Pênhz phax Hà Tĩnh cxiv ngaz tsôngv box li siêz njênhs nhoz ntus đriv

Zênhx pênhz phax trôngx đriv Chox Đei

          Xar cxiv tsa ntus đriv truôx tul, uô ntêx tsuv cxiv tsa têx xã ntus đriv yênhx xã nôngx cxênhz yiêz. Viv li, Bộ chỉ huyz Bộ đội pênhz phax Hà Tĩnh tưz choz jênhv vưv Zênhx pênhz phax trôngx đriv ntiêx têz Qox đêi đros thiêz chinhr quyênx xã Sơn Kim 1 vênhv tôngv tsôngv box cxiv tsa nôngx cxênhz yiêz uô tiêr shông 2014; paz xã Sơn Kim 2 uô tiêr tsaz yênhx cxiv tsa nôngx cxênhz yiêz shông 2016. Thượng tá Phan Duy Vị, Chính trị viên Zênhx pênhz phax trôngx đriv ntiêx têz Qox đêi, Hà Tĩnh puz pâuz:

          “ Hâur cxiv tsa nôngx cxênhz yiêz, zos tsuôk tos txos têx chiz coaz li paz max, tsôngv box tsi uô, tsi jênhv pâuz thôngz mak lax uô tiêr tsaz yênhx. Chiê uô ngaz tul, lêx ntêr, truôx vênhs mak tsuv uô uô cxôngx cấp ủy chinhr quyênx tiv phaz txos tsôngv box, tsuv muôz siêz jênhv pâuz, hlôngr yiêz siêz xar, hâux lưv uô, cxôngx têx hâux lưv li hlôngr yiêz chuôz zis vax chos, tsoz chos, tsôngv box li qơư nox nhoz tsuv huv vêv xênhz, cêr mul lok hur đu, tsuv sik đros cxiv tsa chuôz zis thiêz côngv thôngx, li ntơưv thiêx li truôx vênhs”.

          Têx shôngk đhâu, Zênhx pênhz phax tưz heik trâu tỉnh Hà Tĩnh, tso tơưv tsưr ziv sik côngv hâur têx thax tsav qơư nhoz nhoz 2 saz ntus đriv. Tsênhz mênhx, xã Sơn Kim 1 sik côngv đros jos Thong-Pe, xã Sơn Kim 2 sik côngv đros jos Na-pê, puôr lênhx nhoz huyện Khăm- Kợt, tỉnh Bô-li-khăm-xay têz qơưk Lào. No zos 4 taz viv nhoz buôk ntus đriv 2 têz qơưk, chiê gôngr phênhv tuôr truôx txiv ngaz chinhr trị, tir tar hâux lưv nhiês tsir đhâu ntus đriv têz qơưk; paz tsôngv box 2 saz tâu mul lok muôv muôs hax huv, sik paz max hlôngr yiêz tsoz chos, tsiêx tu zus; seiz njuôs moz, cungz yuôx tsi pôngz nhiêx txiêx trâu tsôngv box 2 saz ntus đriv. Đros trâur nuv Nôngx cxênhz yiêz nhoz 2 xã ntus đriv, tưz tâu saz têz qơưk Lào tuôx cơưv shâuv, chiê uô hâur huôv tsar KTXH tiv phaz nhoz ntus đriv. Thiếu tá Si-phăn-xay Xay-mun-ti, Chỉ huy tsar Zênhx công an trôngx đriv Nậm phao têz qơưk Lào puz pâuz:

          “ Pênhz phax Việt Nam, hâur co zos zênhx pênhz phax Hà Tĩnh tưz paz pêz cxiv tsa iz qơư seiz njuôs thiêz kho moz ntơưv jos Thong-pe no. Lơưr paz lok six ntâu hâur vênhv thix seiz njuôs thiêz kho moz. Đrâuv co, Zênhx pênhz phax Hà Tĩnh tsênhv chox bác sĩ tuôx jor ntơưv qơư y tế chiê paz tsôngv box seiz njuôs moz. Đrâuv co  zênhx pênhz phax Hà Tĩnh tsênhv heik têx chuyên gia paz max tsiv uô kôngz nuv, tsưr ziv tu zus trâu iz cxiê tiv phaz huôv tsar uô xênhz yar”.

          Zơưv Trần Văn Hải, Chủ tịch xã Sơn Kim 1 puz pâuz, zơưv xã thâuv ntêx qênhx shênhx txiv ngaz lok six phưx txuôx, taz sik cxôngx thâuv sik côngv hâur têx tiv phaz 2 saz ntus đriv, qênhx shênhx tâu hlôngr yiêz jông, tsôngv box tso siêz uô nox uô hâuk, cxiv kho luz nênhx tsâu sor, hâur phongz yaox cxiv tsa nôngx cxênhz yiêz. Tsôngv box hâur xã li phênhv sâu thâuv ntêx iz shông tsuôk zos 10 tsov đeiv ntâu, nhiv no tưz ndê txos 37 tsov đeiv iz shông:

          “ Txos nhiv no xã ntus đriv Sơn Kim 1, thax tsav nhoz buôk ntus đriv, taz por tsi tsir têz tsir qơư...Taz por txiv ngaz chinhr trị thiêz cêr coaz siv Việt Nam thiêz Lào heik cxuô cux xưk li jos Thong-Pe huyện Khăm- Kợt, tỉnh Bô-ly-khăm-xay thiêz xã Sơn Kim 1, Hương Sơn, Hà Tĩnh ziv hnuz ziv huôv tsar jông”.

