Yên Bái: Sik côngv chox kriê cêr, taz por zoz thôngz thâuv tsênhv khưx phưx phiv liv sâuv txox cêr muk chênhr Nội Bài-Lào Cai

Sâuv txox cêr muk chênhr Nội Bài-Lào Cai, iz hnuz hmo mak muôx nhos 5.000 luz yêz muk lok đhâu. Tiv ntu đhâu thax tsav xar Quy Mông, huyện Trấn Yên, tỉnh Yên Bái trâus txưr tsik khênhr muk lok đhâu chiê chor taz viv sêiz car, kho đuô kror phiv liv tiv yêz thâux trox cuz hnhiêz uô muôx yưv, viv li nhiv no, tas nro chor yêz thâux xa kruô thiêz têx yêz zâu muk trâu Lào Cai tâu chox kriê muk trơưk txox cêr chêik IC12 muk trâu thành phố Yên Bái, lơưr txos cêr 163 ndê muk thị trấn Mậu A, huyện Văn Yên thiêz tror ndê muk trâu txos cêr muk chênhr ntơưv ntu cêr chêik yuôv txos cêr muk chênhr IC14. Chor yêz txix Lào Cai lok Hà Nội mak cux muk li co. Đros chor yêz lox đhâu li yêz thâux trox, công ten nơ…txix Hà Nội tuôx muk mak tâu kriê muk trâu txox cêr chêik IC12, trơưk txox cêr 2D chiê muk trâu txox cêr 70 ndê muk Lào Cai thiêz txix Lào Cai lok Hà Nội cux muk trơưk ntu cêr li co.

Tiv chor yêz muk lok chôngz, hok cêr muk lok mak cux tưz đaz tuôs tas, viv li lưx lươngv txơưx jênhv tỉnh Yên Bái, tsênhz mênhx mak zos lưx lươngv Cảnh sát zoz thôngz-Công an tỉnh Yên Bái tưz sêiz jor hnuz hmo ntơưv têx ntu cêr siz yuôv chiê kriê chor yêz muk lok, tsik khênhr chor yêz lox đhâu muk trâu têx cêr zâu, grêiv thiêz cêr txưr. Ntơưv têx qơưk tsik so njiz muk lok tsik tâu mak tâu chiê nênhs nhoz đrêiv chox kriê, taz por trâu zoz thôngz muk lok tâu. Đại tá Nguyễn Văn Chí, Trưởng phongx Cảnh sát Zoz thôngz, Công an tỉnh Yên Bái puz pâuz:

“Têx qơư zuôr njiz trâus muk lok tsik tâu mak pêz tso lưx lươngv cảnh sát zoz thôngz tỉnh, huyện, cux li thành phố nhoz ntơưr sêiz jor, tsik so qênhz yuôx chiê cêir chêx yêz muk lok tsik tâu, kriê trâu têx yêz muk lok trơưk saz cêr chiê taz por cêr muk lok thôngz”.

Đros lưx lươngv cảnh sát zoz thôngz, Thanh tra zoz thôngz tỉnh Yên Bái cux tsik so qênhz yuôx zoz thôngz; kriz uô lux yêz zos pov chor yêz thâux ntâu chiê taz por trâu têx cêr; rêik nzir fiêx hêik pâuz ntơưv têx qơư cêr muk lok grêiv, qox tsik khor, tsik so muk lok tsik tâu, lok sik muôx yưv txiêz nanv…chiê chor nênhs tsar yêz pâuz tâu xor mông lok têx phiv liv sâuv txox cêr zuk muk. Zơưv Đỗ Văn Nam, phưv Chánh Than tra zoz thôngz tỉnh Yên Bái puz pâuz:

“Đhâu ciês muôx yưv phiv liv ntơưv tuk qox Ngòi Thủ, Thanh tra zoz thôngz tỉnh Yên Bái tưz sik côngv đros taz viv sêiz car cêr zos VEC tsưr tsix chox kriê cêr muk lok thiêz taz por zoz thôngz. Têx cêr muôx qox tsik khor, muk lok tsik tâu chôngz yêz mak pêz tưz rêik fiêx hêik pâuz. Tso nênhs chox kriê, hêik chor nênhs tsar yêz muk huv zuk saz cêr tsik siz txênhz cêr muk cov cêr muk lok tâu thôngz”.

Khov muôx chor lưx lươngv txơưx jênhv tỉnh Yên Bái li sik côngv truôx jông đros chor taz viv cik txos hâur chox kriê cêr muk lok, viv li têx hnuz đhâu, sâuv thax tsav tsik pov muôx yưv kror qơư tưs cêr muk lok tsik tâu, lok sik muôx yưv txuz txiêz nanv zoz thôngz zov chênhr tưs.

