Chêi sêiz car thiêz tsưx phưv nhuôv zâu

          Txix hnuz xiêz 1/6/2017, chêi sêiz car nhuôv zâu tưz tâu uô thiêz muôx iz cxiê grê hlôngr yiêz. Thor cox hêik pâuz cov tsênhz mênhx đuô lok têx kro hlôngr yiêz ntơư?

          Chêi sêiz car thiêz tsưx phưv, choz kriê nhuôv zâu hâur ntu đrav ntêx zos uô trơưk li têx tsênhv chêi paz nhuôv zâu muôx cêr txov nhêv; taz sik chêi sêiz car nhuôv zâu nhiv no zos nhuôv zâu li vax huôv cux xưk li têx nhuôv zâu muôx cêr txov nhêv.  Luôs hâux lưv sêiz car thiêz tsưx phưv nhuôv zâu, tsik zos pêz sir zôngv trâu nhuôv zâu VN, thiêz tsuv xav hur tiz si chor nhuôv zâu zos nênhs luôs oz chas têz qơứs nhoz trâu VN, puôr lênhx tâu vax huôv sêiz car hur tiz si. Kror tiv 2, chêi sêiz car nhuôv zâu cux tâu quy tênhv tsênhz mênhx huv đros chêí Hiến pháp shông 2013. Chêi sêiz car nhuôv zâu tâu uô tsênhz mênhx trơưk quy tênhv hâur chêi Hiến pháp, zos nhuôv zâu li vax huôv. Kror tiv 3, chêi sêiz car nhuôv zâu VN cux uô zos đrêiv công ước sâuv ntiêx têz, đhâu hâur cxuô ntu, cxuô grê, VN đros ký ntơưr hur si têz qơưs thiêz uô zos đrêiv chêi VN tso tơưv.

          Hâur ntu zuôr txos no, Bộ muôx faz tsưr ziv tưs yax kriê cov tsênhz mênhx li chas trâu hâu nov cxuô tsênhv qơư cấp xã chiê uô trơưk têx njiêz luk ntơư?

          Chêi tưz quy tênhv tsênhz mênhx, taz sik hâur ntu đhâu cux pov muôx iz cxiê quy tênhv cux hêik tsik tsênhz mênhx; thâuv pov muôx yưv têx kror tsik jông li: Trâus ntâuk tsiv, trâus kuôz zuôv; chêi sêiz car nhuôv zâu cux uô tâu têx muôx yưv li hêik ntơư; tsênhz mênhx đuô zos uô txuôk đros hâu nov cxuô tsênhv qơư. Đros ntơư, chêi cux quy tênhv, hâu nov cxuô cấp tsuv tso lênhx nênhs uô hâux lưv sêiz car, tsưx phưv nhuôv zâu. Lar hêik zos Thủ tướng Chính phủ li chỉ thị 18 tưz hêik tsênhz mênhx chiê sêiz car thiêz tsưx phưv nhuôv zâu tsik chiê trâus ntâuk tsiv, tsik chiê trâus kuôz zuôv. Cxuô Bộ, ngênhx tsuv sêiz shuôk đuô zuk cxuô luôs haux lưv uô, zos kror tưs tsik tâu truôx, tsuv uô cov huv đros tsuv; hâur ntơư, chủ tịch ủy ban tỉnh tsuv uô cov tâu truôx Chính phủ luôs hâux lưv zok muôz tsik chiê muôx yưv têx kror tsik jông ntâuk tsiv.

           Txix têx luôs hâux lưv tsưx phưv, sêiz car nhuôv zâu, tưz yênhxx iz luôs hâux lưv uô zov chênhr hâur ntu nhiv no?

           Luôs hâux lưv tsưx phưv, sêiz car nhuôv zâu ntơưv 3 thênhv tưz tâu quy tênhv tsênhz mênhx hâur chêi. Ntơư zos tsưx phưv, sêiz car nhuôv zâu li chas tsik chiê trâus ntâuk tsiv, tsik trâus kuôz zuôv cux tâu quy tênhv tsênhz mênhx.  Thiêz pêz tsuv fuô yax kriê cxuô luôs hâux lưv uô ntơư txos trâu côngv thôngx, xã hội thiêz chuôz zis sđ pâuz, cov cxuô lênhx nhuôv zâu tâu uô nênhx nhoz zos đrêiv chêi têz qơưs tso tơưv.

          Trơưk li Tổng Đêix tsưx phưv sêiz car nhuôv zâu 18001567 thôngz sâu, muôx ntâu txuz nhuôv zâu trâus ntâu tsiv, trâus kuôz zuôv, viv niêv txir txux chi kik, pâuz tsik thôngz lok têz qơưs têx chêi; Uô li cox ho xav li chas lok têx kror uô muôx yưv li hêik ntơư?

