Điện Biên: Tsôngv box muôz siêz jênhv pâuz hâur phax tar ntux no trâu tsiêx cxux uô ntêx jiês ntux no njiv

          Lơưr Phóng viên Đeix nta suôz Việt Nam li sâu jênhv thâuv sơưr nzor nhoz têx xã ntus đriv Mường Thanh huyện Điện Biên li: Thanh Hưng, Thanh Chăn, Thanh Luông…jêx tưv grês kis cxôngx 5 txos 7 tưv. Ntux no njiv thiêz pok huôz. Cêr mul têx jêx jos puôr lênhx tsi muôx yêz mul lol, nênhs lox tôngv cux puôr lênhx gâuv hâur tsêr tsi mul uô hâux lưv. Viv tâu njuôs pov nzor lok jiês chuô txiêk uô zênhr shar, viv li tsôngv box sâu thax tsav tưz muôx têx tsưr ziv jông chiê chuv tôngv phax tar no trâu tsiêx cxu, keiz ok, txu grês kis tiv zix têx trâus ruôr hiêv tiv ntux no njiv.

          Tix lâuk Lò Văn Luấn nhoz jos Phai Đin, xã Thanh Chăn, huyện Điện Biên, tỉnh Điện Biên puz pâuz, chuôz zis zus 4 tul nhux tưv. No zos chuôz zis li têx tsiv grê tiv zix, viv li hâur têx hnuz ntux no njiv, chuôz zis tix lâuk chuv tôngv cơư nhux hâur guôx. Chiê tsiêx cxu tsi trâus no, tix lâuk zôngv trik yo, pav kuz uô yo hnar trâu ntux, trâur tơưk ntê trâu nhux. Thôngx cxix kho đuô guôx cơư, their guôx, niêx hnuz puz nhux nox jâuz krâur cxix cxuô:

          “ 2,3 tov ntêx tsi no mak cux tso nhux pêv har jôngr. Nhiv no ntux no mak cơư nhux hâur guôx, their guôx, trâur tơưk ntê trâu nhux, muôz pav kuz hnar trâu nhux sor si. Cxênhx tsês jâuz trâu nhux no tsi mul sẻiz thiêz”.

          Tsi taz tix lâuk Luấn, ntâu ziv chuôz zis txơưr hâur jos cux tưz muôz siêz jênhv pâuz hâux lưv phax tar ntux no trâu tsiêx cxu cxôngx ntâu hnuz uô ntêx thâuv chuô txiêk lol txos. Niêv lâuk Lò Thị Kim li chuôz zis, nhoz Phai Đin, xã Thanh Chăn zus 5 tul tưv. Viv chuôz zis nhoz jê har jôngr, têx hnuz yar ntux, kruôr krơưr mak tso nhux mul pêv har jôngr, tsi tsuv hleik jâuz trâu nhux nox. Taz sik jiês no njiv no, niêv lâuk thâuv tưs cux cơư nhux hâur guôx. Niêv lâuk Lò Thị Kim heik:

          “ No mak cơư nhux hâur guôx, yar ntux mak tso nhux mul nox jâuz. Chuôz zis cux cxênhx tsês tâu jâuz trâu nhux nox 2,3 hnuz. Đo cuô njêr trâu nhux hâuk cov sor si”.

          Lơưr zơưv Phạm Minh Tiệp, Phưv chủ tịch UB xã Thanh Chăn, huyện Điện Biên, tỉnh Điện Biên, nhiv no xã muôx zuôr xar 1000 tul tsiêx cxu, nhux tưv nhux đas. Cxôngx qênhx shênhx qiv hơưv txơưr txar, chinhr quyênx xã tưz chox kriê têx jêx jos yax mông txos tsôngv box tsi tso tsiêx cxu thâuv ntux no njiv. Heik kriê tsôngv box têx tsưr ziv their guôx, vêv xênhz guôx, cxênhx tsês jâuz nox thiêz cxax yuôx phax moz cxix cxuô trâu tsiêx cxu:

          “ Hâur jiês no njiv no, pêz tsi so yax mông thiêz vênhv tôngv tsôngv box tsuv taz por đas jos thâuv uô xênhz yar. Têx hnuz jêx tưv grês kis mak tsi mul uô liêx têz. Đros tsiêx cxu mak tsi tso kuk thiêz tsuv muôx tsưr ziv tuôr cov sor si trâu tsiêx cxu hâur chuôz zis”.

          Nhiv no, tỉnh Điện Biên li tas nro paz tsiêx cxu muôx 580 cxênhz tul. Chiê côngz xưv phax tar ntux no trâu tsiêx cxu taz por chêx cuk, nganhx kôngz nuv tỉnh chuv tôngv heik têx đoanx côngz xưv mul chox kriê, qênhz yuôx, heik kriê uô jông côngz xưv phax tar yeiz thiêz no nhoz têx tiv phaz. Thôngx cxix choz jênhv vưv trâu chinhr quyênx xã thiêz lênhx nênhs sơưr thơưx hâur jêx jos seiz car thax tsav, chuv tôngv têx tsưr ziv paz txưv trâu tsôngv box thâuv muôx ntux no njiv ntêr./.

