Yên Bái: Qơư jông trâu tsôngv kruô sơưr đơưk ndis seiz thâuv tuôx txos faz Bắc

          Muk đhâu 3 tỉnh Phú Thọ-Yên Bái-Lào Cai, thâuv tưs tsôngv kruô tưz zuôr đrêk so mê njik ntơưv Mù Cang Chải chiê seiz njiê têz  qơưk. Nhiv no, têx liêx tơư ntêir tưz tâu Bộ vênhx huôv-ju lix muôz ntơưr côngk nhav zos têz qơưk qơư chiv xênhz đrox tsuôs jông lok shông 2007, thâuv cheix ntux no tưz tsi xưk li đrav ntêx, tsuôk pov têx pax jâuz tơưs yiêz đax vok trâu cxiê qơư, seiz njiê lok six jông jav. Niêv lâuk Đỗ Tố Quyên, nhoz Hà Nội tuôx heik pâuz:

          “Thax tsav mak lok six lox đar, liêx tơư ntêir seiz njiê lok six jông, uô trâu tsôngv kruô sơưr đơưk lênhx tưs tuôx txos no cux xar nhoz so mê njik chiê seiz tox trôngz hâur pêk. Cur tưz mul lok six ntâu qơư thiêz iz thax tsav qơư nhiêk muôx nhiêk iz kro jông, nhoz Mù Cang Chải mak jông lok sâuv têx liêx tơư ntêir”.

          Xưk li têx tỉnh txơưr đuô nhoz faz Bắc, Yên Bái xav tinhv ju lix côngv thôngx zos iz thax tsav muôx ntâu kror jông. Chênhr viv li, txix têx huyện qơư kis li Văn Chấn, văn yên, Yên bình txos trâu têx huyện thax tsav tox siêz Mù Cang Chải thiêz Trạm tấu, hâu nov cxuô thax tsav puôr lênhx yax kriê thiêz heik, paz tsôngv box ntơưv qơư uô ju lix. Hâur thax tsav muôx ntâu kror jông lok sâuv chiv xênhz đrox tsuôs thiêz qơư di tích tsi ntâu xưk li têx tỉnh txơưr đuô hâur thax tsav, Yên Bái tưz xav tinhv tâu têx muôx jông ntơưv qơư chiê hu zâuv tsôngv kruô sơưr đơưk tuôx ndis shuôs têz qơưk li: Festival ndis seiz tox trôngz hâur pêk ntơưv đơưv Khau Phạ, Mù Cang Chải, iz hâur têx qơư tso yêz za zux tâu jông yax VN thiêz sâuv ntiêx têz; thị xã Nghĩa Lộ tưz tsi so tsưr tsix uô têx txux chi cêr lov jêv li: Đhiê pax vuôs xòe trâur lâuk, hâur ntơư tsuv heik txos têx jax đhiê pax vuôs xòe jông yax hâur VN shông 2013 đros thiêz muôx 2.013 lênhx nênhs txơưx sênhr chêr, heik gâux, cưr cxiêx….đros cxaz chuôz. Nhoz Yên Bái tsênhv muôx ntâu kror uô tâu jông li: tsưr ziv uô mor blâuv, Yoga uô tâu jông yax hâur VN thiêz sâuv ntiêx têz, muôx 800 lênhx nênhs đros cxaz chuôz. Pos Hoàng Thị Hồng hạnh, Phưv chủ tịch UBND thị xã Nghĩa Lộ, thax tsav qơư tsi so tsưr tsix  têx xor xưv lox hâur tỉnh Yên Bái heik:

           “Tsuv tuôr chiê jông têx txux chi cêr nênhx vênhx huôv chiê nthuôr thiêz piêr kriê trâu tsôngv kruô sơưr đơưk seiz thiêz pâuz txos. Xar uô thiêz pâuz tâu têx txux chi vênhx huôv jông ntơư mak tsuv tuôx trâu Nghĩa Lộ-Mường Lò. Têx li heik no pêz tsênhv sir jos khưx phưx thiêz cxiv kho, uô đuô”.