           Nhiv no, Bộ laox tôngv xã hội tưz đros Bộ vênhx huôv du lix, zos cơ quan sêiz car chuôz zis thiêz tsưx phưv sêiz car tsik chiê nhuôv zâu trâus ntâuk tsiv. Trơưk li cur xar, chor uô niêv uô txir tsuv gra siêz txux chi thiêz iz cxiê chuôz zis cux xar tiêk: Chêv thiêz ntâuk mê nhuôv cux tsik muôx li chas; taz sik zos chor uô niêv uô txir tsik pâuz kruôz kriê, chor nhuôv zâu ntơư trâus ntâuk tsiv, nhuôv zâu zuôr zôngx ziv uô muôx yưv têx kror tsik jông hâur luz nênhx. Chênhr zos li hêik ntơư, cxuô cơ quan muôx vax huôv hâur têz qơưs tsuv sir jos đuô trâu luôs hâux lưv fuô yax kriê trâu chor uô niêv uô txir cov pâuz thôngz đuô lok têz qơưs têx chêi sêiz car thiêz tsưx phưv nhuôv zâu, nhuôv zâu thiêx tsik trâus ntâuk tsiv thiêz muôx luz nênhx jông.

      Uô cox tsâus ntâu!

                                                    (Tsu cxêik nhênhv-TTT)

Iz cxiê tsênhv chei yiêz sâu sê tâu uô txix hli 3/2017 (phênhv 1)

          1.Sâu sê têx doanh nghiệp:

          Hnuz 24/01/2017 Tổng cục sâu sê tưz muôx ntơưr số 327/TCT-DNL fuô kriê tuôr xav  phênhv sâu sê têx doanh nghiệp thiêz sâu sê doanh nghiệp têx phênhv trâus pôngz, sâu tsi tâu. Iz chas ntơư, doanh nghiệp tâu xa tsi so têx phênhv trâus pôngz sâu tsi tâu ntơư tsi tsênhr đhâu 5 shông, xav txix shông txuôk lơưr shông trâus pôngz pênhr co.

          2.Sê chuôz ndê.

        Trơưk li Tổng cục sâu sê heik hâur têx ntâuz ntơưr số 373?TCT-KK hnuz xiêz 06/02/2017, thêv têx nhiêx sê li heik sâuv tsi tâu yưx tas 12 luz hlik siz lơưr liês hâur ntu txuôk nzir ntơư chiê uô trơưk chei têz qơưk số 106/2016/QH 13 thiêz krêz nzir lok sâuv thêv têx nhiêx sê chuôz ndê hâur têx ntâuz ntơưr krêz sâu sê.

-Cơ quan sâu sê zuôr sâu têx nhiêx sê ntơư đros têx cơ quan, lênhx nênhs li:

+Qơư uô lax luôv, zuôr muôs xiv huv muôx số sâu sê chuôz ndê tsi tâu yưx tas têx yưv siv yiêz uô ntêx thâuv xav sâu sê  hli 7/2016 (krêz sâu trơưk hli) lok sik uô ntêx thâuv xav zuôr sâu sê hâur 3 luz hlik txix hli 7-9/2016 (krêz sâu sê trơưk 3 luz hlik iz jâuk), zos uô tâu trơưk li têx fuô kriê ntơưv grêi 1, grê 18, Thông tư số 219/2013/TT-BTC.

+Zos lênhx nênhs thêv sê krêz cxaz nzir tsi tâu trơưk li têx ntâuz ntơưr số 4943/TCT-KK fuô kriê, taz sik ho uô zos số sâu sê mak tsênhv tâu yưx thiêz uô tâu trơưk đreiv têx cui tinhv lok sâuv yưx thiêz thêv sê......

-Tsi thêv sê trâu têx lênhx uô ntâuz ntơưr krêz sâu sê, xav hli txix hli 6/2016, lok sik xav sâu sê hâur 3 luz hlik txix hli 4-6/2016, qơư uô hâux lưv, lax luôv tsi heik cov thêv têx nhiêx sê tsi tâu yưx tas, iz chas ntơư  tưz ho krêz tas trâu hâur ntơưr tsuv thêv ntơưv jiês xav sê hli 7/2017 lok sik hâur 3 luz hlik txix hli 4-6/2016. Taz sik, qơư uô hâux lưv, lax luôv tâu pâux nzir trâu số sâu sê chuôz ndê tsuv thêv hâur têx jiês txuôk lơưr co.

          Tổng cục sâu sê ntâuz ntơưr số 06/TCT-CS hnuz xiêz 03/01/2017 fuô kriê lok sâuv tsênhv chei sâu sê chuôz ndê: Lênhx tiz nênhs tsi tâu muôx têx ntâuz ntơưr thêv nhiêx sê đhâu tsêr nhiêx, viv tsi tâu txos six hơưv thêv trơưk li hux thôngx mak qơư uô hâux lưv, lax luôv ntơư cux tâu krêz, yưx têx sê sâu tâu chuôz ndê. Txos six hơưv thêv nhiêx sê sâu hâur qơư ntơư têx ntơưr hux thôngx, tsi tâu muôx ntơưr thêv sê đhâu tsêr nhiêx mak qơư co tsi tâu cxiv kho txo grêk phênhv sâu sê chuôz ndê tưz krêz, yưx txos thâuv tưz pâuz tsênhz zos thêv tas, zos têx lênhx tsi muôx ntơưr thêv nhiêx sê đhâu tsêr nhiêx mak qơư uô hâux lưv, lax luôv heik sâuv tsuv krêz, cxiv kho txo grêk sâu sê chuôz ndê tưz tâu yưx bâuv li grê têx hax huv, hâux lưv uô tsi muôx ntơưr thêv nhiêx sê đhâu tsêr nhiêx trâu hâur têx jiês thêv sê cxaz nzir txuôk lơưr co./.

(Hồng Việt-Riê Lâux cxeik, nhênhv)