Zôngv cuz tưv trâu chơưr hâuk hâur ntênhs phêv, nênhs La Chí li tsiêz Khu Cù Tê

          Côngv thôngx nênhs La Chí nhoz Hà Giang nhiv no muôx nhos 12 cxênhz lênhx nênhs, nhoz uô nênhx phênhv ntâu têx huyện: HOàng Su Phì, Quang Bình, Bắc Quang thiêz Xín Mần. Thâuv ntêx, nênhs La Chí khênhr zôngv cuz nhux hlôngr trâu khoz piz chiê trâu chơưr hâuk, cxôngx co iz jiês jis thâuv txiv côngv pos zơưs, lok sik thâuv uô nênhz, hu plis tsuv muôx cuz nhux tưv chiê trâu chơưr hâuk, li ntơư pos zơưs thiêx li jênhv tâu. Viv li, thâuv nênhs La Chí li chuôz zis muôx nênhs tuôs, lơưr khênhr tuô tưv chiê pheiz trâu nênhs tuôs muôx tưv chiê chox đros mul paz leix têz. Thâuv tuô nhux tưv, lơưr khênhr muôz tâuz hâu nhux chiê txi côngv, đhâu co muôz cuz tưv uô cov jông thiêz đei trâu sâuv thax caz. Viv li, chuôz zis tưs muôx ntâu cuz tưv mak chuôz zis co zos xênhv nênhs, chuôz zis bluô nux. Lok têx hnuz tsiêz, têx chuôz zis ho zôngv chơưr chiê nzuôr cuz tưv cov hur, đhâu co lâuz chơưr trâu hâur co chiê hâuk. Hâur têx hnuz ntênhs txi côngv pos zơưs, txir nênhz thâuv tưs cux cê uô nênhz cê zôngv cuz tưv hâuk chơưr, viv lơưr nênhs La Chí li siêz xar, tsuv lâuz chơưr trâu hâur cuz tưv hâuk mak pos zơưs thiêx li jênhv tâu.

          Nriêr pâuz lok cuz tưv li ziz njiêz hâur nênhs La Chí li trôngx mor txi côngv hnuz Tsiêz Khu Cù Tê, zơưv Lùi Chỉn Dùng, xênhv nênhs Lùi li lênhx txir nênhz nhoz xã Bản Díu ( Xín Mần) puz pâuz: Cuz tưv zos nênhs La Chí li iz chuôz zênhx tâu zôngv cxôngx ntâu tiêv nênhs lol no, zos chuôz zênhx tuôv cxênhx tuz nhuôs nhiv no đros pos zơưs li: hu pos zơưs lol đros tuz nhuôs nox tsiêz...Hâur ntênhs txi côngv Khu Cù Tê, sâuv trôngx mor muôx hor ntâu tul cuz mak chuôz zis co txi côngv hor ntâu pos zơưs hâur 3 cxênhx nênhs. Lơưr yênhx xênhv nênhs hâur jos, chuôz zis ntâu tiv zix muôx 5 txos 6 tul cuz tưv, tsơưs tiv zix zos 3 cuz. Viv li têx cuz tưv sâuv nênhs La Chí li thax caz tsuôk tâu zôngv chiê trâu chơưr hâuk, yuôr têx hnuz fênhx yax mak tsi zôngv txos têx cuz tưv đei sâuv thax caz.

          Nhiv no, nênhs La Chí li hâux lưv zôngv cuz tưv trâu chơưr hâuk tưz tâu ntâu tsôngv kruô hâur thiêz đrâuv têz qơưk pâuz txos thiêz xar tuôx nriêr pâuz. Viv li thâuv tuô tưv chiê muôs tsi đhâu txi côngv, nênhs La Chí khênhr tsês gơưv cuz chiê uô huv, chiê trâu chơưr hâuk...Thôngx cxix chiê piêr kriê, heik tơưv zuk mênhx cxưx li cêr vênhx huôv jông txos têx mênhx cxưx txơưr ntơưv têx jix vuv ju lix homestay nhoz tiv phaz. Zơưv Nguyễn Văn Thắng, tsôngv kruô tuôx cxôngx Hà Nội pheiz kênh: Jiês xuz thơưx cur tuôx xã Bản Phùng (huyện Hoàng Su Phì) chiê seiz têz qơưk, nriêr pâuz cêr vênhx huôv tiv phaz, môngr jông trơưk six hơưv hli 7 zênhz lix, tâu seiz nênhs La Chí nox tsiêz Khu Cù Tê, cur tâu zôngv cuz tưv trâu chơưr hâuk lok six kaz, cur lok six kruôk txos nênhs La Chí li chinhz yênhx niêv côngv siêz nhoz tox siêz ntus đriv no.

          Nênhs La Chí li tsiêz Khu Cù Tê khênhr tâu tsưr tsix cxôngx hnuz xiêz 1/7 txos hnuz 15/7 zênhz lix niêx shông, thâuv blêx thiêz poz cưk tưz njuôz jông. Tsiêz Khu Cù Tê muôx ziz njiêz thor pos zơưs phôngv cov tsiêx cxu pur guôx, kôngz lôngk pur nthaz, mê nhuôs tsi muôx moz muôx gênhs, chuôz zis shir phaz, jêx jos tsâu sor...../.