           Têx shông jê lok no, ju lix 2 tỉnh Phú Thọ thiêz Lào Cai huôv tsar tâu jông. Nhoz đruôz đraz 2 thax tsav qơư no, Yên Bái muôx jông tênhx  qơư chiê huôv tsar. Lar heik zos txox cêr muk chênhr Nội Bài-Lào Cai lok six jông chiê trâu Yên Bái huôv tsar uô luôs hâux lưv no tưz uô tâu tiêr. Yên Bái tok tsôngv kruô txix tiêx đras tuôx thiêz txix đriv têz Lào Cai lok đros thiêz iz tsêr mnov to bê, tâu chôngz lênhx ntâu tuk pâuz txos xar muk ndis shuôs li: Têz qơưk thax tsav qơư di tích tsêr mnov Đông Cuông, ntênhs hội tsêr mnov Đại Cại, tsêr mnov Tuần Quán….. Iz chas ntơư, tỉnh cux tsênhv sir jos huôv tsar uô thax tsav qơư ju lix têz qơưk pak đêx Thác Bà đros yênhx cxenhz poz hiêr lox zâu, tâu pir jông xưk li Hạ Long, nhoz jê iz saz ntơư zos yar tiêx ntâuk poz uô si thiêz têx qơư nhoz, so muôx txâuk trâu tsôngv kruô sơưr đơưk thâuv tuôx txos suôv qơư no. Zơưv Nguyễn Hữu Thắng, Phưv Giám đốc Sở vênhx huôv, Thêv thao thiêz ju lix tỉnh Yên Bái heik:

           “Têx shông lơưr co mak tỉnh chox kriê qênhz shuôs đuô, cxaz nzir chiê cxiv tsa tsưr ziv huôv tsar uô ju lix Yên bái ntu txix nhiv no txos shông 2015 thiêz uô ndar txos trâu shông 2030. Chêx tsôngk trâu njuôk hov thax tsav qơư ju lix cấp têz qơưk pak đêx Thác Bà. Cxiv tsa thiêz fuô uô têx đêx anr lok sâuv huôv tsar ju lix. Pêz cux sir jos piêr kriê têx muôx jông hâur shông ju lix Yên Bái, muôx tsưr ziv tsênhz mênhx hâur kriê txux chi, tsưr ziv, gra siêz tsơưr lươngv pênhr jos. Uô jông luôs hâux lưv hux jos hâur 8 tỉnh Tây Bắc đêz đar’.

          Shông 2016 nhiv kruôr đhâu, tỉnh Yên Bái tok muôx xar iz tsov lênhx tsôngv kruô tuôx ndis shuôs têz qơưk, ntâu yax txix thâuv ntêx txos nhiv no, hâur ntơư muôx 20.400 lênhx kruô ntiêx têz,  sâu tâu 250 tỷ đeiv. Chiê tror hu zâuv tâu chôngz lênhx tsôngv kruô tuôx ndis seiz têz qơưk, ngênhx ju lix Yên Bái tsênhv cxơưz tiês cxuô luôs hâux lưv yax kriê; yưv pênhr huôv tsar cxiv uô têx côngz trênhx jông thiêz tsiv uô ntâu xiv huv ju lix yiêz. Txix ntơư chox Yên Bái yênhx qơư jông chiê hu zâuv tsôngv kruô sơưr đơưk nhiêv tuôx ndis seiz txos, lar heik hâur têz qơưk shông ju lix faz Bắc 2017 no./.

(Đinh Tuấn-Riê Lâux cxeik, nhênhv)

PHÊNHV TSÊNHV CHEI THIÊZ LUZ NÊNHX 2

Cxôngx 46 shông zuôr tâu seiz shuôk tso so lâus nzor

          Zơưv Trần Văn Thụ- Tỉnh Sơn La nus: Cur xênhz shông 1965, gôngr BHXH tâu 19 shông 11 luz hlik ntơưv tsêr meir thax Vạn Điểm, thị trấn Phú Minh, Phú Xuyên, Hà Nội, shông 2004 so hâux lưv lơưr Nghị định số 41/2002/NĐ-CP taz sik tsi tâu sơưv phênhv paz txưv 1 jiês. Shông no cur 51 shông, ntâus grê seiz njuôs đas jos lox tôngv trâus txu grês 61%. Zos li, chiê gôngr tas 1 hli BHXH tsênhv yuôr uô ntâuz ntơưr so lâus uô ntêx six hơưv mak uô tul tsi chiê tâu so lâus uô ntêx hnuz nhôngs lơưr cui tênhv?

