Jax sâu thưr 2/16/5/2016:

ĐIÊN BIÊN PHỦ- QƠƯ TSAV TXÊNHZ THÂUV NTÊX THIÊZ TÊX HLÔNGR YIÊZ NHIV NO

Ntâuk zênhx tros châuz Điện Biên Phủ đros zênhx liv đhâu 56 hnuz thiêz hmo, 3 jiês tơưv txênhz, hla đhâu têx jiês ntâus tsav têx qơư coaz tsôngv li: Him Lam, Độc Lập, jos Kéo, Trôngz D1, C1, qar yêz za Mường Thanh, trôngz A1....Đhâu hnuz xiêz 7/5/1954, qơư tsav txênhz Điện Biên Phủ trâus ruôr hiêv hnhar. Txơưv tiêk tưz hla đhâu 6 châuv shông ntâu, taz sik cxiv tsav txênhz co thâuv tưs têx lênhx bôv đôiv lâuk Điện Biên thâuv co cux ndo njôngr txos. Bôv đôiv lâul Hoàng Công Đẩy, nhoz jos 20, phường Him Lam- đrôngs Điện Biên Phủ- lênhx nênhs thâuv ntêx cxaz chuôz jiês ntâus tsav Điện Biên Phủ kuôk nor 62 shôngk:

          “ Qơư tsav txênhz thâuv co pêz tsuôk pov liêz tsêz, pa za cxuô qơư...heik cxuô pêz pov tsi tsênhz plu lênhx tưs hlo. Tsêr nhoz, ntông trâus tuô tas, tsuôk yuôr oz, pêz tul ndêx cuz nhiêz tas xưz”.

          Cux lơưr têx chiến sỹ Điện Biên Phủ thâuv ntêx li luk heik kriê, Điện Biên tsuv pôngz oz shôngk thiêx ngaz tul tâu qơư tsav txênhz thiêz chox tsôngv box lol nhoz uô nênhx. Đhâu co, Điện Biên qir cxiv tsa tsêr nhoz, uô lox tôngv xênhz yar, thôngx cxix khưx phưx têx trâus ruôr hiêv tiv cxiv tsav txênhz.

          Zơưv Sơn Xênhv Muôl, Chủ tịch ủy ban tỉnh Điện Biên puz pâuz, txơưv tiêk njiz ntâu phêv liv, taz sik đros thiêz têx cấp ủy, tsưr tsix Đangv, chinhr quyênx têx tiv phaz thiêz tsôngv box li cêr niêv côngv siêz thiêz sir jos, Điện Biên thâuv co tưz tâu hlôngr yiêz, tiv zix zos hâur têx hlôngr yiêz nhiv no, tưz uô trâu cxuô hêir nênhs nhoz thax tsav Tây Bắc li cêr shir phaz. Hâur 5 shôngk đhâu lok no, tas nro chuôz tsar siv huv hâur tỉnh tax fênhx pheiz 9,11% iz shôngk; phênhv sâu tâu fênhx pheiz lênhx nênhs shông 2015 tax tâu 23,6 tsov đeiv iz lênhx nênhs iz shôngk, chuôz ndê zuôr xar 90% pir đros 5 shôngk uô ntêx; chor ziv chuôz zis pluôs txu grês ntâu, nhiv no yuôr 28%. Lar hêik zos thax tsav ntơư, tưz muôx ntâu lênhx muôz pênhr nhiêx cxiv uô tâu truôx, muôx liv trâu sđ. Tiv zix zos ju lix, viv nhoz no yuôr ntâu têx kror tso pov cxiv tsav txênhz thâuv ntêx tâu tỉnh tuôr tsês, yưv pênhr kho đuô chiê yênhx puôk cxênhz lênhx kruô hâur thiêz đrâuv luôk oz chas têz qơưk tuôx ndis shuôk. No cux zos iz hâux lưv paz Điện Biên heik cxuô, đrôngs Điện Biên Phủ heik taz chêx tsôngk phuôv tsar ju lix- iz tsưr ziv phuôv tsar kinh tế tsênhv hâur tiv phaz. Zơưv Sơn Xênhv Muôk, chủ tịch tỉnh Điện Biên heik:

          “ Chiê sir zôngv muôx chêx cuk Điện BIên li têx qơư di tích lix xưv, yênhx lix têx qơư ndis shuôk lok vênhx huôv, ju lix lok chinhr triv, côngv thôngx, tỉnh Điện Biên tưz chox kriê uô ntâu tsưr ziv zov chênhr. Uô ntêx zos chêx chôngk muôz siêz têx cấp ủy, chinhr quyênx tiv phaz li txơưx jênhv. Oz zos muôz siêz têx chiz coaz chuyên nganhx li pênhr xưv coar lik, tiv zix zos coar lik grê, jix vuv, coar lik ju lix chiê uô jông côngz xưv jix vuv ju lix”.