          Đros hâux lưv paz tsôngv box huôv tsar kinh têr hâur cxiv tsa nôngx cxênhz yiêz thiêz uô jông côngz xưv đối ngoại pênhz phax, Bộ đội pênhz phax Hà Tĩnh thâuv tưs cux por vêv jông ndêx đriv têz, ntus đriv truôx tul, gôngr phênhv hlôngr yiêz cêr coaz siv jông Việt Nam- Lào ziv hnuz ziv truôx đuô./.

( Lang Quốc Khánh- Txâur Vax cxeik nhênhv)

PHÊNHV TSÊNHZ CHEI THIÊZ LUZ NÊNHX

Lox tôngv cxaz chuôz bảo hiểm xar hôiv tâu sơưv chế độ xênhz zus mê nhuôs

li chak?

Fôngx zưs Lường Thị Hoa nhoz thành phố Sơn La nus:

Cur thor nus chế độ xênhz zus mê nhuôs trâu nênhs lox tôngv cxaz chuôz BHXH?

BHXH Việt Nam têz:

Lox tôngv pox niêv xênhz zus mê nhuôs tâu so hâux lưv sơưv chế độ xênhz zus mê nhuôs uô ntêx thiêz đhâu thâuv xênhz zus mê nhuôs zos 6 luz hli. Zos tiêk lox tôngv pox niêv xênhz zus mê nhuôs nzêiz mak xav txix tuk mê nhuôs tiv oz tror sâu, tsuôk iz tuk mê nhuôs, lênhx niêv tâu so nzir iz hli. Six hơưv so sơưv chế độ xênhz zus mê nhuôs uô ntêx thâuv xênhz zus ntâu tiv zix tsik đhâu 2 luz hli.

Zos tiêk đhâu thâuv xênhz zus mê nhuôs, zos mê nhuôs tsik tâu muôx 2 hli trâus tuôs mak niêv tâu so hâux lưv 4 hli xav txix hnuz xênhz zus mê nhuôs; zos mê nhuôs muôx 2 hli tror sâur trâus tuôs mak niêv tâu so hâux lưv 2 hli xav txix hnuz mê nhuôs trâus tuôs, taz sik six hơưv so hâux lưv sơưv chế độ xênhz zus mê nhuôs tsik ntâu đuô six hơưv cui tênhv ntơưv ntu 1 Grê 34 chêi BHXH shông 2014; six hơưv no tsik xav đros six hơưv so hâux lưv uô têx hâux lưv txơưr lơưr cêr chêi lok lox tôngv li cui tênhv.

Zos tiêk tsuôk muôx lênhx niêv cxaz chuôz BHXH lok sik tas nro niêv thiêz txir puôr lênhx cxaz chuôz BHXH mak niêv trâus tuôs đhâu thâuv xênhz zus tâu mê nhuôs mak txir lok sik nênhs tu zus mê nhuôs tâu so hâux lưv sơưv chế độ xênhz zus mê nhuôs đros lênhx niêv li six hơưv tsênhv yuôr lơưr cui tênhv ntơưv ntu 1 Grê no. Zos tiêk niêv cxaz chuôz BHXH, taz sik tsik txâuk trơưk li cui tênhv ntơưv BHXH shông 2014 li ntu 2 lok sik ntu 3 Grê 31 trâus tuôs mak lênhx txir lok sik nênhs tu zus mê nhuôs tâu so hâux lưv sơưv chế độ xênhz zus mê nhuôs txos thâuv mê nhuôs txưv 6 luz hli.

Zos tiêk lênhx txir lok sik lênhx nênhs tu zus cxaz chuôz BHXH mak tsik so hâux lưv lơưr cui tênhv ntơưv ntu 4 Grê no mak iz chas nhiêx hli tsênhv tâu sơưv chế độ xênhz zus mê nhuôs đros niêv li six hơưv tsênhv yuôr lơưr cui tênhv ntơưv ntu 1 Grê 34 BHXH shông 2014.

Zos tiêk tsuôk muôx tuk txir cxaz chuôz BHXH mak niêv trâus tuôs đhâu xênhz zus mê nhuôs lok sik njiz phiv liv đhâu xênhz zus mak muôx tsik txâuk đas jos chiê tu zus mê nhuôs lơưr qơư njuôk kho moz muôx qênhx li xav jênhv mak tuk txir tâu so hâux lưv sơưv chế độ xênhz zus mê nhuôs txos thâuv mê nhuôs txưv 6 hli hnuz nhôngs. Tsov cưv: six hơưv sơưv chế độ xênhz zus mê nhuôs cui tênhv hêik sâu xav tas nro têx hnuz so ntênhk, tsiêz, têx hnuz so hâur yênhx hli./.

(Thanh Thủy-Lik Thox cxêik nhênhv)