Shux xênhz Tây Nguyên sir jos cơưv shâuv viv luz nênhx hâur ntu zuôr txos

  Shux xênhz Huỳnh Lê Thái Bão, lớp y Đa khoa K12A, Khoa Y dược, tsêr cơưv Đại học Tây Nguyên tâu fôngx zưs pâuz txos viv yênhx tix cơưv ntơưr tâu điểm siêz tiv zix 3,9/4, thôngx cxix jênhv tâu ntâu giải khơưk kruôk li: giải 1 yênhx tưv ntơưv jiês thik lul Anh têz qơưk Star Awards; giải 1 nhênhz chơưv khoa học thiêz giải 1 jiês thik Olympic lul Anh cấp tsêr cơưv shông 2017.

          Thái Bão tsênhv zos canr bộ đoanx sei đrơưv, zos phưv chủ nhiệm 2 cậu lạc bộ txưv zênhv hâur tsêr cơưv Đại học Tây Nguyên. Tix lâuk cux zos lênhx nênhs hlôngr njêx muôs thax tsav faz trung thiêz Tây Nguyên tâu khơưk muôz bê “shux xênhz 5 jông” shông 2017 zos Trung ương Hội shux xênhz Việt Nam khơưk muôz. Huỳnh Lê Thái Bão pheiz kênh, tix lâuk cxaz chuôz ntâu jiês thik, ntâu huôx tôngv phongz yaox, tsi zos viv tâu khơưk kruôk luz bê tưs mak zos chiê muôx tâu ntâu yênhx tưv thiêz pênhr xưv, tov kaz no tơưv shux muôx tsưr ziv uô nox uô hâuk:

          “ Kror coaz tsôngv tiv zix tsi zos tâu khơưk muôz bê, mak hâur six hơưv co zuk sir jos li chas thiêx li coaz tsôngv. Zuk sir jos hla đhâu têx ploz tsênhr zuk chiv chir tso tơưv, cxaz chuôz têx câu lạc bộ paz muôz siêz pênhr xưv. Zos shux xênhz mak tsuôk pâuz cơưv ntơưr xưz, Cur tsês iz đraz six hơưv chiê cxaz chuôz têx phongz yaox, cơưv tsi zos muôx yênhx tưv mak tsênhv pâuz lok xã hội chiê nhoz tâu hâur xã hội”

          Yuôr đros Rahlan Koya, mênhx cxưx J’rai, shux xênhz lớp Sư phạm lul Anh K15, khoa Ngoại ngữ, tsêr cơưv Đại học Tây Nguyên xar li no, zos iz lênhx shux xênhz hâur six hơưv yiêz, cơưv ntơưr txơưx xưz mak tsi tâu txâuk, tsuv bax trâu zuk têx yênhx tưv tsênhv tsênhz, tiv zix zos cơưv shâuv cxaz lul đrâuv luôk oz chas têz qơưk.

          Zos chủ nhiệm Câu lạc bộ lul Anh tsêr cơưv Đại học Tây Nguyên, Koya tưz gôngr phênhv krêz đar câu lạc bộ thôngz đhâu hâux lưv sik côngv đros shux xênhz hâur khoa Ngoại ngữ đros têx khoa txơưr sik đros cơưv shâuv chênhz zênhv. Khov co, hâux lưv muôx tâu đeiv bằng lul Anh B1 tsi lax đros shux xênhz thiêz. Rahlan Koya pheiz kênhx:

          “ Sâuv lớp cơưv mak pêz cơưv têx môn txơưr thiêz yuôr thâuv lol tsêr mak pêz tsês 1-2 six cơưv lul Anh chiê muôz siêz pênhr xưv heik lul Anh”.

          Zos tul zâu ciês hâur iz chuôz zis muôx 8 cưr tix muôk nus puôr lênhx tsênhv mul cơưv ntơưr, niêv thiêz txir tsuôk uô kôngz, HTiên Byă, mênhx cxưx Ê Đê tưz xeir nganhx văn thư lưu trữ, tsêr cơưv Trung cấp Đắc Lắc chiê cơưv. H Tiên puz pâuz, six hơưv cơưv trung cấp zos 2 shông, viv li hâux lưv chiv chir cơưv shâuv tsuv tâu tsov cưv. Tsi taz cơưv ntơưr, hâux lưv cxaz chuôz têx huôx tôngv phongz yaox cux zos six hơưv jông chiê shâuv yênhx lênhx nênhs jông đuô.

          “ Cxaz chuôz têx phongz yaox no gôngr phênhv trâu pêz lok six ntâu liv zix, muôx cxaz theox chênhv tâu pâuz thiêz krêz đar têx cêr coaz siv. No cux zos shông cơưv tiv 2 lơưv cux xar tov kaz no muôx tâu iz hâux lưv uô ngaz tul, uô ntêx zos cxơưx trâu zuk luz nênhx, thiêz cux iz phênhv gôngr paz trâu chuôz zis”.