( KT _ Txâur Vax cxeik nhênhv)

          Thax tsav qơư tuôr truôx hêir nênhs Cho têx cêr nênhx vênhx huôv jông

          Zơưv thiều Hữu Đức-Bí thư chi bộ jos pêv tox hêik pâuz: Huôv tsar cêr uô nênhx hâur ntu têz qơưs hlôngr yiêz đros trâu cxuô hêir nênhs txơưr hâur thax tsav; taz sik, tsôngv px hêir nênhs Cho nhoz ntơưv no cux tsênhv tuôr tâu truôx zuk hêir nênhs têx txux chi, cêr đaz cêr kruô, cêr nênhx vênhx huôv jông muôx đros đrêiv hâur luz nênhx. Pir li ntênhk nox yôngz cok, cêr đaz cêr kruô, têx tsôngk trik yo đros trâu lo luk hêik hâur niêx hnuz cux tsênhv tuôr tsês tâu truôx tsik chiê pôngz plox.

          Nhoz trâu luz jos pêv tox, hêir nênhs Cho tsôngv pox niêv vir ndâuk cux tsênhv niêx hnuz xơưk zuk hêir nênhs têx pax ntauz đuôr tưk, tsôngk trik yo trâu têx nênhs cxênhz jê thiêz cxuô lênhx hâur chuôz zis hnar. Iz chas khưr tsêz chos kôngz lôngk, hêir nênhs Cho tsôngv pox niêv vir ndâuk tưz huôk njôngr six hơưv hnuz nhôngs xơưk pax ntâuz đuôr tưk, tsôngk trik yo. Hêir nênhs Cho têx chêr tsôngv trik yo jông jav cux tâu hnar hâur têx hnuz tsưr tsix ntênhk hội, ntênhk tsiêz hâur niêx shông. Hur tiz si, hêir nênhs Cho têx tsôngk trik yo co, txêix pax liêz njuôz jông jav huv đros hêir nênhs co li luz nênhx nox nhoz muk lok hâur niêx hnuz.

          Trơưk li hêir nênhs Cho chêx chêk, zos chuôz zis co muôx iz tus nxêik muk zuôr txir, tsuv bax cov tâu zuk hêir nênhs iz chêr trik yo cxôngx nzor, chiê hnar trâu têx hnuz tsưr tsix ntênhk hội, têx hnuz tsiêz. Zos tsôngv kruô sđ sêiz pov chêr trik yo ntơư, cux pâuz tâu tus nxêik co gruôs khưr huôv tsar cêr uô nox, uô hnar thiêz têx tsôngk trik yo jông jav ntơư cux chênhr zos cxươz cxiz trâu cxuô lênhx sđ tsuv huôv tsar truôx zuk hêir nênhs têx txux chi, cêr nênhx vênhx huôv jông, iz tiêv đhâu tiêv tsik chiê pôngz plox.

          Chiê muôx qơư trâu zuk hêir nênhs tsưr tsix, khơưk tsês chiê têx cêr nênhx vênhx huôv jông tsik chiê pôngz plox, txix shông 2013, tsôngv px nhoz luz jos pêv tox tưz siz chos côngv đas jos, sik côngv paz txiêr shôngz ntông, nhiêx txiêx chiê cxiv uô hêir nênhs Cho iz luz tsêr côngv thôngx. Ntơư zos luz tsêr chiê hêir nênhs Cho tsưr tsix khơưk tsês chiê zuk hêir nênhs têx txux chi, cêr nênhx vênhx huôv jông tsik chiê pôngz plox thiêz tau tsưr tsix uô trau têx hnuz ntênhk hội, têx hnuz tsiêz hâur niêx shông.

          Txix têx luôs hâux lưv uô muôx liv ntơư, tsôngv px hêir nênhs Cho nhoz luz jos pêv tox ziv hnuz ziv muôx cêr côngv siêz thiêz huôv tsar cêr uô nênhx jông, muôx cêr shir phaz đuô. Tix lâus thiều Văn Ngọc zos iz lênhx px nhoz luz jos pêv tox hêik pâuz nzir tiêk: Hâur luz hli đhâu, cur chuôz zis trâus đêx nas chuô cuôr yôngz tas ntâu tsiêx cxu kêiz buô,  chuôz zênhx chuôz tav hâur vax tsêr. Taz sik, đhâu ntơư, tsôngv px hâur jos tưz tuôx đros paz cxiv kho đuô vax tsêr, paz cxur, paz tưx têik ….trâu cur chuôz zis sir zôngv thiêz  cur chuôz zis tưz muk đhâu têx cêr txov nhêv, nzor muôx luz nênhx truôx tuk, tsâu sor./.

                                                          (Tsu cxêik nhênhv-KT Báo Yên Bái)