Lok tsưr ziv khưx phưx qox Ngòi Thủ, uô ntêx mak Tổng công ty yưv pênhr huôv tsar cêr muk chênhr Việt Nam tưz kriz uô kho đuô, uô qox lav muk đhâu Ngòi Thủ, nhoz thax tsav xar Quy Mông, huyện Trấn Yên, tỉnh Yên Bái. Đhâu co zuôr kriz uô iz tuk qox yiêz nhoz iz saz. Njuôk xav, hâux lưv uô qox lav muk đhâu zuôr tas muôx 7 txos 10 hnuz. Viv li, têx yêz muk txix Hà Nội trâu Lào Cai thiêz txix Lào Cai lok Hà Nội zuôr tror tâu chox kriê muk lok xưk li tưz hêik tas sâur./.

(Thừa Xuân-Lik Thox cxêik nhênhv)

Mê nhuôs vax huôv thiêz têx tsuv pâuz lok mê nhuôs li vax huôv

          - Mê nhuôs vax huôv zos tas nro têx mê nhuôs zuôr trâus txos chiê tâu nhoz uô nênhx thiêz hloz lox jông, taz por. Mê nhuôs li vax huôv chiê taz por trâu mê nhuôs tsi taz zos lênhx nênhs tâu jênhv nênhs hloz tiêr nênhx li siêz jông, mak têx mê nhuôs zos têx lênhx nênhs cxaz chuôz lol hâur hâux lưv huôv tsar.

          - Công ước lok mê nhuôs li vax huôv zos Chei ntiêx têz chiê por vêv mê nhuôs, muôx 54 grê

          + Công ước heik tơưv tas nro lênhx nênhs li têx vax huôv mak mê nhuôs sâuv tas nro ntiêx têz puôr lênhx tâu sơưv thiêz tâu Liên hiệp quốc thôngz đhâu shông 1989.

          + Công ước xav tênhv mê nhuôs zos lênhx nênhs tsi tâu nto 18 shông, nhoz iz cxiê têz qơưk mak muôx cui tênhv mê nhuôs nhoz hov hnuz nhôngs txơưr. Chei Việt Nam cui tênhv mê nhuôs zos nênhs tsi tâu nto 16 shông.

          - Mê nhuôs li têx vax huôv:

          + Vax huôv zos chiê tâu nhoz uô nênhx: muôx mê nhuôs li vax huôv tâu nhoz uô nênhx fênhx yax thiêz tâu tuôv zênhv têx zoz qơưx zuôr trâus chiê nhoz uô nênhx thiêz hloz lox jông. Co zos muôx qơư nox nhoz, tâu tsoz phưz đas jos. Mê nhuôs tsuv tâu krêz xênhz ciês thâuv nhiv kruôr xênhz zus lol.

          + Vax huôv tâu huôv tsar: Mê nhuôs tâu vax huôv hloz lox, tâu cơưv ntơưr, uô si, cxaz chuôz têx huôx tôngv vênhx huôv, sâu jênhv têx xor mông, tâu txưv zơưx xar tơưv, txưv zơưx tín ngưỡng, tông giáo. Mê nhuôs tsuv tâu têx lênhx uô niêv uô txir hluz, moz siêz txos chiê hloz lox jông.

          + Vax huôv tâu por vêv: muôx têx cui tênhv xưk li mê nhuôs tsuv tâu por vêv tsi chiê trâus zuôv uô lox tôngv hnhar, zuôv uô đaz uô tuôs, liv zôngv zax zênhz, trâus ntês chox mul muôs....Mê nhuôs tsênhv tâu por vêv hur si cxuô zav tsik chiê têx tsik jông uô ruôr hiêv txos mê nhuôv li luz nênhx nox nhoz muk lok hâur niêx hnuz.

          Vax huôv tâu por vêv tsi trâus ntâus tsiv, liv zôngv mê nhuôs uô cxâuv cêr chei lok sik trâus cơư.

          + Vax huôv tâu cxaz chuôz: Mê nhuôs muôx vax huôv heik tơưv siêz xar thiêz ziv chênhv lok têx vênhv thix muôx lênhx coaz txos zuk luz nênhx. Mê nhuôs muôx vax huôv tâu tuôv cêr fôngx zưs, tâu sik njiz sik thav, khiêz phêv hôx fênhx, muôz theox chênhv tâu pâuz txos têx xor mông thiêz xeir tsov xor mông huv đros.

          Pâuz tâu têx njiêz luv mê nhuôs li vax huôv zuôr paz tsôngv fôngx zưs tsoz phưz jông đuô trâu cxênhx nênhs tov kaz no thiêz paz mê nhuôs tâu sơưv cxix cxuô mê nhuôs li têx qênhx liv.

          Tsôngv cưr ...yuô! Phênhv “ Nriêr pâuz lok cêr chei pháp luật” ciêz no, zos Sở lox tôngv xã hội tỉnh Lai Châu sik côngv đros uô./.

( Thanh Thủy- Txâur Vax cxeik nhênhv)