          Cxôngx qênhx shênhx muôx theox chênhv chiê tov kaz no muôx tâu hâux lưv uô ngaz tul ziv hnuz ziv phêv liv li no, iz lênhx shux xênhz cxôngx têx jêx jos Tây Nguyên tưz chiv chir xar tơưv tâu thiêz bax trâu zuk têx yênhx tưv tsi taz cxôngx ntâuz ntơưr mak cxôngx qênhx shênhx tsênhv tsênhz thiêz. Têx lênhx shux xênhz jông co tsênhv ziv hnuz ziv hloz tiêr nênhs jông, jux jus zos têx lênhx nênhs zuôr gôngr phênhv cxiv tsa jêx jos huôv tsar đuô, gôngr phênhv jông  đros cxiv kho têz qơưs./.

( TTTN- Txâur Vax cxeik nhênhv)

Txir caz nzưr-zav yuôx 4 chêix

Lơưr chor cưk yuôx, txir caz nzưr kâuz, lax. Jông zôngv uô yuôx phax tar moz gênhk. Iz hnuz zôngv txix 30-100g txir caz nzưr txix tor đêx hâuk, zôngv chiê nox. Txir caz nzưr jông zôngv tiv zix zos chêix ntux sor-lax. Tơưr txir caz nzưr mak muôx njik iêz, njiv, jông zôngv kho moz nôngk muôx kênhr, moz tsav plaz, ntuôr. Lơưr no zos iz cxiê tsưr ziv zôngv txir  caz nzưr chiê kho moz.

Kho moz khâuz thuôk moz ka: muôz cuôz txir caz nzưr đros jiz mur tor đros đêx hâuk.

Kho moz tâuz hâu, cxơưk ka: muôz txir caz nzưr lêik yênhx đêiv nhiêk đros mê njik hmôngr jêz si lo trâu oz chas njok thâuv moz tâuz hâu lok sik lo trâu chax đaz thâuv ka kruôr thiêz moz.

Hnôngk tâu nyar: Muôz 3 luz txir caz nzưr, suôz thax caz tsiz 30 ml, đêx 570 ml râuz txos yuôr 250ml. muôz txir caz nzưr lok cxôngr têx đêiv zâu tsâu hâur đêx. Hâuk iz hnuz hâuk iz jiês, hâuk hâur 3 hnuz thiêz nox chor txir kâuz co.

Trâus mur plêr: muôz txir caz nzưr tso cuô trâu kror qơư trâus plêr.

Moz tsâus lênhs tơư: muôz txir caz nzưr plênhr thiêz juôx trâu kror qơư moz tsâus lênhs co.

Blêis, kror ndâux trâus moz hlê tơưr: muôz iz luz txir caz nzưr, hmôngr kok hmaz sông nhês 12g, suôz thax njêr 20g, đêx râuz bâu tsês sor 150ml. hâuk 1-2 jiês iz hnuz.

Moz vôngk trâu têk trâu tơư: Muôz iz luz txir caz nzưr, tho iz luz kror cov huv tuk ntir têk, ntir tơư, muôz mê njil njêr trâu hâur chiê chi cov sor, muôz tuk ntir têk lok sik ntir tơư nzis trâu hâur thiêz krưr.

Tsav plaz: muôz luz txir caz nzưr tso cuô cov tas cxôngr têx đêiv nhiêk. Nox iz hnuz 3 luz.

Tsâus plâuz hâu txix txir caz nzưr uô trâu plâuz hâu nxênhr, tsik muôx flơưk tâuz hâu. Nzuôr muôs txix đêx tor cuô txir caz nzưr zuôr uô njêx muôs đơưz, muôz tsâu đêx mak tơưr grêix đơưz, tsư kaz, tir tar tưx. Chêix ntux lax muôz mê nhuôs đa đêx txix cuô txir caz nzưr lok six jông.

Kho moz poz njêx muôs: 2 điêr zâu cuô jơưr cxur, 2 điêr cuô kiều mạch, 2-3 tênhr cuô txir caz nzưr, muôz đêx sor tor txâuk cov nhênhv. Lok sik tsông cov mok nôngz hạnh nhân, điz njuôz zâu, đros oz pêz tênhr cuô txir caz nzưr. Uô ntêx thâuv zuôr plênhr trâu njêx muôs mak nzuôr njêx muôs cov hur si. Plênhr muôx 15-30 phênhv. Đhâu co muôz đêx nzuôr cov hur si.

Kho moz vôngk txix plênhr yuôx uô khax: muôz nôngz txir caz nzưr tsong cov mok tor đros đêx râuz bâu tsês txiêk plênhr trâu njês muôx txos thâuv jông.

Tsuv ndo njôngr: txir caz nzưr mak kâuz, viv li iz jiês zôngv cux tsik tsuv zôngv ntâu. Tsik nox txir caz nzưr cov grêk cir. Lơưr cưk yuôx mak tsik zôngv thâuv tsênhv trâus cuz. Trâus moz khâuz thuôk txiêk./.

(Báo SK&ĐS-Lik Thox cxêik nhênhv)