          BHXHTP.Hà Nội têz lul nus li no:

          Zơưv Trần Văn Thụ, xênhz shông 1965, shông 2004 so lâus lơưr NĐ 41/2002/NĐ-CP taz sik tsi tâu sơưv phênhv paz txưv 1 jiês. Thâuv so hâux lưv, zơưv tưz gôngr BHXH tâu 19 shông 11 luz hlik. Zơưv gôngr tas 1 luz hlik cov txưv 20 shông cxaz chuôz BHXH. Viv zơưv tsi heik tsênhz mênhx luz hlik zơưv xênhz, viv li BHXHTP Hà Nội tsi têz tsênhz mênhx lok hnuz nhôngs chiê sơưv têx nhiêx so lâus trâu cox.

          Tsov lơưr cui tênhv ntơưv Chei BHXH số 58/2014/QH 13 muôx txux zôngv cxôngx hnuz xiêz 1/1/2016 đros thiêz hnuz nhôngs, txu grês pênhr xưv lox tôngv thiêz phênhv tâu sơưv li no:

          Lơưr cui tênhv ntơưv Grê 55 Chei BHXH số 58/2014/QH13 lok theox chênhv sơưv nhiêx shar so lâus txu grês pênhr xưv lox tôngv: Nênhs lox tôngv thâuv so hâux lưv muôx txâuk 20 gôngr BHXH ndê mul mak tâu sơưv nhiêx shar so lâus đros phênhv kis đuô pir đros thiêz nênhs muôx txâuk theox chênhv sơưv nhiêx shar so lâus cui tênhv ntơưv Grê 54:

          - Cxôngx hnuz xiêz 1/1/2016, txir nênhx txưv 51 shông, pox niêv txưv 46 shông thiêz trâus txu grês đas jos lox tôngv cxôngx 61% ndê mul mak muôx txâuk theox chênhv sơưv nhiêx shar so lâus thâuv đas jos lox tôngv trâus txu grês. Đhâu iz shôngk chuôz ndê iz shông hnuz nhôngs txos shông 2020 ndê mul, txir nênhx txưv 55 shông thiêz pox niêv txưv 50 shông mak thiêx txâuk theox chênhv sơưv nhiêx shar so lâus thâuv trâus txu grês đas jos lox tôngv 61% ndê mul;

          - Txir nênhx txưv 50 shông, pox niêv txưv 45 shông thiêz trâus txu grês đas jos lox tôngv cxôngx 81% ndê mul;

          - Trâus txu grês đas jos lox tôngv cxôngx 61% ndê mul thiêz muôx txâuk 15 shông ndê mul uô hâux lưv lok sik côngz xưv hnhar, muôx tsơưr tưx riêz nênhs zos Bộ lox tôngv saz pênhz thiêz xã hội, Bộ y tế tso tơưv. Li ntơưv, zos txir nênhx txưv 51 shông thiêz trâus txu grês đas jos lox tôngv 61% mak zơưv muôx txâuk theox chênhv chiê so lâus uô ntêx hov hnuz nhôngs cui tênhv so lâus.

          Hồ sơ sơưv nhiêx shar so lâus đros thiêz nênhs lox tôngv tsênhv gôngr BHXH muôx:

          - Ntơưr BHXH;

         - Cuiz tênhv so hâux lưv sơưv chế độ so lâus lok sik ntâuz ntơưr tso tsês hôx thôngx lox tôngv sơưv chế độ so lâus;

         - Hội đồng seiz njuôs y khoa li têx ntâuz ntơưr seiz njuôs shuôk txu grês đas jos lox tôngv đros thiêz nênhs so lâus lơưr cui tênhv ntơưv grê 55 Chei no lok sik ntơưr côngz jênhv trâus moz HIV/AIDS tiv txiêz nanv hâux lưv uô đros thiêz lênhx nênhs lox tôngv cui tênhv ntơưv grê 54 Chei no./.

( Thanh Thủy- Txâur Vax cxeik nhênhv)