          Bôngk, tsuôv tav tưz tsi yuôr nhoz têz qơưk no. Tiêx đras Điện Biên nhiv no tưz yênhx iz đras liêx đar đros têx tsêr yôngx jông jav. Têx co tso pov đrôngs Điện Biên Phủ tưz muôx kror hlôngr yiêz thiêz pov têx mênhx cxưx nhoz no muôx cêr côngv siêz jông. Thôngx cxix cux tso pov Điện Biên zênhz shôngx, têx bộ đội lâuk đrav ntêx hâur 56 hnuz thiêz hmo tir ntâuk zênhx tros châuz Điện Biên Phủ kuôk nor 60 ntâu shông./.

( Thùy Dung- Txâur Vax cxeik nhênhv)

Phênhv thưr 2 hnuz 16/5/2016:

Cử tri huyện tix siêz Bảo Yên txơưx jênhv đros ntơưr bâux

Ntơưv xã Yên Sơn, huyện Bảo Yên, tỉnh Lào Cai hâur têx hnuz no, pêx xênhv nhoz thax tsav ntơư tưz tsov cưv txos chor nênhs ứng cử piêr trâu cử tri pâuz lok zuk li tsaz yênhx huôx tôngv zos tâu bâux uô têiv plor côx hôiv thiêz têiv plor hội đôngx cxuô cấp ntu 2016-2021. hâur jiês bâux xêir zuôr txos, lơưr zuôr tsuv uô jông sêiz shuôk thâuv zuôr bâux chiê xêir tâu lênhx nênhs hlôngr njêx muôs trâu zuk. Pos Ngô Thị Hình nhoz jok Lự, xã Yên Sơn hêik:

“Hnuz bâux xêir mak pêz lok six shir phaz, cux tok txos chor hnuz chiê muk tso ntơưr bâux nênhs muôx txâuk yênhx tưv shưz xar đros chênhz yênhx bâux xêir siêz tiv zix chiê xêir tsov tâu chor nênhs muôx txâuk li co”.

Zos xã tox siêz, chor nênhs muk uô nox lok six chôngz nhoz chor xã hâur iz thax tsav, hâu nov xã Yên Sơn tưz yax kriê txos tas nro cử tri hâur xã lok zuk li qênhx liv thâuv cxaz chuôz tso ntơưr bâux xêir cxix cxuô. Co cê zos txơưx jênhv, cê zos tas nro pêx xênhv li hnuz hôiv. Zơưv Hoàng Viết Chữ, chủ tịch UBND xã Yên Sơn, huyện Bảo Yên puz pâuz:

“Sêiz shuôk hâur bê ntơưr cử tri mak pêz tsov cưv txos chor nênhs lâul, nênhs trâus sêv khiz luz chêr tuôx tso ntơưr tsik tâu pêz tưz muôx tsưr ziv zos gra chor thôngz tso ntơưr muk ti gâuk tsêr chiê cử tri uô zuk li qênhx thiêz jênhv vưv”.

Đhâu cơưv hiệp thương  jiês tiv 3, Ủy ban bâux xêir huyện Bảo Yên muôx bê ntơưr 62 lênhx nênhs ứng cử cấp huyện; 777 lênhx cấp xã. Xav txos trâu nhiv no, UBND chor xã, thị trấn tưz uô jông hâux lưv sâu bê ntơưr ntơưv qơư uô hâux lưv xã thiêz têx qơư tso ntơưr bâux xêir. Lơưr co, tas nro chor cử tri iz huôv huyện zos 54.513 lênhx nênhs muox 110 ban, tổ bâux xêir cấp huyện, xã.

Thax tsav đar, muôx chôngz cử tri, hâur co muôx chôngz tsôngv box mênhx cxưx tsơưs nênhs, huyện xav jênhv sir jos chiê jiês bâux xêir cov tâu truôx, zos đrêiv chêi tso tơưv. Đros bax lok lênhx nênhs, huyện tưz sir jos uô côngz xưv yax kriê đros ntâu tsưr ziv uô jông. Zơưv Hoàng Quang Đạt, chủ tịch UBND huyện Bảo Yên, tỉnh Lào Cai puz pâuz:

“Uô ntêx thâuv zuôr lo chiv bê ntơưr cử tri mak pêz cux sêiz shuôk yênhx hnuz, chor lox tôngv tsik muôx njêx muôs nhoz tiv phaz. Pêz tưz choz jênhv vưv trâu chor tsưr jok, chiê nus, pâuz tsik so txos chor cử tri chiê uô chak cov chor cử tri tưz tâu lo chiv bê ntơưr mak txos hnuz tso ntơưr zuôr lok tiv phaz chiê bâux xêir. Txos six hơưv no mak cxuô kror bax trâu hnuz bâux xêir sâuv tas nro huyện tưz tâu bax uô tiêr jông”.

Kror zov chênhr, cử tri huyện Bảo Yên xav jênhv, thâuv px xêir tsov tâu têiv plor, lơưr zuôr tror uô jông zuk li txơưx jênhv zos nênhs sêiz kaz têiv plor zuôr uô tsaz yênhx huôx tôngv thâuv piz vênhv tôngv bâux xêir./.

(Thanh Thủy-Lik thox cxêik nhênhv)