôngk shông 2016, txix hlo têx hnuz hâur shông yiêz keiz shông, xã Trạm Tấu, huyện Trạm Tấu tưz cxơưz tiês cxuô faz tsưr ziv fuô kriê trâu tsôngv box sđ gra siêz txux chi, tsưr ziv jênhv pâuz lok zav nox ngaz tuk, chênhr phax têx zav nox zôngx ziv trâus kâus tưx. Zơưv Páo Xênhv Muôk, Phưv Chủ tịch UBND xã Trạm tấu, huyện Trạm tấu heik pâuz:

          “Txix hâur shông, xã tưz kriê tsôngv box hâur nox hâuk zos nox siêr, hâuk bâu chiê taz por truôx tuk. Tiv 2 sir zôngv zav nox, tsôngv box tsi zôngv têx zav tsuôs yuôx tuô, lov caz hmoz, txo zôngv txos têx yuôx por vêv đrox tsuôs. Lok sâuv iz cxiê zav nox nhôngk li: Grêix, tsôngv box sđ tsês chiê ntêr hnuz hâur tsêr cux heik sơưr đơưk zos tsư nxiêz, tsư pok mak tsi cxoz zôngv, cxoz nox”.

          Shông 2016, huyện Văn Yên tâu seiz zos thax tsav qơư phiv liv lok kâus tưx zav nox hâur tỉnh Yên Bái, muôx 5 txuz kâus tưx, zuôr xar 100 lênhx trâus kâus, 3 lênhx trâus tuôs. Txix têx phiv liv, zôngx ziv muôx ntâu txuz trâus kâus tưx zav nox, tsôngv box tưz gra siêz txux chi tsưr ziv jênhv pâuz hâur phax tir thêir kâus tưx zav nox trơưk li zuk tsưr ziv pâuz tâu. Pos Nguyễn Thị Lý, nhoz xã Mậu Đông, huyện Văn Yên heik pâuz:

          “ Cur chuôz zis cux nyei trâus kâus tưx lok sik trâus moz plaz, cur chos thiêz cur uô cur têx jâuz trâu zuk chuôz zis nox xưz. Lok sâuv têx grêix mak lav zuôr iz kro mê njik, xeir zuôr ntơưv têx tuk zuk sưv thiêz pâuz tsênhz zos lơưr tuô, thâuv xeir têx grêix mak xeir zuôr iz kro mê njik têx grêix nyir, hok trox mak tưz tsi yuô zuôr”.

          Shông 2016, tỉnh Yên Bái tưz muôx 16 txuz kâus tưx zav nox, zuôr xar 500 lênhx nênhs tsuv tâu chox muk chơưv kho zênhx max trâu tsêr kho moz, hâur ntơư muôx 6 lênhx tưz trâus tuôs.

Nhiv no tsênhv zos six hơưv hâur shông yiêz 2017, hâur thax tsav tỉnh Yên Bái tsưr tsix nhos 22 ntênhs hội, hâur co muôx ntâu ntênhs hội lox, hu zâuv ntâu tuk chôngz lênhx tsôngv box thiêz tsôngv kruô sơưr đơưk đros cxaz chuôz li: Ntênhs hội tsêr mnov Đông Cuông (Văn Yên), tsêr mnov Đại Cại (Lục Yên), Lồng Tồng (Trấn Yên)….. Chiê taz por vêv xênhz ngaz tuk zav nox, tỉnh Yên Bái chox kriê cxuô thax tsav tror cxơưz tiês uô têx tsưr ziv phax tir tthêir, xưv bluô ntov jông têx qơư uô cxâuv lok vêv xênhz ngaz tuk zav nox. Zơưv Nguyễn Văn Tuyến, Giám đốc Sở y tế tỉnh Yên Bái heik:

          “Tiv iz zos pêz cxơưz tiês uô jông luôs hâux lưv yax kriê trâu cxuô cấp hâu nov ntơưv qơư; trâu têx lênhx nênhs uô lax luôv, zuôr muôs têx xiv huv chiê lơưr pâuz tsênhz lok têx tsi jông, zuôr uô hiêv txos sơưr đơưk đas jos….. Tiv 2 yax kriê trâu tsôngv box pâuz tsưr ziv xeir tsov têx zav nox hur, pâuz phax tar, txar jav kâus tưx zav nox. Iz luôs hâux lưv thiêz zos sir jos xưv bluô têx lênhx tiz nênhs uô cxâuv, thiêz heik tsênhz mênhx chor nênhs uô cxâuv ntơư trâu tsôngv px sơưr đơưk pâuz txos”.

          Đros trâu ngênhx muôx vax huôv têx tsưr ziv sir jos bax uô jông thiêz tsôngv box sơưr đơưk têx tsưr ziv jênhv pâuz lok sâuv phax tar kâus tưx zav nox, shông 2017, tỉnh Yên Bái zuôr sir jos txo grêk tsơưs yax têx txuz kâus tsơưr tưx zav nox hâur thax tsav cov tâu jông./.

(Tuấn Xuân-Riê Lâux cxeik, nhênhv)

PHÊNHV HEIK KRIÊ YÊNHX TƯV

Têx tsưr ziv phax tar ntux no njiv trâu zuz blêk, blêx chiv tsâux yiêz 2016-2017

          1. Tsik tsêz zuz blêk hâur têx hnuz jêx tưv kis đuô 15 tưv.

          2. Đros thiêz têx liêx nhiv kruôr tsêz zuz blêk, pox nhuôs tsuv uô li đrav kaz:

          - Uô trur zôngv hnaz tax vor trâu zuz blêk.

          - Thâuv tưs cux muôx txâuk đêx uô ar nông cxôngx tsưr ziv tso đêx ntơưv cưx đês liêx, tsi uô zuz trâus kruôr.

          - Mfông môngr yâur trâu sâuv liêx chiê uô ar nông trâu zuz blêk.

          3. Đros thiêz zuz blêk tưz tuôx njuôz jông pox nhuôs tsuv tso đêx ngaz 1/3 txos ½ tsoz zuz blêk, thôngx cxix cux tsuv zôngv hnaz tax their vor cov jông.

          4. Thâuv jêx tưv siêz đuô 15 tưv pox nhuôs tsuv:

          - Tsêz đros thiêz nôngz blêx tưz tâu tsâu tuôx câus. Thâuv tsêz tsuv their hnaz tax đơưz chiê uô ar nông, zuz tuôx sei.

          - Thâuv zuz tuôx tâu 1 blôngx, yax six uô cov ar nông; krêz hnaz tax 2 tos jês liêx.

          - Tsuôk lok sik zưs iz cxiê chế phẩm sinh học li KH, PenacP... chiê zuz muôx jos đuô.

          - Tsi zuôv qir đạm, NPK trâu zuz blêk.

          - Uô ntêx thâuv chos blêx 2-3 hnuz tsuv krêz hnaz tax chiêx zuz blêk shưv đros tênhx qơư.

          - Chos zuz blêk tưz tuôx chas thiêz txâuk hnuz nhôngs.

          5. Hâur têx hnuz muôx đâuk tê pox nhuôs tsuv zưs đêx trâu sâuv têx blôngx blêx chiê zưs têx đâus tê mul tsi uô tuôs zuz blêk thâuv nyar ntux cuz.

          6. Tsuv muôx nôngz blêx dưv phax muôx six hơưv hloz lox lur hnuz chiê tsêz chos cxaz trâu têx thax tsav zuz blêx trâus tuôs, tiv no njiv./.

( Thu Thùy- Txâur Vax cxeik nhênhv)