( Vũ Lợi- Txâur Vax cxeik nhênhv)

Nghị quyết Trung ương 4:

Xưv bluô tik cêr cxâuv trâu chor nênhs nox nhiêx têz qơưs, thiêx uô trâu px njênhs njôngr

Hâur ntu no,cxuô lênhx sđ tưz moz siêz mnôngs thiêz sox sêiz toax án tu oz txuz plâuz. Ntơư zos txuz plâuz tu zơưv Đinh La Thăng thiêz 21 lênhx txơưr đuô cik txos, viv cxoz txưv uô zuôv têz qơưs têx chêi quy tênhv, uô tuôr xuôv tas ntâu txos Tập đoanx trox pa VN thiêz Tổng công ty cxiv uô trox pa VN têx nhiêx txiêx. Đros ntơư, têz qơưs cux tu zơưv Phạm Công  Danh, kuz chủ tịch hội đôngx quản trị cxiv uô vax tsêr; Trần Bê, kuz phó chủ tịch Thường trực hội đôngx quản trị tsêr nhiêx Sa com bank thiêz 44 lênhx đros uô cxâuv chêi “Cxoz txưv uô tsik trơưk têz qơưs têx chêi quy tênhv, uô tuôr xuôv tas têz qơưs têx nhiêx txiêx”. Đhâu tu têx txuz plâuz thiêz tik cêr cxâuv trâu chor nênhs uô tuôr xuôv tas ntâu txos têx qơư têx nhiêx txiêx zos đrêiv chêi tso tơưv, tưz uô trau tsôngv px cxuô lênhx sđ njênhs njôngr trâu Đảng, Viv Bộ chính trị, Ban sêiz car trung ương uô truôx luôs hâux lưv tir thêir têx nênhs fêv nox têz qơưs têx nhiêx txiêx, zos Tổng Bí thư Nguyễn Phú Trọng  sơưr thơưx chox car uô hâur ntu nhiv no. Đại tá Nguyễn Ngọc Hưng, kuz cán bộ tổng cục an ninh, Bộ công an xav tiêk:

 “Txơưv lênhx tưs cux muôx têx uô zuôv cêr; hâur ntu đrav ntêx Đảng qênhz yuôx, uô tsik tâu truôx pês tsơưs, taz sik jiês no, Đảng têz qơưs uô tsênhz mênhx, txơưv tus hâu nov thênhv siêz tưs uô cxâuv chêi têz qơưs, uô tuôr xuôv têz qơưs têx nhiêx txiêx, tưz tâu Đảng qênhz yuôx, yơưz phơưz tsênhz mênhx thiêz tik cêr cxâuv zos đrêiv Đảng tez qơưs têx chêi tưz tso tơưv”.

Tir thêir têx nênhs fêv nox nhiêx têz qơưs, uô tuôr xuôv tas ntâu têz qơưs têx nhiêx txiêx hâur ntu đhâu, tưz tâu tas đros saz chính trị uô truôx ntov. Đhâu ntơư, tưz qênhz yuôx, yơưz phơưz tơưv ntâu txuz hâu nov thênhv siêz uô tuôr xuôv tass ntâu têz qơưs têx nhiêx txiêx tưz tâu chox lok tik cêr cxâuv, ntâu cấp bộ ngênhx trâus tik cêr cxâuv thiêz yax mông txos trâu tsôngv px sđ đros pov đros pâuz. Ntơư cux chênhr zos  tas nros Đảng têz qơưs li luôs hâux lưv uô tir thêir têx nênhs fêv nox nhiêx têz qơưs, chiê cxiv tsa iz luz têz qơưs truôx jông-vav mênhx, hlôngr yiêz. Phó giáo sư, Tiến sĩ Bùi Đình Phong, học viện chính trị têz qơưs HCM xav tiêk:

 “Đảng viên uô cxauv chêi tsuv tik cêr cxâuv cov zos đrêiv li Đảng têx chêi tso tơưv; ntơư cux chênhr zos iz luôs hâux lưv jông uô muôx liv trâu têz qơưs. Tus Đảng viên tưs uô cxâuv chêi ntâu tsuv tik cêr cxâuv hnhar, tus Đảng viên tưs uô cxâuv Đảng têx chêi tsơưs, tsuv trâus tik cêr cxâuv kik trâu, uô li ntơư thiêx tâu tsôngv px njênhr njôngr”.

Hâur ntu nhiv kruôr đhâu ciês no, tưz muôx iz jax sâu hêik lok  shông yiêz 2018, kuz chủ tịch têz qơưs Trương Tấn Sang cux xav tiêk: Zos tiêk tir thêir tsik tâu têx nênhs fêv uô tuôr xuôv tas ntâu têz qơưs têx nhiêx txiêx, Đảng thiêz pêz têz qơưs no zos li chas, zuôr nuk trâu kror tưs? Chênhr zos li hêik ntơư, chor hâu nov  lox, hâu nov thênhv siêz pêz têz qơưs tsuv uô truôx luôs hâux lưv tir thêir têx nênhs fêv tsik chiê uô tuôr xuôv têz qơưs têx nhiêx txiêx. Giao sư Hoàng Chí Bảo, kuz uỷ viên hội đôngx lý luạn Trung ương cux xav li no:

 “Zos Đảng pôngz trâu têx kror tsik jông hêik sâu, cux chênhr zos iz kro uô trâu têz qơưs cxơưx thiêz uô tsik trơưk zơưv hloz Hôx lo luk hêik kriê; Zơưv hloz Hôx lo luk hêik “Đảng pêz têz qơưs, tsuv uô truôx luôs hâux lưv tir thêir têx nênhs fêv tsik chiê uô tuôr xuôv txos têz qơưs têx nhiêx txiêx; uô tâu li hêik ntơư thiêx zos iz Đảng truôx jông”.

Luôs hâux lưv tir thêir têx nênhs fêv tsik chiê uô tuôr xuôv txos têz qơưs têx nhiêx txiêx hâur ntu nhiv no, chênhr zos tas nros Đảng đros trâu tsôngv px đros uô chiê cxiv tsa  đảng pêz têz qơưs cov ziv hnuz ziv huôv tsar truôx, uô trâu tsôngv px sđ njênhs njôngr./.

                                                       (Tsu cxêik nhênhv-TTT)